IND vs NAM Score : टीम इंडियाची ‘दादागिरी’! नामीबिया संघाचं कंबरडं मोडलं, वर्ल्डकपच्या इतिहासातील सर्वात मोठा विजय

India vs Namibia Live Score T20 World Cup 2026 : भारत आणि नामीबिया यांच्यातील टी-20 वर्ल्ड कप 2026 मधील हा सामना गुरुवार, 12 फेब्रुवारी रोजी होणार आहे.

Background

India vs Namibia Live Score T20 World Cup 2026 Marathi Update : नामीबियाविरुद्धच्या सामन्यापूर्वी टीम इंडियामध्ये काही बदल होण्याची शक्यता वर्तवली जात आहे. सलामीवीर अभिषेक शर्मा आजारी असल्यामुळे त्याच्या खेळण्याबाबत सस्पेन्स कायम आहे. मात्र या सामन्यात वेगवान गोलंदाज जसप्रीत बुमराहची पुनरागमन जवळपास निश्चित मानली जात आहे. 

IND vs NAM सामना कधी आणि कुठे होणार?

भारत आणि नामीबिया यांच्यातील टी-20 वर्ल्ड कप 2026 मधील हा सामना गुरुवार, 12 फेब्रुवारी रोजी होणार आहे. भारतीय वेळेनुसार सायंकाळी 7 वाजता सामन्याला सुरुवात होईल, तर नाणेफेक 6:30 वाजता पार पडेल. हा सामना दिल्लीतील अरुण जेटली स्टेडियमवर खेळवला जाणार आहे.

LIVE प्रक्षेपण कुठे पाहाल?

भारत विरुद्ध नामीबिया सामन्याचे थेट प्रक्षेपण स्टार स्पोर्ट्सच्या विविध चॅनेल्सवर पाहता येईल. हिंदी आणि इंग्रजी या दोन्ही भाषांमध्ये समालोचनासह सामना पाहण्याची सुविधा उपलब्ध आहे.

मोबाईलवर फ्रीमध्ये कसा पाहाल सामना?

भारत–नामीबिया सामना जिओ हॉटस्टार अ‍ॅपवरही पाहता येईल. तुमच्याकडे जिओ हॉटस्टारचे सबस्क्रिप्शन असल्यास मोबाईलवर सामन्याचा थेट आणि अखंड थरार अनुभवता येईल.

कोण आत, कोण बाहेर?

या सामन्यासाठी अभिषेक शर्मा आणि ईशान किशन यांच्या उपलब्धतेबाबत संभ्रम आहे. दुसरीकडे जसप्रीत बुमराहची पुनरागमनाची शक्यता बळकट मानली जात आहे. ऑलराउंडर वॉशिंग्टन सुंदर सराव करताना दिसला आहे. जर अभिषेक खेळू शकला नाही, तर संजू सॅमसनला संघात संधी मिळू शकते.

22:39 PM (IST)  •  12 Feb 2026

IND vs NAM Score : टीम इंडियाची ‘दादागिरी’! नामीबिया संघाचं कंबरडं मोडलं, वर्ल्डकपच्या इतिहासातील सर्वात मोठा विजय

भारताने नामिबियावर 93 धावांनी दणदणीत विजय मिळवला.

गुरुवारी दिल्लीतील अरुण जेटली स्टेडियमवर झालेल्या टी-20 विश्वचषकाच्या गट सामन्यात भारताने प्रथम फलंदाजी करताना ईशान किशन आणि हार्दिक पांड्या यांच्या दमदार अर्धशतकांच्या जोरावर 20 षटकांत 9 बाद 209 धावांचा भक्कम डोंगर उभारला.

210 धावांच्या आव्हानाचा पाठलाग करताना नामिबियाची फलंदाजी भारतीय गोलंदाजांसमोर टिकू शकली नाही.

संपूर्ण संघ 18.2 षटकांत 116 धावांवर गारद झाला आणि भारताने 93 धावांनी विजय नोंदवला.

या स्पर्धेतील भारताचा हा सलग दुसरा विजय ठरला. यापूर्वी पहिल्याच सामन्यात अमेरिकेला पराभूत करत टीम इंडियाने आपल्या मोहिमेची शानदार सुरुवात केली होती.

या विजयामुळे भारताने गट ‘अ’च्या गुणतालिकेत अव्वल स्थान पटकावले असून पाकिस्तान दुसऱ्या स्थानावर घसरला आहे. आता सर्वांचे लक्ष रविवारी (15 फेब्रुवारी) होणाऱ्या भारत–पाकिस्तान सामन्याकडे लागले आहे. दोन्ही संघांसाठी हा सामना अत्यंत दडपणाचा आणि प्रतिष्ठेचा ठरणार आहे.

 

 

 

20:59 PM (IST)  •  12 Feb 2026

IND vs NAM Live Score : शेवटच्या 2 षटकात टीम इंडियाची घसरगुंडी! 12 चेंडूमध्ये 5 विकेट्स अन् फक्त 10 धावा

भारतीय संघाने प्रथम फलंदाजी करत नामिबियासमोर 210 धावांचे आव्हान उभे केले.

सूर्यकुमार यादवच्या नेतृत्वाखालील टीम इंडियाने 20 षटकांत 9 बाद 209 धावा फलकावर लावल्या.

संघासाठी सलामीला उतरलेल्या ईशान किशनने सर्वात मोठी खेळी साकारली. त्याने अवघ्या 24 चेंडूमध्ये 6 चौकार आणि 5 षटकारांच्या जोरावर 61 धावा केल्या.

याशिवाय हार्दिक पांड्यानेही अर्धशतक झळकावत 52 धावांची महत्त्वपूर्ण खेळी केली.

मधल्या षटकांत दोघांच्या भागीदारीमुळे धावफलक वेगाने पुढे सरकत राहिला.

मात्र डावाचा शेवट भारतासाठी अत्यंत खराब ठरला.

अखेरच्या दोन षटकांत म्हणजेच शेवटच्या 12 चेंडूमध्ये भारताने 5 गडी गमावले आणि फक्त 10 धावा करता आल्या.

त्यामुळे 15 फेब्रुवारी रोजी भारत-पाकिस्तान सामना होणार आहे, त्याआधी सूर्या आणि गंभीरचं टेन्शन वाढलं आहे.

त्यामुळे मोठ्या धावसंख्येकडे वाटचाल करत असतानाही संघाला अपेक्षित फिनिश मिळू शकला नाही.

नामिबियाकडून कर्णधार गेरहार्ड इरास्मसने सर्वाधिक 4 बळी घेत भारतीय फलंदाजांना दिला.