IND vs WI T20 World Cup 2026 : जगातील नंबर-1 गोलंदाज OUT, कुलदीप यादव IN; वेस्ट इंडिजविरुद्ध हाय-व्होल्टेज सामन्यात टीम इंडियाची चक्रावणारी Playing XI
India Playing XI vs West Indies : टी- 20 वर्ल्ड कप 2026 मध्ये भारताच्या सेमीफायनलमध्ये प्रवेशाची शक्यता अजूनही जिवंत आहे.
India Playing 11 vs West Indies T20 World Cup 2026 : टी- 20 वर्ल्ड कप 2026 मध्ये भारताच्या सेमीफायनलमध्ये प्रवेशाची शक्यता अजूनही जिवंत आहे. मात्र त्यासाठी टीम इंडियाला सुपर-8 फेरीतील शेवटच्या सामन्यात वेस्ट इंडिजवर मात करणे अनिवार्य आहे. भारताने हा सामना जिंकला तर सेमीफायनलचे तिकीट पक्के होईल. पण समोरची कॅरेबियन टीम अजिबात कमजोर नाही. त्यांच्या फलंदाजी फळीमध्ये एकापेक्षा एक आक्रमक फलंदाज आहेत, जे कोणत्याही क्षणी सामना फिरवू शकतात.
वेस्ट इंडिजचा या स्पर्धेतील आतापर्यंतचा प्रवास चांगला राहिला असला, तरी मागील सामन्यात त्यांना दक्षिण आफ्रिकेकडून 9 विकेट्सने पराभव पत्करावा लागला. झिम्बाब्वेविरुद्ध दमदार विजय मिळवल्यानंतर त्यांनी दक्षिण आफ्रिकेला कडवी टक्कर देईल अशी अपेक्षा होती, पण तसे घडले नाही. त्यामुळे आता कॅरेबियन संघही पुनरागमन करण्यासाठी सज्ज असेल. सेमीफायनलमध्ये पोहोचण्याची संधी जितकी भारताकडे आहे, तितकीच ती वेस्ट इंडिजकडेही आहे.
कुलदीप यादवला संधी मिळण्याची शक्यता
वेस्ट इंडिजविरुद्ध भारताला संतुलित आणि प्रभावी प्लेइंग-11 घेऊन मैदानात उतरावे लागेल. कोलकात्यातील सामन्यात भारत एक महत्त्वाचा बदल करू शकतो. वरुण चक्रवर्तीला प्लेइंग-11 मधून वगळून त्याच्या जागी कुलदीप यादवला संधी दिली जाऊ शकते. कुलदीप हा रिस्ट स्पिनर असून विकेट्स घेण्याची त्यांची क्षमता परिस्थितीवर अवलंबून नसते. वरुण गेल्या दोन सामन्यांत प्रभाव टाकू शकले नाहीत आणि त्यांच्या गोलंदाजीवर धावा सहज निघाल्या आहेत.
या एका बदलाव्यतिरिक्त भारत मोठे फेरबदल करेल, अशी शक्यता कमी आहे. रिंकू सिंग वडिलांच्या निधनानंतर उपलब्ध असतील का, याबाबत अद्याप स्पष्टता नाही. उपलब्ध असले तरी ते प्लेइंग-11 मध्ये असण्याची शक्यता कमी वाटते.
संभाव्य फलंदाजी क्रम
वेस्ट इंडिजविरुद्ध अभिषेक शर्मा आणि संजू सॅमसन सलामीला येऊ शकतात. तिसऱ्या क्रमांकावर ईशान किशन फलंदाजी करेल, तर त्यानंतर कर्णधार सूर्यकुमार यादव मैदानात उतरेल. पाचव्या क्रमांकावर हार्दिक पांड्या, ज्यांनी झिम्बाब्वेविरुद्ध अर्धशतक झळकावले होते, ते येतील. सहाव्या स्थानी तिलक वर्मा, सातव्या क्रमांकावर शिवम दुबे आणि आठव्या स्थानी उपकर्णधार अक्षर पटेल असतील. गोलंदाजीत वेगवान गोलंदाज म्हणून जसप्रीत बुमराह आणि अर्शदीप सिंग जबाबदारी सांभाळतील, तर स्पिन विभागात कुलदीप यादवला संधी मिळू शकते.
वेस्ट इंडिजविरुद्ध भारताची प्लेइंग-11 (India playing XI vs West Indies) : अभिषेक शर्मा, संजू सॅमसन (यष्टिरक्षक), ईशान किशन, सूर्यकुमार यादव (कर्णधार), हार्दिक पांड्या, तिलक वर्मा, शिवम दुबे, अक्षर पटेल (उपकर्णधार), कुलदीप यादव, अर्शदीप सिंग, जसप्रीत बुमराह.
हे ही वाचा -
महत्त्वाच्या बातम्या
