Ind vs Pak Update : हाय-व्होल्टेज सामन्यात टीम इंडियाचा ‘किलर’ परफॉर्मन्स! पाकिस्तानचा 61 धावांनी पराभव

Ind vs Pak Score Update T20 World Cup 2026 : टी-20 विश्वचषकमध्ये भारत आणि पाकिस्तान यांच्यातील बहुप्रतिक्षित सामना रविवार 15 फेब्रुवारी रोजी कोलंबो येथील आर. प्रेमदासा स्टेडियम येथे खेळला गेला.

पार्श्वभूमी

India vs Pakistan Update T20 World Cup 2026 In Marathi : आयसीसी पुरुष टी-20 विश्वचषकमध्ये भारत आणि पाकिस्तान यांच्यातील बहुप्रतिक्षित सामना रविवार, 15 फेब्रुवारी रोजी कोलंबो येथील आर. प्रेमदासा स्टेडियम येथे रंगणार आहे. स्पर्धेची दमदार सुरुवात केल्यानंतर दोन्ही संघ या सामन्यासाठी सज्ज झाले आहेत. गतविजेता भारताने आपल्या मोहिमेची सुरुवात अमेरिकेवर विजय मिळवत केली आणि त्यानंतर नामिबियावर तब्बल 93 धावांनी दणदणीत मात केली. दुसरीकडे, पाकिस्तानला नेदरलँड्सविरुद्ध सुरुवातीला अडचणींचा सामना करावा लागला, मात्र त्यांनी रोमांचक विजय मिळवत सामन्यावर शिक्कामोर्तब केले. त्यानंतर अमेरिकेविरुद्धही त्यांनी सहज विजय संपादन करत आत्मविश्वास उंचावला आहे. दोन्ही संघ सध्या उत्कृष्ट फॉर्ममध्ये असल्याने हा सामना अत्यंत रंगतदार आणि थरारक होण्याची चिन्हे आहेत.भारत विरुद्ध पाकिस्तान हेड टू हेड रेकॉर्ड (India vs Pakistan Head to Head Record) टी-20 आंतरराष्ट्रीय क्रिकेटमध्ये भारत आणि पाकिस्तान यांच्यात आतापर्यंत एकूण 13 सामने झाले आहेत. त्यापैकी भारताने तब्बल 10 सामने जिंकले आहेत, तर पाकिस्तानला केवळ 3 विजय मिळवता आले आहेत. मागील आशिया कपमध्येही भारताने पाकिस्तानविरुद्ध सलग तीन विजय मिळवले होते.सूर्यकुमार यादव यांच्या नेतृत्वाखालील भारतीय संघ पुन्हा एकदा हा दबदबा कायम ठेवण्याचा प्रयत्न करेल. दुसरीकडे, पाकिस्तान संघानेही या स्पर्धेत सलग दोन विजय नोंदवले आहेत. त्यामुळे हा सामना अत्यंत चुरशीचा आणि रोमांचक होण्याची शक्यता आहे.टी-20 विश्वचषक 2026 साठी भारतीय संघ (Indian squad for T20 World Cup 2026) : सूर्यकुमार यादव (कर्णधार), अभिषेक शर्मा, तिलक वर्मा, संजू सॅमसन, शिवम दुबे, इशान किशन, हार्दिक पांड्या, अर्शदीप सिंग, जसप्रीत बुमराह, हर्षित राणा, वरुण चक्रवर्ती, कुलदीप यादव, अक्षर पटेल, वॉशिंग्टन सुंदर, रिंकू सिंग.टी-20 विश्वचषक 2026 साठी पाकिस्तान संघ (Pakistan squad for T20 World Cup 2026) : सलमान अली आगा (कर्णधार), अबरार अहमद, बाबर आझम, फहीम अश्रफ, फखर जमान, ख्वाजा मोहम्मद नफे, मोहम्मद नवाज, मोहम्मद सलमान मिर्झा, नसीम शाह, साहिबजादा फरहान, सईम अयुब, शाहीन शाह आफ्रिदी, शादाब खान, उस्मान खान आणि उस्मान तारिक.

15/02/2026 21:12:17

nd vs Pak Live Update : हार्दिक-बुमराहचा कहर, फक्त 12 चेंडू अन् कॅप्टनसह टॉप ऑर्डर उद्ध्वस्त; पाकिस्तान गुडघ्यावर

हार्दिक पांड्या आणि बुमराह जोडीने पाकिस्तानच्या फलंदाजीचे अक्षरशः कंबरडे मोडले आहे.

अवघ्या 12 चेंडूच्या खेळात पाकिस्तानचा कर्णधार आणि टॉप ऑर्डर तंबूत परतले.

हार्दिक पांड्याने डावाच्या पहिल्याच षटकात पाकिस्तानला पहिला आणि मोठा धक्का दिला. सलामीवीर साहिबजादा फरहान याला खातेही उघडता आले नाही.  

बुमराहने डावाच्या दुसऱ्या षटकात सॅम अयुबला (6 धावा) पायचीत (LBW) करत पाकिस्तानला दुसरा धक्का दिला.

बुमराह इथेच थांबला नाही. त्याने आपल्या धारदार गोलंदाजीने पाकिस्तानचा कर्णधार सलमान अली आघाला (4 धावा) आऊट केले.

फक्त 13 धावांवर 3 महत्त्वाचे गडी गमावल्यामुळे पाकिस्तानचा संघ पूर्णपणे बॅकफूटवर गेला आहे. 

सध्या मैदानात बाबर आझम उभा असून, त्याला साथ देण्यासाठी उस्मान खान मैदानात उतरला आहे.

Continues below advertisement

15/02/2026 20:46:16

Ind vs Pak Live Update : ईशान किशनने वाजवलं पाकिस्ताचं बँड, पण साथीदारांनी सोडली साथ! पाकिस्तानसमोर 176 धावांचं आव्हान

ईशान किशनच्या अर्धशतकाच्या मदतीने भारताने पाकिस्तानसमोर 176 धावांचे लक्ष्य ठेवले.

ईशान किशनने 40 चेंडूत 10 चौकार आणि 3 षटकारांसह 77 धावा करत भारताच्या डावाचे नेतृत्व केले.

शिवम दुबेनेही 17 चेंडूत 27 धावा केल्या.

पाकिस्तानकडून उस्मान तारिकने 4 षटकांत 24 धावा देत 1 विकेट घेतला.

टी-20 विश्वचषकात पाकिस्तानविरुद्ध भारताची ही सर्वोच्च धावसंख्या आहे.

15/02/2026 20:19:30

Ind vs Pak Live Update : एका पाठोपाठ दोन मोठे धक्के! तिलक वर्मानंतर हार्दिक पांड्याही शून्यावर OUT

१५व्या षटकात पाकिस्तानचा गोलंदाज सईम अयूब भारतासाठी काल ठरला. त्याने एका पाठोपाठ दोन मोठे बळी घेत भारतीय डावाला हादरा दिला.

सर्वप्रथम त्याने तिलक वर्माला पायचीत (LBW) बाद करत भारताला मोठा धक्का दिला. त्यानंतर लगेचच फलंदाजीसाठी आलेल्या हार्दिक पांड्यालाही जास्त वेळ क्रीजवर टिकू दिले नाही.

हार्दिकचा झेल बाबर आझमच्या हातून घेत अयूबने भारताची कोंडी केली.

आता सूर्यकुमार यादवसोबत शिवम दुबे मैदानात उतरला असून, भारताचा डाव सावरण्याची जबाबदारी या जोडीवर आहे.

Continues below advertisement

15/02/2026 19:52:52

Ind vs Pak Live Update : मैदानात वादळ क्षणात शांत झालं! ईशान किशनची 'ती' एक चूक अन् शतक हुकलं; टीम इंडियाला दुसरा मोठा धक्का

सामन्याच्या सुरुवातीपासूनच ईशान किशन अत्यंत आक्रमक मूडमध्ये दिसत होता.

त्याने मैदानाचा कोणताही कोपरा सोडला नाही.

अवघ्या 40 चेंडूत 77 धावांची स्फोटक खेळी करत त्याने प्रतिस्पर्धी संघाचे कंबरडे मोडले होते.

या खेळीत त्याने 10 खणखणीत चौकार आणि 3 उत्तुंग षटकार खेचत प्रेक्षकांचा पैसा वसूल केला.

15/02/2026 19:42:59

Ind vs Pak Live Update : पाकिस्तानविरुद्ध ईशानचे अर्धशतक

पाकिस्तानविरुद्ध ईशान किशनने प्रभावी कामगिरी केली आहे.

त्याने फक्त 27 चेंडूत त्याचे अर्धशतक पूर्ण केले. तो उत्कृष्ट फॉर्ममध्ये दिसत आहे.

15/02/2026 19:20:59

Ind vs Pak Live Update : अभिषेक शर्मा फ्लॉप, पण ईशान किशन तांडव; कोलंबोमध्ये चौकार-षटकारांचा पाऊस; टीम इंडियाच्या किती धावा?

पाच षटकांत भारताची धावसंख्या एक बाद 41 आहे.

इशान किशन 21 चेंडूत 36 धावांवर खेळत आहे.

तिलक वर्मा 5 चेंडूत 5 धावांवर खेळत आहे.

15/02/2026 19:09:26

Ind vs Pak Live Update : पहिल्याच षटकात गेम पलटला! अभिषेक शर्मा OUT, स्टेडियममध्ये सन्नाटा, टीम इंडियाच्या किती धावा?

भारताला सामन्याच्या सुरुवातीलाच मोठा धक्का बसला. 

भारताचा पहिला बळी कर्णधार सलमान आगा याने घेतला. 

त्याने पहिल्याच षटकाच्या अखेरच्या चेंडूवर अभिषेक शर्माला झेल बाद केले. 

आता ईशानला साथ देण्यासाठी तिलक वर्मा मैदानात उतरला आहे.

15/02/2026 18:35:29

Ind vs Pak Live Update : पाकिस्तान संघाने जिंकली नाणेफेक

पाकिस्तानने नाणेफेक जिंकली आणि भारताला प्रथम फलंदाजीसाठी आमंत्रित केले.

15/02/2026 17:56:39

Ind vs Pak Live Update : आकाश ढगाळ, पण पाऊस नाही! नाणेफेक वेळेवर होणार

आकाश ढगाळ आहे, पण पाऊस पडलेला नाही. त्यामुळे नाणेफेक वेळापत्रकानुसार होण्याची अपेक्षा आहे.

सकाळपासून कोलंबोमध्ये पाऊस पडलेला नाही.

पण, सामन्यादरम्यान हलका पाऊस पडण्याची शक्यता आहे.

नाणेफेक भारतीय प्रमाणवेळेनुसार (IST) संध्याकाळी 6:30 वाजता होईल, तर सामना संध्याकाळी 7 वाजता सुरू होईल.

15/02/2026 17:50:50

Ind vs Pak Live Update : भारतीय संघही स्टेडियममध्ये पोहोचला...

भारतीय संघ पाकिस्तानविरुद्धच्या सामन्यासाठी आर. प्रेमदासा स्टेडियममध्येही पोहोचला आहे.

15/02/2026 17:49:36

Ind vs Pak Live Update : पाकिस्तानी संघ स्टेडियममध्ये पोहोचला...

पाकिस्तानी संघ आर. प्रेमदासा स्टेडियममध्ये पोहोचला आहे.

15/02/2026 16:56:23

Ind vs Pak Live Update : संजू सॅमसन OUT, अभिषेक शर्मा IN...

अभिषेक शर्माच्या पुनरागमनामुळे संजू सॅमसनला वगळले जाऊ शकते.

भारतीय संघ व्यवस्थापन या महत्त्वाच्या सामन्यासाठी अभिषेकला निवडीसाठी उपलब्ध करून देईल जेणेकरून वरच्या क्रमांकावर स्थिरता येईल.

पण, भारतीय थिंक टँक सॅमसनला मैदानात उतरवायचे की तंदुरुस्तीत परतलेल्या वॉशिंग्टन सुंदरला इशान किशनसोबत डावाची सुरुवात करण्याची परवानगी द्यायची याचा विचार करेल.

प्रेमदासा स्टेडियमवरील संथ खेळपट्टीवर सुंदर चांगली ऑफ-स्पिन देखील गोलंदाजी करू शकतो.

15/02/2026 16:55:09

Ind vs Pak Live Update : कुलदीप यादव IN, तर अर्शदीप सिंग OUT...

खेळपट्टीनुसार, डावखुरा मनगटाचा फिरकी गोलंदाज कुलदीप यादवचाही समावेश केला जाऊ शकतो. अशा परिस्थितीत रिंकू सिंग किंवा अर्शदीप सिंगला बाहेर बसावे लागू शकते.

बाबर आझमविरुद्ध कुलदीपचा प्रभावी रेकॉर्ड आणि आशिया कप फायनलमध्ये त्याने घेतलेल्या चार विकेट्स पाहता, त्याला या सामन्यात संधी देणे हा एक चांगला पर्याय असेल.

आतापर्यंतच्या पहिल्या दोन वर्ल्ड कप सामन्यांमध्ये कुलदीपला प्लेइंग इलेव्हनमध्ये समाविष्ट करण्यात आलेले नाही.

जर कुलदीप या सामन्यात खेळला तर भारत तीन फिरकी गोलंदाजांना मैदानात उतरवेल, कारण त्यांच्याकडे आधीच वरुण चक्रवर्ती आणि अक्षर पटेल हे दोन चांगले फिरकी गोलंदाज आहेत.

15/02/2026 16:48:45

Ind vs Pak Live Update : भारत-पाक सामन्यासाठी चाहत्यांचा महापूर

मैदानावर कट्टर प्रतिस्पर्धी, पण मैदानाबाहेर क्रिकेटवरचं अफाट प्रेम! भारत आणि पाकिस्तान यांच्यातील हाय-व्होल्टेज सामन्यासाठी सध्या कोलंबोचं वातावरण पूर्णपणे क्रिकेटमय झालं आहे.

दोन्ही देशांचे चाहते मोठ्या संख्येने कोलंबोत दाखल झाले असून, शहराच्या कानाकोपऱ्यात फक्त 'तिरंगा' आणि 'हिरवा ध्वज' पाहायला मिळत आहे.

15/02/2026 15:51:39

Ind vs Pak Live Update : पैसे खर्च न करता पाहा भारत-पाक महामुकाबला! फ्री LIVE स्ट्रीमिंगबाबत मोठा खुलासा, जाणून घ्या पूर्ण डिटेल्स

जर तुमच्या फोनमध्ये जिओ हॉटस्टार अॅप असेल तर तुम्ही फक्त डेटा वापरून या सामन्याचे लाईव्ह स्ट्रीमिंग पाहू शकता.

याव्यतिरिक्त, तुम्ही डीडी स्पोर्ट्स नेटवर्कवर मोफत सामना लाईव्ह पाहू शकता.

जर तुमच्याकडे मोफत डिश टीव्ही कनेक्शन असेल तर तुम्ही डीडी स्पोर्ट्स चॅनेलवर मोफत सामना पाहू शकता.

तुम्हाला ABP माझा वेबसाइटवर या सामन्याशी संबंधित सर्व अपडेट्स देखील मिळतील.

15/02/2026 15:46:51

Ind vs Pak Live Score Update : अभिषेक शर्मा पूर्णपणे तंदुरुस्त! फलंदाजीचा केला सराव

पाकिस्तानविरुद्धच्या हाय-व्होल्टेज सामन्यापूर्वी अभिषेक शर्माने नेट सेशनमध्ये जोरदार फलंदाजी केल्याने भारतीय संघ व्यवस्थापनाची चिंता कमी झाल्याचे दिसून आले, ज्यामुळे सामन्यापूर्वी त्याची तंदुरुस्ती दिसून आली.

पोटाच्या संसर्गामुळे नामिबियाविरुद्धच्या सामन्याला मुकलेल्या अभिषेकवर नवी दिल्लीतील एका खाजगी रुग्णालयात उपचार सुरू होते, ज्यामुळे रविवारी होणाऱ्या भारत-पाकिस्तान सामन्यासाठी त्याच्या उपलब्धतेवर शंका निर्माण झाली होती.

आक्रमक डावखुरा सलामीवीर फलंदाज नेट सेशनमध्ये सुमारे 30 मिनिटे कोणत्याही अस्वस्थतेशिवाय फलंदाजी करत होता आणि पूर्णपणे तंदुरुस्त दिसत होता.

15/02/2026 14:06:31

Ind vs Pak Live Score Update : पाकिस्तानच्या डगआऊटमध्ये शिरला विषारी जातीचा साप

कोलंबोतील आर. प्रेमदासा स्टेडियम येथे पाकिस्तानी संघ सरावासाठी मैदानात उतरण्याच्या काही क्षण आधीच त्यांच्या डगआउटमध्ये विषारी जातीचा साप दिसला. या घटनेचा व्हिडिओ सोशल मीडियावर तुफान व्हायरल झाला आहेत.

15/02/2026 13:23:11

Ind vs Pak Live Score Update : अभिषेक शर्मा आज खेळेल का? सूर्याने स्पष्ट केले

सूर्यकुमार यादवने पत्रकार परिषदेत सांगितले, जर अभिषेक शर्माला 15 फेब्रुवारी रोजी पाकिस्तानविरुद्धच्या सामन्यात खेळायचं असेल तर तो नक्कीच खेळेल. यापूर्वी, पाकिस्तानचा कर्णधार सलमान अली आघा म्हणाला होता की, आम्हाला भारताच्या सर्वोत्तम संघाचा सामना करायचा आहे. 

15/02/2026 13:15:31

Ind vs Pak Live Score Update : माजी भारतीय सलामीवीर आणि समालोचक आकाश चोप्रा काय म्हणाला?

माजी भारतीय सलामीवीर आणि समालोचक आकाश चोप्रा याने सोशल मीडियावर भारताच्या संभाव्य प्लेइंग इलेव्हनबाबत आपले मत मांडले आहे. त्याच्या मते, कोलंबोची खेळपट्टी फिरकी गोलंदाजांना पोषक ठरण्याची शक्यता आहे. अलीकडील काही सामन्यांतही स्पिनर्सना चांगली मदत मिळाल्याचे दिसून आले आहे. त्यामुळे वेगवान गोलंदाज अर्शदीप सिंगला विश्रांती देत कुलदीप यादवला अंतिम अकरात संधी मिळू शकते.

15/02/2026 12:50:09

Ind vs Pak Live Score Update : आकाशात काळे ढग, अन्.... कोलंबोतील आता हवामान आहे तरी कसं?, मोठी अपडेट आली समोर

हवामान अहवालानुसार ग्रुप A सामन्यादरम्यान पावसाची शक्यता वर्तवण्यात आली आहे.

मात्र श्रीलंकेच्या हवामान खात्याने दिलेल्या माहितीनुसार कोलंबोमध्ये ढगाळ वातावरण राहील, पण पावसाची शक्यता कमी आहे.

पूर्व आणि दक्षिण प्रांतांतील काही भागांत मुसळधार पावसाचा अंदाज आहे.

कोलंबो हे पश्चिम प्रांतात असल्याने तेथे रात्री धुक्यासह कोरडं हवामान राहण्याची शक्यता वर्तवली आहे.

आता सर्वांची नजर या थरारक सामन्यावर आणि हवामानाच्या बदलत्या अंदाजावर खिळली आहे. 

15/02/2026 12:49:40

Ind vs Pak Live Score Update : कोलंबोतील हवामान कसं आहे?

कोलंबोमध्ये सध्या पाऊस पडत नाही. आकाशात ढग आहेत, मात्र तात्काळ पावसाची शक्यता कमी दिसते. तरीही हवामान खात्याच्या अंदाजानुसार टी-20 वर्ल्ड कपच्या सामन्यादरम्यान पावसाची शक्यता नाकारता येत नाही. त्यामुळे भारत-पाकिस्तान सामन्यावेळी हवामान कसं वळण घेतं, याकडे सर्वांचे लक्ष लागले आहे.

15/02/2026 12:48:59

Ind vs Pak Live Score Update : कोलंबोमध्ये भारताचा विक्रम

कोलंबोतील या मैदानावर भारतीय संघाची कामगिरी उल्लेखनीय राहिली आहे. टीम इंडियाने येथे एकूण 15 टी-20 सामने खेळले असून त्यापैकी 11 सामने जिंकले आहेत, तर 4 सामन्यांत पराभव स्वीकारावा लागला आहे. भारताला या मैदानावर 3 वेळा श्रीलंकेकडून आणि 1 वेळा ऑस्ट्रेलियाकडून पराभव पत्करावा लागला आहे. एकूणच, कोलंबो भारतासाठी लकी मैदान मानले जाते.

15/02/2026 12:48:33

Ind vs Pak Live Update : टी-20 विश्वचषक 2026 साठी पाकिस्तान संघ (Pakistan squad for T20 World Cup 2026) :

सलमान अली आगा (कर्णधार), अबरार अहमद, बाबर आझम, फहीम अश्रफ, फखर जमान, ख्वाजा मोहम्मद नफे, मोहम्मद नवाज, मोहम्मद सलमान मिर्झा, नसीम शाह, साहिबजादा फरहान, सईम अयुब, शाहीन शाह आफ्रिदी, शादाब खान, उस्मान खान आणि उस्मान तारिक.

15/02/2026 12:48:14

Ind vs Pak Live Update : टी-20 विश्वचषक 2026 साठी भारतीय संघ (Indian squad for T20 World Cup 2026) :

सूर्यकुमार यादव (कर्णधार), अभिषेक शर्मा, तिलक वर्मा, संजू सॅमसन, शिवम दुबे, इशान किशन, हार्दिक पांड्या, अर्शदीप सिंग, जसप्रीत बुमराह, हर्षित राणा, वरुण चक्रवर्ती, कुलदीप यादव, अक्षर पटेल, वॉशिंग्टन सुंदर, रिंकू सिंग.

15/02/2026 12:47:37

Ind vs Pak Live Update : 8 पैकी 7 विश्वचषक सामन्यांमध्ये पाकिस्तानचा पराभव

टी-20 विश्वचषकात भारत आणि पाकिस्तान यांच्यात आतापर्यंत आठ सामने झाले आहेत, ज्यात भारताने 7 जिंकले आहेत आणि पाकिस्तानने फक्त 1 जिंकला आहे. टी-20 आंतरराष्ट्रीय सामन्यांमध्येही भारत आघाडीवर आहे. दोघांनी एकूण 16 टी-20 सामने खेळले आहेत, ज्यामध्ये भारताने 13 जिंकले आहेत आणि पाकिस्तानने फक्त 3 जिंकले आहेत.

15/02/2026 12:47:11

Ind vs Pak Live Update : भारताचे वर्चस्व सिद्ध करणारे दोन विक्रम

दरम्यान, या स्पर्धेत भारताने 10 सामन्यात पराभव पत्करलेला नाही. टी 20 विश्वचषकात सलग 10 सामने जिंकण्याचा विक्रम टीम इंडियाच्या नावावर आहे. 2024 मध्ये संघाने 8 सामने जिंकले आणि आता 2026 मध्ये 2 सामने जिंकून संघाने एक नवीन विक्रम प्रस्थापित केला आहे.

15/02/2026 12:46:30

Ind vs Pak Live Score Update : हेड-टू-हेड आकडेवारी

भारत आणि पाकिस्तान यांच्यात आतापर्यंत 16 टी-20 आंतरराष्ट्रीय सामने झाले आहेत. त्यापैकी भारताने 13 सामने जिंकले आहेत, तर पाकिस्तानने 3 सामने जिंकले आहेत. टी-20 वर्ल्ड कपच्या इतिहासात दोन्ही संघ 8 वेळा आमनेसामने आले असून भारत 7-1 अशा आघाडीवर आहे.

15/02/2026 12:46:12

Ind vs Pak Live Score Update : सामन्यावर पावसाचं सावट

भारत आणि पाकिस्तान यांच्यातील बहुप्रतीक्षित सामन्यावर पावसाचं सावट आहे. दोन्ही संघांनी टी-20 वर्ल्ड कपमध्ये सलग दोन विजय मिळवले असून त्यांचा आत्मविश्वास उंचावलेला आहे. हवामान विभागानेही पावसाबाबत इशारा दिला आहे. जर पावसामुळे सामना पूर्ण होऊ शकला नाही आणि राखीव दिवस नसल्याने सामना रद्द झाला, तर दोन्ही संघांना प्रत्येकी एक गुण मिळतील.