Ind vs Pak Women's Asia Cup Live Streaming : भारत-पाकिस्तान सामन्याचा काऊंटडाऊन सुरू! कधी, कुठे अन् LIVE कसा पाहाल? जाणून घ्या A टू Z
India vs Pakistan Women's Asia Cup 2026 Live Streaming : महिला आशिया कप 2026 स्पर्धेत भारतीय महिला संघाने उपांत्य फेरीतील स्थान आधीच निश्चित केलं आहे.
India vs Pakistan Women's Asia Cup 2026 Live Streaming : महिला आशिया कप 2026 स्पर्धेत भारतीय महिला संघाने उपांत्य फेरीतील स्थान आधीच निश्चित केलं आहे. आता साखळी फेरीतील अखेरच्या सामन्यात भारताचा सामना पारंपरिक प्रतिस्पर्धी पाकिस्तानशी होणार आहे. शनिवारी 5 सप्टेंबरला होणाऱ्या या सामन्याकडे क्रिकेट चाहत्यांचं लक्ष लागलं आहे. भारताची आतापर्यंतची कामगिरी पाहता टीम इंडिया या सामन्यात प्रबळ दावेदार मानली जात आहे. पाकिस्तानला मात्र भारताविरुद्ध चांगली कामगिरी करायची असेल, तर फलंदाजीत मोठी सुधारणा करण्याची गरज आहे.
स्मृती-शेफाली वर्माचा धडाका कायम राहणार?
भारताच्या सलामीवीर स्मृती मानधना आणि शेफाली वर्मा सध्या जबरदस्त फॉर्ममध्ये आहेत. हाँगकाँगविरुद्धच्या सामन्यात स्मृती मानधनाने विक्रमी शतक झळकावत स्पर्धेतील इतर संघांना धोक्याचा इशारा दिला आहे. त्यामुळे पाकिस्तानविरुद्धही भारतीय सलामीची जोडी कशी कामगिरी करते, याकडे सर्वांचं लक्ष असेल. प्रतिका रावल, रिचा घोष आणि कर्णधार हरमनप्रीत कौर यांना मात्र मिळालेल्या चांगल्या सुरुवातीचं मोठ्या खेळीत रूपांतर करण्याची संधी असेल.
पाकिस्तानची फलंदाजी ठरतेय डोकेदुखी
दुसरीकडे पाकिस्तानच्या फलंदाजीने आतापर्यंत निराशा केली आहे. थायलंडविरुद्धच्या मागील सामन्यातही पाकिस्तानने पॉवरप्लेमध्ये तीन विकेट गमावल्या होत्या. त्यानंतर त्यांनी 119 धावांचं आव्हान यशस्वीपणे बचावलं असलं, तरी भारतासारख्या मजबूत संघाविरुद्ध अशी कामगिरी पुरेशी ठरणार नाही. भारताच्या मजबूत फलंदाजी आणि गोलंदाजीसमोर पाकिस्तानच्या फलंदाजांची खरी कसोटी लागणार आहे.
IND vs PAK सामना कधी, कुठे आणि किती वाजता सुरू होणार
महिला आशिया कप 2026 मधील भारत आणि पाकिस्तान यांच्यातील सामना शनिवार, 5 सप्टेंबर 2026 रोजी खेळवला जाणार आहे. हा सामना दुबई इंटरनॅशनल क्रिकेट स्टेडियमवर होईल. हा सामना भारतीय वेळेनुसार रात्री 8 वाजता सुरू होईल.
टीव्हीवर सामना कुठे पाहता येणार?
महिला आशिया कप 2026 मधील सामन्यांचं भारतातील थेट प्रक्षेपण सोनी स्पोर्ट्स नेटवर्कच्या चॅनेल्सवर केलं जाणार आहे. त्यामुळे टीव्हीवर चाहत्यांना भारत विरुद्ध पाकिस्तान सामन्याचा थेट आनंद घेता येईल.
मोबाईलवर LIVE सामना कसा पाहाल?
डिजिटल माध्यमातून सामना पाहणाऱ्या चाहत्यांसाठी SonyLIV अॅप आणि वेबसाइटवर भारत-पाकिस्तान सामन्याचं लाइव्ह स्ट्रीमिंग उपलब्ध असेल.
हे ही वाचा -
महत्त्वाच्या बातम्या
