Team India : न्यूझीलंडविरुद्धच्या तीन टी-20 मालिकेतील शेवटचा सामना अहमदाबादच्या नरेंद्र मोदी स्टेडियमवर खेळवला गेला. सामना भारतानं 168 धावांनी जिंकत मालिकाही जिंकली, पण यानंतर ही युवा सलामीवीर पृथ्वी शॉ (Prithvi Shaw) याचे फॅन्स मात्र नाराज झाले होते. कारण बऱ्याच काळानंतर संघात पुनरागमन होऊन देखील पृथ्वीला प्लेईंग 11 मध्ये अखेरपर्यंत संधी मिळाली नव्हती. ज्यानंतर सोशल मीडियावर चाहत्यांची नाराजी दिसून येत होती.
सोशल मीडियावर चाहत्यांचा धुमाकूळ
पृथ्वी शॉला प्लेइंग इलेव्हनमध्ये स्थान न मिळाल्याने चाहते सातत्याने संताप व्यक्त करत आहेत. खरं तर, बऱ्याच काळानंतर पृथ्वी शॉ न्यूझीलंडविरुद्धच्या टी-20 मालिकेसाठी टीम इंडियात परतला. तो बराच काळ भारतीय संघाबाहेर होता. पण या मालिकेत संघात येऊनही तिन्ही सामन्यांत त्याला खेळण्याची संधी मिळाली नाही. याआधी पृथ्वी शॉला रांची आणि लखनौ टी-20 सामन्यातही बेंचवर बसावे लागले होते. तर या सर्वानंतर भडकलेल्या चाहत्यांनी काही पोस्ट शेअर केल्या त्या पाहूया...
26 महिन्यांनंतर संघात परतला होती पृथ्वी
पृथ्वी शॉ 26 महिन्यांच्या दीर्घ कालावधीनंतर टीम इंडियात परतला. या काळात पृथ्वी शॉने देशांतर्गत क्रिकेटमध्ये सातत्याने चांगली कामगिरी केली. पण त्याला टीम इंडियामध्ये स्थान मिळत नव्हते. मात्र, रणजी ट्रॉफीमध्ये शॉने आसामविरुद्ध 379 धावांची विक्रमी खेळी खेळली आणि निवडकर्त्यांना टीम इंडियामध्ये स्थान देण्यास भाग पाडले. रणजी ट्रॉफीपूर्वी पृथ्वी शॉने सय्यद मुश्ताक अली ट्रॉफीमध्येही सर्वाधिक धावा केल्या होत्या.
महत्त्वाच्या इतर बातम्या :