India Playing 11 vs Zimbabwe : पराभवानंतर खळबळ! द. आफ्रिकेच्या धक्क्यानंतर टीम मॅनेजमेंट अॅक्शन मोडमध्ये; पुढच्या सामन्यात प्लेइंग-11 मधून 4 खेळाडू OUT?
India Playing 11 vs Zimbabwe Super 8 : दक्षिण आफ्रिकेकडून झालेल्या 76 धावांच्या दारुण पराभवानंतर भारतीय संघाच्या तयारीवर मोठे प्रश्नचिन्ह उभे राहिले आहे.
India vs Zimbabwe Super 8 ICC T20 World Cup 2026 : आयसीसी टी-20 विश्वचषक 2026 च्या सुपर-8 फेरीत दक्षिण आफ्रिकेकडून झालेल्या 76 धावांच्या दारुण पराभवानंतर भारतीय संघाच्या तयारीवर मोठे प्रश्नचिन्ह उभे राहिले आहे. नरेंद्र मोदी स्टेडियम येथे खेळल्या गेलेल्या या सामन्यानंतर आता टीम मॅनेजमेंटवर प्लेइंग इलेव्हनमध्ये बदल करण्याचा दबाव प्रचंड वाढला आहे. पुढे झिम्बाब्वे आणि वेस्ट इंडिजसारख्या मजबूत संघांशी सामना असताना प्रयोग करण्यासाठी फारशी जागा उरलेली नाही.
सलामीच्या जोडीवर सर्वात मोठा प्रश्न
या स्पर्धेत भारताची सुरुवात सातत्याने ढासळलेली दिसली. पॉवरप्लेमध्ये धावगती मंदावली आणि लवकर विकेट्स गमावल्याने दबाव वाढला. सध्याची सलामी जोडी अपेक्षांना न्याय देऊ शकलेली नाही. त्यामुळे बदलाची चर्चा जोर धरत आहे. टी-20 मध्ये यापूर्वी सलामीवीर म्हणून प्रभावी कामगिरी केलेल्या संजू सॅमसनला पुन्हा संधी देण्याची मागणी होत आहे. त्याचा समावेश झाल्यास फलंदाजी क्रमाला स्थैर्य मिळू शकते. जर त्याला अभिषेक शर्मासोबत वरच्या क्रमावर पाठवले, तर संघाला आक्रमक आणि वेगवान सुरुवात मिळू शकते.
मधल्या फळीतही बदलाची शक्यता
क्रमांक तीन आणि चारवरही स्थिरतेचा अभाव जाणवला. युवा फलंदाज तिलक वर्माला संधी मिळाली, मात्र मोठ्या सामन्यात अपेक्षित जबाबदारी पेलण्यात तो अपयशी ठरला. त्यामुळे अनुभव आणि सध्याचा फॉर्म लक्षात घेऊन व्यवस्थापन बदलाचा निर्णय घेऊ शकते. अशा परिस्थितीत इशान किशनला क्रमांक तीनवर फलंदाजीसाठी पाठवण्याचा पर्याय पुढे येत आहे. काही तज्ज्ञांच्या मते, वरच्या फळीत उजव्या-डाव्या हाताच्या फलंदाजांचे संयोजन ठेवणे आवश्यक आहे, जेणेकरून प्रतिस्पर्धी संघाच्या ऑफ-स्पिन गोलंदाजांची रणनीती प्रभावीपणे मोडता येईल.
गोलंदाजी संयोजनावरही लक्ष
दक्षिण आफ्रिकेविरुद्ध गोलंदाजांनीही निराशाजनक कामगिरी केली. विशेषतः डेथ ओव्हर्समध्ये धावा रोखण्यात अपयश स्पष्ट दिसले. त्यामुळे अतिरिक्त फिरकी पर्याय म्हणून कुलदीप यादवचा समावेश करण्याची चर्चा सुरू आहे. तसेच वेगवान गोलंदाजी अधिक मजबूत करण्यासाठी मोहम्मद सिराजला संधी दिली जाऊ शकते. ऑलराउंडर पर्यायात संतुलन साधण्यासाठी वॉशिंग्टन सुंदरच्या जागी अक्षर पटेलची पुनरागमनाची शक्यता वर्तवली जात आहे.
आता चुकीला माफी नाही
सुपर-8 फेरीतील प्रत्येक सामना हा उपांत्यपूर्व लढतीसारखाच आहे. सेमीफायनलच्या शर्यतीत टिकून राहायचे असेल, तर टीम इंडियाला कठोर आणि धाडसी निर्णय घ्यावे लागतील. बदल फक्त खेळाडूंचाच नव्हे, तर संपूर्ण रणनीतीचाही असणे आवश्यक आहे. आता प्रत्येक निर्णय हा ‘करो या मरो’ या भूमिकेतूनच घ्यावा लागणार आहे.
महत्त्वाच्या बातम्या
