RCB vs GT Qualifier 1 Live Update : आरसीबीने धर्मशाळाचं मैदान मारलं; गुजरातचा पराभव करत बंगळुरू फायनलमध्ये दिमाखात दाखल

RCB vs GT Qualifier 1 Live Update In Marathi News : आयपीएलच्या पहिल्या क्वालिफायरमध्ये आज रॉयल चॅलेंजर्स बंगळूरु आणि गुजरात टायटन्स यांच्यात जबरदस्त भिडंत रंगणार आहे.

पार्श्वभूमी

Royal Challengers Bengaluru vs Gujarat Titans Qualifier 1 Live Update IPL 2026 : आयपीएलच्या पहिल्या क्वालिफायरमध्ये आज रॉयल चॅलेंजर्स बंगळूरु आणि गुजरात टायटन्स यांच्यात जबरदस्त भिडंत रंगणार आहे. धर्मशालाच्या एचपीसीए स्टेडियमवर होणाऱ्या या सामन्याकडे संपूर्ण क्रिकेटविश्वाचं लक्ष लागलं आहे. सलग दमदार कामगिरी करत गुजरातने मागील 7 पैकी 6 सामने जिंकत प्लेऑफमध्ये धडक मारली आहे, तर आरसीबीला शेवटच्या सामन्यात सनरायझर्स हैदराबादकडून पराभवाचा धक्का बसला होता. त्यामुळे आजचा सामना अधिकच रंगतदार होणार आहे. या हंगामात दोन्ही संघ तिसऱ्यांदा आमनेसामने येत आहेत. याआधी झालेल्या दोन सामन्यांमध्ये दोन्ही संघांनी प्रत्येकी एक विजय मिळवला असून हिशेब बरोबरीत आहे. त्यामुळे आज कोण बाजी मारणार याची उत्सुकता शिगेला पोहोचली आहे.हेड टू हेडमध्ये काट्याची टक्करआरसीबी आणि गुजरात यांच्यात आतापर्यंत एकूण 8 सामने झाले आहेत. त्यापैकी 4 सामने आरसीबीने जिंकले, तर 4 सामने गुजरातच्या नावावर आहेत. त्यामुळे दोन्ही संघांमध्ये कोणाचंही पारडं जड नाही.धर्मशाला पिच काय सांगते?धर्मशालामध्ये झालेल्या बहुतांश रात्रीच्या सामन्यांमध्ये धावांचा पाठलाग करणाऱ्या संघाला फायदा झाल्याचं दिसून आलं आहे. हिरवळीने झाकलेल्या या पिचवर सुरुवातीला चेंडू थोडा थांबून येतो आणि वेगवान गोलंदाजांना मदत मिळते. त्यामुळे पॉवरप्लेमध्ये फलंदाजांची खरी परीक्षा लागणार आहे. आज धर्मशालामधील हवामान स्वच्छ असल्याने चाहत्यांना पूर्ण 20-20 षटकांचा थरार अनुभवायला मिळण्याची शक्यता आहे.हे ही वाचा -IPL Playoffs Highest Run Scorer : कधी IPL वर राज्य केलं, शेवटी लिलावात कुणी विचारलंच नाही; ज्याच्या नावावर प्लेऑफमध्ये सर्वाधिक धावा, कोण आहे तो खेळाडू?

26/05/2026 23:45:59

RCB vs GT Qualifier 1 Live Update : आरसीबीने धरमशालेचं मैदान मारलं; गुजरातचा पराभव करत बंगळुरू फायनलमध्ये दिमाखात दाखल

रॉयल चॅलेंजर्स बंगळूर आयपीएल 2026 च्या अंतिम फेरीत पोहोचणारा पहिला संघ ठरला आहे.

धरमशाला येथे खेळल्या गेलेल्या क्वालिफायर 1 मध्ये, रॉयल चॅलेंजर्स बंगळूरने गुजरात टायटन्सला 92 धावांनी पराभूत केले.

कर्णधार रजत पाटीदारच्या नाबाद 93 धावांच्या खेळीमुळे संघाला 254 धावांपर्यंत मजल मारता आली.

प्रत्युत्तर, गुजरात टायटन्सचा संघ 162 धावांवर सर्वबाद झाला.

जेकब डफी, भुवनेश्वर कुमार, जोश हेझलवूड आणि रसिक सलाम यांनी आरसीबीसाठी भेदक गोलंदाजी करत संघाला अंतिम फेरीत पोहोचवले.

Continues below advertisement

26/05/2026 21:26:59

RCB vs GT Qualifier 1 Live Update : धर्मशालात कर्णधार पाटीदारचं वादळ, गुजरातसमोर ठेवले 254 धावांचं रेकॉर्डब्रेक लक्ष्य, RCB जिंकणार फायनलचं तिकीट?

धर्मशाला येथील हिमाचल प्रदेश क्रिकेट असोसिएशन स्टेडियमवर खेळवल्या जात असलेल्या आयपीएल 2026 च्या पहिल्या क्वालिफायर सामन्यात रॉयल चॅलेंजर्स बंगळुरूने (आरसीबी) धावांचा पाऊस पाडत गुजरात टायटन्ससमोर 255 धावांचे आव्हान ठेवले आहे. गुजरातने नाणेफेक जिंकून प्रथम गोलंदाजीचा निर्णय घेतला, पण आरसीबीच्या फलंदाजांनी तो पूर्णपणे चुकीचा ठरवला. बंगळुरूने निर्धारित 20 षटकांत 5 गड्यांच्या मोबदल्यात 254 धावां केल्या.

आरसीबीची सुरुवात वादळी झाली. व्यंकटेश अय्यरने अवघ्या 7 चेंडूत 19 धावा केल्या. त्यानंतर विराट कोहली आणि देवदत्त पडिक्कल यांनी दुसऱ्या गड्यासाठी 72 धावांची मजबूत भागीदारी केली. कोहलीने 25 चेंडूत 43 धावा (5 चौकार, 1 षटकार) तर पडिक्कलने 19 चेंडूत 30 धावा केल्या.

रजत पाटीदारचे वादळी अर्धशतक!

या डावाचा खरा हिरो ठरला तो कर्णधार रजत पाटीदार. पाटीदारने अवघ्या 33 चेंडूंमध्ये नाबाद 93 धावांची स्फोटक खेळी खेळली, ज्यात 5 चौकार आणि तब्बल 9 गगनचुंबी षटकारांचा समावेश होता. त्याला कृणाल पांड्याने (28 चेंडूत 43 धावा) उत्तम साथ दिली. दोघांमध्ये चौथ्या गड्यासाठी 95 धावांची भागीदारी झाली. शेवटच्या षटकांमध्ये जितेश शर्माने 5 चेंडूत नाबाद 15 धावा करत धावसंख्या 250 पार नेली.

गुजरातकडून जेसन होल्डरने 2 बळी घेतले, तर कागिसो रबाडाने 2 बळी घेतले असले तरी त्याने 54 धावा मोजल्या. मोहम्मद सिराज आणि कुलवंत खेजरोलिया अत्यंत महागडे ठरले. आता गुजरातच्या फलंदाजांना फायनलचे तिकीट मिळवण्यासाठी आयपीएल इतिहासातील एक सर्वात मोठा यशस्वी पाठलाग करावा लागणार आहे.

26/05/2026 19:05:14

RCB vs GT Qualifier 1 Live Update : फायनलचं तिकीट कोणाला? क्वालिफायर-1 मध्ये गुजरातने जिंकला टॉस अन् बंगळुरूसमोर टाकली गुगली

आयपीएल 2026 च्या थरारक प्ले-ऑफ फेरीला आजपासून सुरुवात झाली आहे.

हिमाचल प्रदेश क्रिकेट असोसिएशन स्टेडियम, धर्मशाळा येथे खेळवल्या जाणाऱ्या पहिल्या क्वालिफायर (Qualifier 1) सामन्यात गुजरात टायटन्स (GT) आणि रॉयल चॅलेंजर्स बंगळुरू (RCB) हे दोन बलाढ्य संघ आमनेसामने आहेत.

या महत्त्वपूर्ण सामन्यात गुजरात टायटन्सचा कर्णधार शुभमन गिलने टॉस (नाणेफेक) जिंकून प्रथम गोलंदाजी करण्याचा निर्णय घेतला आहे.

त्यामुळे रजत पाटीदारच्या नेतृत्वाखालील आणि विराट कोहलीचा समावेश असलेला बंगळुरूचा संघ प्रथम फलंदाजीसाठी मैदानात उतरेल.

थेट फायनलचे तिकीट मिळवण्याची संधी

गुणतालिकेत अव्वल दोन स्थानांवर राहिलेल्या या दोन्ही संघांकडे आजचा सामना जिंकून थेट रविवारी होणाऱ्या महाअंतिम फेरीत (Final) धडक मारण्याची सुवर्णसंधी आहे. पराभूत होणाऱ्या संघाला थेट स्पर्धेतून बाहेर व्हावे लागणार नाही, तर त्याला क्वालिफायर 2 मध्ये खेळण्याची आणखी एक संधी मिळेल. मात्र, दोन्ही संघ आजच विजय मिळवून फायनलमधील आपले स्थान निश्चित करण्यासाठी उत्सुक असतील.

Continues below advertisement