RCB vs KKR Live Update IPL 2026 : विराट कोहलीचे वादळी शतक; आरसीबीचा कोलकाता नाईट रायडर्सवर 6 गडी राखून दणदणीत विजय

RCB vs KKR Live Update IPL 2026 : आयपीएलच्या 19व्या हंगामात आज रॉयल चॅलेंजर्स बंगळूरू आणि कोलकाता नाइट रायडर्स यांच्यात हायव्होल्टेज लढत रंगणार आहे.

पार्श्वभूमी

Royal Challengers Bengaluru vs Kolkata Knight Riders IPL 2026 LIVE Update : आज आयपीएल 2026 मध्ये आणखी एका थरारक सामन्याची रंगत पाहायला मिळणार आहे. प्लेऑफच्या शर्यतीने आता जबरदस्त वेग घेतला असून प्रत्येक सामना संघांसाठी ‘करो या मरो’ ठरत आहे. काल रात्री गुजरात टायटन्सने सनरायझर्स हैदराबादचा तब्बल 82 धावांनी धुव्वा उडवत थेट गुणतालिकेच्या अव्वल स्थानावर झेप घेतली. काही दिवसांपूर्वी टॉपवर असलेली हैदराबादची टीम आता तिसऱ्या क्रमांकावर घसरली आहे. गुजरातने 16 गुणांचा जादुई टप्पा पार केला असून प्लेऑफचे दार जवळपास उघडले आहे. मात्र हैदराबाद अजूनही धोक्याच्या वर्तुळात अडकलेली आहे. त्यामुळे आजचा सामना देखील दोन संघांसाठी अत्यंत निर्णायक ठरणार आहे.आज IPL मध्ये कोणाचा सामना?आयपीएलच्या 19व्या हंगामात आज रॉयल चॅलेंजर्स बंगळूरू आणि कोलकाता नाइट रायडर्स यांच्यात हायव्होल्टेज लढत रंगणार आहे. दोन्ही संघ अजूनही प्लेऑफच्या शर्यतीत कायम असले तरी परिस्थिती पूर्णपणे वेगळी आहे. आरसीबी प्लेऑफच्या उंबरठ्यावर उभी आहे, तर कोलकात्याला अजून मोठा पल्ला गाठायचा आहे.गुणतालिकेत बंगळूरूने 11 सामन्यांत 7 विजय आणि 4 पराभवासह 14 गुण मिळवत दुसरे स्थान पटकावले आहे. आजचा सामना जिंकला तर आरसीबीही गुजरातप्रमाणे 16 गुणांपर्यंत पोहोचेल आणि प्लेऑफचे तिकीट जवळपास निश्चित करेल. त्यांचा नेट रनरेटही दमदार असल्याने ते पुन्हा टेबल टॉपर बनू शकतात.दुसरीकडे कोलकात्याची परिस्थिती तणावपूर्ण आहे. त्यांनी 10 पैकी फक्त 4 सामने जिंकले, 5 गमावले तर 1 सामना निष्फळ ठरला. सध्या त्यांच्या खात्यात 9 गुण असून ते आठव्या स्थानावर आहेत. कोलकात्याचे अजून 4 सामने बाकी आहेत आणि प्लेऑफमध्ये पोहोचायचे असेल तर त्यांना उरलेले चारही सामने जिंकणे जवळपास अनिवार्य आहे. एक जरी पराभव झाला तरी त्यांचे समीकरण पूर्णपणे बिघडू शकते.

14/05/2026 00:24:45

RCB vs KKR Live Update IPL 2026 : विराट कोहलीचे वादळी शतक; आरसीबीचा कोलकाता नाईट रायडर्सवर 6 गडी राखून दणदणीत विजय

शहीद वीर नारायण सिंह आंतरराष्ट्रीय स्टेडियमवर खेळल्या गेलेल्या आयपीएल 2026 च्या 57 व्या सामन्यात रॉयल चॅलेंजर्स बेंगळुरूने (RCB) कोलकाता नाईट रायडर्सचा (KKR) 6 गडी राखून पराभव केला. 

विराट कोहलीच्या नाबाद 105 धावांच्या जोरावर आरसीबीने 193 धावांचे लक्ष्य 5 चेंडू राखून पूर्ण केले.

13/05/2026 22:32:20

RCB vs KKR Live Update IPL 2026 : रघुवंशीच्या अर्धशतकाने बंगळुरूला दिलं 193 धावांचं आव्हान; रिंकू सिंगचा शेवटच्या षटकांत कहर

अंगक्रिश रघुवंशीचे अर्धशतक आणि रिंकू सिंगच्या 49 धावांच्या दमदार खेळीमुळे, कोलकाता नाईट रायडर्सने (केकेआर) रॉयल चॅलेंजर्स बंगळूरसमोर (आरसीबी) 193 धावांचे लक्ष्य ठेवले.

नाणेफेक गमावून प्रथम फलंदाजी करणाऱ्या केकेआरने 20 षटकांत चार गडी गमावून 192 धावा केल्या.

दरम्यान, आरसीबीकडून भुवनेश्वर, हेझलवूड आणि रसिक सलाम यांनी प्रत्येकी एक बळी घेतला.

13/05/2026 20:41:40

RCB vs KKR Live Update IPL 2026 : रॉयल चॅलेंजर्स बंगळुरू संघाची प्लेइंग-11

जेकब बेथेल, विराट कोहली, रजत पाटीदार, जितेश शर्मा, टीम डेव्हिड, व्यंकटेश अय्यर, कृणाल पंड्या, भुवनेश्वर कुमार, रसिक सलाम दार, जेकब डफी, जोश हेजलवुड.

13/05/2026 20:39:45

RCB vs KKR Live Update IPL 2026 : आरसीबीने जिंकली नाणेफेक, प्रथम गोलंदाजीचा निर्णय; केकेआरच्या संघात महत्त्वाचा बदल

शहीद वीर नारायण सिंह आंतरराष्ट्रीय स्टेडियमवर आयपीएल 2026चा 57 वा थरार रंगणार आहे.

रॉयल चॅलेंजर्स बंगळुरू (RCB) आणि कोलकाता नाईट रायडर्स (KKR) यांच्यातील या सामन्यात आरसीबीचा कर्णधार रजत पाटीदारने नाणेफेक (Toss) जिंकून प्रथम क्षेत्ररक्षणाचा (Bowling) निर्णय घेतला आहे.

पावसानंतर सामना पूर्ण 20 षटकांचा होणार

मैदान ओले असल्यामुळे नाणेफेकीला काहीसा विलंब झाला, मात्र चाहत्यांसाठी दिलासादायक बातमी म्हणजे सामन्यातील एकही षटक कमी करण्यात आलेले नाही. सामना 8:45 वाजता सुरू होईल.

 

13/05/2026 20:10:17

RCB vs KKR Live Update IPL 2026 : पावसाचा व्यत्यय संपला! RCB विरुद्ध KKR सामन्याचा टॉस 8:30 वाजता; एकही षटक कमी होणार नाही

आयपीएल 2026 मधील 57 वा महत्त्वपूर्ण सामना आज रॉयल चॅलेंजर्स बंगळुरू (RCB) आणि कोलकाता नाईट रायडर्स (KKR) यांच्यात रंगणार आहे. 

रायपूरच्या शहीद वीर नारायण सिंह आंतरराष्ट्रीय स्टेडियमवर होणाऱ्या या सामन्याला पावसाने काहीसा विलंब लावला असला, तरी चाहत्यांसाठी आता एक आनंदाची बातमी समोर आली आहे.

आज संध्याकाळपासूनच रायपूरमध्ये पावसाची रिपरिप सुरू होती, ज्यामुळे मैदान ओले (Wet Outfield) झाले होते. 

परिणामी, नियोजित वेळेत नाणेफेक होऊ शकली नाही.

पंचांनी खेळपट्टीची आणि मैदानाच्या बाहेरील भागाची पाहणी केल्यानंतर अखेर खेळासाठी हिरवा कंदील दिला आहे.

13/05/2026 19:14:24

RCB vs KKR Live Update IPL 2026 : RCB vs KKR सामन्यात पावसाने घातला खेळात खोडा; रायपूरमध्ये वरुणराजाची बॅटिंग, कधी चालू होणार मॅच? जाणून घ्या Live Update

मैदानातील कर्मचाऱ्यांनी खेळपट्टीवरील आणि आउटफिल्डवरील कव्हर्स काढण्यास सुरुवात केली आहे. कव्हर्सवर साचलेले पाणी अत्यंत काळजीपूर्वक बाजूला केले जात आहे.

तर साधारण रात्री 8:00 ते 8:15 च्या दरम्यान नाणेफेक होण्याची शक्यता आहे.

13/05/2026 19:07:31

RCB vs KKR Live Update IPL 2026 : बंगळुरू विरुद्ध कोलकाता सामन्यात पावसाचा व्यत्यय; खेळपट्टीवरून कव्हर्स काढण्यास सुरुवात

आयपीएल 2026 मधील रॉयल चॅलेंजर्स बंगळुरू (RCB) आणि कोलकाता नाईट रायडर्स (KKR) यांच्यातील 57 व्या महत्त्वाच्या सामन्यात पावसाने हजेरी लावल्यामुळे नाणेफेकीला (Toss) उशीर झाला आहे. 

मात्र, क्रिकेट चाहत्यांसाठी एक आनंदाची बातमी समोर येत आहे.

सध्या पाऊस थांबला असून मैदानावरील कव्हर्स काढण्याचे काम युद्धपातळीवर सुरू झाले आहे.