Rohit Sharma Clean Bowls Shaheen Afridi : चॅम्पियन्स ट्रॉफी मध्ये भारत आणि पाकिस्तान यांच्यातील सामना दुबईमध्ये खेळला जात आहे. पाकिस्तानने 242 धावांचा पाठलाग करताना कर्णधार रोहित शर्माच्या नेतृत्वाखाली भारताने तुफानी सुरुवात केली. नसीम शाहच्या षटकात रोहितने सलग दोन चेंडूंवर एक चौकार आणि एक षटकार मारला. असं वाटत होतं की रोहित शर्मा वेगवान धावा काढून पाकिस्तानला लवकर पाणी पाजेल. पण 20 धावा काढल्यानंतर तो बाद झाला आणि पॅव्हेलियनमध्ये परतला.
पाचव्या षटकात 31 धावांवर रोहित शर्माच्या रूपात भारताला पहिला धक्का बसला. शाहीन आफ्रिदीने पुन्हा एकदा रोहितला फुलर लेन्थ बॉलने क्लीन बोल्ड केले. रोहित शर्मा बाद झाल्यानंतर, स्टँडमध्ये बसलेली त्याची पत्नी रितिका सजदेहचा चेहरा पडला होता. रोहित शर्मा बाद झाल्यानंतर भारतीय चाहतेही खूप निराश दिसत होते. रितिकाचे फोटो सोशल मीडियावर व्हायरल होत आहेत.
सौद शकील आणि मोहम्मद रिझवान यांच्यात शतकी भागीदारी
त्याआधी पाकिस्तानकडून बाबर आझम आणि इमाम उल हक यांनी चांगली सुरुवात केली होती, पण हार्दिक पंड्याने बाबरला बाद करून पाकिस्तानला पहिला धक्का दिला. यानंतर, इमामचा धावबाद झाला. पण सौद शकील आणि मोहम्मद रिझवान यांनी मिळून डाव सावरण्यासाठी एक शानदार 104 धावांची भागीदारी केली.
अक्षर पटेलने रिझवानला बाद करून ही भागीदारी मोडली. यानंतर, पाकिस्तानच्या विकेट पडण्याचा क्रम सुरू झाला, ज्यामध्ये शकील, तैयब ताहिर, सलमान अली आघा, शाहीन आफ्रिदी, नसीम शाह आणि हरिस रौफ लवकर बाद झाले. हार्दिक पंड्या, कुलदीप यादव, अक्षर पटेल, जडेजा आणि हर्षित राणा यांनी पाकिस्तानी फलंदाजांना धक्का देऊन भारतीय गोलंदाजांनी उत्कृष्ट कामगिरी केली.
हे ही वाचा -