भारताची विजयाची हॅटट्रिक! ओमानविरुद्ध 21 धावांनी विजय, सामन्यात काय घडलं? जाणून घ्या सर्वकाही

20/09/2025 00:06:24

IND vs Oman Score : भारताची विजयाची हॅटट्रिक! ओमानविरुद्ध 21 धावांनी विजय, सामन्यात काय घडलं? जाणून घ्या सर्वकाही

भारताने ओमानविरुद्धचा शेवटचा गट सामना 21 धावांनी जिंकला. शेख झायेद स्टेडियमवर भारताने विजय मिळवला असला तरी, ओमानच्या आघाडीच्या फलंदाजांनी एकेकाळी भारताला कठीण वेळ दिली. हार्दिक पांड्याने डावाच्या 18 व्या षटकात एक शानदार झेल घेतला आणि सामना भारताच्या बाजूने वळवला आणि सूर्यकुमार यादव आणि कंपनीने विजय निश्चित केला.

19/09/2025 23:33:18

IND vs Oman Live Score : ओमान संघासमोर भारतीय गोलंदाज हतबल! हातातून निसटणार का सामना? ओमान जिंकण्यासाठी इतक्या धावांची गरज

आमिर कलीमने फक्त 38 चेंडूत त्याचे दुसरे टी-20 अर्धशतक झळकावले. तो चांगल्या फॉर्ममध्ये दिसत आहे. ओमानचा स्कोअर 120 च्या पुढे गेला. ओमानला जिंकण्यासाठी 24 चेंडूत 58 धावांची गरज आहे.

19/09/2025 23:27:11

IND vs Oman Live Score : 14 षटकांत 100 धावा

ओमानने 14 व्या षटकात 100 धावा पूर्ण केल्या. भारताने या सामन्यात आतापर्यंत फक्त एकच विकेट घेतली आहे.

19/09/2025 23:26:29

IND vs Oman Live Score : ओमानच्या डावातील 10 षटक पूर्ण, एक विकेट गमावून 62 धावा

ओमान 189 धावांच्या प्रचंड धावसंख्येचा पाठलाग करत आहे. त्यांच्या डावातील दहा षटक पूर्ण झाले आहेत आणि 62 धावा केल्या आहेत, आता विजयासाठी 60 चेंडूत 127 धावांची आवश्यकता आहे. भारतासाठी कुलदीप यादवने एकमेव विकेट घेतली आहे.

19/09/2025 23:26:12

IND vs Oman Live Score : इंडियाला ओमानविरुद्ध पहिला ब्रेकथ्रू! कुलदीप यादवने घेतली विकेट

कुलदीप यादवने टीम इंडियाला ओमानविरुद्ध पहिला ब्रेकथ्रू मिळवून दिला आहे. कुलदीपने ओमानचा कर्णधार जतिंदर सिंगला बाद केले. जतिंदरने 33 चेंडूत 32 धावांची खेळी केली. अशाप्रकारे, ओमानने 56 धावांवर आपला पहिला विकेट गमावला.

19/09/2025 23:25:53

IND vs Oman Live Score : पहिल्या पाच षटकात एकही विकेट नाही, ओमानने काढल्या 33 धावा

भारताविरुद्धच्या सामन्यात ओमानने स्थिर सुरुवात केली आहे. प्रथम फलंदाजी करणाऱ्या भारताने निर्धारित 20 षटकात आठ विकेट गमावून 188 धावा केल्या. प्रत्युत्तर, ओमानने पहिल्या पाच षटकात न गमावता 33 धावा केल्या आहेत.

19/09/2025 23:25:38

IND vs Oman Live Score : ओमानचा डाव सुरू

भारतीय संघाने दिलेल्या 189 धावांच्या लक्ष्याचा पाठलाग करण्यासाठी ओमानचे सलामीवीर मैदानावर उतरले आहेत. ओमानकडून जतिंदर आणि कलीम डावाची सुरुवात करत आहेत. भारताकडून हार्दिक पांड्या पहिला षटक टाकत आहे.

19/09/2025 21:55:41

IND vs Oman Live Score : भारताने ओमानला दिले इतके धावांचे लक्ष्य, फक्त एका खेळाडूने ठोकले अर्धशतक, जाणून घ्या अपडेट्स

आशिया कप गटातील शेवटच्या सामन्यात भारताने ओमानविरुद्ध 188 धावा केल्या आहेत. टीम इंडियाकडून संजू सॅमसनने सर्वाधिक 56 धावा केल्या. अभिषेक शर्माने नेहमीप्रमाणे 253 च्या धमाकेदार स्ट्राईक रेटने फलंदाजी करत भारतीय संघाला चांगली सुरुवात दिली. ओमानसाठी शाह फजलने चार षटकांत फक्त 23 धावा दिल्या आणि चार विकेट घेतल्या.

19/09/2025 21:39:20

IND vs Oman Live Score : टीम इंडियाला मोठा धक्का! संजू सॅमसन आऊट

भारताचा सहावा धक्का संजू सॅमसनच्या रूपात आला, त्याला शाह फैसलच्या चेंडूवर आर्यन बिश्तने झेलबाद केले. त्याने 45 चेंडूत 56 धावा केल्या. हर्षित राणा आता तिलक वर्माच्या साथीला येतो.

19/09/2025 21:38:12

IND vs Oman Live Score : संजू सॅमसनचे अर्धशतक

संजू सॅमसनने 41 चेंडूत तिसरे टी-20 अर्धशतक झळकावले. तो उत्कृष्ट फॉर्ममध्ये दिसत आहे. तिलक वर्मा देखील त्याला साथ देण्यासाठी आहे. भारताचा धावसंख्या पाच बाद 169आहे.

19/09/2025 21:18:36

IND vs Oman Live Score : 130 धावांवर टीम इंडियाचा अर्धा संघ तंबूत!

भारताचा अर्धा संघ 130 धावांवर पॅव्हेलियनमध्ये परतला होता. आमिर कलीमने संघाला चौथा आणि पाचवा धक्का दिला. प्रथम, त्याने अक्षर पटेलला मागे झेलबाद केले आणि नंतर त्याने शिवम दुबेला बाद केले. दोन्ही फलंदाज अनुक्रमे 26 आणि पाच धावांवर बाद झाले. आता, संजू सॅमसनला पाठिंबा देण्यासाठी तिलक वर्मा आला.

19/09/2025 20:53:18

IND vs Oman Live Score : टीम इंडियाला दोन षटकात 2 मोठे धक्का! अभिषेक शर्मानंतर हार्दिक पांड्याने सोडली टीमची साथ, जाणून घ्या अपडेट्स

72 धावांवर असताना, भारताला जितेन रामानंदीने दुसरा धक्का दिला. अभिषेक शर्मा 38 धावांवर बाद झाला. चौथ्या क्रमांकावर फलंदाजीसाठी आलेला हार्दिक पंड्याही एका धावेवर धावबाद झाला. अक्षर पटेल आता संजू सॅमसनसोबत खेळत आहे. भारतीय कर्णधार सूर्यकुमार यादव अशा फलंदाजांना संधी देत आहे, ज्यांना मागील सामन्यांमध्ये संधी मिळाली नाही.

19/09/2025 20:31:02

IND vs Oman Live Score : दुसऱ्या षटकात टीम इंडियाला मोठा धक्का! शुभमन गिलने सोडली टीमची साथ, इतक्या धावांवर झाला 'क्लीन बोल्ड'

ओमानने सुरुवात चांगली केली. डावाच्या दुसऱ्या षटकात त्यांना पहिला ब्रेकथ्रू मिळाला. शुभमन गिल 8 चेंडूत 5 धावा काढून बाद झाला. फैसल शाहने गिलला क्लीन बोल्ड केले.

19/09/2025 19:42:07

IND vs Oman Live Score Asia Cup 2025 : जाणून घ्या टीम इंडियाची प्लेइंग-11

अभिषेक शर्मा, शुभमन गिल, संजू सॅमसन, सूर्यकुमार यादव, तिलक वर्मा, शिवम दुबे, हार्दिक पंड्या, अक्षर पटेल, हर्षित राणा, अर्शदीप सिंग, कुलदीप यादव.

19/09/2025 19:41:50

IND vs Oman Live Score Asia Cup 2025 : जाणून घ्या ओमान संघाची प्लेइंग-11

आमिर कलीम, जतिंदर सिंग, हम्माद मिर्झा, विनायक शुक्ला, शाह फैसल, जिकिरिया इस्लाम, आर्यन बिष्ट, मोहम्मद नदीम, शकील अहमद, समय श्रीवास्तव, जितेन रामानंदी.

19/09/2025 19:40:37

IND vs Oman Live Score Asia Cup 2025 : कर्णधार सूर्याने घेतला मोठा निर्णय

भारतीय कर्णधार सूर्यकुमार यादवने ओमानविरुद्धच्या सामन्यासाठी प्लेइंग इलेव्हनमध्ये दोन बदल केल्याची घोषणा केली. वरुण चक्रवर्तीची जागा हर्षित राणाने घेतली आहे आणि जसप्रीत बुमराहची जागा अर्शदीप सिंगने घेतली आहे. या सामन्यासाठी भारताने दोन स्पेशालिस्ट स्पिनर्स आणि दोन स्पेशालिस्ट गोलंदाजांना मैदानात उतरवले आहे. ओमाननेही दोन बदल केले आहेत.

19/09/2025 19:37:55

IND vs Oman Live Score Asia Cup 2025 : टीम इंडियाने नाणेफेक जिंकली!

आज शुक्रवार 19 सप्टेंबर रोजी भारत आणि ओमान यांच्यात लीग स्टेजचा शेवटचा सामना रंगणार आहे. ज्यामध्ये भारताचा कर्णधार सूर्यकुमार यादवने नाणेफेक जिंकून फलंदाजीचा निर्णय घेतला. ओमान प्रथम गोलंदाजी करेल.

19/09/2025 17:52:20

IND vs Oman Live Score : भारत विरुद्ध ओमान, सामना किती वाजता सुरू होईल?

भारत आणि ओमान यांच्यातील हा सामना अबू धाबी येथील शेख झायेद स्टेडियमवर खेळला जाईल. हा सामना अबू धाबी येथे संध्याकाळी 6:30 वाजता सुरू होणार आहे, तर सामना भारतीय वेळेनुसार रात्री 8 वाजता सुरू होईल.

19/09/2025 17:51:54

IND vs Oman Live Score : फ्री, फ्री, फ्री... येथे पाहता येईल भारत विरुद्ध ओमान फुकटात सामना, जाणून घ्या (Where to Watch IND vs Oman Match Live Telecast)

सोनी स्पोर्ट्स नेटवर्ककडे आशिया कप 2025 चे प्रसारण हक्क आहेत आणि ते केबल टीव्ही किंवा डीटीएच प्लॅटफॉर्मवर उपलब्ध असतील. त्याच वेळी, आशिया कप 2025 चे थेट प्रक्षेपण डीडी स्पोर्ट्सवर देखील उपलब्ध असेल, परंतु फक्त भारताचे सामने डीडी फ्री डिशवर उपलब्ध असतील. त्यामुळे तुम्ही भारत विरुद्ध ओमान सामना डीडी स्पोर्ट्सवर फ्री मध्ये पाहू शकता.

IND vs Oman Score : भारताची विजयाची हॅटट्रिक! ओमानविरुद्ध 21 धावांनी विजय, सामन्यात काय घडलं? जाणून घ्या सर्वकाही

INDIA vs Oman Live Score Asia Cup 2025 Update : आज शुक्रवार 19 सप्टेंबर रोजी भारत आणि ओमान यांच्यात लीग स्टेजचा शेवटचा सामना रंगणार आहे.

पार्श्वभूमी