LSG vs GT Score : गिल-बटलरच्या वादळात लखनऊचा किल्ल्याचा ढासळला; गुजरात टायटन्सचा 7 विकेट्स राखून दणदणीत विजय

Lucknow Super Giants vs Gujarat Titans Update Marathi : सुपर संडेचा पहिला सामना लखनऊ सुपर जायंट्स आणि गुजरात टायटन्स यांच्यात एकाना स्टेडियमवर खेळला जाईल.

पार्श्वभूमी

Lucknow Super Giants vs Gujarat Titans Live Update Marathi : आयपीएल 2026 मध्ये आज दोन सामने खेळले जाणार आहेत. सुपर संडेचा पहिला सामना लखनऊ सुपर जायंट्स आणि गुजरात टायटन्स यांच्यात एलएसजीच्या घरच्या मैदानावर, एकाना स्टेडियमवर खेळला जाईल. मागील सामन्यात कोलकाता नाईट रायडर्सविरुद्ध पराभवाच्या उंबरठ्यावर असताना लखनऊने पुनरागमन करत विजय मिळवला. ऋषभ पंतच्या संघाने तीन सामन्यांपैकी दोन जिंकले आहेत, तर शुभमन गिलच्या गुजरात टायटन्सने तीन सामन्यांपैकी एक जिंकला आहे. हा सामना रोमांचक होण्याची अपेक्षा असून, दोन्ही संघ विजयासाठी प्रयत्न करतील.

12/04/2026 19:07:29

LSG vs GT Score : गिल-बटलरच्या वादळात लखनऊचा किल्ल्याचा ढासळला; गुजरात टायटन्सचा 7 विकेट्स राखून दणदणीत विजय

आयपीएल 2026 चा 19 वा सामना लखनऊ सुपर जायंट्स आणि गुजरात टायटन्स यांच्यात खेळला गेला. लखनऊच्या एकाना क्रिकेट स्टेडियमवर गुजरातने टायटन्सचा 7 गडी राखून पराभव केला. गुजरातकडून शुभमन गिल आणि जोस बटलर यांनी अर्धशतके झळकावून आपल्या संघाला विजय मिळवून दिला. 

प्रथम फलंदाजी करताना, लखनऊ सुपर जायंट्सने 20 षटकांत 8 गडी गमावून 164 धावा केल्या. गुजरात टायटन्सने 18.4 षटकांत 3 गडी गमावून 165 धावांचे लक्ष्य पूर्ण केले आणि 7 गडी राखून सामना जिंकला.

12/04/2026 17:22:44

LSG vs GT Live Score : प्रसिद्धचा ‘किलर’ स्पेल! लखनऊची गाडी रुळावरून घसरली; गुजरातसमोर 165 धावांचं आव्हान, जाणून घ्या LIVE अपडेट्स

प्रथम फलंदाजी करताना लखनऊ सुपर जायंट्सने 20 षटकांत 8 गडी गमावून 164 धावा केल्या. शेवटच्या दोन षटकांत 33 धावा झाल्या. लखनऊकडून एडन मार्करामने 21 चेंडूंमध्ये 30 धावा करून सर्वाधिक धावा केल्या. इतर कोणताही फलंदाज सातत्यपूर्ण खेळू शकला नाही. कर्णधार ऋषभ पंतने 11 चेंडूंमध्ये 18 धावा, निकोलस पूरनने 21 चेंडूंमध्ये 19 धावा आणि अब्दुल समदने 22 चेंडूंमध्ये केवळ 18 धावा केल्या. मागील सामन्याचा हिरो असलेल्या मुकुल चौधरीने 14 चेंडूंमध्ये 18 धावा केल्या. अखेरीस, इम्पॅक्ट प्लेअर म्हणून मैदानात उतरलेल्या जॉर्ज लिंडेने 10 चेंडूंमध्ये 16 धावा केल्या आणि मोहम्मद शमीने पाच चेंडूंमध्ये नाबाद 12 धावा केल्या. गुजरातकडून प्रसिद्ध कृष्णाने 4 षटकांत 28 धावा देऊन 4 बळी घेतले.

12/04/2026 16:18:11

LSG vs GT Live Score : गुजरातच्या गोलंदाजांचा भेदक मारा; लखनऊची फलंदाजी गडगडली... जाणून घ्या LIVE अपडेट्स

गुजरात टायटन्सने नाणेफेक जिंकून प्रथम गोलंदाजी करण्याचा निर्णय घेतला आणि त्यांच्या गोलंदाजांनी हा निर्णय सार्थ ठरवला आहे. 8.2 षटकांच्या खेळानंतर लखनऊ सुपर जायंट्सची अवस्था 74 धावांवर 4 बाद अशी बिकट झाली आहे.

लखनऊच्या डावाची सुरुवात अडखळत झाली. सलामीवीर एडन मार्करामने 21 चेंडूत 30 धावा करत डावाला आकार देण्याचा प्रयत्न केला, मात्र प्रसिद्ध कृष्णाने त्याला वॉशिंग्टन सुंदरकरवी झेलबाद केले. त्यापाठोपाठ मिचेल मार्श (11) आणि कर्णधार ऋषभ पंत (18) स्वस्तात बाद झाल्याने लखनऊ दबावाखाली आली. युवा फलंदाज आयुष बदोनी केवळ ९ धावांची भर घालून माघारी परतला.

प्रसिद्ध कृष्णाने भेदक मारा करत 2 महत्त्वाचे बळी घेतले. मोहम्मद सिराज आणि कागिसो रबाडा याने प्रत्येकी 1 बळी घेत लखनऊच्य धावगतीला लगाम घातला.

12/04/2026 15:10:55

LSG vs GT Live Score : लखनऊ सुपर जायंट्स संघाची प्लेइंग-11

मिचेल मार्श, एडन मार्कराम, ऋषभ पंत, आयुष बडोनी, निकोलस पूरन, अब्दुल समद, मुकुल चौधरी, मोहम्मद शमी, आवेश खान, दिग्वेश सिंग राठी, राजकुमार यादव

12/04/2026 15:10:35

LSG vs GT Live Score : गुजरात टायटन्स संघाची प्लेइंग-11

साई सुदर्शन, शुभमन गिल, जोस बटलर, वॉशिंग्टन सुंदर, ग्लेन फिलिप्स, राहुल तेवतिया, राशिद खान, कागिसो रबाडा,  मोहम्मद सिराज, अशोक शर्मा, प्रसिद्ध कृष्णा

12/04/2026 15:10:04

LSG vs GT Live Score : गुजरातने जिंकली नाणेफेक; हरलेली बाजी जिंकणाऱ्या लखनऊला प्रथम फलंदाजीचे आमंत्रण

गुजरात टायटन्स आणि लखनऊ सुपर जायंट्स हे दोन तगडे संघ आमनेसामने आले आहेत.

या महत्त्वाच्या लढतीत गुजरात टायटन्सचा कर्णधार शुभमन गिल याने नाणेफेक जिंकून प्रथम क्षेत्ररक्षणाचा निर्णय घेतला आहे.