T20 World Cup 2026 Points Table : टी-20 वर्ल्ड कप 2026 पॉइंट्स टेबलमध्ये खळबळ! अफगाणिस्तान OUT?, ग्रुप A मध्ये भारत–पाकिस्तान कुठे?
T20 World Cup Points Table 2026 Update : आयसीसी टी-20 वर्ल्डकप 2026 जसजसा रंगात येत आहे, तसतशी गुणतालिकेतील चुरस अधिकच वाढत आहे.
T20 World Cup Points Table 2026 Update : आयसीसी टी-20 वर्ल्डकप 2026 जसजसा रंगात येत आहे, तसतशी गुणतालिकेतील चुरस अधिकच वाढत आहे. काही संघांनी सुरुवातीलाच दमदार कामगिरी करत आपले वर्चस्व सिद्ध केले आहे, तर काही बलाढ्य संघांवर दबावाचे सावट दिसू लागले आहे. 12 फेब्रुवारीपर्यंतची स्थिती अनेक संघांसाठी आशादायी तर काहींसाठी चिंताजनक ठरली आहे.
ग्रुप A : भारत–पाकिस्तान लढतीकडे सर्वांचे लक्ष
ग्रुप A मध्ये पाकिस्तानने दोन सामन्यांत दोन विजय मिळवत 4 गुणांसह अव्वल स्थान पटकावले आहे. त्यांचा नेट रनरेटही मजबूत असल्याने त्यांना आघाडी मिळाली आहे. भारताने पहिल्या सामन्यात विजय मिळवत 2 गुणांची कमाई केली असून तो दुसऱ्या स्थानावर आहे. आता टीम इंडियाचा पुढील सामना नामिबियाविरुद्ध आहे. हा सामना मोठ्या फरकाने जिंकल्यास भारत टेबलमध्ये अव्वल स्थानाच्या शर्यतीत आघाडी घेऊ शकतो. नीदरलँड्सनेही 2 गुण मिळवत स्पर्धेत आपली उपस्थिती दाखवली आहे. मात्र अमेरिका आणि नामिबिया अद्याप पहिल्या विजयाच्या शोधात आहेत. त्यामुळे या गटात भारत–पाकिस्तान महामुकाबलाच ‘ग्रुप टॉपर’ ठरवणारा ठरू शकतो.
ग्रुप A गुणतालिका
पाकिस्तान – 2 सामने, 2 विजय, 4 गुण
भारत – 1 सामना, 1 विजय, 2 गुण
नीदरलँड्स – 2 सामने, 1 विजय, 2 गुण
नामिबिया – 1 सामना, 0 विजय, 0 गुण
अमेरिका – 2 सामने, 0 विजय, 0 गुण
ग्रुप B : श्रीलंकेची धडाकेबाज कामगिरी
ग्रुप B मध्ये श्रीलंकेने ओमानवर 105 धावांनी भव्य विजय मिळवला. प्रथम फलंदाजी करताना श्रीलंकेने 20 षटकांत 225 धावांचा डोंगर उभा केला, जो या स्पर्धेतील आतापर्यंतचा सर्वात मोठा स्कोर आहे. प्रत्युत्तर ओमानला 20 षटकांत 120 धावांवरच रोखण्यात आले. आयर्लंड आणि ओमानसाठी मात्र पुढील मार्ग कठीण झाला आहे.
ग्रुप B गुणतालिका
श्रीलंका – 2 सामने, 2 विजय, 4 गुण
ऑस्ट्रेलिया – 1 सामना, 1 विजय, 2 गुण
झिम्बाब्वे – 1 सामना, 1 विजय, 2 गुण
आयर्लंड – 1 सामना, 0 विजय, 0 गुण
ओमान – 1 सामना, 0 विजय, 0 गुण
ग्रुप C : वेस्ट इंडिजची जोरदार पुनरागमन
ग्रुप C मध्ये वेस्ट इंडिजने इंग्लंडवर मात करत अव्वल स्थान मिळवले आहे. स्कॉटलंडनेही सलग दोन विजय मिळवत 4 गुणांसह मजबूत स्थिती निर्माण केली आहे. इंग्लंड तिसऱ्या स्थानावर घसरला असून त्यांच्यावर पुढील सामन्यांचा दबाव वाढला आहे. नेपाळ आणि इटलीला अजून गुणतालिकेत वर येण्यासाठी कडवी झुंज द्यावी लागणार आहे.
ग्रुप C गुणतालिका
वेस्ट इंडिज – 2 सामने, 2 विजय, 4 गुण
स्कॉटलंड – 2 सामने, 2 विजय, 4 गुण
इंग्लंड – 2 सामने, 1 विजय, 2 गुण
नेपाळ – 1 सामना, 0 विजय, 0 गुण
इटली – 1 सामना, 0 विजय, 0 गुण
ग्रुप D : अफगाणिस्तान अडचणीत
ग्रुप D मध्ये न्यूझीलंड आणि दक्षिण आफ्रिका यांनी प्रत्येकी दोन विजय मिळवत सुपर 8 कडे भक्कम पाऊल टाकले आहे. अफगाणिस्तानला सलग दोन पराभवांचा सामना करावा लागला आहे. त्यातील एक सामना डबल सुपर ओव्हरपर्यंत रंगला होता. आता त्यांच्यासाठी पुढील फेरी गाठणे अत्यंत कठीण झाले आहे. कॅनडा आणि यूएई देखील तळाशीच आहेत.
ग्रुप D गुणतालिका
न्यूझीलंड – 2 सामने, 2 विजय, 4 गुण
दक्षिण आफ्रिका – 2 सामने, 2 विजय, 4 गुण
अफगाणिस्तान – 2 सामने, 0 विजय, 0 गुण
कॅनडा – 1 सामना, 0 विजय, 0 गुण
यूएई – 1 सामना, 0 विजय, 0 गुण
स्पर्धा अजून बराच पल्ला गाठायचा आहे, मात्र सुरुवातीच्या निकालांनी चित्र स्पष्ट केले आहे. आता प्रत्येक सामना “करो किंवा मरो” ठरणार आहे. भारत–पाकिस्तान लढतीकडे तर संपूर्ण क्रिकेटविश्वाचे लक्ष लागले आहे.
हे ही वाचा -
महत्त्वाच्या बातम्या
