Rohit Sharma Promo Viral : रोहित खोटारड्या... हिटमॅनच्या नव्या शोच्या प्रोमोवरून पेटला वाद; विराट कोहली फॅन्स भडकले, नेमकं काय म्हणाला टीम इंडियाचा स्टार? VIDEO
Rohit Sharma New Show Promo Viral : भारतीय क्रिकेट संघाचा माजी कर्णधार रोहित शर्मा आता लवकरच टेलिव्हिजनच्या दुनियेत एका नव्या अंदाजात दिसणार आहे.
Rohit Sharma New Show Promo Viral : भारतीय क्रिकेट संघाचा माजी कर्णधार रोहित शर्मा आता लवकरच टेलिव्हिजनच्या दुनियेत एका नव्या अंदाजात दिसणार आहे. सोनी टीव्हीवर त्याचा फॅमिली फुल हाऊस विथ रोहित शर्मा हा गेमिंग शो प्रेक्षकांच्या भेटीला येणार आहे. या शोची घोषणा झाल्यापासूनच क्रिकेट चाहत्यांमध्ये उत्सुकता आहे. मात्र, शो प्रसारित होण्यापूर्वीच त्याच्या एका प्रोमोवरून सोशल मीडियावर वाद निर्माण झाला आहे. या प्रोमोमध्ये रोहित शर्मा त्याचा सहकारी क्रिकेटपटू शिखर धवन आणि शोचा होस्ट मनीष पॉल यांच्यासोबत जुन्या आठवणींना उजाळा देताना दिसत आहे. यावेळी त्याने 2014-15 मध्ये झालेल्या भारत-ऑस्ट्रेलिया कसोटी मालिकेदरम्यानचा एक किस्सा सांगितला.
रोहितने नेमकं काय सांगितलं? (Rohit Sharma New Show Promo Viral)
रोहित शर्माने सांगितल्यानुसार, त्यावेळी तो गोलंदाजी करत असताना ऑस्ट्रेलियाचा फलंदाज स्टीव्ह स्मिथ याच्यासोबत त्याची बाचाबाची झाली होती. या प्रसंगात शिखर धवनने आपली साथ दिली आणि ऑस्ट्रेलियन खेळाडूंसमोर तो ठामपणे उभा राहिला, असा दावा रोहितने प्रोमोमध्ये केला आहे. मात्र, रोहितचा हा किस्सा समोर आल्यानंतर सोशल मीडियावर विराट कोहलीच्या चाहत्यांनी नाराजी व्यक्त केली आहे.
विराटच्या चाहत्यांचा रोहितवर आरोप
विराट कोहलीच्या चाहत्यांच्या मते, रोहित ज्या घटनेचा उल्लेख करत आहे, ती प्रत्यक्षात विराट कोहली आणि स्टीव्ह स्मिथ यांच्यात घडली होती. या दाव्याच्या समर्थनार्थ काही चाहत्यांनी त्या काळातील जुने व्हिडीओ आणि फोटो सोशल मीडियावर शेअर केले आहेत. यामुळे रोहित शर्माने चुकीची माहिती दिल्याचा आरोप काही चाहत्यांकडून केला जात आहे. या मुद्द्यावरून सोशल मीडियावर रोहित आणि विराटच्या चाहत्यांमध्ये चर्चेला सुरुवात झाली आहे. मात्र, हा केवळ शोचा प्रोमो असल्याने संपूर्ण संदर्भ अद्याप समोर आलेला नाही. प्रोमोमध्ये रोहितने नेमक्या कोणत्या घटनेचा उल्लेख केला किंवा त्याने तो किस्सा कोणत्या संदर्भात सांगितला, हे संपूर्ण भाग प्रसारित झाल्यानंतरच स्पष्ट होऊ शकते.
straight up lying on national television🙏🙏 https://t.co/H2ZOyuJEfb pic.twitter.com/7KLIwiG6Jw
— flick (@onlykohly) September 11, 2026
19 सप्टेंबरपासून शो प्रेक्षकांच्या भेटीला
वादाच्या पार्श्वभूमीवरही ‘फॅमिली फुल हाऊस विथ रोहित शर्मा’ या शोची उत्सुकता कायम आहे. हा वीकेंड गेमिंग शो असून त्यामध्ये क्रिकेटसह मनोरंजन क्षेत्रातील अनेक प्रसिद्ध व्यक्ती सहभागी होताना दिसणार आहेत. या शोचा पहिला भाग 19 सप्टेंबरपासून सोनी टीव्ही आणि सोनी लिव्हवर प्रसारित होणार आहे. दरम्यान, प्रोमोवरून सुरू झालेल्या या वादावर रोहित शर्मा किंवा शोच्या निर्मात्यांकडून अद्याप कोणतीही अधिकृत प्रतिक्रिया देण्यात आलेली नाही.
हे ही वाचा -
महत्त्वाच्या बातम्या
