MI vs KKR : मुंबई इंडियन्सचा धडाका; वानखेडे स्टेडियमवर 6 विकेट्सने ऐतिहासिक विजय
Mumbai Indians vs Kolkata Knight Riders IPL 2026 2nd Match Live Update : आयपीएल 2026 मधील दुसऱ्या सामन्यात रविवारी मुंबई इंडियन्स आणि कोलकाता नाइट रायडर्स यांच्यात सामना रंगणार आहे
किरण महानवरLast Updated: 29 Mar 2026 11:19 PM
पार्श्वभूमी
IPL 2026 RCB vs SRH Live Update Marathi News : आयपीएल 2026 मधील दुसऱ्या सामन्यात रविवारी मुंबई इंडियन्स आणि कोलकाता नाइट रायडर्स यांच्यात सामना रंगणार आहे. हा सामना मुंबईतील वानखेडे...More
IPL 2026 RCB vs SRH Live Update Marathi News : आयपीएल 2026 मधील दुसऱ्या सामन्यात रविवारी मुंबई इंडियन्स आणि कोलकाता नाइट रायडर्स यांच्यात सामना रंगणार आहे. हा सामना मुंबईतील वानखेडे स्टेडियम येथे खेळवला जाणार आहे. विशेष म्हणजे, मागील 13 वर्षांपासून मुंबईला स्पर्धेतील पहिला सामना जिंकता आलेला नाही. त्यांनी अखेरचा सलामीचा सामना 2012 मध्ये जिंकला होता, त्यानंतर प्रत्येक हंगामात पहिल्याच सामन्यात पराभवाचा सामना करावा लागला आहे.यंदा हार्दिक पांड्या याच्या नेतृत्वाखाली मुंबई ही मालिका खंडित करण्याच्या इराद्याने मैदानात उतरणार आहे. कागदावर तरी मुंबईची टीम मजबूत दिसत आहे. संघाकडे रोहित शर्मा, क्विंटन डी कॉक आणि रायन रिकेल्टन यांसारखे धडाकेबाज सलामीवीर आहेत. मधल्या फळीतही मुंबईकडे जबरदस्त ताकद आहे. तिलक वर्मा, सूर्यकुमार यादव, हार्दिक पांड्या आणि नमन धीर यांच्यासारखे आक्रमक फलंदाज संघाला बळ देतात. लिलावात संघाने शेरफेन रदरफोर्ड याचीही निवड केली आहे, जो एकहाती सामना फिरवण्याची क्षमता ठेवतो.दुसरीकडे, अजिंक्य रहाणेच्या नेतृत्वाखालील कोलकाता नाईट रायडर्स (केकेआर) एका नवीन रणनीतीसह मैदानात उतरेल. फिन ॲलन (यष्टीरक्षक) आणि स्वतः रहाणे संघासाठी डावाची सुरुवात करतील अशी अपेक्षा आहे, तर अंगक्रिश रघुवंशी, कॅमेरॉन ग्रीन, रिंकू सिंग आणि रमणदीप सिंग फलंदाजीला अधिक बळकटी देतील. सुनील नरेन आणि वरुण चक्रवर्ती त्यांच्या फिरकीची जादू पसरवण्यासाठी उपस्थित असतील, तर वेगवान गोलंदाजीमध्ये वैभव अरोरा, कार्तिक त्यागी आणि ब्लेसिंग मुझारबानी यांच्यावर अवलंबून राहिले आहे. गोलंदाजीला अधिक धार आणण्यासाठी केकेआर संघात उमरान मलिकचा एक प्रभावी खेळाडू म्हणून समावेश करू शकते.मुंबई इंडियन्सचा संघ- (IPL 2026 MI Full Squad)हार्दिक पांड्या (कर्णधार), रोहित शर्मा, सूर्यकुमार यादव, तिलक वर्मा, रायन रिकेल्टन, रॉबिन मिन्झ, राज बावा, रघू शर्मा, मिशेल सँटनर, कॉर्बिन बॉश, नमन धीर, जसप्रीत बुमराह, ट्रेंट बोल्ट, अल्लाह गफंझार, अश्विनी कुमार, दीपक चहर, विल जैक, शेरफेन रदरफोर्ड, मयंक मारकंडे, शार्दुल ठाकुर, क्विंटन डी कॉक, दानिश मालेवार, मोहम्मद इजहार, अथर्व अंकोलेकर, मयंक रावत.कोलकाता नाईट रायडर्सचा संघ- (IPL 2026 KKR Full Squad)अजिंक्य रहाणे, अंगकृष्ण रघुवंशी, अनुकुल रॉय, हर्षित राणा, मनीष पांडे, रमणदीप सिंग, रिंकू सिंग, रोवमन पॉवेल, सुनील नरेन, उमरान मलिक, वैभव अरोरा, वरुण चक्रवर्ती, कॅमेरॉन ग्रीन, फिन एलन, मथिशा पाथिराना, राहुल सिंग, तेजस्वी सिंह, कार्तिक त्यागी, प्रशांत सोलंकी, राहुल त्रिपाठी, टिम सीफर्ट, ब्लेसिंग मुझारबानी, सार्थक रंजन, दक्ष कामरा, रचिन रवींद्र, आकाश दीप
MI vs KKR : मुंबई इंडियन्सचा धडाका; वानखेडे स्टेडियमवर 6 विकेट्सने ऐतिहासिक विजय
नमन धीरने शेवटच्या षटकाच्या पहिल्याच चेंडूवर विजयी चौकार मारला.
यासह, मुंबई इंडियन्सने पाच चेंडू शिल्लक असताना 221 धावांचे लक्ष्य गाठले.
आयपीएलच्या इतिहासातील मुंबईचा हा सर्वात मोठा यशस्वी पाठलाग आहे.