IPL Points Table 2026 Playoffs Race : आयपीएल 2026 मध्ये आतापर्यंत 15 सामने खेळले गेले असून स्पर्धा रंगात आली आहे. काही संघ जबरदस्त फॉर्ममध्ये दिसत आहेत, तर काही अजूनही विजयाच्या प्रतीक्षेत आहेत. अशा परिस्थितीत प्लेऑफच्या शर्यतीत कोण पुढे आहे आणि कोण मागे पडत आहे, यावर एक नजर टाकूया.
टॉपवर राजस्थान रॉयल्सचा दबदबा (IPL Points Table 2026)
सध्या राजस्थान रॉयल्स संघ गुणतालिकेत अव्वल स्थानावर आहे. त्यांनी खेळलेल्या तिन्ही सामन्यांत विजय मिळवला असून 6 गुणांसह ते टेबल टॉपर आहेत. त्यांचा नेट रन रेटही उत्कृष्ट आहे. पंजाब किंग्स संघाने तीनपैकी दोन सामने जिंकले आहेत, तर एक सामना पावसामुळे रद्द झाला. त्यामुळे त्यांच्या खात्यात 5 गुण असून ते दुसऱ्या स्थानावर आहेत.
रॉयल चॅलेंजर्स बंगळुरूने खेळलेल्या दोन्ही सामन्यांत विजय मिळवून तिसरे स्थान पटकावले आहे. त्यांचा नेट रन रेटही सकारात्मक आहे. दिल्ली कॅपिटल्स संघ चौथ्या स्थानावर आहे. त्यांनी चांगली कामगिरी केली असली, तरी गुजरात टायटन्सविरुद्धचा एक सामना त्यांनी थोडक्यात गमावला.
टॉप-4 च्या बाहेर कोण? (IPL Points Table 2026)
पाचव्या स्थानावर लखनऊ सुपर जायंट्स आहे. त्यांनी तीनपैकी दोन सामने जिंकले आहेत. सनरायझर्स हैदराबादनेही दोन विजय मिळवले असले, तरी कमी नेट रन रेटमुळे ते सहाव्या स्थानावर आहेत. सातव्या क्रमांकावर कोलकाता नाईट रायडर्स आहे, ज्यांनी तीनपैकी एक सामना जिंकला आहे.मुंबई इंडियन्सनेही एकच विजय मिळवला असून ते आठव्या स्थानावर आहेत.
अजून खाते न उघडलेले संघ
केकेआर टीमने चार सामने खेळले तरी एकही विजय मिळवलेला नाही, त्यामुळे ते नवव्या स्थानावर आहेत. तसेच चेन्नई सुपर किंग्सलाही अजून विजय मिळालेला नाही आणि ते गुणतालिकेत शेवटच्या म्हणजे दहाव्या स्थानावर आहेत.
प्लेऑफची शर्यत (IPL Points Table 2026 Playoffs Race)
सध्याच्या स्थितीनुसार राजस्थान रॉयल्स, पंजाब किंग्स, रॉयल चॅलेंजर्स बंगळुरू आणि दिल्ली कॅपिटल्स हे चार संघ प्लेऑफच्या शर्यतीत आघाडीवर दिसत आहेत. दुसरीकडे, कोलकाता नाईट रायडर्स आणि चेन्नई सुपर किंग्स यांच्यासाठी पुढची वाट खडतर दिसत आहे. जर त्यांना स्पर्धेत टिकायचे असेल, तर पुढील सामन्यांत दमदार पुनरागमन करणे अत्यावश्यक आहे.
हे ही वाचा -