IND vs NZ: टी-20 विश्वचषक 2022 स्पर्धेतील अपयशानंतर भारताचा युवा संघ न्यूझीलंड दौऱ्यावर गेलाय. या दौऱ्यात भारताचा नियमित कर्णधार रोहित शर्मा (Rohit Sharma), विराट कोहली (Virat Kohli), केएल राहुलसह (KL Rahul) वरिष्ठ खेळाडूंना विश्रांती देण्यात आलीय. तर, भारताचा स्टार ऑलराऊंडर हार्दिक पांड्याच्या (Hardik Pandya) खांद्यावर टी-20 संघाचा जबाबदारी सोपवण्यात आलीय. भारत आणि न्यूझीलंड यांच्यातील पहिला टी-20 सामना पावसामुळं रद्द करण्यात आलाय. दरम्यान, भारताच्या टी-20 संघाच नेतृत्व मिळाल्यानंतर हार्दिक पांड्या सतत बोलताना दिसत आहे. भारतानं टी-20 विश्वचषकातील निराशाजनक कामगिरीला मागं सोडलंय आणि आगामी टी-20 विश्वचषक स्पर्धेच्या दृष्टीनं तयारीला सुरुवात केलीय. 


आगामी टी-20 विश्वचषक जवळपास दोन वर्षानंतर खेळला जाणार आहे. या कालावधीत युवा खेळाडूंकडं आपली क्षमता सिद्ध करण्याचा भरपूर वेळा. 2024 च्या विश्वचषकापूर्वी भारताला बरंच क्रिकेट खेळायचंय आणि बहुतेक लोकांना संधी मिळतील. टी-20 विश्वचषकाचा रोड मॅप आजपासून म्हणजेच न्यूझीलंडविरुद्ध मालिकेपासून सुरू झालाय. तूर्तास एवढंच ठरवायचं आहे की, संघातील खेळाडूंनी इथं खेळण्याचा आनंद घ्यावा. भविष्याबद्दल आपण नंतर बोलू."


हार्दिक पांड्या टी-20 संघाचा नियमित कर्णधार बनण्याची शक्यता
ताज्या माहितीनुसार, लवकरच हार्दिक पांड्याला टी-20 संघाचा नियमित कर्णधार बनवलं जाऊ शकतं. बीसीसीआयनं सध्या रोहित शर्माला हटवण्याचं ठरवलं असून त्याच्या जागी हार्दिक पांड्याला जबाबदारी दिली जाऊ शकते. न्यूझीलंड दौऱ्यानंतर हार्दिक पांड्याकडं अधिकृतपणे कर्णधारपदाची जबाबदारी सोपवली जाऊ शकते. रवी शास्त्री आणि सुनील गावस्कर यांसारख्या दिग्गजांनी हार्दिकला पाठिंबा दर्शवलाय. हार्दिकनं इंडियन प्रीमियर लीगमध्येही कर्णधारपदाचं कौशल्य दाखवलंय. पदार्पणाच्या हंगामातच त्यानं गुजरात टायटन्सच्या संघाला आयपीएलची ट्रॉफी जिंकून दिली. रोहित शर्माकडं एकदिवसीय आणि कसोटी संघाचा कर्णधार कायम असेल. मात्र, 2023 मध्ये होणाऱ्या एकदिवसीय विश्वचषकानंतर त्याच्या भविष्याबाबत निर्णय घेतला जाऊ शकतो.


भारतीय संघ न्यूझीलंड दौऱ्यावर
भारत आणि न्यूझीलंड यांच्यात 13 दिवसांत 6 सामने खेळले जातील, ज्यात तीन टी-20 आणि तीन एकदिवसीय सामन्यांचा समावेश आहे. भारत आणि न्यूझीलंड यांच्यातील पहिला टी-20 सामना आज 18 नोव्हेंबर रोजी वेलिंग्टनच्या स्काय स्टेडियमवर खेळला जाणार होता. पण हा सामना पावसामुळं रद्द झाला. या मालिकेतील दुसरा टी-20 सामना 20 नोव्हेंबर आणि तिसरा टी-20 सामना 22 नोव्हेंबर रोजी अनुक्रमे माउंट मॉन्गनुई आणि नॅपियर येथे खेळला जाईल. दरम्यान, एकदिवसीय मालिकेला 25 नोव्हेंबर ईडन पार्क येथे होईल. त्यानंतर दुसरा एकदिवसीय सामना 27 नोव्हेंबर रोजी सीडन पार्क आणि तिसरा एकदिवसीय साममना 30 नोव्हेंबर रोजी हेग्ले ओवल येथे पार पडणार आहे. 


हे देखील वाचा-