IND vs USA : विजयी श्रीगणेशा! सूर्याच्या नेतृत्वाखाली टीम इंडियाचा अमेरिकेवर शानदार विजय

India vs USA Score Updates In Marathi : टी-20 वर्ल्डकप 2026चा थरार सुरू झाला असून टीम इंडिया आपला पहिला सामना अमेरिकेविरुद्ध खेळण्यासाठी सज्ज झाली आहे.

पार्श्वभूमी

India vs USA Score Updates T20 World Cup 2026 In Marathi : टी-20 वर्ल्डकप 2026चा थरार सुरू झाला असून टीम इंडिया आपला पहिला सामना अमेरिकेविरुद्ध खेळण्यासाठी सज्ज झाली आहे. हा सामना मुंबईच्या वानखेडे स्टेडियमवर रंगणार असून, सूर्यकुमार यादवच्या नेतृत्वाखालील भारतीय संघ विजयाने सुरुवात करण्याच्या इराद्याने मैदानात उतरेल. टी-20 वर्ल्डकपच्या इतिहासात भारत आणि अमेरिका यांच्यातील हा फक्त दुसरा सामना आहे. यापूर्वी 2024 टी-20 वर्ल्डकपमध्ये न्यूयॉर्क येथे दोन्ही संघ आमनेसामने आले होते. त्या सामन्यात भारताने वर्चस्व गाजवत 7 विकेट्सने सहज विजय मिळवला होता. या स्पर्धेत भारताला ग्रुप ‘ए’ मध्ये स्थान देण्यात आले आहे. या गटात भारतासोबत पाकिस्तान, अमेरिका, नामीबिया आणि नेदरलँड्स हे संघ आहेत.

07/02/2026 22:48:10

IND vs USA : विजयी श्रीगणेशा! सूर्याच्या नेतृत्वाखाली टीम इंडियाचा अमेरिकेवर शानदार विजय

भारताने दणदणीत विजयाने टी-20 वर्ल्ड कप 2026 मोहिमेची शानदार सुरुवात केली आहे. मुंबईच्या वानखेडे स्टेडियमवर झालेल्या या लढतीत टीम इंडियाने अमेरिकेचा 29 धावांनी पराभत केला. नाणेफेक गमावल्यानंतर प्रथम फलंदाजी करताना भारतीय संघाने 20 षटकांत 161 धावा केल्या. सुरुवातीला अडचणीत सापडलेल्या भारताला कर्णधार सूर्यकुमार यादवने सावरलं. सूर्यानं जबाबदारी घेत 84 धावांची झंझावाती, सामना जिंकवणारी खेळी केली. त्याच्या फलंदाजीमुळे वानखेडेवर पुन्हा एकदा सूर्या तळपला. 162 धावांच्या आव्हानाचा पाठलाग करताना अमेरिकन संघाला भारतीय गोलंदाजांनी सुरुवातीपासूनच आवळा घातला. नियमित अंतराने विकेट्स पडत गेल्याने यूएसएची फलंदाजी कोलमडली. अखेरीस अमेरिका 20 षटकांत 132 धावांपर्यंतच मजल मारू शकली. या विजयासह भारताने वर्ल्ड कपमध्ये विजयी सुरुवात केली.

Continues below advertisement

07/02/2026 20:55:27

IND vs USA LIVE Score : सूर्या तळपला! अमेरिकेसमोर टीम इंडियाचं 162 धावाचं आव्हान

भारताने अमेरिकेसमोर 162 धावांचं आव्हान उभं केलं आहे.

कर्णधार सूर्यकुमार यादवने जबरदस्त नेतृत्व करत नाबाद 84 धावांची झुंजार खेळी साकारली.

टॉस हरल्यानंतर प्रथम फलंदाजीला उतरलेल्या भारतीय संघाने 20 षटकांत 9 गडी गमावून 161 धावा केल्या.

सूर्या एकटा नडला, ज्यामुळे भारताला सन्मानजनक धावसंख्या उभारता आली.

07/02/2026 20:52:48

IND vs USA LIVE Score : सूर्यकुमार यादव एकटा नडला! 36 चेंडूत ठोकले अर्धशतक

जिथे एका बाजूला टीम इंडियाची विकेट्स पडत होत्या.

तिथे कर्णधार सूर्यकुमार यादव मात्र एकटा नडला.

संकटाच्या क्षणी सूर्यानं जबाबदारी घेतली आणि संयमी पण आक्रमक खेळ करत 36 चेंडूत आपलं अर्धशतक पूर्ण केलं.

या खेळीत त्याने 7 चौकार आणि 1 षटकार ठोकत डावाला सावरलं.
 

Continues below advertisement

07/02/2026 19:48:45

IND vs USA LIVE Score : एकामागून एक धक्के! वानखेडेवर टीम इंडियाची हादरवणारी सुरुवात; ईशान-तिलक-दुबे OUT, 50 आत भारताचे 4 विकेट

भारतीय संघाची सुरुवात अपेक्षेप्रमाणे झाली नाही.

डावाच्या पहिल्याच चेंडूवर अभिषेक शर्मा बाद झाला.

अली खानने टाकलेल्या अचूक चेंडूवर अभिषेकला माघारी पाठवण्यात आले.

यानंतर ईशान किशन आणि तिलक वर्मा यांनी डाव सावरण्याचा प्रयत्न केला.

दोघांनीही खेळपट्टीवर स्थिरावण्याचा प्रयत्न करत काही आकर्षक फटके खेळले.

मात्र पॉवरप्लेच्या अखेरच्या षटकात शॅडली व्हान शाल्कविकने अफलातून गोलंदाजी करत भारताला मोठे धक्के दिले.

त्या षटकाच्या दुसऱ्या चेंडूवर ईशान किशन (20 धावा) बाद झाला.

त्यानंतर शेवटच्या दोन चेंडूंवर सलग तिलक वर्मा (25 धावा) आणि शिवम दुबे (शून्य) यांनाही तंबूत परतावे लागले.

अवघ्या काही क्षणांत भारताचे महत्त्वाचे फलंदाज बाद झाल्याने संघ अडचणीत सापडला.

07/02/2026 19:40:42

IND vs USA LIVE Score : 45 धावांवर भारताला दुसरा धक्का

ईशान किशन 20 धावांवर बाद झाला.

त्याने 16 चेंडूत 20 धावा केल्या. सूर्यकुमार यादव तिलक वर्माला साथ देतो.

07/02/2026 19:14:57

IND vs USA LIVE Score : टी-20 वर्ल्डकपमध्ये टीम इंडियाची धक्कादायक सुरुवात; अभिषेक शर्मा खाते न उघडताच OUT; जाणून घ्या सर्व अपडेट्स

टी-20 वर्ल्डकपमध्ये टीम इंडियाची धक्कादायक सुरुवात झाली.

अभिषेक शर्मा कोणताही धाव न घेता बाद झाला.

अली खानच्या चेंडूवर संजय कृष्णमूर्तीने त्याला झेलबाद केले.

तिलक वर्मा आता इशानसोबत आला आहे.

07/02/2026 19:06:05

IND vs USA LIVE Score : अभिषेक आणि इशान क्रीजवर...

सामना सुरू झाला आहे.

भारताकडून अभिषेक शर्मा आणि इशान किशन यांनी डावाची सुरुवात केली आहे.

अमेरिकेकडून सौरभ नेत्रावलकर पहिला षटक टाकत आहे.

07/02/2026 18:42:39

IND vs USA LIVE Score : भारतीय कर्णधार सूर्यकुमार यादव काय म्हणाला?

दरम्यान, भारतीय कर्णधार सूर्यकुमार यादवने सांगितले की, वॉशिंग्टन सुंदर आणि संजू सॅमसन टी-20 विश्वचषकाच्या पहिल्या सामन्यात खेळणार नाहीत.

बुमराहची तब्येत ठीक नाही. शुक्रवारी हर्षित राणाची जागा घेणाऱ्या मोहम्मद सिराजला त्यांच्या जागी स्थान देण्यात आले आहे.

07/02/2026 18:41:53

IND vs USA LIVE Score : अमेरिकन कर्णधार मोनांक पटेल काय म्हणाला?

अमेरिकन कर्णधार मोनांक पटेल म्हणाला की, त्याच्या प्लेइंग इलेव्हनमध्ये सहा फलंदाज, दोन अष्टपैलू आणि तीन गोलंदाज आहेत.

07/02/2026 18:40:24

IND vs USA LIVE Score : टीम इंडिया विरुद्ध अमेरिकेने जिंकली नाणेफेक

अमेरिकेने नाणेफेक जिंकून प्रथम गोलंदाजी करण्याचा निर्णय घेतला.

भारत प्रथम फलंदाजी करेल.

07/02/2026 18:39:44

रोहित शर्मा अन् जय शाह यांनी ट्रॉफी आणली...

माजी विश्वविजेता कर्णधार रोहित शर्मा आणि आयसीसी अध्यक्ष जय शाह हे देखील उपस्थित होते.

रोहित शर्माच्या नेतृत्वाखाली भारताने 2024 चा टी-20 विश्वचषक जिंकला.

तो या आवृत्तीचा ब्रँड अ‍ॅम्बेसेडर देखील आहे.

हिटमॅन 2026 च्या टी-20 विश्वचषक ट्रॉफी घेऊन मैदानावर आला.

07/02/2026 18:39:44

रोहित शर्मा अन् जय शाह यांनी ट्रॉफी आणली...

माजी विश्वविजेता कर्णधार रोहित शर्मा आणि आयसीसी अध्यक्ष जय शाह हे देखील उपस्थित होते.

रोहित शर्माच्या नेतृत्वाखाली भारताने 2024 चा टी-20 विश्वचषक जिंकला.

तो या आवृत्तीचा ब्रँड अ‍ॅम्बेसेडर देखील आहे.

हिटमॅन 2026 च्या टी-20 विश्वचषक ट्रॉफी घेऊन मैदानावर आला.