T20 World Cup 2026 Super 8 Schedule : 9 दिवसांत, 12 सामने... टी-20 विश्वचषक 2026 सुपर-8 चे वेळापत्रक जाहीर; भारत, पाकिस्तानचे सामने कधी?, जाणून घ्या सर्वकाही
T20 World Cup 2026 Super 8 Schedule Update News : टी-20 विश्वचषक 2026 मध्ये ग्रुप फेरीत एकूण 40 सामने होणार होते.
T20 World Cup 2026 Super 8 Schedule Update Marathi News : टी-20 विश्वचषक 2026 मध्ये ग्रुप फेरीत एकूण 40 सामने होणार होते. 35व्या सामन्यानंतरच सुपर-8 फेरीत पोहोचणाऱ्या सर्व 8 संघांचा निर्णय झाला. नामिबियावर दणदणीत विजय मिळवत पाकिस्तानने सुपर-8 मध्ये प्रवेश करणारा आठवा आणि शेवटचा संघ ठरला. याआधी भारत, न्यूझीलंड, इंग्लंड, दक्षिण आफ्रिका, वेस्ट इंडिज, झिम्बाब्वे आणि श्रीलंका यांनी पुढील फेरीत आपले स्थान निश्चित केले होते. सुपर-8 फेरीची सुरुवात 21 फेब्रुवारीपासून होणार आहे.
सुपर-8 मध्ये दोन गट
सुपर-8 फेरीसाठी पात्र ठरलेल्या आठ संघांना प्रत्येकी चार-चार संघांचे दोन गट करण्यात आले आहेत. गट 1 मध्ये भारत, दक्षिण आफ्रिका, वेस्ट इंडिज आणि झिम्बाब्वे यांचा समावेश आहे. गट 2 मध्ये पाकिस्तान, न्यूझीलंड, इंग्लंड आणि श्रीलंका हे संघ आहेत. गट 1 मधील सामने भारतात खेळवले जाणार आहेत, तर गट 2 मधील सामने श्रीलंकेत पार पडतील.
21 फेब्रुवारी रोजी सुपर-8 फेरीतील पहिला सामना कोलंबो येथील आर. प्रेमदासा स्टेडियममध्ये न्यूझीलंड आणि पाकिस्तान यांच्यात रंगणार आहे. भारतीय संघ आपला पहिला सामना 22 फेब्रुवारी रोजी दक्षिण आफ्रिकेविरुद्ध खेळणार आहे.
सुपर-8 गट :
गट 1 : भारत, दक्षिण आफ्रिका, वेस्ट इंडिज, झिम्बाब्वे
गट 2 : पाकिस्तान, न्यूझीलंड, इंग्लंड, श्रीलंका
सुपर-8 फेरीत आता प्रत्येक सामना ‘करो किंवा मरो’ असा असणार असून, उपांत्य फेरीसाठीची चुरस आणखी रंगणार आहे.
T20 विश्वचषक 2026: सुपर-8 वेळापत्रक
| तारीख | सामना | मैदान | वेळ (IST) |
| २१ फेब्रुवारी | न्यूझीलंड vs पाकिस्तान | आर. प्रेमदासा स्टेडियम, कोलंबो | संध्याकाळी ७:०० |
| २२ फेब्रुवारी | इंग्लंड vs श्रीलंका | पल्लेकेले इंटरनॅशनल स्टेडियम, कँडी | दुपारी ३:०० |
| २२ फेब्रुवारी | भारत vs दक्षिण आफ्रिका | नरेंद्र मोदी स्टेडियम, अहमदाबाद | संध्याकाळी ७:०० |
| २३ फेब्रुवारी | झिम्बाब्वे vs वेस्ट इंडिज | वानखेडे स्टेडियम, मुंबई | संध्याकाळी ७:०० |
| २४ फेब्रुवारी | इंग्लंड vs पाकिस्तान | पल्लेकेले इंटरनॅशनल स्टेडियम, कँडी | संध्याकाळी ७:०० |
| २५ फेब्रुवारी | न्यूझीलंड vs श्रीलंका | आर. प्रेमदासा स्टेडियम, कोलंबो | संध्याकाळी ७:०० |
| २६ फेब्रुवारी | वेस्ट इंडिज vs दक्षिण आफ्रिका | नरेंद्र मोदी स्टेडियम, अहमदाबाद | दुपारी ३:०० |
| २६ फेब्रुवारी | भारत vs झिम्बाब्वे | एम.ए. चिदंबरम स्टेडियम, चेन्नई | संध्याकाळी ७:०० |
| २७ फेब्रुवारी | इंग्लंड vs न्यूझीलंड | आर. प्रेमदासा स्टेडियम, कोलंबो | संध्याकाळी ७:०० |
| २८ फेब्रुवारी | पाकिस्तान vs श्रीलंका | पल्लेकेले इंटरनॅशनल स्टेडियम, कँडी | संध्याकाळी ७:०० |
| १ मार्च | झिम्बाब्वे vs दक्षिण आफ्रिका | अरुण जेटली स्टेडियम, दिल्ली | दुपारी ३:०० |
| १ मार्च | भारत vs वेस्ट इंडिज | ईडन गार्डन्स, कोलकाता | संध्याकाळी ७:०० |
महत्त्वाच्या बातम्या
