Ind vs Afg 2nd ODI Update : भारताने अफगाणिस्तानविरुद्धची मालिका जिंकली! दुसऱ्या वनडेत 107 धावांनी अफगाणचा उडवला धुव्वा, मालिका खिशात

India vs Afghanistan 2nd ODI LIVE Update : भारत आणि अफगाणिस्तान यांच्यातील तीन सामन्यांच्या एकदिवसीय मालिकेतील दुसरा सामना आज लखनऊ येथील इकाना क्रिकेट स्टेडियमवर काही वेळात सुरू होणार आहे.

पार्श्वभूमी

India vs Afghanistan 2nd ODI LIVE Update : भारत आणि अफगाणिस्तान यांच्यातील तीन सामन्यांच्या एकदिवसीय मालिकेतील दुसरा सामना आज लखनऊ येथील भारतरत्न श्री अटल बिहारी वाजपेयी इकाना क्रिकेट स्टेडियमवर काही वेळात सुरू होणार आहे. मालिकेतील पहिल्या सामन्यात भारताने 7 विकेट्सने दमदार विजय मिळवला होता. धर्मशाला येथील हिमाचल प्रदेश क्रिकेट असोसिएशन स्टेडियमवर खेळल्या गेलेल्या पहिल्या वनडेमध्ये पावसामुळे व्यत्यय आल्याने सामना 25-25 षटकांचा करण्यात आला होता. त्या सामन्यात भारताने 13 चेंडू राखून विजय मिळवत मालिकेत आघाडी घेतली.भारताकडून कर्णधार शुभमन गिल याने 66 चेंडूंमध्ये 84 धावांची शानदार खेळी केली होती. त्याला केएल राहुल याने 19 चेंडूंमध्ये 39 धावांची तुफानी साथ दिली. गोलंदाजीत पदार्पण करणाऱ्या हर्ष दुबे आणि गुरनीत बरार यांनी प्रत्येकी 3-3 विकेट्स घेत प्रभावी कामगिरी केली. आता दुसऱ्या वनडेमध्ये भारताची नजर विजयासह मालिका खिशात घालण्यावर असेल, तर अफगाणिस्तानचा संघ जोरदार पुनरागमन करून मालिका जिवंत ठेवण्याचा प्रयत्न करेल.

17/06/2026 21:32:46

Ind vs Afg 2nd ODI Update : भारताने अफगाणिस्तानविरुद्धची मालिका जिंकली! दुसऱ्या वनडेत 107 धावांनी अफगाणचा उडवला धुव्वा, मालिका खिशात

दुसऱ्या एकदिवसीय (ODI) सामन्यात भारताने अफगाणिस्तानवर 170 धावांनी दणदणीत विजय मिळवला आहे.

अफगाणिस्तानने नाणेफेक जिंकून प्रथम गोलंदाजी करण्याचा निर्णय घेतला होता, जो भारतीय फलंदाजांनी पूर्णपणे चुकीचा ठरवला.

प्रथम फलंदाजी करताना भारतीय संघाने निर्धारित 50 षटकांत तब्बल 402 धावांचा डोंगर उभारला. 

403 धावांच्या विशाल लक्षाचा पाठलाग करताना अफगाणिस्तानचा संघ दबावाखाली आला.

त्यांच्या फलंदाजांना भारतीय गोलंदाजांसमोर खेळपट्टीवर फार काळ तग धरता आला नाही. 

संपूर्ण अफगाणिस्तानचा संघ 44.3 षटकांत 232 धावांवर ऑलआऊट झाला.

Continues below advertisement

17/06/2026 17:39:28

Ind vs Afg 2nd ODI LIVE Update : लखनऊमध्ये गिल अन् किशनचे वादळ; भारताचे अफगाणिस्तानसमोर 403 धावांचे आव्हान, रोहित शर्माने किती धावा केल्या?

भारतरत्न श्री अटलबिहारी वाजपेयी एकाना क्रिकेट स्टेडियमवर सुरू असलेल्या दुसऱ्या एकदिवसीय (ODI) सामन्यात भारतीय फलंदाजांनी अफगाणिस्तानच्या गोलंदाजीचा चांगलाच समाचार घेतला.

कर्णधार शुभमन गिल आणि यष्टिरक्षक ईशान किशनच्या शतकी खेळीच्या जोरावर भारताने 49.5 षटकांत सर्वबाद 402 धावांचा डोंगर उभा केला आहे.

आता अफगाणिस्तानला हा सामना जिंकण्यासाठी 403 धावांचे आव्हान पार करावे लागणार आहे.

अफगाणिस्तानने नाणेफेक जिंकून प्रथम क्षेत्ररक्षण करण्याचा निर्णय घेतला, जो भारतीय फलंदाजांनी पूर्णपणे चुकीचा ठरवला. भारताची सुरुवात खराब झाली. सलामीवीर यशस्वी जैस्वाल अवघ्या 4 धावांवर बाद झाला. त्यानंतर अनुभवी रोहित शर्मा (48 धावा, 39 चेंडू) याने शुभमन गिलसोबत डाव सावरला. रोहित बाद झाल्यानंतर मैदानावर आलेल्या ईशान किशन आणि शुभमन गिल यांनी अफगाण गोलंदाजांवर अक्षरशः हल्लाबोल चढवला.

गिल-किशनची 224 धावांची विक्रमी भागीदारी

शुभमन गिल आणि ईशान किशन यांनी तिसऱ्या विकेटसाठी तब्बल 224 धावांची भागीदारी रचली. कर्णधार शुभमन गिलने 110 चेंडूंत 154 धावांची खेळी केली, ज्यात 14 चौकार आणि 2 षटकारांचा समावेश होता. दुसऱ्या बाजूला, ईशान किशनने अवघ्या 79 चेंडूंत 125 धावा ठोकल्या. किशनने आपल्या खेळीत 14 चौकार आणि 7 गगनचुंबी षटकार ठोकले. या दोघांच्या फटकेबाजीमुळे भारताने 36 व्या षटकातच 300 धावांचा टप्पा पार केला होता.

शेवटच्या षटकांत पडझड, पण धावसंख्या 400 पार

हे दोन्ही फलंदाज बाद झाल्यानंतर भारतीय डावाला काहीशी गळती लागली. श्रेयस अय्यर 26 धावा करून बाद झाला, तर के.एल. राहुल पहिल्याच चेंडूवर धावबाद (शून्य) झाला. वॉशिंग्टन सुंदरने 19 धावा केल्या. खालच्या फळीतील गुरनूर ब्रार (3), अर्शदीप सिंग (3), कुलदीप यादव (3 नाबाद) आणि प्रिन्स यादव (5) स्वस्तात बाद झाले. मात्र, मधल्या फळीतील पडझडीनंतरही भारताने 402 धावांपर्यंत मजल मारली.

17/06/2026 16:01:35

Ind vs Afg 2nd ODI LIVE Update : गिलनंतर इशानचाही धमाका; अफगाणिस्तान टीमचे धाबे दणाणले! मैदानावर नेमकं काय घडतंय?, जाणून घ्या LIVE अपडेट्स

भारतीय कर्णधार शुभमन गिलने अफगाणिस्तानविरुद्धच्या दुसऱ्या एकदिवसीय सामन्यात 77 चेंडूंमध्ये शतक झळकावले. एकदिवसीय सामन्यांमधील हे गिलचे नववे शतक आहे. 

कर्णधार गिलनंतर, इशान किशननेही अफगाणिस्तानविरुद्धच्या दुसऱ्या एकदिवसीय सामन्यात शतक झळकावले.

इशानने 71 चेंडूंमध्ये आपले शतक पूर्ण केले.

इशान आणि गिल यांच्यातील तिसऱ्या विकेटसाठीची उत्कृष्ट भागीदारी कायम असून, दोन्ही फलंदाजांनी आतापर्यंत 170 धावा जोडल्या आहेत.

 

Continues below advertisement

17/06/2026 13:12:36

Ind vs Afg 2nd ODI LIVE Update : अफगाणिस्तान संघाची प्लेइंग-11

रहमानउल्ला गुरबाज, इब्राहिम झद्रान, सेदीकुल्ला अटल, रहमत शाह, हशमतुल्ला शाहिदी, दरविश रसूली, रशीद खान, नांगेलिया खरोती, एएम गझनफर, मोहम्मद सलीम साफी, बिलाल सामी

17/06/2026 13:11:38

Ind vs Afg 2nd ODI LIVE Update : टीम इंडियाची प्लेइंग-11

रोहित शर्मा, यशस्वी जैस्वाल, शुभमन गिल, केएल राहुल, श्रेयस अय्यर, इशान किशन (विकेटकीपर), वॉशिंग्टन सुंदर, कुलदीप यादव, गुरनूर ब्रार, प्रिन्स यादव, अर्शदीप सिंग.

17/06/2026 13:11:04

Ind vs Afg 2nd ODI LIVE Update : टीम इंडियात एक-दोन नाही तर तब्बल 3 मोठे बदल

अफगाणिस्तानने दुसऱ्या एकदिवसीय सामन्यासाठी संघात तीन बदल केले.

दरम्यान, प्रिन्स यादव भारतासाठी पदार्पण करत आहे.

आयपीएल 2026 मध्ये लखनऊ सुपर जायंट्सकडून खेळलेल्या प्रिन्सला लखनऊमध्ये आंतरराष्ट्रीय कॅप प्रदान करण्यात आली.

श्रेयस अय्यरच्या हस्ते त्याला ही कॅप देण्यात आली. या मालिकेत टीम इंडियासाठी पदार्पण करणारा तो तिसरा खेळाडू आहे. गुरनूर ब्रार आणि हर्ष दुबे यांनीही पहिल्या एकदिवसीय सामन्यात पदार्पण केले.

भारतीय आणि अफगाणिस्तान या दोन्ही संघांमध्ये महत्त्वपूर्ण बदल करण्यात आले आहेत.

नितीश रेड्डीला भारतीय संघातून वगळण्यात आले आहे.

प्रिन्स यादव व्यतिरिक्त, कुलदीप यादव आणि यशस्वी जैस्वाल यांचा टीम इंडियामध्ये समावेश करण्यात आला आहे.

कुलदीपने हर्ष दुबेची जागा घेतली आहे.

17/06/2026 13:07:52

Ind vs Afg 2nd ODI LIVE Update : अफगाणिस्तानने नाणेफेक जिंकली

अफगाणिस्तानने नाणेफेक जिंकून भारताला फलंदाजीसाठी आमंत्रित केले. प्रिन्स यादवला पदार्पणाची संधी देण्यात आली.