Punjab Kings vs Delhi Capitals Live Update IPL 2026 In Marathi : आयपीएल 2026 च्या 55व्या सामन्यात आज दिल्ली कॅपिटल्स आणि पंजाब किंग्स आमनेसामने येणार आहेत. हा रोमांचक सामना धर्मशालातील हिमाचल प्रदेश क्रिकेट असोसिएशन स्टेडियमवर रंगणार आहे. दिल्ली कॅपिटल्सची धुरा अक्षर पटेल सांभाळणार असून पंजाब किंग्सचे नेतृत्व पुन्हा एकदा श्रेयस अय्यरकडे असेल.

धर्मशालाच्या मैदानावर यंदाच्या हंगामातील हा पहिलाच सामना असणार आहे. पंजाब किंग्ससाठी हा टप्पा अत्यंत महत्त्वाचा मानला जात आहे, कारण सलग तीन पराभवानंतर संघाची कामगिरी घसरलेली दिसत आहे. प्लेऑफच्या शर्यतीत टिकून राहण्यासाठी श्रेयस अय्यरच्या नेतृत्वाखालील पंजाबला आता किमान दोन विजयांची नितांत गरज आहे.

17 मेपर्यंत पंजाब किंग्स धर्मशालामध्ये तीन सामने खेळणार असून घरच्या मैदानावर पुनरागमन करण्याची मोठी संधी त्यांच्यासमोर आहे. दुसरीकडे, खराब फॉर्मशी झुंजणाऱ्या दिल्ली कॅपिटल्सलाही विजयाची अत्यंत गरज आहे. त्यामुळे दोन्ही संघांसाठी हा सामना ‘करो या मरो’सारखा ठरणार असून चाहत्यांना एक हायव्होल्टेज लढत पाहायला मिळण्याची शक्यता आहे.

23:29 PM (IST) • 11 May 2026

PBKS vs DC Live Update : दिल्ली कॅपिटल्सचा थरारक विजय; पंजाब किंग्सवर 3 गडी राखून मात!

हिमाचल प्रदेश क्रिकेट असोसिएशन स्टेडियमवर झालेल्या आयपीएल 2026च्या 55 व्या सामन्यात दिल्ली कॅपिटल्सने पंजाब किंग्सवर 3 गडी राखून एक अविस्मरणीय विजय मिळवला.

216 धावांचे विशाल लक्ष्य दिल्लीने 19 व्या षटकातच पूर्ण केले.

21:39 PM (IST) • 11 May 2026

PBKS vs DC Live Update : श्रेयस अय्यर अन् प्रियांश आर्याची फटकेबाजी; पंजाब किंग्सचे दिल्लीसमोर 211 धावांचे आव्हान

हिमाचल प्रदेश क्रिकेट असोसिएशन स्टेडियमवर खेळल्या जाणाऱ्या आयपीएल 2026 च्या 55 व्या सामन्यात पंजाब किंग्सने प्रथम फलंदाजी करताना 20 षटकांत 5 गडी गमावून 210 धावांचा डोंगर उभा केला आहे. कर्णधार श्रेयस अय्यर आणि सलामीवीर प्रियांश आर्याच्या अर्धशतकी खेळीच्या जोरावर पंजाबने दिल्ली कॅपिटल्ससमोर विजयासाठी 211 धावांचे कठीण लक्ष्य ठेवले आहे.

पंजाबची दमदार सुरुवात

दिल्ली कॅपिटल्सने नाणेफेक जिंकून प्रथम क्षेत्ररक्षण करण्याचा निर्णय घेतला, मात्र पंजाबच्या सलामीवीरांनी हा निर्णय चुकीचा ठरवला. प्रियांश आर्या (56 धावा, 33 चेंडू) आणि प्रभसिमरन सिंग (18 धावा) यांनी पहिल्या विकेटसाठी 72 धावांची स्फोटक भागीदारी केली. प्रियांशने आपल्या खेळीत 2 चौकार आणि 6 षटकार ठोकले.

कर्णधार श्रेयस अय्यरची 'कॅप्टन इनिंग'

सलामीवीर बाद झाल्यानंतर कर्णधार श्रेयस अय्यरने डावाची सूत्रे हाती घेतली. अय्यरने 36 चेंडूत 59 धावांची नाबाद खेळी करत संघाला द्विशतकी टप्पा ओलांडून दिला. त्याला मध्यफळीत कूपर कॉनोली (38 धावा) आणि शेवटच्या षटकांत सूर्यांश शेडगेने (8 चेंडूत 21* धावा) मोलाची साथ दिली.

दिल्लीच्या गोलंदाजांची कामगिरी

दिल्लीकडून मिचेल स्टार्क आणि माधव तिवारी यांनी प्रत्येकी 2 बळी घेतले, मात्र ते धावगतीवर लगाम लावण्यास अपयशी ठरले. स्टार्कने 4 षटकांत 57 धावा दिल्या, मुकेश कुमारला 1 गडी बाद करण्यात यश आले.