Amit Mishra Wife News : विवाहबाह्य संबंध, हुंड्यासाठी छळ अन् मारहाण; मोहम्मद शमीनंतर आणखी एका क्रिकेटपटूच्या बायकोचे सनसनाटी आरोप
Amit Mishra Wife News : भारतीय क्रिकेटपटू मोहम्मद शमी आणि त्याची पत्नी हसीन जहाँ यांचे प्रकरण गेल्या अनेक वर्षांपासून चर्चेत आहे.
Amit Mishra Wife News : भारतीय क्रिकेटपटू मोहम्मद शमी आणि त्याची पत्नी हसीन जहाँ यांचे प्रकरण गेल्या अनेक वर्षांपासून चर्चेत आहे. 2018 मध्ये मोहम्मद शमीची पत्नी हसीन जहाँने शमीवर घरगुती हिंसाचार, हुंडा छळ, मॅच फिक्सिंग असे गंभीर आरोप केले होते. आता आणखी एका भारतीय क्रिकेटपटूच्या अडचणी वाढल्या आहेत. या क्रिकेटपटूच्या पत्नीनेही गंभीर आरोप केले आहेत, ज्यामुळे या क्रिकेटपटूच्या वैयक्तिक आयुष्यात खळबळ उडाली आहे. हा खेळाडू दुसरा तिसरा कोणी नसून आयपीएलमध्ये खेळलेला अमित मिश्रा आहे.
क्रिकेटपटू अमित मिश्रावर त्याच्या पत्नीचा छळ केल्याचा आरोप आहे. शनिवारी, त्यांची पत्नी गरिमा मिश्रा यांनी पोलिस आयुक्तांची भेट घेतली. पती आणि सासरचे लोक हुंड्यासाठी तिचा छळ करत आहेत. पतीचे इतर महिलांशी संबंध आहेत. यामुळे तो तिला त्रास देत आहे. असे सनसनाटी आरोप अमित मिश्राच्या बायकोने केले. अमित मिश्राने हे आरोप खोट असल्याचे म्हटले आहे. पोलिस आयुक्तांनी या प्रकरणाच्या चौकशीचे आदेश दिले आहेत.
विवाहबाह्य संबंध, हुंड्यासाठी छळ अन् मारहाण...
अमित मिश्रा आयपीएलमध्ये राजस्थान रॉयल्स संघात होता. त्यांची पत्नी गरिमा मिश्रा यांनी पोलिस आयुक्तांना भेटताना पती आणि सासरच्या लोकांनी पैशासाठी छळ केल्याचा आरोप केला आहे. गरिमाच्या म्हणण्यानुसार, अमित आणि त्याचे कुटुंब होंडा सिटी कार आणि 10 लाख रुपयांसाठी तिला त्रास देतात. याशिवाय, अमित मिश्राचे अनेक महिलांशी अनैतिक संबंध असल्याचा आरोप तिने केला आहे.
अमित मिश्रा आणि गरिमा यांचे लग्न 26 एप्रिल 2021 रोजी झाले. अमित सध्या क्रिकेटपासून दूर आहे आणि कानपूरमधील रिझर्व्ह बँक ऑफ इंडियामध्ये काम करतो. गरिमा यांनी आरोप केला आहे की, अमित मिश्राने तिला अनेक वेळा मारहाण केली आणि चार महिन्यांपूर्वी डिसेंबरमध्ये जेव्हा तिने त्याच्या इतर महिलांसोबतच्या संबंधांना आक्षेप घेतला. तेव्हा तिला घरातून हाकलून लावण्यात आले होते. ती सध्या तिच्या माहेरी राहते. दुसरीकडे, अमित मिश्रा यांनी म्हटले आहे की त्यांची पत्नी स्वतः त्यांना त्रास देत आहे. अमित मिश्रा यांनी असेही सांगितले की एकदा त्याच्या पत्नीने त्यांना बँक ऑफिसबाहेर मारहाण केली होती.
महत्त्वाच्या बातम्या
