MLC 2025 News : शाहरुख खानच्या टीमने केली नवीन कर्णधाराची घोषणा! 6 फूट 7 इंच उंची असलेल्या खेळाडूच्या गळ्यात कर्णधारपदाची माळ
मेजर लीग क्रिकेट (MLC) 2025 चे काउंटडाउन सुरू झाले आहे. या लीगचा तिसरा हंगाम 13 जूनपासून सुरू होणार आहे.
Jason Holder new captain of Los Angeles Knight Riders : मेजर लीग क्रिकेट (MLC) 2025 चे काउंटडाउन सुरू झाले आहे. या लीगचा तिसरा हंगाम 13 जूनपासून सुरू होणार आहे. त्याच वेळी, या हंगामापूर्वी काही संघांनी नवीन कर्णधारांची घोषणा केली आहे. या यादीत लॉस एंजेलिस नाईट रायडर्स (Los Angeles Knight Riders) संघाचे नाव देखील आहे, जो नाईट रायडर्स ग्रुपचा एक फ्रँचायझी संघ आहे. या संघाचा मालक बॉलिवूड स्टार शाहरुख खान (Shah Rukh Khan) आहे. लॉस एंजेलिस नाईट रायडर्सने एका खेळाडूला संघाचा कर्णधार बनवले आहे, जो सुरुवातीच्या सामन्यांमध्ये लीगचा भाग राहणार नाही.
शाहरुख खानच्या संघाचा नवा कर्णधार कोण?
एमएलसी 2025 च्या तयारीदरम्यान लॉस एंजेलिस नाईट रायडर्सने (Los Angeles Knight Riders) एक मोठा निर्णय घेतला आहे. संघाने वेस्ट इंडिजचा अनुभवी अष्टपैलू खेळाडू जेसन होल्डरकडे आपले कर्णधारपद सोपवले आहे. पण, होल्डर आंतरराष्ट्रीय ड्युटीमुळे व्यस्त असल्याने पहिल्या दोन सामन्यांमध्ये उपलब्ध राहणार नाही. या काळात, अनुभवी फिरकी गोलंदाज सुनील नारायण संघाची जबाबदारी सांभाळतील. 17 जून रोजी ओकलँडमध्ये वॉशिंग्टन फ्रीडम विरुद्ध खेळल्या जाणाऱ्या तिसऱ्या सामन्यापूर्वी जेसन संघात सामील होईल.
View this post on Instagram
जेसन होल्डर वेस्ट इंडिज आणि आयर्लंड यांच्यातील टी-20 मालिकेत त्याच्या संघाकडून खेळताना दिसेल, ज्यामुळे तो एमएलसीच्या सुरुवातीच्या सामन्यांमध्ये खेळू शकणार नाही. त्याच्या अनुपस्थितीत, सुनील नरेन संघाचे नेतृत्व करतील. नरेनच्या नेतृत्वाखाली संघाला मजबूत सुरुवातीची आशा आहे. जेसन होल्डरच्या नेतृत्वाखाली संघाची रणनीती यावर सर्वांचे लक्ष असेल. त्याची अष्टपैलू कामगिरी संघासाठी महत्त्वाची ठरू शकते, याशिवाय त्याला कर्णधारपदाचा भरपूर अनुभव आहे. त्याने तिन्ही स्वरूपात वेस्ट इंडिजचे नेतृत्व केले आहे.
लॉस एंजेलिस नाइट रायडर्स संघ
जेसन होल्डर (कर्णधार), सुनील नरेन, ॲलेक्स हेल्स, सईद बदर, नितीश कुमार, रोवमन पॉवेल, उन्मुक्त चंद, आंद्रे फ्लेचर, शेरफेन रदरफोर्ड, आदित्य गणेश, कॉर्न ड्राय, एनरिक नॉर्टजे, अली खान, तन्वीर संघा, आंद्रे रसेल, शेडली व्हॅन शाल्क्विक, कारथ ट्रोम्पल.
हे ही वाचा -
महत्त्वाच्या बातम्या
