IND vs PAK Asia Cup 2025 Live Streaming : आशिया कप 2025 च्या गट सामन्यात भारतीय संघाने पाकिस्तानला 7 गडी राखून पराभूत केले होते. आता पुन्हा एकदा भारत-पाकिस्तान महामुकाबला रंगणार असून संपूर्ण क्रिकेटविश्वाचे लक्ष या सामन्याकडे लागले आहे. सुपर-4 टप्प्यातील हा दोन्ही संघांमधील पहिला सामना असेल. मागील लढतीत टीम इंडियासाठी कुलदीप यादवने 3 गडी बाद करत चमकदार कामगिरी केली होती, तर अभिषेक शर्माने आक्रमक फलंदाजी करत पाकिस्तानी गोलंदाजांना दबावाखाली आणले होते. आता सर्वांच्या नजरा सुपर-4 सामन्यावर लागल्या आहेत. जाणून घ्या भारत-पाकिस्तान सुपर-4 सामना लाइव्ह स्ट्रीमिंग (India vs Pakistan Live Streaming) कुठे पाहता येईल.
भारत-पाकिस्तान सुपर-4 सामन्याचे लाईव्ह स्ट्रीमिंग, येथे पाहता येईल सामना (Where to Watch India vs Pakistan Match Live Telecast)
भारत-पाकिस्तान सुपर-4 सामना रविवार 21 सप्टेंबर रोजी दुबई आंतरराष्ट्रीय क्रिकेट स्टेडियमवर खेळला जाईल. सामना भारतीय वेळेनुसार रात्री 8 वाजता सुरू होईल. सामन्याचे लाईव्ह प्रक्षेपण सोनी स्पोर्ट्स 1, सोनी स्पोर्ट्स 3 आणि सोनी स्पोर्ट्स 4 वर उपलब्ध असेल. चाहते सोनी लिव्ह अॅप आणि वेबसाइटवर लाईव्ह स्ट्रीमिंगचा आनंद घेऊ शकतात. त्याच वेळी, आशिया कप 2025 चे थेट प्रक्षेपण डीडी स्पोर्ट्सवर देखील उपलब्ध असेल, परंतु फक्त भारताचे सामने डीडी फ्री डिशवर उपलब्ध असतील. त्यामुळे तुम्ही भारत-पाकिस्तान सामना डीडी स्पोर्ट्सवर फ्री मध्ये पाहू शकता.
हस्तांदोलन वादानंतर पहिल्यांदाच भारत-पाकिस्तान भिडणार (India and Pakistan handshake controversy)
हस्तांदोलनच्या वादानंतर दोन्ही संघ पहिल्यांदाच एकमेकांसमोर येतील. टीम इंडियाने या स्पर्धेत आतापर्यंत एकही सामना गमावलेला नाही. सुपर फोरमध्ये ही विजयी मालिका सुरू ठेवण्याचा त्यांचा प्रयत्न असेल. आशिया कप 2025 च्या लीग सामन्यात टीम इंडियाविरुद्ध प्रथम फलंदाजी करताना पाकिस्तानने 9 बाद 127 धावा केल्या.
भारताने 15.5 षटकांत हे लक्ष्य गाठले, फक्त 3 विकेट गमावल्या. आता, पाकिस्तान या पराभवाचा बदला घेण्यासाठी उत्सुक असेल. पण, भारतीय संघ सध्या उत्कृष्ट फॉर्ममध्ये आहे. 2024 मध्ये टी-20 वर्ल्ड कप जिंकल्यापासून, टीम इंडियाने एकही टी-20 मालिका गमावलेली नाही. या काळात, भारताने एकूण 23 सामने खेळले आहेत आणि त्यापैकी फक्त 3 सामने गमावले आहेत.
भारत-पाकिस्तान हेड टू हेड रेकॉर्ड (India-Pakistan head to head record)
आशिया कपमध्ये भारत आणि पाकिस्तान 20 वेळा आमनेसामने आले आहेत, त्यापैकी 11 वेळा भारताने विजय मिळवला आहे. पाकिस्तानने 6 वेळा विजय मिळवला आहे आणि 3 सामने अनिर्णित राहिले आहेत. भारत आणि पाकिस्तान टी-20 आंतरराष्ट्रीय सामन्यांमध्ये 14 वेळा एकमेकांसमोर आले आहेत, त्यापैकी 11 वेळा भारताने विजय मिळवला आहे आणि 3 वेळा पाकिस्तानने भारताला हरवले आहे.
भारताचे सुपर-4 वेळापत्रक (India Super 4 schedule Asia Cup 2025)
भारतीय संघाचा पहिला सुपर-4 सामना पाकिस्तानविरुद्ध होईल. त्यांचा सामना 24 सप्टेंबर रोजी बांगलादेशशी होईल आणि टीम इंडियाचा शेवटचा सुपर-4 सामना 26 सप्टेंबर रोजी श्रीलंकेविरुद्ध होईल. स्पर्धेचा अंतिम सामना 28 सप्टेंबर रोजी खेळला जाईल.
हे ही वाचा -