Ind Vs Pak LIVE Score : दुबईत अभिषेक शर्माचा तडाखा! टीम इंडियाने पाकिस्तानला सहा विकेट्सने लोळवलं, जाणून घ्या सामन्यात काय घडलं?

India vs Pakistan Asia cup 2025 Match live score : भारत आणि पाकिस्तान संघ आशिया कप 2025 मध्ये पुन्हा अवघ्या एका आठवड्याच्या आत एकदा आमनेसामने येण्यासाठी सज्ज झाला आहेत.

पार्श्वभूमी

India vs Pakistan live Scorecard Updates Asia Cup 2025 Super 4 : भारत आणि पाकिस्तान संघ आशिया कप 2025 मध्ये पुन्हा अवघ्या एका आठवड्याच्या आत एकदा आमनेसामने येण्यासाठी सज्ज झाला आहेत. लीग स्टेजमध्ये भारताने आपल्या सर्व सामने जिंकत धमाकेदार कामगिरी केली होती, तर पाकिस्तानला एकमेव पराभव भारताकडून स्वीकारावा लागला होता. खरंतर, गेल्या रविवारी झालेला सामना प्रचंड चर्चेत राहिला. सामन्यानंतर भारतीय खेळाडूंनी पाकिस्तानी खेळाडूंशी हस्तांदोलन करण्यास नकार दिल्याने पाकिस्तान बिथरला आणि त्यानंतरपासून पाक संघ सतत दबावाखाली असून त्यांनी माध्यमांसमोरची पत्रकार परिषदही रद्द केली. खेळाडूंचा खचलेला आत्मविश्वास उंचावण्यासाठी पाक क्रिकेट बोर्डाने खास मोटिव्हेशनल स्पीकरला बोलावला होता. दरम्यान, भारत-पाकिस्तानच्या या हायव्होल्टेज सामन्यासाठी अँडी पाइक्रॉफ्ट पुन्हा एकदा मॅच रिफरी म्हणून काम करणार आहेत.

22/09/2025 00:05:51

Ind Vs Pak LIVE Score : दुबईत अभिषेक शर्माचा तडाखा! टीम इंडियाने पाकिस्तानला सहा विकेट्सने लोळवलं

आशिया कपच्या सुपर फोर स्टेज सामन्यात पाकिस्तानला सहा विकेट्सने हरवून भारताने विजयी घोडदौड सुरू ठेवली. भारताने नाणेफेक जिंकून प्रथम गोलंदाजी करण्याचा निर्णय घेतला. साहिबजादा फरहानच्या अर्धशतकाच्या मदतीने पाकिस्तानने 20 षटकांत पाच विकेट्सच्या मोबदल्यात 171 धावा केल्या. प्रत्युत्तर अभिषेक शर्मा आणि शुभमन गिल यांनी भारताला दमदार सुरुवात करून दिली आणि पहिल्या विकेटसाठी दोघांमध्ये शतकी भागीदारी झाली. भारताने 18.5 षटकांत चार विकेट्सच्या मोबदल्यात 174 धावा करून सामना जिंकला.

Continues below advertisement

22/09/2025 00:05:51

Ind Vs Pak LIVE Score : दुबईत अभिषेक शर्माचा तडाखा! टीम इंडियाने पाकिस्तानला सहा विकेट्सने लोळवलं

आशिया कपच्या सुपर फोर स्टेज सामन्यात पाकिस्तानला सहा विकेट्सने हरवून भारताने विजयी घोडदौड सुरू ठेवली. भारताने नाणेफेक जिंकून प्रथम गोलंदाजी करण्याचा निर्णय घेतला. साहिबजादा फरहानच्या अर्धशतकाच्या मदतीने पाकिस्तानने 20 षटकांत पाच विकेट्सच्या मोबदल्यात 171 धावा केल्या. प्रत्युत्तर अभिषेक शर्मा आणि शुभमन गिल यांनी भारताला दमदार सुरुवात करून दिली आणि पहिल्या विकेटसाठी दोघांमध्ये शतकी भागीदारी झाली. भारताने 18.5 षटकांत चार विकेट्सच्या मोबदल्यात 174 धावा करून सामना जिंकला.

21/09/2025 23:18:01

Ind Vs Pak LIVE Score : गिलनंतर सूर्याने सोडली संघाची साथ, टीम इंडियाला मोठे धक्के

पाकिस्तानने टीम इंडियाला दोन मोठे धक्के दिले आहेत. भारतीय कर्णधार सूर्यकुमार यादवला खाते न उघडताच बाद झाला. अभिषेक आणि गिलने भारताला चांगली सुरुवात करून दिली, परंतु पाकिस्तानने सूर्यकुमार यादव आणि गिलच्या विकेट घेत पुनरागमन करण्याचा प्रयत्न केला.

Continues below advertisement

21/09/2025 23:14:00

Ind Vs Pak LIVE Score : दुबईत अभिषेक शर्माकडून षटकार-चौकारांचा पाऊस, फक्त 24 चेंडूत ठोकले अर्धशतक, पण शुभमन गिलने सोडली संघाची साथ

भारताने 9.5 षटकांत 105 धावांवर पहिली विकेट गमावली. शुभमन गिल 28 चेंडूत 47 धावा काढून बाद झाला. गिलला फहीम अश्रफने आऊट केले. भारताला विजयासाठी 60 चेंडूत फक्त 67 धावांची आवश्यकता होती.

21/09/2025 23:07:04

Ind Vs Pak LIVE Score : दुबईत टीम इंडियाची वादळी सुरुवात, अभिषेक शर्माने फक्त 24 चेंडूत ठोकले अर्धशतक

अभिषेक शर्माने केवळ 24 चेंडूत त्याचे तिसरे टी-20 अर्धशतक पूर्ण केले. तो उत्कृष्ट फॉर्ममध्ये दिसत आहे आणि शुभमन गिलसह तो पाकिस्तानवर खूप दबाव आणत आहे. भारतीय उपकर्णधारही अर्धशतकाच्या जवळ आहे.

21/09/2025 22:42:41

Ind Vs Pak LIVE Score : दुबईत टीम इंडियाची वादळी सुरुवात, अभिषेक शर्मा अन् शुभमन गिलकडून षटकार-चौकारांचा पाऊस

चौथ्या षटकात अबरार अहमदने 12 धावा दिल्या. चार षटकांनंतर भारताची धावसंख्या एकही बाद 43 आहे. अभिषेक शर्मा 12 चेंडूत 21 धावांवर खेळत आहे, त्याने एक चौकार आणि दोन षटकार मारले आहेत. शुभमन गिल 12 चेंडूत 22 धावांवर खेळत आहे, त्याने चार चौकार मारले आहेत.

21/09/2025 22:03:25

Ind Vs Pak LIVE Score : दुबईत पाकिस्तानने टीम इंडियासमोर ठेवले 172 धावांचे लक्ष्य, फरहानने ठोकले अर्धशतक, जसप्रीत बुमराहला मिळाली नाही विकेट

पाकिस्तानचा डाव संपला आहे. पाकिस्तानने 20 षटकांत 5 गडी बाद 171 धावा केल्या. पहिल्या 10 षटकांत पाकिस्तानने 1 गडी बाद 91 धावा केल्या होत्या. तर शेवटच्या 10 षटकांत 80 धावा झाल्या. जसप्रीत बुमराहने 4 षटकांत 45 धावा दिल्या. त्याला एकही विकेट मिळाली नाही आणि वरुण चक्रवर्तीही विकेट मिळाली नाही. पाकिस्तानकडून साहिबजादा फरहानने सर्वाधिक 58 धावा केल्या. फहीम अशरफ आठ चेंडूंत २० धावा काढून नाबाद राहिला. भारताकडून शिवम दुबेने 33 धावांत दोन गडी बाद केले.  

21/09/2025 21:28:35

Ind Vs Pak LIVE Score : दुबईत टीम इंडियाचा पलटवार, पाकिस्तानला दिले धक्क्यावर धक्के; जाणून घ्या A टू Z अपडेट्स

दुबईत टीम इंडियाने पाकिस्तानवर पलटवार केला, शिवम दुबेने साहिबजादा फरहानला बाद करून पाकला चौथा धक्का दिला. सामन्यात फरहानला दोन जीवदान मिळाले होते, पण यावेळी सूर्यकुमार यादवने झेल घेण्यात कोणतीही चूक केली नाही आणि त्याचा डाव संपवला. फरहान 45 चेंडूत पाच चौकार आणि तीन षटकारांसह 58 धावा काढून बाद झाला.

21/09/2025 21:24:53

Ind Vs Pak LIVE Score : कुलदीप यादवने दिला पाकिस्तानला तिसरा धक्का

कुलदीप यादवने हुसेन तलतला बाद करून पाकिस्तानला तिसरा धक्का दिला. 11 चेंडूत 10 धावा काढून तलत बाद झाला. पण, साहिबजादा फरहान क्रीजवर राहिला आणि मोहम्मद नवाज त्याच्यासोबत आला.

21/09/2025 21:07:56

Ind Vs Pak LIVE Score : अखेर अभिषेक शर्माने चित्त्यासारखी हवेत डाईव्ह मारत घेतला झेल! पाकिस्तानला दुसरा मोठा धक्का, जाणून घ्या A टू Z अपडेट्स

शिवम दुबेने भारताला दुसरा विजय मिळवून दिला. पाकिस्तानने 10.3 षटकांत 93 धावा केल्या तेव्हा त्यांना दुसरा धक्का बसला. साईम अयुब 17 चेंडूत 21 धावा काढून बाद झाला. अखेर अभिषेक शर्माने चित्त्यासारखी हवेत डाईव्ह मारत झेल घेतला.

21/09/2025 20:57:47

Ind Vs Pak LIVE Score : पाकिस्तानचा सलामीवीर साहिबजादा फरहानचं अर्धशतक

पाकिस्तानचा सलामीवीर साहिबजादा फरहानने त्याला मिळालेल्या दोन संधींचा पुरेपूर फायदा घेतला आणि 34 चेंडूत त्याचे अर्धशतक पूर्ण केले.

21/09/2025 20:45:25

Ind Vs Pak LIVE Score : टीम इंडियाच्या चुका, पाकिस्तानचा फायदा! हातून सुटले दोन सोपे झेल, पाकिस्तानचा स्कोअर अर्धशतक पार, जाणून घ्या A टू Z अपडेट्स

पॉवरप्लेमध्ये भारताला एक ब्रेकथ्रू मिळाला, तर पाकिस्तानने मागील सामन्यापेक्षा चांगली सुरुवात केली. पहिल्या सहा षटकांमध्ये भारताचे क्षेत्ररक्षण खराब होते, दोन झेल सोडले. सहा षटकांच्या अखेरीस पाकिस्तानने एक बाद 55 धावा केल्या होत्या.

21/09/2025 20:20:56

Ind Vs Pak LIVE Score : दुबईत टीम इंडियाच्या गोलंदाजांचा कहर, हार्दिकने पाकिस्तानला दिला मोठा धक्का, जाणून घ्या A टू Z अपडेट्स

तिसऱ्या षटकात हार्दिक पांड्याने भारताला पहिला ब्रेकथ्रू मिळवून दिला. पाकिस्तानचा सलामीवीर फखर झमानला आऊट केले. संजू सॅमसनने चांगला झेल घेतला. फखर आणि साहिबजादा फरहानने पाकिस्तानला जलद सुरुवात देण्याचा प्रयत्न केला, परंतु हार्दिकने फखरला बाद करून भारताला ब्रेकथ्रू मिळवून दिला. नऊ चेंडूत तीन चौकारांसह 15 धावा काढून फखर बाद झाला.

21/09/2025 19:39:32

Ind Vs Pak LIVE Score : जाणून घ्या पाकिस्तान संघाची प्लेइंग-11

सैम अयुब, साहिबजादा फरहान, फखर जमान, सलमान आगा, हुसैन तलत, मोहम्मद हरीस, मोहम्मद नवाज, फहीम अश्रफ, शाहीन आफ्रिदी, हरिस रौफ, अबरार अहमद

21/09/2025 19:38:38

Ind Vs Pak LIVE Score : जाणून घ्या टीम इंडियाची प्लेइंग-11

अभिषेक शर्मा, शुभमन गिल, संजू सॅमसन, सूर्यकुमार यादव, तिलक वर्मा, शिवम दुबे, हार्दिक पांड्या, अक्षर पटेल, जसप्रीत बुमराह, कुलदीप यादव, वरुण चक्रवर्ती.

21/09/2025 19:37:38

Ind Vs Pak LIVE Score : पाकिस्ताननेही केले 2 बदल

पाकिस्ताननेही दोन बदल केले. हसन नवाज आणि खुशदिल शाह या सामन्यात खेळत नाहीत.

21/09/2025 19:37:22

Ind Vs Pak LIVE Score : कर्णधार सूर्यकुमार यादवने घेतला मोठा निर्णय!

कर्णधार सूर्यकुमार यादवने भारताच्या प्लेइंग इलेव्हनमध्ये दोन बदल केले. हर्षित राणा आणि अर्शदीप सिंगच्या जागी जसप्रीत बुमराह आणि वरुण चक्रवर्ती परतले.

21/09/2025 19:37:02

Ind Vs Pak LIVE Score : दुबईत पाकिस्तानविरुद्ध टीम इंडियाने जिंकली नाणेफेक!

पाकिस्तानविरुद्ध भारताने पहिल्या सुपर फोर सामन्यात नाणेफेक जिंकून गोलंदाजीचा निर्णय घेतला.

21/09/2025 15:41:07

Ind Vs Pak LIVE Score : सोनी लिव्हवर नाही तर... येथे फुकटात पाहा भारत विरुद्ध पाकिस्तान आशिया कप सुपर-4 मॅच, जाणून घ्या A टू Z अपडेट्स

भारत विरुद्ध पाकिस्तान आशिया कप 2025 सामना सोनी स्पोर्ट्स चॅनेलवर थेट पाहू शकता. तर तुम्ही डीडी स्पोर्ट्सवर भारत विरुद्ध पाकिस्तान सामना देखील फुकटात थेट पाहू शकता.

21/09/2025 14:39:12

Ind Vs Pak LIVE Score : भारताविरुद्ध पाकिस्तानची संभाव्य प्लेइंग-11

फखर जमान, साहिबजादा फरहान, सलमान अली आगा, मोहम्मद हारिस (यष्टीरक्षक), सैम अयुब, खुशदिल शाह, हसन नवाज, मोहम्मद नवाज, शाहीन आफ्रिदी, हरिस रौफ, अबरार अहमद.

21/09/2025 14:38:50

Ind Vs Pak LIVE Score : पाकिस्तान विरुद्ध भारताची संभाव्य प्लेइंग-11

अभिषेक शर्मा, शुभमन गिल, सूर्यकुमार यादव (कर्णधार), तिलक वर्मा, संजू सॅमसन, हार्दिक पांड्या, शिवम दुबे, अक्षर पटेल, वरुण चक्रवर्ती, कुलदीप यादव, जसप्रीत बुमराह.

21/09/2025 14:36:06

Ind Vs Pak LIVE Score : हस्तांदोलन वादानंतर पहिल्यांदाच भारत-पाकिस्तान भिडणार (India and Pakistan handshake controversy)

हस्तांदोलनच्या वादानंतर दोन्ही संघ पहिल्यांदाच एकमेकांसमोर येतील. टीम इंडियाने या स्पर्धेत आतापर्यंत एकही सामना गमावलेला नाही. सुपर फोरमध्ये ही विजयी मालिका सुरू ठेवण्याचा त्यांचा प्रयत्न असेल. आशिया कप 2025 च्या लीग सामन्यात टीम इंडियाविरुद्ध प्रथम फलंदाजी करताना पाकिस्तानने 9 बाद 127 धावा केल्या.

भारताने 15.5 षटकांत हे लक्ष्य गाठले, फक्त 3 विकेट गमावल्या. आता, पाकिस्तान या पराभवाचा बदला घेण्यासाठी उत्सुक असेल. पण, भारतीय संघ सध्या उत्कृष्ट फॉर्ममध्ये आहे. 2024 मध्ये टी-20 वर्ल्ड कप जिंकल्यापासून, टीम इंडियाने एकही टी-20 मालिका गमावलेली नाही. या काळात, भारताने एकूण 23 सामने खेळले आहेत आणि त्यापैकी फक्त 3 सामने गमावले आहेत.

21/09/2025 14:35:36

Ind Vs Pak LIVE Score : भारत-पाकिस्तान हेड टू हेड रेकॉर्ड (India-Pakistan head to head record)

आशिया कपमध्ये भारत आणि पाकिस्तान 20 वेळा आमनेसामने आले आहेत, त्यापैकी 11 वेळा भारताने विजय मिळवला आहे. पाकिस्तानने 6 वेळा विजय मिळवला आहे आणि 3 सामने अनिर्णित राहिले आहेत. भारत आणि पाकिस्तान टी-20 आंतरराष्ट्रीय सामन्यांमध्ये 14 वेळा एकमेकांसमोर आले आहेत, त्यापैकी 11 वेळा भारताने विजय मिळवला आहे आणि 3 वेळा पाकिस्तानने भारताला हरवले आहे.

21/09/2025 14:34:59

भारत-पाकिस्तान सुपर-4 सामन्याचे लाईव्ह स्ट्रीमिंग, येथे पाहता येईल 'फ्री'मध्ये सामना (Where to Watch India vs Pakistan Match Live Telecast)

भारत-पाकिस्तान सुपर-4 सामना रविवार 21 सप्टेंबर रोजी दुबई आंतरराष्ट्रीय क्रिकेट स्टेडियमवर खेळला जाईल. सामना भारतीय वेळेनुसार रात्री 8 वाजता सुरू होईल. सामन्याचे लाईव्ह प्रक्षेपण सोनी स्पोर्ट्स 1, सोनी स्पोर्ट्स 3 आणि सोनी स्पोर्ट्स 4 वर उपलब्ध असेल. चाहते सोनी लिव्ह अॅप आणि वेबसाइटवर लाईव्ह स्ट्रीमिंगचा आनंद घेऊ शकतात. त्याच वेळी, आशिया कप 2025 चे थेट प्रक्षेपण डीडी स्पोर्ट्सवर देखील उपलब्ध असेल, परंतु फक्त भारताचे सामने डीडी फ्री डिशवर उपलब्ध असतील. त्यामुळे तुम्ही भारत-पाकिस्तान सामना डीडी स्पोर्ट्सवर फ्री मध्ये पाहू शकता.