MS Dhoni IND vs NZ Final : ज्याने भारताला विश्वविजेता बनवलं, तो धोनी पहिल्यांदाच प्रेक्षक बनून पाहणार फायनल, IND vs NZ सामन्याला कडक बंदोबस्त, पाहा व्हिडिओ
MS Dhoni arrives in Ahmedabad : आयसीसी टी-20 विश्वचषक 2026 चा अंतिम सामना आज 8 मार्च रोजी अहमदाबाद येथील नरेंद्र मोदी स्टेडियमवर यजमान भारत आणि न्यूझीलंड यांच्यात खेळला जाईल.
MS Dhoni arrives in Ahmedabad : आयसीसी टी-20 विश्वचषक 2026 चा अंतिम सामना आज 8 मार्च रोजी अहमदाबाद येथील नरेंद्र मोदी स्टेडियमवर यजमान भारत आणि न्यूझीलंड यांच्यात खेळला जाईल. दरम्यान, भारतीय संघाचा माजी कर्णधार एमएस धोनी अंतिम सामन्यापूर्वी अहमदाबादला पोहोचला आहेत. नरेंद्र मोदी स्टेडियममध्ये खेळल्या जाणाऱ्या या महत्त्वाच्या सामन्यात धोनी प्रथमच प्रेक्षक म्हणून स्टेडियममध्ये उपस्थित राहून भारताचा अंतिम सामना पाहताना दिसणार आहेत.
याआधीही आठवड्याच्या सुरुवातीला मुंबईतील वानखेडे स्टेडियममध्ये झालेल्या सेमीफायनल सामन्यात धोनी उपस्थित होता. इंग्लंडविरुद्धच्या त्या रोमांचक सेमीफायनलमध्ये त्याने स्टँडमधून भारतीय संघाला पाठिंबा दिला होता. आता स्पर्धेतील सर्वात मोठा सामना पाहण्यासाठी तो अहमदाबादला पोहोचला आहे.
#WATCH | Gujarat | Former Captain of the Indian Cricket Team Mahendra Singh Dhoni arrives at Ahmedabad
— ANI (@ANI) March 8, 2026
ICC Men's T20 World Cup 2026 final between India and New Zealand, to be played today at the Narendra Modi Stadium. pic.twitter.com/5Q6gNuIcsQ
सेमीफायनलला अनेक सेलिब्रिटींची उपस्थिती
वानखेडे स्टेडियममध्ये झालेल्या सेमीफायनल सामन्यात एमएस धोनी आपल्या पत्नी साक्षी धोनीसोबत उपस्थित होता. त्याचप्रमाणे भारताचा माजी टी-20 कर्णधार रोहित शर्माही पत्नीसमवेत स्टेडियममध्ये दिसला. याशिवाय बॉलिवूडमधील अनेक मोठे कलाकारही त्या सामन्यासाठी उपस्थित होते. रणबीर कपूर, आलिया भट्ट, वरुण धवन आणि अनिल कपूर यांच्यासह अनेक सेलिब्रिटी प्रेक्षकांमध्ये दिसले. भारताने थरारक विजय मिळवत अंतिम फेरी गाठली तेव्हा स्टेडियममध्ये उत्साहाचा माहोल होता.
अंतिम सामन्यासाठीही मोठ्या उपस्थितीची शक्यता
आता महान यष्टिरक्षक-फलंदाज एमएस धोनी अहमदाबादला पोहोचले आहेत. येथे सूर्यकुमार यादवच्या नेतृत्वाखालील भारतीय संघ न्यूझीलंडविरुद्ध टी-20 वर्ल्ड कपचे विजेतेपद कायम राखण्याच्या इराद्याने मैदानात उतरणार आहे. सुमारे सवा लाख प्रेक्षक क्षमता असलेल्या नरेंद्र मोदी स्टेडियममध्ये हा सामना पाहण्यासाठी देशभरातील अनेक मोठ्या व्यक्ती आणि सेलिब्रिटी उपस्थित राहण्याची शक्यता व्यक्त केली जात आहे. सर्वांच्या नजरा आता या महामुकाबल्याकडे लागल्या आहेत.
अहमदाबादमध्ये फलंदाजी करणाऱ्या संघाने वर्चस्व...
अहमदाबादमधील नरेंद्र मोदी स्टेडियमवर एकूण 17 टी-20 आंतरराष्ट्रीय सामने खेळले गेले आहेत, जिथे प्रथम फलंदाजी करणाऱ्या संघाचे वर्चस्व स्पष्टपणे दिसून आले आहे. या मैदानावर खेळल्या गेलेल्या 17 सामन्यांपैकी प्रथम फलंदाजी करणाऱ्या संघाने 11 वेळा विजय मिळवला आहे, तर लक्ष्याचा पाठलाग करणाऱ्या संघाने सहा वेळा विजय मिळवला आहे. या मैदानावर पहिल्या डावात सरासरी 170 ते 175 धावा केल्या आहेत. येथील सर्वोच्च धावसंख्या 234 धावा आहे, जो टीम इंडियाच्या नावावर आहे, जो त्यांनी फेब्रुवारी 2023 मध्ये न्यूझीलंडविरुद्ध मिळवला होता. भारतीय संघाने अहमदाबादमध्ये आतापर्यंत 10 टी-20 आंतरराष्ट्रीय सामने खेळले आहेत, त्यापैकी 7 जिंकले आहेत आणि फक्त तीन गमावले आहेत.
हे ही वाचा -
महत्त्वाच्या बातम्या
