Ind vs Pak Live : पाकिस्तानची बोलती बंद, टॉसच्या वेळी सूर्यकुमार यादवने नेमकं काय केलं? पाहा Video
India vs Pakistan No Handshake : भारत आणि पाकिस्तान यांच्यातील टी-20 विश्वचषक 2026 चा सामना कोलंबोच्या आर. प्रेमदासा स्टेडियमवर सुरू झाला आहे.
India vs Pakistan No Handshake : भारत आणि पाकिस्तान यांच्यातील टी-20 विश्वचषक 2026 चा सामना कोलंबोच्या आर. प्रेमदासा स्टेडियमवर सुरू झाला आहे. बऱ्याच वादविवादानंतर अखेर दोन्ही संघ मैदानात उतरले. भारतीय संघाने पाकिस्तानविरुद्धची नो हँडशेक पॉलिसी कायम ठेवत पुन्हा एकदा स्पष्ट संदेश दिला. टॉसच्या वेळी भारतीय कर्णधार सूर्यकुमार यादव याने पाकिस्तानचा कर्णधार सलमान आगाशी हस्तांदोलन न करता थेट आपल्या भूमिकेची जाणीव करून दिली.
क्रिकेटमध्ये आयसीसी स्पर्धेत भारतीय कर्णधाराने प्रतिस्पर्धी कर्णधाराशी हस्तांदोलन न करण्याची ही पहिलीच वेळ ठरली. आशिया कप 2025 पासून हा पायंडा सुरू झाला असला, तरी आयसीसी स्पर्धेत अशी भूमिका प्रथमच पाहायला मिळाली. सामन्याच्या आदल्या दिवशी पत्रकार परिषदेत सूर्यकुमार यांना हँडशेकबाबत प्रश्न विचारण्यात आला होता. त्यावर त्याने, “यासाठी उद्यापर्यंत थांबलेलं बरं,” असं सूचक उत्तर दिलं होतं. आणि अखेर टॉसच्या वेळी त्याने कृतीतूनच उत्तर दिलं.
#SalmanAliAgha has won the toss and elected to field first! 🤔
— Star Sports (@StarSportsIndia) February 15, 2026
What total will #TeamIndia post in this all-important clash? 🔥
ICC Men’s #T20WorldCup | #INDvPAK | LIVE NOW 👉https://t.co/SpqYo6n3dL pic.twitter.com/e6R5Kldx26
दरम्यान, पाकिस्तानने टॉस जिंकून प्रथम गोलंदाजीचा निर्णय घेतला. टॉस हरल्यानंतर सूर्यकुमार यादव म्हणाले, “आम्हाला आधी फलंदाजी करण्यास काहीच अडचण नाही. खरं तर आम्ही तेच करू इच्छित होतो. इथल्या परिस्थितीचा आणि आधीच्या दोन सामन्यांचा अनुभव आमच्या बाजूने आहे. आम्ही धावसंख्या बचावत दोन्ही सामने जिंकले आहेत, त्यामुळे संघात मोठे बदल करण्याची गरज वाटली नाही.”
भारतीय संघात 2 बदल...
मागील सामना दुखापतीमुळे चुकवलेल्या अभिषेक शर्माची संघात पुनरागमन झाले आहे. तर खेळपट्टीच्या परिस्थितीचा विचार करून अर्शदीप सिंगऐवजी अतिरिक्त फिरकीपटू कुलदीप यादवला अंतिम अकरात स्थान देण्यात आले आहे.
भारताची प्लेइंग इलेव्हन :
अभिषेक शर्मा, ईशान किशन (यष्टीरक्षक), तिलक वर्मा, सूर्यकुमार यादव (कर्णधार), हार्दिक पांड्या, शिवम दुबे, रिंकू सिंग, अक्षर पटेल, कुलदीप यादव, वरुण चक्रवर्ती आणि जसप्रीत बुमराह.
पाकिस्तानची प्लेइंग इलेव्हन :
सॅम अयूब, साहिबजादा फरहान, सलमान आगा (कर्णधार), बाबर आझम, मोहम्मद नवाज, शादाब खान, फहीम अशरफ, उस्मान खान (यष्टीरक्षक), शाहीन आफ्रिदी, अबरार अहमद आणि उस्मान तारिक.
हे ही वाचा -
महत्त्वाच्या बातम्या
