Team India T20 Captain: टी-20 क्रिकेट हा वेगवान आणि रोमांचक खेळ आहे. या टी-20 च्या फॉरमॅटमध्ये (Team India T20 Format) कर्णधाराची भूमिका आणखी महत्त्वाची असते. कारण प्रत्येक चेंडूवर निर्णय सामना बदलू शकतो. आतापर्यंत भारताने टी-20 क्रिकेटमध्ये अनेक कर्णधार पाहिले आहेत आणि त्या प्रत्येकाने त्यांच्या स्वतःच्या शैलीने टीम इंडियाला नवीन उंचीवर नेले आहे. सर्वात जास्त सामन्यांमध्ये टीम इंडियाचे (Team India) नेतृत्व कोणी केले आणि त्यावेळी विजयाचा टक्का किती होता, याबाबत जाणून घ्या...
महेंद्रसिंग धोनी- (MS Dhoni)
भारताला पहिला टी-20 विश्वचषक विजय मिळवून देणारा महेंद्रसिंग धोनीने 2007 ते 2016 पर्यंत टीम इंडियाचे नेतृत्व केले. धोनीने एकूण 72 सामन्यांमध्ये टीम इंडियाचे नेतृत्व केले, त्यापैकी 41 सामन्यांमध्ये टीम इंडियाने विजय मिळवला. या काळात टीम इंडियाचा विजयाची टक्केवारी 56.94 इतकी होती.
रोहित शर्मा- (Rohit Sharma)
रोहित शर्माने 2017 ते 2024 च्या दरम्यान 62 सामन्यांमध्ये टीम इंडियाचे नेतृत्व केले. भारताने यापैकी 49 सामने जिंकले आणि फक्त 12 सामने गमावले. रोहितच्या नेतृत्वाखाली टीम इंडियाच्या विजयाची टक्केवारी 79.03 इतकी होती, रोहित शर्माच्या आक्रमक दृष्टिकोनामुळे आणि मोठ्या सामन्यांमधील वर्चस्वामुळे भारताने अनेक संस्मरणीय विजय मिळवले आहेत.
विराट कोहली- (Virat Kohli)
विराट कोहलीने 2017 ते 2021 दरम्यान 50 सामन्यांमध्ये भारताचे नेतृत्व केले. भारताने यापैकी 30 सामने जिंकले आणि 16 सामने गमावले. या काळात टीम इंडियाचा विजयाचा टक्केवारी 60 इतकी होती. कोहलीच्या आक्रमक नेतृत्वामुळे आणि उत्कृष्ट फलंदाजी कामगिरीमुळे भारताला एक वेगळी ओळख मिळाली आहे.
सूर्यकुमार यादव- (Suryakumar Yadav)
सूर्यकुमार यादवने 2023 ते 2025 दरम्यान 26 सामन्यात कर्णधारपद भूषवले आहेत, त्यापैकी 21 सामने टीम इंडियाने जिंकले आहेत. यादरम्यान टीम इंडियाच्या विजयाची टक्केवारी 80.76 इतकी होती. सूर्यकुमार यादवच्या नेतृत्वाखालील टीम इंडियाच्या विजयाची टक्केवारी सर्वाधिक आहे. आशिया कपमध्येही सूर्याच्या नेतृत्वाखाली संघाची कामगिरी अधिक आक्रमक आणि आत्मविश्वासू दिसून आली.
हार्दिक पांड्या- (Hardik Pandya)
2022 ते 2023 पर्यंत हार्दिक पांड्याने 16 सामन्यांमध्ये भारतीय संघाचे नेतृत्व केले. त्यापैकी 10 सामने जिंकले आणि 5 सामन्यात पराभवाचा सामना करावा लागला. यादरम्यान, टीम इंडियाच्या विजयाची टक्केवारी 62.50 इतकी होती. हार्दिकला भारतीय संघाचा भावी कर्णधार मानले जात होते, परंतु दुखापती आणि संघातील संतुलनाच्या समस्यांमुळे त्याचा कर्णधार म्हणून कार्यकाळ कमी झाला.