Kuldeep Yadav Vanshika Wedding News : भारताचा स्टार फिरकीपटू कुलदीप यादव (Kuldeep Yadav) अखेर लग्नबंधनात अडकला आहे. कुलदीपने 14 मार्च रोजी बालमैत्रीण वंशिका चड्ढासोबत लग्नगाठ बांधली. उत्तराखंडमधील मसूरी येथील आलिशान सॅवॉय हॉटेल, मसुरी येथे हा शाही विवाहसोहळा पार पडला. या सोहळ्यासाठी दोन्ही कुटुंबीय, जवळचे मित्र आणि क्रिकेटविश्वातील अनेक दिग्गज उपस्थित होते.
या लग्नसमारंभात युझवेंद्र चहल विशेष चर्चेत होता. चहलने तिलक वर्मा सोबत जोरदार डान्स करत सगळ्यांचे लक्ष वेधले. लग्नापूर्वी चहलने सांगितले होते की, “माझ्या भावा कुलदीपच्या लग्नात मी मनसोक्त डान्स करणार आणि भरपूर एन्जॉय करणार आहे.” तर दुसरीकडे तिलक वर्मानेही पुन्हा क्रिकेटकडे लक्ष देण्यापूर्वी कुलदीपच्या लग्नात भरपूर धमाल करण्याची इच्छा व्यक्त केली होती.
दरम्यान, या लग्नाच्या फोटो आणि व्हिडिओने सोशल मीडियावर अक्षरशः धुमाकूळ घातला आहे. आता 17 मार्च रोजी लखनौमध्ये भव्य रिसेप्शन होणार असल्याची माहिती समोर आली आहे. या रिसेप्शनला क्रिकेटसह राजकारण आणि उद्योगजगताशी संबंधित अनेक मान्यवर उपस्थित राहण्याची शक्यता आहे.
वंशिका चड्ढा कोण आहेत? (Who is Vanshika Chadha)
वंशिका चड्ढा ही भारतातील प्रतिष्ठित वित्तीय संस्थेत म्हणजेच भारतीय आयुर्विमा महामंडळ (LIC) मध्ये कार्यरत आहेत. मिळालेल्या माहितीनुसार, ती प्रशासनिक किंवा व्यवस्थापकीय पदावर काम करत आहे. वंशिकाने ऑस्ट्रेलियातील मेलबर्न येथे उच्च शिक्षण घेतले. कुलदीप यादव क्रिकेटमुळे नेहमीच चर्चेत असतात, तर वंशिका मात्र लाईमलाईटपासून दूर राहणे पसंत करते. तिचे वैयक्तिक आयुष्य फारसे सार्वजनिक नाही.
हे ही वाचा -