Vaibhav Sooryavanshi MI vs RR IPL 2026: जसप्रीत बुमराहच्या गोलंदाजीवर 2 गगनचुंबी षटकार ठोकले, मुंबईला लोळवलं; आता वैभव सूर्यवंशीची 4 शब्दांची पोस्ट!
Vaibhav Sooryavanshi MI vs RR IPL 2026: यशस्वी जैस्वाल आणि वैभव सूर्यवंशी यांनी स्फोटक फलंदाजी करत राजस्थानला भक्कम धावसंख्या उभारून दिली.
Vaibhav Sooryavanshi MI vs RR IPL 2026: आयपीएल 2026 च्या हंगामात (IPL 2026) काल मुंबई इंडियन्स आणि राजस्थान रॉयल्स (Mumbai Indians vs Rajasthan Royals) यांच्यात सामना खेळणव्यात आला. या सामन्यात राजस्थान रॉयल्सने मुंबई इंडियन्सवर 27 धावांनी (MI vs RR) विजय मिळवला. पावसाच्या व्यत्ययामुळे प्रत्येकी 11 षटकांच्या खेळविण्यात आलेल्या या सामन्यात राजस्थानने प्रथम फलंदाजीचे निमंत्रण मिळाल्यानंतर 11 षटकांत 3 बाद 150 धावा उभारल्या. यानंतर मुंबईला 11 षटकांत 9 बाद 123 धावांवर रोखत राजस्थानने सलग तिसऱ्या विजयाची नोंद केली.
3/3 & RR say Halla Bol! 🩷
— Star Sports (@StarSportsIndia) April 7, 2026
First with the bat, then with the ball & clinical Rajasthan outclass Mumbai with ease! 👏💪
NEXT ON #TATAIPL 2026 | #DCvGT 👉 WED, 8th APR, 6.30 PM pic.twitter.com/q2xK8PBKSk
यशस्वी जैस्वाल (Yashasvi Jaiswal) आणि वैभव सूर्यवंशी (Vaibhav Sooryavanshi) यांनी स्फोटक फलंदाजी करत राजस्थानला भक्कम धावसंख्या उभारून दिली. यशस्वी जैस्वालने केवळ 23 चेंडूत अर्धशतक ठोकताना 32 चेंडूत नाबाद 77 धावा कुटल्या. तर वैभव सूर्यवंशीने 14 चेंडूत 39 धावा ठोकल्या. विशेष म्हणजे वैभव सूर्यवंशीने जसप्रीत बुमराहच्या पहिल्याच चेंडूवर षटकार मारला. तर जसप्रीत बुमराहच्या तीन चेंडूंवर वैभव सूर्यवंशीने दोन षटकार ठोकले. वैभव सूर्यवंशीच्या डावाची सध्या सोशल मीडियावर चांगलीच चर्चा रंगली आहे. (Vaibhav Sooryavanshi Jasprit Bumrah Six)
सामना जिंकल्यानंतर वैभव सूर्यवंशी काय म्हणाला? (Vaibhav Sooryavanshi vs Mumbai Indians)
15 वर्षीय वैभव सूर्यवंशीने मुंबई इंडियन्सविरुद्ध एक धडाकेबाज खेळी साकारली. 278.57 च्या स्ट्राईक रेटने फलंदाजी करताना, वैभव सूर्यवंशीने आपल्या या खेळीत 5 षटकार आणि 1 चौकार लगावत 39 धावा केल्या. जसप्रीत बुमराहसमोरही त्याने आपली खेळण्याची रणनीती बदलली नाही. उलट, जसप्रीत बुमराहच्या पहिल्याच षटकात त्याने दोन षटकार ठोकले. मुंबई इंडियन्सविरुद्ध सामना जिंकल्यानंतर आता वैभव सूर्यवंशीने 4 शब्दांची पोस्ट केली आहे. सामन्यातील काही फोटो शेअर करुन तुम्ही दिलेल्या पाठिंब्यासाठी धन्यवाद...असं वैभव सूर्यवंशीने म्हटलं आहे.
View this post on Instagram
मुंबई आणि राजस्थानचा सामना कसा राहिला? (Rajasthan Royals vs Mumbai Indians)
151 धावांचा पाठलाग करताना मुंबईच्या डावाची सुरुवातच धक्क्याने झाली. सलामीवीर रायन रिकलटन 8 धावा करून जोफ्रा आर्चरच्या चेंडूवर ध्रुव जुरेलकडे झेल देऊन बाद झाला. त्यानंतर अनुभवी रोहित शर्माकडून मोठ्या खेळीची अपेक्षा होती, मात्र संदीप शर्माने त्याला अवघ्या 5 धावांवर पायचीत करून माघारी धाडले. फॉर्ममध्ये असलेला सूर्यकुमार यादव देखील अपयशी ठरला. त्याला नांद्रे बर्गरने 6 धावांवर असताना जोफ्रा आर्चरच्या हाती झेलबाद केले. तर कर्णधार हार्दिक पंड्याने 9 चेंडूत 15 धावा केल्या, पण तोदेखील मोक्याच्या वेळी बाद झाला. रवी बिश्नोई आणि नांद्रे बर्गर यांनी प्रत्येकी 2 बळी घेत मुंबईच्या मधल्या फळीचे कंबरडे मोडले. मुंबई इंडियन्सला 11 षटकांत 9 गड्यांच्या मोबदल्यात 123 धावा करता राजस्थान रॉयल्सने 27 धावांनी शानदार विजय मिळवला.
संबंधित बातमी:
महत्त्वाच्या बातम्या
