Shaheen Afridi Death Fact Check News : पाकिस्तानचा वेगवान गोलंदाज शाहीन शाह आफ्रिदीचा (Shaheen Afridi News) निधन झालं असा दावा करणारा एक व्हिडिओ सोशल मीडियावर जोरदार व्हायरल होत आहे. या व्हिडिओमध्ये सांगितलं जातं की लाहोरमध्ये शाहीन शाह आफ्रिदीला 7 गोळ्या झाडून ठार करण्यात आलं आणि पाकिस्तानच्या क्राइम कंट्रोल डिपार्टमेंट (CCD) ने त्याच्या मारेकऱ्यांना अटक केली आहे. इतकंच नाही, तर या व्हिडिओमध्ये शाहीनच्या मृत्यूनंतर हजारोंच्या संख्येने जमलेली गर्दी दाखवण्यात आली आहे.
व्हायरल व्हिडिओचे सत्य काय आहे?
सोशल मीडियावर व्हायरल होणाऱ्या एका व्हिडिओमध्ये पाकिस्तानी वेगवान गोलंदाज शाहीन शाह आफ्रिदीचा मृत्यू झाल्याचा दावा करण्यात आला होता. मात्र, सत्य हे आहे की हा व्हिडिओ AI च्या मदतीने तयार केलेला असून पूर्णपणे खोटा आहे. सोशल मीडियावर व्हायरल झालेल्या या पोस्टमध्ये शाहीन आफ्रिदीचा एक फोटो देखील दाखवण्यात आला, ज्यामध्ये तो शाहीनच्या मृत्यूच्या बातमीवर रडत असल्याचा दावा करण्यात आला, पण हा फोटोही दिशाभूल करणारा आहे. तपासाअंती स्पष्ट झालं आहे की शाहीन शाह आफ्रिदी पूर्णपणे आणि जिवंत आहेत. त्याची निवड पाकिस्तानच्या आशिया कप संघात करण्यात आली आहे आणि तो नियमित सराव करत आहेत.
शाहीन आफ्रिदीची कारकीर्द
25 वर्षीय शाहीन आफ्रिदी गेल्या अनेक वर्षांपासून पाकिस्तान संघाच्या वेगवान आक्रमणाचे नेतृत्व करत आहे. त्याने आतापर्यंत 31 कसोटी सामन्यांमध्ये 116 बळी घेतले आहेत, तर 66 एकदिवसीय सामन्यांमध्ये 131 बळी घेतले आहेत. जर आपण त्याच्या टी-20 कारकिर्दीवर नजर टाकली तर आफ्रिदीने आतापर्यंत 81 सामन्यांमध्ये 104 बळी घेतले आहेत. आफ्रिदीने आतापर्यंतच्या आंतरराष्ट्रीय कारकिर्दीत 178 सामन्यांमध्ये 351 बळी घेतले आहेत.
शाहीन शाह आफ्रिदीची आशिया कप 2025 साठी पाकिस्तान संघात निवड
पाकिस्तान क्रिकेट बोर्डाने (PCB) रविवारी (17 ऑगस्ट) आशिया कप आणि त्रिकोणी मालिकेसाठी पाकिस्तानच्या संघाची घोषणा केली आहे. ज्यामध्ये सलमान अली आघा याच्याकडे कर्णधारपदाची धुरा सोपवण्यात आली आहे, तर शाहीन शाह आफ्रिदी संघात आहे. तर बाबर आझम आणि मोहम्मद रिजवान यांची निवड झाली नाही. आहेत.
आशिया कपसाठी पाकिस्तानचा संघ - सलमान अली आघा (कर्णधार), अबरार अहमद, फहीम अशरफ, फखर जमां, हारिस रऊफ, हसन अली, हसन नवाज, हुसैन तलत, खुशदिल शाह, मोहम्मद हारिस (यष्टिरक्षक), मोहम्मद नवाज, मोहम्मद वसीम ज्युनियर, साहबजादा फरहान, सैम अय्यूब, सलमान मिर्झा, शाहीन शाह आफ्रिदी आणि सुफियान मुकिम.