Ind vs NZ Final T20 World Cup 2026 : फायनलच्या एकदिवसाआधी सचिनचा फोन, विश्वचषक जिंकल्यानंतर संजू सॅमसनने सांगितलं गुपित, सगळं बोलताना भावूकही झाला, काय म्हणाला?
Ind vs NZ Final T20 World Cup 2026 : टी-20 वर्ल्ड कप 2026 मध्ये टीम इंडिया विजेती ठरली असून या ऐतिहासिक विजयात दोन भारतीय खेळाडूंनी मोठी भूमिका बजावली.
Sanju Samson credits Sachin Tendulkar : टी-20 वर्ल्ड कप 2026 (T20 World Cup 2026) मध्ये टीम इंडिया विजेती ठरली असून या ऐतिहासिक विजयात दोन भारतीय खेळाडूंनी मोठी भूमिका बजावली. त्यामुळेच स्पर्धेतील दोन सर्वात मोठे पुरस्कारही त्यांच्या नावावर गेले. संजू सॅमसनला ‘प्लेयर ऑफ द टूर्नामेंट’ (Sanju Samson 'Player of the Tournament') तर अंतिम सामन्यात चार विकेट्स घेणाऱ्या जसप्रीत बुमराहला ‘प्लेयर ऑफ द मॅच’ (Jasprit Bumrah 'Player of the Match') हा पुरस्कार देण्यात आला. भारताला तिसऱ्यांदा विश्वविजेते बनवण्यात या दोघांचे योगदान अत्यंत मोलाचे ठरले.
संजू सॅमसनने या स्पर्धेत 5 सामन्यांच्या 5 डावांत तब्बल 321 धावा केल्या. त्यामुळे तो या स्पर्धेत भारताकडून सर्वाधिक धावा करणारा फलंदाज ठरला. दुसरीकडे जसप्रीत बुमराहने संपूर्ण स्पर्धेत 14 विकेट्स घेतल्या. या दोन्ही खेळाडूंच्या कामगिरीमुळेच टीम इंडियाने टी-20 वर्ल्ड कप 2026 वर आपले नाव कोरले. सुरुवातीच्या अंतिम संघात नसलेला सलामीवीर संजू सॅमसनचे पुरस्कार स्वीकारताना त्याचे डोळे पाणावले होते.
The smiles say it all 😌
— BCCI (@BCCI) March 8, 2026
Vibe of champions 😎#TeamIndia | #T20WorldCup | #MenInBlue | #Final pic.twitter.com/F65Rn4Fi1E
संजू सॅमसन काय म्हणाला? (Sanju Samson T20 World Cup 2026)
पुरस्कार स्वीकारताना संजू सॅमसन म्हणाला की, “हे खरंच स्वप्नासारखं वाटतंय. खूप, खूप आनंद झाला आहे आणि मी खूप आभारी आहे. शब्दच सुचत नाहीत, भावना व्यक्त करता येत नाहीत. अजूनही हे सगळं घडतंय असंच वाटतंय, त्यामुळे सगळं थोडं अविश्वसनीय वाटत आहे.
सलग तीन सामन्यांतील विजयी खेळीबद्दल काय म्हणाला संजू?
संजू सॅमसन म्हणाला की, खरं सांगायचं तर, ही गोष्ट एक-दोन वर्षांपूर्वीच सुरू झाली होती. 2024 चा विश्वचषक जिंकणाऱ्या संघासोबत मी वेस्ट इंडिजमध्ये होतो, पण मला एकही सामना खेळायला मिळाला नाही. त्या काळात मी सतत कल्पना करत होतो, स्वप्न पाहत होतो आणि स्वतःवर काम करत होतो. त्या वेळी मी मनाशी ठरवलं होतं की मला इतकी मेहनत करायची आहे, की एक दिवस मी असंच काहीतरी करून दाखवेन. देवाच्या कृपेने आज सगळं तसं घडलं.
पुढे तो म्हणाला की, न्यूझीलंड मालिकेनंतर मात्र मी खूप खचून गेलो होतो. मला वाटलं होतं की माझं स्वप्नं संपलं. आता पुढे काय करायचं? पण देवाने कदाचित वेगळंच काही ठरवलं होतं. अचानक मला महत्त्वाच्या सामन्यांमध्ये पुन्हा संधी मिळाली आणि देशासाठी जे शक्य होतं ते मी केलं. त्यामुळे आज मला स्वतःचा अभिमान वाटतो आणि आनंदही होतो की मी त्या स्वप्नांवर विश्वास ठेवण्याचं धैर्य दाखवलं. आणि आज सगळं इतकं सुंदररीत्या घडलं आहे.
सचिन तेंडुलकरचं नाव घेत आजच्या फलंदाजीबद्दल काय म्हणाला संजू? (Sanju Samson credits Sachin Tendulkar)
संजू सॅमसन म्हणाला की, खरं सांगायचं तर, भारतीय संघातील अनेक माजी वरिष्ठ खेळाडूंनी मला खूप मार्गदर्शन केलं. गेल्या काही महिन्यांपासून मी सतत सचिन तेंडुलकर सरांच्या संपर्कात होतो. ऑस्ट्रेलियात मी संघाबाहेर बसलो होतो, तेव्हा मला वाटलं की आता योग्य मानसिकता काय असावी? म्हणून मी त्यांच्याशी संपर्क साधला. आमच्यात अनेक गोष्टीवर चर्चा झाल्या. कालही त्यांनी मला फोन करून माझी विचारपूस केली. त्यांच्यासारख्या महान खेळाडूकडून मार्गदर्शन मिळणं, याहून मोठं आणखी काय असू शकतं? त्यांच्या बोलण्यामुळे मला खेळाबद्दलची समज वाढली. ज्यांनी मला साथ दिली, त्या सगळ्यांचा मी मनापासून आभारी आहे.
हे ही वाचा -
महत्त्वाच्या बातम्या
