SRH vs RCB Live Score IPL 2026 Update : हैदराबादने आपला शेवटचा सामना जिंकला, पराभवानंतरही आरसीबी गुणतालिकेत अव्वल स्थानी, SRHने RCBला 55 धावांनी लोळवलं

Sunrisers Hyderabad vs Royal Challengers Bengaluru Live Update IPL 2026 In Marathi : आयपीएल 2026 मधील 67वा सामना आज हैदराबादच्या राजीव गांधी आंतरराष्ट्रीय स्टेडियम येथे रंगणार आहे.

पार्श्वभूमी

Sunrisers Hyderabad vs Royal Challengers Bengaluru Live Update IPL 2026 In Marathi : आयपीएल 2026 मधील 67वा सामना आज हैदराबादच्या राजीव गांधी आंतरराष्ट्रीय स्टेडियम येथे रंगणार आहे. या लढतीत सनरायझर्स हैदराबाद आणि रॉयल चॅलेंजर्स बंगळूर आमनेसामने भिडणार आहेत. लीग टप्प्यातील दोन्ही संघांचा हा अखेरचा सामना असून प्लेऑफपूर्वी टॉप-2 मध्ये स्थान मिळवण्यासाठी ही निर्णायक जंग ठरणार आहे. गतविजेता आरसीबी सध्या 18 गुणांसह गुणतालिकेत अव्वल स्थानावर आहे. 10 संघांमध्ये त्यांचा +1.065 असा सर्वोत्तम नेट रनरेट आहे. आजचा सामना जिंकल्यास आरसीबीला पहिलं स्थान निश्चित करता येणार असून अंतिम फेरीत पोहोचण्यासाठी दोन संधी मिळतील. दुसरीकडे, सनरायझर्स हैदराबादचे 13 सामन्यांत 16 गुण आहेत आणि संघ तिसऱ्या स्थानावर आहे. दुसऱ्या क्रमांकावर असलेल्या गुजरात टायटन्स संघाचेही 18 गुण आहेत. मात्र गुजरातचा नेट रनरेट +0.695 इतका मजबूत आहे, तर हैदराबादचा नेट रनरेट +0.350 आहे. त्यामुळे टॉप-2 मध्ये झेप घेण्यासाठी हैदराबादला आज आरसीबीवर मोठ्या फरकाने विजय मिळवणं अत्यावश्यक आहे. प्लेऑफपूर्वीची ही सुपरहिट लढत आता चाहत्यांसाठी जबरदस्त थरार घेऊन येणार आहे.

22/05/2026 23:35:36

SRH vs RCB Live Score IPL 2026 Update : हैदराबादने आपला शेवटचा सामना जिंकला, पराभवानंतरही आरसीबी गुणतालिकेत अव्वल स्थानी, SRHने RCBला 55 धावांनी लोळवलं

आज 22 मे रोजी आयपीएल 2026 मध्ये सनरायझर्स हैदराबाद आणि रॉयल चॅलेंजर्स बंगळूरूयांच्यात सामना झाला. हा सामना हैदराबाद येथील राजीव गांधी आंतरराष्ट्रीय क्रिकेट स्टेडियमवर खेळला गेला. कर्णधार पॅट कमिन्सने नाणेफेक जिंकून प्रथम फलंदाजी करण्याचा निर्णय घेतला. इशान किशन, हेनरिक क्लासेन आणि अभिषेक शर्मा यांच्या अर्धशतकांच्या जोरावर ऑरेंज आर्मीने 255 धावा केल्या. 256 धावांचे लक्ष्य गाठताना आरसीबीला फक्त 200 धावाच करता आल्या.

22/05/2026 21:36:07

SRH vs RCB Live Score IPL 2026 Update : अभिषेक, इशान अन् क्लासेनचा तांडव, हैदराबादने आरसीबीसमोर ठेवले 256 धावांचे लक्ष्य

हैदराबादने आरसीबीसमोर 256 धावांचे लक्ष्य ठेवले.

 

नाणेफेक जिंकून प्रथम फलंदाजी करण्याचा निर्णय घेतलेल्या हैदराबादने, अभिषेक शर्मा, इशान किशन आणि हेनरिक क्लासेन यांच्या अर्धशतकांच्या जोरावर 20 षटकांत चार गडी गमावून 255 धावा केल्या.

 

आरसीबीकडून रसिक सलामने दोन, तर कृणाल पांड्याने एक बळी घेतला.

 

22/05/2026 19:21:58

SRH vs RCB Live Score IPL 2026 Update : सनरायझर्स हैदराबाद संघाची प्लेइंग-11

अभिषेक शर्मा, ट्रॅव्हिस हेड, इशान किशन, हेनरिक क्लासेन, सलील अरोरा,स्मरण रविचंद्रन, नितीश कुमार रेड्डी, पॅट कमिन्स, शिवांग कुमार, एशान मलिंगा, साकिब हुसेन

22/05/2026 19:21:01

SRH vs RCB Live Score IPL 2026 Update : रॉयल चॅलेंजर्स बंगळुरू संघाची प्लेइंग-11

विराट कोहली, देवदत्त पडिक्कल, रजत पाटीदार, व्यंकटेश अय्यर, जितेश शर्मा, कृणाल पंड्या, रोमॅरियो शेफर्ड, भुवनेश्वर कुमार, जोश हेजलवूड, सुयश शर्मा, रसिक सलाम दार

22/05/2026 19:19:40

SRH vs RCB Live Score IPL 2026 Update : कुठेही गेलो तरी तो आमचा होम ग्राऊंडच...; रजत पाटीदार काय म्हणाला?

"आम्ही देशात कुठेही गेलो तरी चाहत्यांमुळे ते आम्हाला आमचे होम ग्राऊंडच वाटते. गुणतालिकेत तुम्ही टॉपवर आहात की तळाला, याने काही फरक पडत नाही. आयपीएलसारख्या स्पर्धात्मक क्रिकेटमध्ये प्रत्येक सामन्यात उच्च दर्जाचा खेळ करणे महत्त्वाचे असते. जर तुम्हाला चॅम्पियनशिप जिंकायची असेल, तर प्रत्येक गोष्ट अचूक (Tick all the boxes) करावी लागते."

पाटीदारने सांगितले की या हंगामात संघाला दुखापतींचा फारसा सामना करावा लागलेला नाही. मात्र, आजच्या सामन्यासाठी संघात एक बदल करण्यात आला आहे. जेकब बेथेल (Jacob Bethell) याच्या बोटाला दुखापत झाल्यामुळे त्याच्या जागी रजत पाटीदारचा प्लेइंग-11 मध्ये समावेश करण्यात आला आहे.

22/05/2026 19:19:02

SRH vs RCB Live Score IPL 2026 Update : नाणेफेक जिंकल्यानंतर पॅट कमिन्स काय म्हणाला?

"आम्ही आधी फलंदाजी करू. गुणतालिकेत पहिल्या दोन क्रमांकांवर स्थान मिळवणे थोडे कठीण वाटत असले, तरी आज आम्ही त्यासाठी पूर्ण ताकदीने प्रयत्न करू. आम्ही आधीच प्लेऑफसाठी पात्र (Qualify) झालो आहोत, त्यामुळे आज पोर मैदानावर जाऊन खेळाचा आनंद घेतील. प्लेऑफ आणि फायनलच्या दृष्टीने आज आम्ही काही नवीन गोष्टी करून पाहणार आहोत आणि स्वतःची चाचणी घेणार आहोत. आमचा प्लॅन मोठा धावसंख्या उभारून त्याचा यशस्वी बचाव करण्याचा असेल."

22/05/2026 19:18:24

SRH vs RCB Live Score IPL 2026 Update : हैदराबादने जिंकला टॉस

आयपीएल 2026 च्या 67 व्या सामन्यात आज सनरायझर्स हैदराबाद (SRH) आणि रॉयल चॅलेंजर्स बंगळुरू (RCB) हे दोन बलाढ्य संघ हैदराबादच्या राजीव गांधी आंतरराष्ट्रीय स्टेडियमवर आमनेसामने येत आहेत. 

या महत्त्वाच्या सामन्यात सनरायझर्स हैदराबादचा कर्णधार पॅट कमिन्सने टॉस (नाणेफेक) जिंकून आधी फलंदाजी करण्याचा निर्णय घेतला आहे.