Pakistan Hong Kong Sixes Champions 2025 : हाँगकाँग सिक्सेस स्पर्धेत जिथे भारतचा प्रदर्शन निराशाजनक ठरला, तिथे पाकिस्तानने दमदार खेळाच्या जोरावर विजेतेपद मिळवण्याचा मान पटकावला. या हंगामातील अंतिम सामन्यात पाकिस्तानने कुवेतचा पराभव करून हा किताब आपल्या नावावर केला. ही सहावी वेळ होती, जेव्हा पाकिस्तानने हाँगकाँग सिक्सेसचे विजेतेपद जिंकले. मात्र, जेतेपद जिंकल्यानंतरही पाकिस्तानच्या संघाची पार इज्जर गेली.
खरं तर, फायनल सामन्यानंतर झालेल्या प्रेझेंटेशन समारंभात पाकिस्तानी खेळाडूंच्या इंग्रजी बोलण्यावरून सोशल मीडियावर जोरदार चर्चा रंगली. इतकंच नाही, तर पीसीबीचे मीडिया प्रमुख, त्यांच्या इंग्रजी उच्चारांवरही नेटिझन्स खिल्ली उडवत आहेत. सोशल मीडियावर पाकिस्तानी खेळाडू आणि पीसीबी अधिकाऱ्यांचे इंग्रजी बोलतानाचे व्हिडिओ मोठ्या प्रमाणात व्हायरल झाले आहेत.
हाँगकाँग सिक्सेसचं जेतेपद जिंकल, पण पाकिस्तानची पार इज्जर गेली – पाहा व्हिडिओ
सामन्याबद्दल बोलायचे झाल्यास, 6 षटकांच्या या रोमांचक फायनलमध्ये पाकिस्तानने प्रथम फलंदाजी करत 135 धावा केल्या. कर्णधार अब्बास आफ्रिदीने केवळ 11 चेंडूत 52 धावा ठोकल्या, ज्यात 2 चौकार आणि तब्बल 7 षटकारांचा समावेश होता. त्याला अब्दुल समदने साथ देत 13 चेंडूत 42 धावा केल्या आणि 5 षटकार ठोकले. ख्वाजा नफयने 6 चेंडूत 22 धावा करून महत्त्वाचे योगदान दिले.
कुवेतकडून मीत भावसारने सर्वाधिक तीन बळी घेतले. 136 धावांच्या लक्ष्याचा पाठलाग करताना कुवेतची सुरुवात चांगली झाली होती. अदनान इदरीस आणि मीत भावसार यांनी पहिल्या विकेटसाठी 33 धावांची भागीदारी केली. इदरीसने फक्त 8 चेंडूत 30 धावा करत 5 षटकार ठोकले, तर भावसारने 12 चेंडूत 33 धावा (3 चौकार, 3 षटकार) केल्या. मात्र, हे दोघे बाद झाल्यानंतर संपूर्ण संघ 92 धावांवर कोसळला.
पाकिस्तानकडून मुहम्मद शहजाद, अब्बास आफ्रिदी आणि अब्दुल समद यांनी प्रत्येकी 1-1 बळी घेतला.52 धावा आणि 1 बळी घेणाऱ्या अब्बास अफरीदीला सामनावीर (Player of the Match) पुरस्काराने सन्मानित करण्यात आले. या विजयासह पाकिस्तानने हाँगकाँग सिक्सेस स्पर्धा तब्बल सहाव्यांदा जिंकण्याचा पराक्रम केला आहे. दक्षिण आफ्रिका आणि इंग्लंड यांनी हा किताब पाच वेळा जिंकला आहे. त्यामुळे या विजयानंतर पाकिस्तानकडे या स्पर्धेतील सर्वाधिक विजेतेपदांचा विक्रम नोंदवला गेला आहे.
हे ही वाचा -