IND vs PAK Final Live Score Asia Cup 2025 : भारताने 9व्यांदा आशिया कप जिंकला! 14 दिवसांत तिसऱ्यांदा पाकिस्तानला हरवले... तिलक अन् कुलदीप चमकले
India vs Pakistan LIVE Updates : भारत आणि पाकिस्तान यांच्यात आशिया कप 2025 चा ‘महासंग्राम’ रंगणार आहे. दोन्ही संघ दुबईच्या मैदानावर हायव्होल्टेज अंतिम सामन्यात आमनेसामने येणार आहेत.
किरण महानवर Last Updated: 29 Sep 2025 12:07 AM
पार्श्वभूमी
India vs Pakistan LIVE Updates Asia Cup 2025 Final : भारत आणि पाकिस्तान यांच्यात आशिया कप 2025 चा ‘महासंग्राम’ रंगणार आहे. दोन्ही संघ दुबईच्या मैदानावर हायव्होल्टेज अंतिम सामन्यात आमनेसामने येणार...More
India vs Pakistan LIVE Updates Asia Cup 2025 Final : भारत आणि पाकिस्तान यांच्यात आशिया कप 2025 चा ‘महासंग्राम’ रंगणार आहे. दोन्ही संघ दुबईच्या मैदानावर हायव्होल्टेज अंतिम सामन्यात आमनेसामने येणार आहेत. या स्पर्धेच्या 17व्या आवृत्तीत भारत–पाकिस्तान तिसऱ्यांदा एकमेकांसमोर आले आहेत. सूर्यकुमार यादवच्या नेतृत्वाखालील भारतीय संघाने याआधी झालेल्या दोन्ही लढतींमध्ये चिरप्रतिद्वंद्वी पाकिस्तानला धुळ चारली.1984 पासून आशिया कप खेळला जात आहे, पण भारत–पाकिस्तान पहिल्यांदाच अंतिम फेरीत एकमेकांविरुद्ध खेळत आहेत. भारत अद्याप अपराजित आहे, तर पाकिस्तान धडपडत-धडपडत अंतिम फेरीत पोहोचला आहे. बांगलादेशविरुद्ध केवळ 136 धावांचे लक्ष्य कसाबसा रोखून त्यांनी फायनलमध्ये प्रवेश मिळवला. या स्पर्धेत भारत–पाकिस्तान सामन्यांमध्ये चांगलाच तणाव पाहायला मिळाला. भारतीय संघ पाकिस्तानच्या खेळाडूंशी हस्तांदोलनच्या धोरणावर ठाम राहिला. त्यातच पाकिस्तानचा वेगवान गोलंदाज हारिस रौफने वारंवार अपशब्द वापरले आणि इशारे दिला, ज्यामुळे वाद पेटला.आशियन क्रिकेट कौन्सिल (एसीसी)चे अध्यक्ष आणि पाकिस्तानचे गृहमंत्री मोहसिन नकवी यांनीही सतत सोशल मीडिया पोस्ट टाकत परिस्थिती अधिक तापवली. नकवी आज अंतिम सामना पाहण्यासाठी मैदानात हजर राहणार आहेत. त्यामुळे सामन्यानंतरच्या बक्षीस वितरण सोहळ्यात भारतीय संघ त्यांच्यासमोर कसा प्रतिसाद देतो, हे पाहणे रंजक ठरणार आहे. मात्र बीसीसीआय आपल्या खेळाडूंना भारतविरोधी भूमिकेत असलेल्या पीसीबी अध्यक्ष नकवी यांच्याशी हस्तांदोलन करण्याची परवानगी देण्याची शक्यता फारच कमी आहे.भारत हेड-टू-हेडमध्ये आघाडीवर2007 पासून भारत आणि पाकिस्तानने एकूण 15 टी-20 सामने खेळले आहेत, ज्यामध्ये टीम इंडियाने 11 जिंकले आणि पाकिस्तानने 3 जिंकले. शिवाय, भारताचा एक सामनाही बरोबरीत सुटला होता. दोन्ही देशांमधील पहिला टी-20 सामना 14 सप्टेंबर 2007 रोजी खेळला गेला होता. हा वर्ल्ड कप सामना बरोबरीत सुटला, जो टीम इंडियाने बॉल-आउटमध्ये जिंकला.पाकिस्तानचा संघ : साहिबजादा फरहान, फखर जमान, सैम अयुब, सलमान आगा (कर्णधार), हुसेन तलत, मोहम्मद हरिस (यष्टिरक्षक), मोहम्मद नवाज, फहीम अशरफ, शाहीन आफ्रिदी, हरिस रौफ, अबरार अहमद, हसन अली, खुशदिल शाह, मोहम्मद वसीम ज्युनियर, सलमान मिर्झा, हसन नवाज आणि सुफियान मुकीम.भारताचा संघ : अभिषेक शर्मा, शुभमन गिल, सूर्यकुमार यादव (कर्णधार), तिलक वर्मा, संजू सॅमसन (यष्टीरक्षक), हार्दिक पांड्या, अक्षर पटेल, हर्षित राणा, कुलदीप यादव, अर्शदीप सिंग, वरुण चक्रवर्ती, जसप्रीत बुमराह, जितेश शर्मा, रिंकू सिंग, शिवम दुबे.(India vs Pakistan LIVE Updates Asia Cup 2025 Final)
IND vs PAK Final Live Score Asia Cup 2025 : भारताने 9व्यांदा आशिया कप जिंकला! 14 दिवसांत तिसऱ्यांदा पाकिस्तानला हरवले... तिलक अन् कुलदीप चमकले
भारताने पाकिस्तानला हरवून आशिया कपचे विजेतेपद पटकावले आहे. तिलक वर्माने भारतासाठी शानदार कामगिरी केली आणि शेवटपर्यंत टिकून राहून संघाला अभूतपूर्व विजय मिळवून दिला. या सामन्यात भारताने नाणेफेक जिंकली आणि प्रथम गोलंदाजी करण्याचा निर्णय घेतला. कुलदीप यादवच्या शानदार गोलंदाजीच्या मदतीने भारताने पाकिस्तानचा डाव 19.1 षटकात 146 धावांत गुंडाळला. लक्ष्याचा पाठलाग करताना तिलकने 53 चेंडूत तीन चौकार आणि चार षटकारांसह नाबाद 69 धावा केल्या, ज्यामुळे भारताने 19.4 षटकात पाच गडी गमावून 150 धावा करून सामना जिंकला.