LSG vs PBKS Live Score Update : पंजाब किंग्सचा लखनऊ सुपर जायंट्सवर 7 गडी राखून विजय; श्रेयस अय्यर अन् प्रभसिमरन सिंग चमकले

Lucknow Super Giants vs Punjab Kings IPL 2026 Live Update : लखनऊ सुपर जायंट्स आणि पंजाब किंग्स यांच्यात लखनऊच्या इकाना क्रिकेट स्टेडियमवर आमनेसामने येणार आहे.

किरण महानवरLast Updated: 23 May 2026 11:10 PM

पार्श्वभूमी

Lucknow Super Giants vs Punjab Kings IPL 2026 Live Update : आयपीएल 2026 च्या 68व्या सामन्यात लखनऊ सुपर जायंट्स आणि पंजाब किंग्स यांच्यात लखनऊच्या इकाना क्रिकेट स्टेडियमवर आमनेसामने येणार आहे. प्लेऑफच्या शर्यतीत टिकून राहण्यासाठी पंजाबसाठी हा सामना ‘करो या मरो’ असा असणार आहे. मात्र फक्त विजय मिळवून उपयोग नाही, तर पंजाबला अशीही प्रार्थना करावी लागणार आहे की कोलकाता नाइट रायडर्स आणि राजस्थान रॉयल्स हे दोन्ही संघ आपल्या अखेरच्या लीग सामन्यात पराभूत व्हावेत.दुसरीकडे लखनऊ सुपर जायंट्स संघ गुणतालिकेत आपली स्थिती सुधारण्यासाठी मैदानात उतरणार आहे. लखनऊने हा सामना जिंकला तर त्यांच्या खात्यात 10 गुण जमा होतील आणि ते थेट 10व्या स्थानावरून 9व्या क्रमांकावर झेप घेतील. पण लखनऊच्या विजयामुळे पंजाबच्या प्लेऑफच्या आशांवर जवळपास पाणी फिरू शकतं. त्यामुळे हा सामना पंजाबसाठी ‘अस्तित्वाची लढाई’ ठरणार आहे.

23/05/2026 23:10:35

LSG vs PBKS Live Score Update : पंजाब किंग्सचा लखनऊ सुपर जायंट्सवर 7 गडी राखून विजय; श्रेयस अय्यर अन् प्रभसिमरन सिंग चमकले

आयपीएल 2026 च्या 68 व्या सामन्यात पंजाब किंग्सने (PBKS) दमदार कामगिरी करत लखनऊ सुपर जायंट्सचा (LSG) 7 गडी राखून पराभव केला.

लखनऊने दिलेल्या 197 धावांचे आव्हान पंजाबने अवघ्या 18 षटकांत 3 गड्यांच्या मोबदल्यात 200 धावा करत सहज पूर्ण केले.

पंजाबच्या या विजयात कर्णधार श्रेयस अय्यर आणि यष्टिरक्षक फलंदाज प्रभसिमरन सिंग यांनी मोलाचे योगदान दिले.