Mohammed Siraj T20 World Cup : सूर्यकुमार यादवचा फोन अन्.... सामन्यानंतर भावूक झाला मोहम्मद सिराज, 24 तास आधी 'त्या' रात्री काय घडलं?, मोबाईल दाखवत सगळं सांगितलं
IND vs USA T20 World Cup : टी-20 वर्ल्डकप 2026 मध्ये टीम इंडियाची सुरुवात अपेक्षेप्रमाणे दमदार झाली असली, तरी अमेरिकेसारख्या तुलनेने कमकुवत संघाविरुद्ध भारताची फलंदाजी निराशाजनक ठरली.
Mohammed Siraj T20 World Cup : टी-20 वर्ल्डकप 2026 मध्ये टीम इंडियाची सुरुवात अपेक्षेप्रमाणे दमदार झाली असली, तरी अमेरिकेसारख्या तुलनेने कमकुवत संघाविरुद्ध भारताची फलंदाजी निराशाजनक ठरली. या सामन्यात कर्णधार सूर्यकुमार यादवने जबाबदारीने खेळत संघाला सावरलं. मात्र गोलंदाजीत मोहम्मद सिराजने जे केलं, ते केवळ सामन्यापुरतंच नाही तर त्यांच्या कारकिर्दीतील खास क्षण ठरला. विशेष म्हणजे, अवघ्या 24 तासांपूर्वीपर्यंत वर्ल्डकपच्या प्लॅनमध्ये सिराज नव्हता. हर्षित राणाच्या दुखापतीमुळे अखेरच्या क्षणी सिराजला संघात संधी मिळाली आणि त्याने ती संधी दोन्ही हातांनी पकडली.
Back in T20Is after 19 months and straight among the wickets! 😍
— Star Sports (@StarSportsIndia) February 7, 2026
Welcome back, #MohammedSiraj 👏🔥
ICC Men’s #T20WorldCup | #INDvUSA | LIVE NOW 👉 https://t.co/GSioxLqv9R pic.twitter.com/vcchqVcenB
पहिल्याच सामन्यात सिराजने 3 बळी घेत भारताला मोठ्या उलटफेरापासून वाचवलं. सामन्यानंतरच्या पत्रकार परिषदेत बोलताना सिराज अक्षरशः भावूक झाला. तो म्हणाला, “मला पूर्ण खात्री होती की मी हा वर्ल्ड कप खेळणार नाही. गेल्या वर्षभरापासून मी टी-20 खेळत नव्हतो, त्यामुळे मी स्वतःलाच समजावलं होतं. पण वरच्याने संपूर्ण नशिबच बदलून टाकलं.”
सूर्यकुमार यादवचा फोन अन्....
सिराजने त्या अविस्मरणीय क्षणाचा उलगडा करताना सांगितलं की, “24 तास आधी मी कुटुंबासोबत होतो. मला मेसेज आला ‘पुढचा प्लॅन काय आहे?’ मी म्हटलं, मला त्रास देऊ नका, मी आराम करतोय. तेवढ्यात सूर्यकुमार यादवचा फोन आला.” सूर्या म्हणाला की, मिया, तयार हो आणि बॅग पॅक करून ये.’ मी हसून म्हणालो, ‘सूर्या भाई, गंमत करू नकोस, असं होणार नाही.’ पण तो म्हणाला – ‘मिया, खरंच सांगतोय… ये.’ त्या क्षणी मला जबरदस्त धक्का बसला.”
Mohammed Siraj said, “I received Surya bhai’s call yesterday, he told me ‘Miyan, pack your bags and join the squad’. I told Surya bhai don’t play with me, because I thought he’s joking. It was my dream to play the T20 World Cup at home, it was written so I’m here”. ❤️ pic.twitter.com/wnoqSVpctf
— Mufaddal Vohra (@mufaddal_vohra) February 7, 2026
फ्लाइटमध्ये बसल्यावरही हे सगळं स्वप्नासारखंच वाटत होतं, वरच्याने जे लिहिलंय, ते कोणीही बदलू शकत नाही. मी संघात आलो, सामना खेळलो आणि देशासाठी योगदान दिलं, गॉड ग्रेट आहे, असं सिराज म्हणाला.
‘वर्ल्ड कप खेळणं म्हणजे प्रत्येक खेळाडूचं स्वप्न...’
आपल्यावर दबाव होता का, या प्रश्नावर सिराज म्हणाला की, “इमोशन असतंच. वर्ल्ड कप खेळणं हे प्रत्येक खेळाडूचं स्वप्न असतं. मी ठरवलं होतं, जसं रणजीमध्ये करतो, तसंच करायचं. नवी चेंडू फलंदाजांसाठी सोपी नव्हती. विकेट टू विकेट टाकली आणि बळी मिळाले.”
हे ही वाचा -
महत्त्वाच्या बातम्या
