RCB vs GT Final Live Update : बंगळुरुने रचला इतिहास, सलग दुसऱ्यांचा जिंकली IPL ची ट्रॉफी

Royal Challengers Bengaluru vs Gujarat Titans Final IPL 2026 Marathi News : जगातील सर्वात श्रीमंत टी-20 लीग आयपीएलचा थरार आता अंतिम टप्प्यात पोहोचला आहे.

पार्श्वभूमी

Royal Challengers Bengaluru vs Gujarat Titans Final IPL 2026 Marathi News : जगातील सर्वात श्रीमंत टी-20 लीग आयपीएलचा थरार आता अंतिम टप्प्यात पोहोचला आहे. इंडियन प्रीमियर लीग 2026 चा महाअंतिम सामना आज अहमदाबाद येथील नरेंद्र मोदी स्टेडियमवर गतवर्षीचे विजेते रॉयल चॅलेंजर्स बंगळूर आणि 2022 चे विजेते गुजरात टायटन्स यांच्यात खेळला जात आहे. 73 सामने आणि 63 दिवसांच्या प्रवासानंतर, 19 व्या हंगामाची ट्रॉफी कोण उचलणार हे आज अखेर स्पष्ट होणार आहे. नाणेफेक सायंकाळी 7:00 वाजता होईल आणि सामना सायंकाळी 7:00 वाजता सुरू होईल.दुसऱ्या विजेतेपदासाठी आरसीबी विरुद्ध जीटी सामनादोन्ही संघांनी प्रत्येकी एकदा आयपीएलचे विजेतेपद पटकावले आहे. त्यामुळे, आरसीबीचा कर्णधार रजत पाटीदार आणि गुजरात टायटन्सचा कर्णधार शुभमन गिल दुसऱ्या विजेतेपदावर डोळा ठेवून असतील. क्वालिफायर-1 मध्ये गुजरात टायटन्सकडून दारुण पराभव पत्करल्यानंतर आरसीबीने धरमशाला येथे अंतिम सामना गाठला होता. आरसीबीकडून झालेल्या पराभवानंतर, गुजरात टायटन्सने क्वालिफायर 2 मध्ये राजस्थानविरुद्ध जोरदार पुनरागमन करत त्यांना पूर्णपणे नामोहरम करून अंतिम फेरीत प्रवेश केला. दोन्ही संघ चांगल्या फॉर्ममध्ये आहेत आणि हा एक अत्यंत चुरशीचा सामना होऊ शकतो.दोन्ही संघांची कामगिरी (Head to head of GT Vs RCB IN IPL)दोन्ही संघ त्यांच्या समोरासमोरील कामगिरीतही बरोबरीत आहेत. गुजरात टायटन्स आणि रॉयल चॅलेंजर्स बंगळूर यांच्यात आयपीएलमध्ये आतापर्यंत नऊ सामने खेळले गेले आहेत, ज्यात आरसीबीने पाच आणि गुजरात टायटन्सने चार सामने जिंकले आहेत. अहमदाबादमधील दोन्ही संघांमधील कामगिरी 1-1 अशी बरोबरीत आहे. आतापर्यंत खेळल्या गेलेल्या नऊ सामन्यांपैकी, पाठलाग करणाऱ्या संघाने आठ सामने जिंकले आहेत. पण, धरमशाला येथे खेळला गेलेला क्वालिफायर 1 हा दोन्ही संघांमधील एकमेव सामना आहे, ज्यात प्रथम फलंदाजी करणाऱ्या संघाने विजय मिळवला आहे.हे ही वाचा -India Athlete Chirag Tyagi News : आशियाई गेम्स आधी रक्ताचा सडा! भारताच्या 25 वर्षीय आंतरराष्ट्रीय धावपटूची गोळ्या झाडून निर्घृण हत्या; पार्कमध्ये आढळला मृतदेह, नेमकं काय घडलं?

31/05/2026 23:46:33

विराट कोहलीची नाबाद 75 धावांची धडाकेबाज खेळी, गुजराविरुद्धच्या अंतिम सामन्यात बंगळुरुचा दणदणीत विजय

रॉयल चॅलेंजर्स बंगळूरने आयपीएल 206 चे विजेतेपद पटकावले आहे. हे त्यांचे सलग दुसरे आयपीएल विजेतेपद आहे. अंतिम सामन्यात आरसीबीने गुजरात टायटन्सचा 5 गडी राखून पराभव केला. प्रथम फलंदाजी करताना गुजरातने 155 धावा केल्या. प्रत्युत्तरात, आरसीबीने 18 व्या षटकातच लक्ष्य पूर्ण करून इतिहास रचला. विराट कोहलीने नाबाद 75 धावांची खेळी केली. आयपीएलच्या इतिहासात सलग दोन हंगामांसाठी आयपीएल ट्रॉफी जिंकणारा आरसीबी हा तिसरा संघ ठरला आहे. यापूर्वी चेन्नई सुपर किंग्सने आणि मुंबई इंडियन्सने पराक्रम केला होता. आता, 2025 चे विजेतेपद पटकावल्यानंतर, बंगळूरने 2026 चे विजेतेपद जिंकून या विशेष यादीत आपले स्थान निश्चित केले आहे.

Continues below advertisement

31/05/2026 23:34:13

सलग दुसऱ्यांदा बंगळुरुने पटकावलं IPL चं विजेतेपद, गुजरातचा दारुण पराभव

IPL 2026 चे विजेतेपद पटकवण्यात बंगळुरुला यश आलं आहे. अंतिम सामन्यात बंगळुरुने गुजरातचा 5 विकेट आणि 12 बॉल राखून पराभव केला. या विजयासह बंगळुरुने इतिहास रचला आहे. सलग दुसऱ्यांचा आयपीएलची ट्रॉफी बंगळुरुने जिंकली आहे. मागली वर्षी 2025 ची आयपीएल ट्रॉफी देखील बंगळुरुने जिंकली होती. 

31/05/2026 23:24:07

बंगळुरुला विजयासाठी केवळ 7 धावांची गरज, विराट कोहलीची तुफान खेळी

आरसीबीने विजयाचे दिशेनं वाटचाल सुरु केली आहे. 17 षटकात 149 धावा झाल्या आहेत. विजयासाठी केवळ 7 धावांचा गरज आहे. विराट कोहलीने 37 चेंडूंमध्ये आठ चौकार आणि दोन षटकारांसह ६३ धावांची दमदार खेळी केली आहे,. 

Continues below advertisement

31/05/2026 22:56:09

विरोट कोहलीची 25 बॉलमध्ये 50 धावांची दमदार खेळी, बंगळुरुचं विजयाच्या दिशेनं पाऊल

विरोट कोहलीने दमदार खेळी केली आहे. कोहलीने 25 बॉलमध्ये 50 धावांची खेळी केली आहे. त्यामुळं आता बंगळुरु विजयाच्या जवळ गेला आहे. 12 षटकात 112  धावा झाल्या आहेत. विजयासाठी आणखी 39 धावांची गरज आहे.

31/05/2026 22:41:48

10 षटकात 4 विकेट गमावत बंगळुरुच्या 100 धावा, कोहलीची दमदार खेळी

आरसीबीसाठी रशीद खानने नवव्या षटकात दोन बळी घेतले. रजत पाटीदार 13 चेंडूंमध्ये 15 धावा करून बाद झाला. त्यानंतर कृणाल पांड्या केवळ एक धाव काढून पॅव्हेलियनमध्ये परतला. आरसीबीने आता चार गडी गमावत 100 धावा केल्या आहेत. 

31/05/2026 22:18:02

बंगळुरुला 63 धावांवर दुसरा धक्का, पडिक्कल 1 धाव करुन बाद

बंगळुरुला दुसरा धक्का बसला आहे. धावसंख्या 63 असताना, सहव्या षटकात देवदत्त पडिक्कलने विकेट गमावली. पडिक्कलने 1 धावा करून बाद झाला. 

31/05/2026 22:14:27

बंगळुरुला पहिला धक्का, व्यंकटेश अय्यर 32 धावांवर बाद, धावसंख्या 62

बंगळुरुला पहिला धक्का बसला आहे. धावसंख्या 62 असताना, पाचव्या षटकात आरसीबीने आपली पहिली विकेट गमावली. व्यंकटेश अय्यर 16  चेंडूंमध्ये 32 धावा करून बाद झाला. त्याला मोहम्मद सिराजने बाद केले.

31/05/2026 21:57:52

विराट कोहली आणि व्यंकटेश अय्यर जोडीची दमदार सलामी, बंगळुरुच्या दोन षटकात 23 धावा

गुजरातने बंगळुरुपुढे 155 धावांचं आव्हान ठेवलं आहे. यानंतर बंगळुरुच्या त्यांच्या डावाला सुरुवात केली आहे. विराट कोहली आणि व्यंकटेश अय्यर ही जोडी सलामीला आली आहे. पहिल्या दोन षटकात 23 धावा झाल्या आहेत. विराट कोहली आणि व्यंकटेश अय्यर यांनी दमदार सुरुवात केली आहे. 

31/05/2026 21:27:42

वॉशिंग्टने गुजरातला तारले, बंगळुरुपुढे 155 धावांचं आव्हान

गुजरात टायटन्सचे फलंदाज अंतिम सामन्यात अपयशी ठरले. नरेंद्र मोदी स्टेडियमवर खेळल्या गेलेल्या विजेतेपदाच्या सामन्यात गुजरातला 20 षटकांत 155 धावा करता आल्या. वॉशिंग्टन सुंदरने 37 चेंडूंमध्ये नाबाद 50 धावांची महत्त्वपूर्ण खेळी केली. शुभमन गिल 10 धावांवर, साई सुदर्शन 12 धावांवर आणि जोस बटलर 19 धावांवर बाद झाले. आरसीबीकडून रसिक दर सलामने तीन बळी घेतले. भुवनेश्वर कुमार आणि जोश हेझलवूड यांनी प्रत्येकी दोन बळी घेतले.

31/05/2026 21:05:49

गुजरात टायटन्सला सहावा धक्का, राहुल तेवतिया 7 धावांवर बाद, 18 षटकात 132 धावा

गुजरात टायटन्सने आपली सहावी विकेट गमावली. रसिक दर सलामने राहुल तेवतियाला पाच चेंडूंत सात धावांवर बाद केले. 18 षटकात 132 धावा झाल्या आहेत. गुजरातचा डाव गडगडला आहे. 

31/05/2026 20:41:39

गुजरातला चौथा धक्का, जोस बटलर 23 धावांवर बाद, 13 षटकात 73 धावा

गुजरात टायटन्सने 13 व्या षटकात 73 धावांवर आपली चौथी विकेट गमावली. जोस बटलर 23 चेंडूंमध्ये 19 धावांवर बाद झाला. त्याला कृणाल पांड्याने बाद केले. सहा षटकं उलटून गेली आहेत आणि गुजरातने एकही चौकार मारलेला नाही.

31/05/2026 20:25:31

गुजरातला तिसरा धक्का, निशांत सिंधू 20 धावाा करुन बाद, 10 षटकात 63 धावा

गुजरातला तिसरा धक्का देखील बसला आहे. निशांत सिंधू 20 धावाा करुन बाद झाला आहे. 10 ओव्हरमध्ये गुजरतच्या  63 धावा झाल्या असून तीन विकेट गेल्या आहेत. 

31/05/2026 19:54:38

गुजरातचा डाव गडगडला, शुभमन गिलनंतर साई सुदर्शनही बाद

गुजरातचा डाव गडगडला आहे. कर्णधार शुभमन गिलनंतर साई सुदर्शनची देखील विकेट गेली आहे. साई सुदर्शन 12 धावा करुन बाद झाला आहे. भुवनेश्वर कुमारने त्याची विकेट घेतली आहे. 4 ओव्हरमध्ये गुजरातने 26 धावा करत 2 विकेट गमावल्या आहेत. 

31/05/2026 19:50:34

गुजरातला पहिला धक्का, कर्णधार शुभमन गिल 10 धावांवर बाद

तिसऱ्या ओव्हरमध्ये गुजरातला मोठा धक्का बसला आहे. कर्णधार शुभमन गिलची विकेट गेली आहे. 10 रन्स काढून गील बाद झाला आहे. जोश हेझलवुडने शुभमन गिलची विकेट घेतली आहे.  

31/05/2026 19:41:47

RCB ने टॉस जिंकला टॉस, प्रथम गोलंदाजीचा निर्णय, गुजरातची दमदार सुरुवात

RCB ने टॉस जिंकून प्रथम गोलंदाजीचा निर्णय घेतला आहे. गुजरातकडून शुमभन गील आणि साई सुदर्शन या दोघांनी डावाची दमदार सुरुवात केली आहे. दोन षटकात गुजरातच्या 20 धावा झाल्या आहेत.  

31/05/2026 19:36:13

गुजरात टायटन्स: प्लेइंग इलेव्हन कोणत्या खेळाडूंना संधी?

RCB vs GT : गुजरात टायटन्स प्लेइंग इलेव्हन
शुभमन गिल (कर्णधार), साई सुदर्शन, जोस बटलर (यष्टीरक्षक), निशांत सिंधू, वॉशिंग्टन सुंदर, जेसन होल्डर, रशीद खान, अर्शद खान, राहुल तेवतिया, कागिसो रबाडा आणि मोहम्मद सिराज

31/05/2026 19:36:06

RCB vs GT Final IPL 2026 Live Update : विजेतेपदाची लढत सुरू

विजेतेपदाची लढत सुरू झाली असून शुभमन गिल आणि साई सुदर्शन डावाची सुरुवात करत आहेत.

31/05/2026 19:12:07

RCB vs GT Final IPL 2026 Live Update : रॉयल चॅलेंजर्स बंगळुरू संघाची प्लेइंग इलेव्हन

विराट कोहली, देवदत्त पडिक्कल, रजत पाटीदार  जितेश शर्मा  टिम डेव्हिड, क्रुणाल पंड्या, रोमॅरियो शेफर्ड, भुवनेश्वर कुमार, जेकब डफी, जोश हेजलवुड, रसिक सलाम दार

31/05/2026 19:11:10

RCB vs GT Final IPL 2026 Live Update : गुजरात टायटन्स संघाची प्लेइंग-11

साई सुदर्शन, शुभमन गिल, जोस बटलर, वॉशिंग्टन सुंदर, राहुल तेवतिया, निशांत सिंधू, जेसन होल्डर, रशीद खान, कागिसो रबाडा, अर्शद खान, मोहम्मद सिराज.

31/05/2026 19:11:10

RCB vs GT Final IPL 2026 Live Update : गुजरात टायटन्स संघाची प्लेइंग-11

साई सुदर्शन, शुभमन गिल, जोस बटलर, वॉशिंग्टन सुंदर, राहुल तेवतिया, निशांत सिंधू, जेसन होल्डर, रशीद खान, कागिसो रबाडा, अर्शद खान, मोहम्मद सिराज.

31/05/2026 19:08:41

RCB vs GT Final IPL 2026 Live Update : RCBने टॉस जिंकून घेतला गोलंदाजीचा निर्णय; अहमदाबादमध्ये रंगणार महामुकाबला

आयपीएल 2026 च्या अंतिम सामन्यात आज रॉयल चॅलेंजर्स बेंगळुरू (RCB) आणि गुजरात टायटन्स (GT) यांच्यात नरेंद्र मोदी स्टेडियम, अहमदाबाद येथे विजेतेपदासाठी थरारक लढत रंगणार आहे.

या महत्त्वाच्या सामन्यात RCBचा कर्णधार रजत पाटीदार याने नाणेफेक जिंकून प्रथम गोलंदाजी करण्याचा निर्णय घेतला आहे.

त्यामुळे आता गुजरात टायटन्सची टीम प्रथम फलंदाजीसाठी मैदानात उतरणार असून, मोठी धावसंख्या उभारण्याचे आव्हान त्यांच्यासमोर असेल. दुसरीकडे RCBचे गोलंदाज सुरुवातीपासूनच दबाव निर्माण करण्याचा प्रयत्न करतील.

IPLच्या 19व्या हंगामातील हा सर्वात मोठा सामना मानला जात आहे.

एकीकडे विराट कोहलीच्या नेतृत्वाखालील RCBला इतिहास रचत विजेतेपदाचे स्वप्न पूर्ण करायचे आहे, तर दुसरीकडे शुभमन गिलच्या गुजरात टायटन्सला आणखी एक ट्रॉफी आपल्या नावावर करण्याची संधी आहे.

अहमदाबादच्या खचाखच भरलेल्या नरेंद्र मोदी स्टेडियममध्ये लाखो चाहत्यांच्या नजरा या सामन्यावर खिळल्या आहेत. आता गुजरातची फलंदाजी आणि RCBची गोलंदाजी यापैकी कोण बाजी मारणार, याकडे क्रिकेटविश्वाचे लक्ष लागले आहे.

31/05/2026 18:28:58

थोड्याच वेळात आरसीबी आणि गुजरात यांच्यात अंतिम सामन्याचा थरार सुरु होणार

थोड्याच वेळात आरसीबी आणि गुजरात यांच्यात अंतिम सामन्याचा थरार सुरु होणार

आयपीएल 2026 चा अंतिम सामना आरसीबी आणि गुजरात यांच्यात अहमदाबादमध्ये रंगणार आहे. हा सामना अधिक रोमांचक ठरू शकतो. नाणेफेक जिंकणारा संघ प्रथम फलंदाजी करण्याचा निर्णय घेण्याची शक्यता आहे. कागदावर, रॉयल चॅलेंजर्स बंगळूर एक मजबूत संघ वाटतो, पण याच मैदानावर खेळल्या गेलेल्या त्यांच्या शेवटच्या सामन्यात त्यांना गुजरातकडून पराभव पत्करावा लागला होता. हा सामना मिश्र मातीच्या खेळपट्टीवर खेळला जाईल, जिथे चेंडूला चांगली उसळी मिळेल, ज्यामुळे वेगवान गोलंदाजांचे वर्चस्व निर्माण होण्याची शक्यता अधिक आहे.

31/05/2026 17:42:44

RCB vs GT Final IPL 2026 Live Update : IPL च्या फायनलआधी क्रिकेटप्रेमींना धडकी भरवणारी अपडेट, सामना रद्द झाल तर...

RCB vs GT IPL 2026 Final Yellow alert over Ahmedabad : आज आयपीएल 2026 (IPL 2026) चा अंतिम सामना आज रॉयल चॅलेंजर्स बंगळुरू (RCB) आणि गुजरात टायटन्स (GT) यांच्यात रंगणार आहे. मात्र, या हायव्होल्टेज सामन्यापूर्वी क्रिकेटप्रेमींची धाकधूक वाढवणारी एक मोठी अपडेट समोर आली आहे. अहमदाबादमध्ये हवामान खात्याने 'यलो अलर्ट' जारी केला असून, पुन्हा एकदा आयपीएल फायनलवर पावसाचे सावट निर्माण झाले आहे. 2023 च्या हंगामातही चेन्नई सुपर किंग्स आणि गुजरात टायटन्स यांच्यातील अंतिम सामन्यात पावसाने असाच मोठा व्यत्यय आणला होता. आता तीन वर्षांनंतर इतिहास पुन्हा स्वतःची पुनरावृत्ती करतोय की काय, अशी भीती चाहत्यांना सतावत आहे.

बातमी वाचण्यासाठी खाली क्लिक करा -

RCB vs GT IPL 2026 Final Rain Update : गुजरातमध्ये तुफान पाऊस, हवामान खात्याकडून यलो अलर्ट;  IPL च्या फायनलआधी क्रिकेटप्रेमींना धडकी भरवणारी अपडेट, सामना रद्द झाल तर...

31/05/2026 17:40:46

RCB vs GT Final IPL 2026 Live Update : हवामान विभागाचा यलो अलर्ट जारी!

आज (31 मे) आयपीएल 2026 चा अंतिम सामना अहमदाबाद येथील नरेंद्र मोदी स्टेडियमवर रॉयल चॅलेंजर्स बंगळूर आणि गुजरात टायटन्स यांच्यात खेळला जाईल.

सामन्यापूर्वी, पावसामुळे सामन्याची मजा खराब होऊ शकते का, याबद्दल चाहत्यांना उत्सुकता आहे. चला तर मग, जाणून घेऊया की अंतिम सामन्यात पावसाची शक्यता किती आहे आणि आज पावसामुळे सामना रद्द झाल्यास काय होईल?

अहमदाबादचे हवामान, पावसाची शक्यता किती आहे?

हवामान विभागाने अहमदाबादच्या अनेक भागांमध्ये यलो अलर्ट जारी केला आहे. हवामान कधीही बिघडू शकते, हा पहिला इशारा आहे.

पण, यलो अलर्टमुळे पावसाची शक्यता कमी दिसते. AccuWeather नुसार, आज संध्याकाळी अहमदाबादमध्ये पावसाची शक्यता केवळ 2-3% आहे. सामन्यादरम्यान हवामान कसे असेल हे पाहणे मनोरंजक ठरेल.