IND Vs PAK Asian Games 2026 Final : संपूर्ण पाकिस्तान संघ मान झुकवून उभा राहिला, जेव्हा स्टेडियममध्ये वाजलं भारताचं राष्ट्रगीत, पोडियमवर 'त्या' मिनिटाला काय घडलं? पाहा VIDEO
Pakistan Players Stands Indian National Anthem Asian Games : भारताने क्रिकेटच्या पुरुषांच्या अंतिम सामन्यात पाकिस्तानचा 19 धावांनी पराभव करत सलग दुसऱ्यांदा सुवर्णपदकावर नाव कोरलं.
IND Vs PAK Asian Games 2026 Final : आशियाई क्रीडा स्पर्धा 2026 मध्ये भारताने क्रिकेटच्या पुरुषांच्या अंतिम सामन्यात पाकिस्तानचा 19 धावांनी पराभव करत सलग दुसऱ्यांदा सुवर्णपदकावर नाव कोरलं. कोरोगी स्पोर्ट्स पार्कमध्ये रंगलेल्या या हायव्होल्टेज सामन्यानंतर पदक वितरण सोहळ्यातही भारत-पाकिस्तान सामन्याची चर्चा कायम राहिली. भारताने प्रथम फलंदाजी करत 20 षटकांत 6 बाद 211 धावांचा डोंगर उभा केला. अभिषेक शर्माने अवघ्या 28 चेंडूत 61 धावांची आक्रमक खेळी केली, तर तिलक वर्माने 22 चेंडूत नाबाद 51 धावा करत भारताला मोठी धावसंख्या उभारून दिली. प्रत्युत्तरात पाकिस्तानला 20 षटकांत 6 बाद 192 धावाच करता आल्या. हसन नवाजने 96 धावांची झुंजार खेळी केली, मात्र त्याचा प्रयत्न पाकिस्तानला विजय मिळवून देऊ शकला नाही.
पदक मंचावर भारताचा तिरंगा, पाकिस्तान रौप्यपदकासह
विजयानंतर झालेल्या पदक वितरण सोहळ्यात भारताला सुवर्ण, तर पाकिस्तानला रौप्यपदक मिळाले. भारतीय संघ सुवर्णपदक स्वीकारण्यासाठी मंचावर उभा असताना ‘जन गण मन’ वाजवण्यात आलं. त्यावेळी पाकिस्तानचा रौप्यपदक विजेता संघही राष्ट्रगीताच्या सन्मानार्थ सावधान स्थितीत उभा असल्याचं पाहिला मिळाले. या क्षणाचे दृश्य सोशल मीडियावर चर्चेचा विषय ठरले. भारताचा तिरंगा उंचावलेला असताना राष्ट्रगीताची धून वाजत होती आणि भारतीय खेळाडू सुवर्णपदकाचा आनंद साजरा करत होते.
🥇🇮🇳 GOLD MEDAL. NATIONAL JERSEY. NATIONAL PRIDE.
— @VijayBharat (@shikhar711) October 3, 2026
What a beautiful scene at the Asian Games 2026! 🇮🇳
India’s decision to keep the no-handshake stance with Pakistan is something I personally support.
Europe has taken similar sporting positions involving Russia. The US has too. So… pic.twitter.com/jhnm9yKEvV
मोहसिन नक्वी मात्र सोहळ्यात उपस्थित नव्हते
भारत-पाकिस्तान अंतिम सामन्यापूर्वी एसीसी आणि पीसीबीचे अध्यक्ष मोहसिन नक्वी पदक वितरण सोहळ्यात उपस्थित राहणार का, याबाबत मोठी चर्चा होती. मात्र एशियन क्रिकेट कौन्सिलने स्पष्ट केलं होतं की, पूर्वनियोजित व्यस्ततेमुळे नक्वी फायनल डे आणि सोहळ्याला उपस्थित राहणार नाहीत. त्यामुळे त्यांच्या उपस्थितीत कोणताही पदक वितरणाचा प्रसंग घडला नाही. पदक वितरणाच्या वेळी आयसीसी अध्यक्ष जय शाह उपस्थित होते. भारताच्या खेळाडूंना सुवर्णपदक प्रदान करण्याच्या सोहळ्यात ते सहभागी झाले होते.
THE SWEETEST SOUND AFTER A GOLD MEDAL.🥇🎶
— Sony Sports Network (@SonySportsNetwk) October 3, 2026
Watch the 20th Asian Games Aichi-Nagoya 2026, LIVE on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026 #BaarBaarBharatHarBaarBharat pic.twitter.com/HyOsSkdgUU
क्रिकेटमध्ये भारताचं ‘डबल गोल्ड’
2026 च्या आशियाई क्रीडा स्पर्धेत भारताने क्रिकेटमध्ये पुरुष आणि महिला अशा दोन्ही गटांत सुवर्णपदक जिंकलं. महिला संघाने यापूर्वी श्रीलंकेचा पराभव करून सुवर्णपदक पटकावलं होतं. पुरुष संघाने पाकिस्तानला हरवत त्यात आणखी एका सुवर्णपदकाची भर घातली. त्यामुळे भारताने क्रिकेटमध्ये डबल गोल्डची कामगिरी केली. भारतासाठी हा विजय विशेष ठरला, कारण पुरुष क्रिकेट संघाने आशियाई क्रीडा स्पर्धेतील आपलं सुवर्णपदक यशस्वीपणे राखलं. पाकिस्तानविरुद्धच्या अंतिम सामन्यात 19 धावांनी मिळवलेल्या या विजयामुळे भारताच्या पदक खात्यात आणखी एका सुवर्णपदकाची भर पडली.
हे ही वाचा -
महत्त्वाच्या बातम्या
