Rohit Sharma Retirement: गार्डनमध्ये फिरणाऱ्या पोरांना ओरडणारा निघून गेला; रोहित शर्माच्या निवृत्तीनंतर सर्व भारतीय भावूक
Rohit Sharma Retirement: रोहित शर्माने अचानक कसोटी क्रिकेटमधून निवृत्तीचा निर्णय घेतल्याने सोशल मीडियावर सर्व चाहते भावूक झाल्याचं पाहायला मिळाले.
Rohit Sharma Retirement: इंग्लंडविरुद्धच्या कसोटी मालिकेआधी भारतीय क्रिकेट संघाचा (Team India) कर्णधार रोहित शर्मा (Rohit Sharma Retirement) याने काल (7 मे) कसोटीमधून तडकाफडकी निवृत्ती जाहीर केली. सोशल मीडियावर एक पोस्ट टाकत रोहित शर्माने कसोटी क्रिकेटमधून निवृत्ती घेत असल्याचे सांगितले. रोहित शर्माने (Rohit Sharma) अचानक निवृत्तीचा निर्णय घेतल्याने सोशल मीडियावर सर्व चाहते भावूक झाल्याचं पाहायला मिळाले.
🚨 ROHIT SHARMA ANNOUNCED HIS RETIREMENT FROM TEST CRICKET. 🚨 pic.twitter.com/J0UHGtq3cB
— Mufaddal Vohra (@mufaddal_vohra) May 7, 2025
रोहित शर्माने अनेक मुलाखतींमध्ये वन-डे आणि कसोटी क्रिकेट खेळत राहणार असल्याचं सांगितलं होतं. मात्र काल इन्स्टाग्राम स्टोरीवर एक पोस्ट टाकून कसोटीमधून निवृत्ती घेत असल्याचे सांगितले. रोहित शर्माच्या या निवृत्तीनंतर सोशल मीडियावर भारतीय भावूक झाल्याचं पाहायला मिळाले. गार्डनमध्ये फिरणाऱ्या पोरांना ओरडणारा निघून गेला...सोशल मीडियावर एक पोस्ट टाकत निवृत्ती घेतली, असं नेटकरी भावनिक गाणं टाकत म्हणत आहे.
View this post on Instagram
रोहित काय म्हणाला?
इन्स्टाग्रामवर कसोटी कॅपसह फोटो शेअर करीत रोहितने लिहिले, सर्वांना नमस्कार...मी केवळ शेअर करू इच्छितो की, कसोटी क्रिकेटमधून निवृत्त होत आहे. पांढऱ्या जर्सीत देशाचे प्रतिनिधित्व करणे माझ्यासाठी फार सन्मानाची बाब ठरली. इतकी वर्षे दिलेल्या प्रेमाबद्दल आणि पाठिंब्याबद्दल सर्वांचे आभार. मी वनडेमध्ये देशाचे प्रतिनिधित्व करीत राहणार आहे, असं रोहित शर्मा म्हणाला. दरम्यान बीसीसीआयने देखील एक व्हिडीओ शेअर करत रोहित शर्माला शुभेच्छा दिल्या आहेत.
BCCI VIDEO FOR ROHIT SHARMA.
— Mufaddal Vohra (@mufaddal_vohra) May 7, 2025
- Thank you, Hitman! 🇮🇳pic.twitter.com/GcOqqhrsNv
रोहित शर्माची कसोटी कारकीर्द कशी राहिली?
रोहित शर्मा याने 6 नोव्हेंबर 2013 रोजी कोलकातामधील इडन गार्डन्समध्ये वेस्ट इंडिज विरुद्ध कसोटी पदार्पण केलं होतं. रोहितने तेव्हापासून गेली 12 कसोटी संघांचं प्रतिनिधित्व केलं. तसेच रोहितने या दरम्यान काही वर्ष भारतीय संघाच्या कर्णधारपदाची जबाबदारी सांभाळली. रोहितने 67 कसोटी सामन्यांमधील 116 डावांमध्ये 57.08 या स्ट्राईक रेटने आणि 40.58 च्या सरासरीने 4 हजार 302 धावा केल्या आहेत. रोहितने या दरम्यान 88 षटकार आणि 473 चौकार लगावले. रोहितने 12 वर्षांच्या कसोटी कारकीर्दीत 18 अर्धशतकं, 12 शतकं आणि 1 द्विशतक झळकावलं होतं. रोहितची 212 ही कसोटीतील सर्वोच्च धावसंख्या होती.
संबंधित बातमी:
महत्त्वाच्या बातम्या
