Ind vs Sa 1st T20 : डर्बनमध्ये सूर्या ब्रिगेडने फोडले विजयाचे फटाके! आफ्रिकेला घरच्या मैदानावर पाजले पराभवाचे पाणी, T20 मालिकेत 1-0 ने आघाडी
भारताने दक्षिण आफ्रिकेचा 61 धावांनी पराभव केला. आणि चार सामन्यांच्या टी-20 मालिकेत भारताने 1-0 अशी आघाडी घेतली.
India beat South Africa 1st T20 : भारत आणि दक्षिण आफ्रिका यांच्यातील चार सामन्यांच्या मालिकेतील पहिला टी-20 आंतरराष्ट्रीय सामना डर्बनमधील किंग्समीड मैदानावर खेळवला गेला. ज्यामध्ये सूर्या ब्रिगेडने पहिल्याच सामन्यात विजयाचे फटाके फोडले आणि दक्षिण आफ्रिकेला घरच्या मैदानावर पराभवाचे पाणी पाजले. यासह चार सामन्यांच्या टी-20 मालिकेत भारताने 1-0 अशी आघाडी घेतली. भारताने दक्षिण आफ्रिकेचा 61 धावांनी पराभव केला. विक्रमी शतक झळकावणारा सलामीवीर संजू सॅमसन (107) टीम इंडियाच्या विजयाचा तारा होता. तर वरुण चक्रवर्ती (3/25) आणि रवी बिश्नोई (3/28) या फिरकी जोडीने मिळून अर्धा संघ उद्ध्वस्त केला.
A clinical bowling display by #TeamIndia in Durban👌👌
— BCCI (@BCCI) November 8, 2024
South Africa all out for 141.
India win the 1st #SAvIND T20I by 61 runs and take a 1-0 lead in the series 👏👏
Scorecard - https://t.co/0NYhIHEpq0 pic.twitter.com/36MRC63RHD
संजू सॅमसनने ठोकले शानदार शतक
भारताकडून संजू सॅमसन आणि अभिषेक शर्मा सलामीला आले, पण अभिषेक 7 धावा करून बाद झाला. गेराल्ड कोएत्झीने त्याला पॅव्हेलियनचा रस्ता दाखवला. यानंतर कर्णधार सूर्यकुमार यादव आणि सॅमसन यांच्यात चांगली भागीदारी झाली, पण 90 धावांवर पॅट्रिक क्रुगरने भारताला दुसरा धक्का दिला. 17 चेंडूत 21 धावा करून सूर्या बाद झाला. त्यानंतर तिलक वर्मा आणि संजू यांनी टीम इंडियाचा डाव पुढे नेला. त्यानंतर 167 धावांवर तिलक वर्माच्या रूपाने भारताने तिसरी विकेट गमावली. वर्माने 18 चेंडूत 3 चौकार आणि 2 षटकारांच्या मदतीने 33 धावा केल्या.
हार्दिक पांड्या-रिंकू सिंग फेल
यानंतर भारताच्या सातत्याने विकेट पडत राहिल्या. संजू सॅमसनही शानदार शतक झळकावून बाद झाला. त्याला नाकाबायोमजी पीटरने बाद केले. संजूने 50 चेंडूत 107 धावांची खेळी खेळली. या काळात त्याच्या बॅटमधून 7 चौकार आणि 10 षटकार आले. त्यानंतर हार्दिक पांड्याने 2 धावा, रिंकू सिंगने 11 धावा केल्या आणि अक्षर पटेलने 7 धावा केल्या. अशाप्रकारे भारताने 8 गडी गमावून 202 धावा केल्या. दक्षिण आफ्रिकेकडून गेराल्ड कोएत्झीने 2 बळी घेतले. पॅट्रिक क्रुगर, केशव महाराज आणि नाकाबायोमजी पीटर यांना प्रत्येकी 1 यश मिळाले.
203 धावांचा पाठलाग करण्यासाठी उतरलेल्या आफ्रिकन संघाची सुरुवात खूपच खराब झाली. अर्शदीप सिंगने पहिल्याच षटकात कर्णधार एडन मार्करामला 8 धावांवर बाद केले. मार्करामला संजू सॅमसनने विकेटच्या मागे झेलबाद केले. ट्रिस्टन स्टब्स (11) लयीत दिसत होता, पण त्याची शिकार आवेश खानने केली. रायन रिकेल्टन (21) गोठलेला दिसत होता. नंतर डेव्हिड मिलर (18) आणि हेनरिक क्लासेन (25) यांनी मिळून चौथ्या विकेटसाठी 42 धावांची भागीदारी करून संघावर नियंत्रण ठेवण्याचा प्रयत्न केला. मात्र फिरकीपटू वरुण चक्रवर्तीने एकाच षटकात दोघांनाही बाद केले. त्यानंतर आफ्रिकन संघाची विकेटची माळ सुरू झाली. फिरकीपटू रवी बिश्नोईने पॅट्रिक क्रुगर (1) आणि अँडिले सेमीलाने (6) यांनाही याच षटकात स्वस्तात बाद केले.
महत्त्वाच्या बातम्या
ट्रेंडिंग न्यूज
पर्सनल कॉर्नर
