MS Dhoni Jersey Number: इंडियन प्रीमियर लीग 2026 (IPL 2026) हा क्रिकेट चाहत्यांसाठी अत्यंत रोमांचक हंगाम ठरणार आहे. या स्पर्धेची सुरुवात 28 मार्च 2026 पासून होणार असून अंतिम सामना 31 मे 2026 रोजी खेळवला जाणार आहे. यंदाचा हा आयपीएलचा 19वा हंगाम असून यात एकूण 10 संघ सहभागी होणार आहेत आणि सुमारे 84 सामने खेळवले जाणार आहेत. मात्र आयपीएल सुरु होण्याआधी चेन्नई सुपर किंग्सचा खेळाडू एमएस धोनीच्या जर्सीची चर्चा रंगली आहे. (MS Dhoni Switching Jersey Number)
चेन्नई सुपर किंग्सचा माजी कर्णधार महेंद्रसिंग धोनी (MS Dhoni) याने आपला जर्सी क्रमांक बदलून क्रिकेट विश्वात मोठी खळबळ उडवून दिली आहे. दीर्घकाळापासून 'नंबर 7'शी ज्याचे नाव अविभाज्यपणे जोडले गेले होते, तो धोनी आता कदाचित 8 नंबरची जर्सी परिधान करताना दिसू शकतो. एमएस धोनीने सोशल मीडियावर स्वत: एक व्हिडीओ पोस्ट केला आहे. या व्हिडीओमध्ये निळ्या रंगाची जर्सी दिसतेय. 7 नंबरची जर्सी उचलून 8 नंबरची जर्सी कुणीतरी बदलत असल्याचं व्हिडीओमध्ये दिसून येत आहे. (MS Dhoni Switching Jersey Number)
एमएस धोनीने व्हिडीओ शेअर करत काय म्हटले? (MS Dhoni New Jersey Number)
काही क्रमांक तुमच्यासोबत कायम राहतात...पण आज, मी '8' या क्रमांकाकडे वळत आहे. याचे कारण तुम्हाला लवकरच समजेल, असं एमएस धोनीने व्हिडीओ पोस्ट करत म्हटले आहे.
एमएस धोनीने पोस्ट केलेल्या व्हिडीओचा अर्थ काय? (MS Dhoni Switching Jersey Number)
काही क्रिकेट तज्ज्ञ या व्हिडीओकडे एक रणनीतिक 'ब्रँडिंग' आणि 'विपणन' (मार्केटिंग) चाल म्हणून पाहत आहेत. IPL सारख्या भव्य मंचावर, जर्सी क्रमांक बदलणे हे चाहत्यांची उत्सुकता वाढवण्यासाठी आणि संघाच्या 'मर्चंडाईज'ची (संघाशी संबंधित वस्तूंची) विक्री वाढवण्यासाठी एक प्रभावी साधन ठरू शकते. अशीही शक्यता आहे की, CSK चे संघ व्यवस्थापन आगामी हंगामासाठी एका नवीन रणनीतीवर काम करत असावे, ज्यामध्ये वरिष्ठ खेळाडूंच्या भूमिका आणि त्यांची ओळख नव्याने निश्चित केली जात असावी.
बीसीसीआयकडून 7 नंबरची जर्सी कायमची निवृत्त- (MS Dhoni Switching Jersey Number)
BCCI ने 2013 मध्ये महेंद्रसिंग धोनीची 'नंबर 7' जर्सी निवृत्त (retired) करण्याचा निर्णय घेतला होता. यापूर्वी, 2017 मध्ये, महान फलंदाज सचिन तेंडुलकरची वैशिष्ट्यपूर्ण 'नंबर 10' जर्सी देखील कायमस्वरूपी निवृत्त करण्यात आली होती. धोनीचा जन्म 7 जुलै 1981 रोजी झाला होता; म्हणूनच, आपल्या जन्मदिनांकामुळेच त्याने हा विशिष्ट क्रमांक स्वीकारला होता.