U19 World Cup : मोहम्मद कैफ ते आयुष म्हात्रे व्हाया विराट कोहली, भारतानं 'या' खेळाडूंच्या नेतृत्वात जिंकला अंडर 19 वर्ल्ड कप
India Captains to Win U19 World Cup: भारतानं आतापर्यंत अंडर-19 वर्ल्ड कप सहाव्यांदा जिंकला आहे. भारतानं पहिल्यांदा मोहम्मद कैफच्या नेतृत्त्वात पहिल्यांदा वर्ल्ड कप जिंकला होता.
नवी दिल्ली : आयुष म्हात्रेच्या नेतृत्त्वात भारतानं इंग्लंडला अंडर-19 वर्ल्ड कप ट्रॉफीमध्ये विजेतेपद मिळवलं आहे. भारतानं इंग्लंडला 100 धावांनी पराभूत करत विजेतेपद मिळवलं. भारतानं सहाव्यांदा अंडर-19 वर्ल्ड कपमध्ये विजेतेपद मिळवलं. यावेळी आयुष म्हात्रेच्या नेतृत्त्वात अंडर 19 वर्ल्ड कपमध्ये विजेतेपद मिळवलं आहे. आयुष म्हात्रेनं फलंदाजी आणि गोलंदाजीत देखील दमदार कामगिरी केली आहे. भारतानं पहिल्यांदा मोहम्मद कैफच्या नेतृत्त्वात अंडर-19 वर्ल्ड कप स्पर्धेत विजेतेपद मिळवलं आहे.
भारतासाठी अंडर -19 वर्ल्ड कप जिंकणारे कर्णधार
भारतानं अंडर-19 वर्ल्ड कपमध्ये पहिल्यांदा विजेतेपद 2000 मध्ये मिळवलं होतं. त्यावेळी मोहम्मद कैफच्या नेतृत्त्वात भारतानं श्रीलंकेला 6 विकेटनं पराभूत केलं होतं.
भारतानं दुसऱ्यांदा अंडर 19 वर्ल्ड कपचं विजेतेपद विराट कोहलीच्या नेतृत्त्वात मिळवलं होतं. 2008 मध्ये भारतानं फायनलमध्ये दक्षिण आफ्रिकेला डकवर्थ लुईस नियमानुसार 12 धावांनी पराभूत केलं होतं.
2012 मध्ये अंडर19 वर्ल्ड कप फायनलमध्ये भारतानं उन्मुक्त चंदच्या नेतृत्त्वात ऑस्ट्रेलियाला 6 विकेटनं पराभूत केलं होतं. उनमुक्त चंदनं फायनलमध्ये 111 धावांची ऐतिहासिक खेळी केली होती. अन्मुक्त चंद सध्या यूएसए क्रिकेट टीमसाठी खेळतोय.
2012 नंतर 6 वर्षांनी 2018 मध्ये भारतानं पुन्हा एकदा अंडर-19 वर्ल्ड कप जिंकला होता. भारतानं 2018 मध्ये पृथ्वी शॉच्या नेतृत्त्वात विजेतेपद मिळवलं होतं. त्या टीममध्ये शुभमन गिल, अभिषेक शर्मा आणि रियान पराग यांचा समावेश होता.
2022 मध्ये भारतानं पुन्हा एकदा अंडर -19 वर्ल्ड कप जिंकला होता. यश धुलच्या नेतृत्त्वात भारतानं त्यावेळी विजेतेपद मिळवलं होतं.
आता चार वर्षानंतर 2026 मध्ये भारतानं आयुष म्हात्रेनं विजेतेपद मिळवलं आहे. भारतानं इंग्लंडला 100 धावांनी पराभूत केलं. या मॅचमध्ये वैभव सूर्यवंशीनं 175 धावांची खेळी केली.
मोहम्मद कैफ - अंडर 19 वर्ल्ड कप 2000
विराट कोहली - अंडर 19 वर्ल्ड कप 2008
उन्मुक्त चंद - अंडर 19 वर्ल्ड कप 2012
पृथ्वी शॉ - अंडर 19 वर्ल्ड कप 2018
यश धुल - अंडर 19 वर्ल्ड कप 2022
आयुष म्हात्रे - अंडर 19 वर्ल्ड कप 2026
दरम्यान, भारताला टी 20 वर्ल्ड कप, वनडे वर्ल्ड कप आणि चॅम्पियन्स ट्रॉफीचं विजेतेपद मिळवून देणाऱ्या महेंद्रसिंह धोनीनं एकदाही अंडर 19 वर्ल्ड कप जिंकला नाही. धोनीची भारताच्या अंडर-19 क्रिकेट टीममध्ये निवड झाली नव्हती. 2000 मध्ये झालेल्या अंडर 19 वर्ल्ड कपमध्ये भारताचा विकेटकीपर अजय रात्रा होता.
महत्त्वाच्या बातम्या
