India vs New Zealand Champions Trophy 2025 Final : चॅम्पियन्स ट्रॉफी 2025 चा अंतिम सामना 9 मार्च रोजी दुबई येथे खेळला जात आहे. या सामन्यात दोन वेळा चॅम्पियन राहिलेल्या भारताचा सामना एक वेळच्या चॅम्पियन न्यूझीलंडशी होतो आहे. हा सामना दोन्ही संघांसाठी अनेक अर्थांनी महत्त्वाचा आहे. भारताविरुद्धच्या अंतिम सामन्यात न्यूझीलंडचा कर्णधार मिचेल सँटनरने नाणेफेक जिंकून प्रथम फलंदाजी करण्याचा निर्णय घेतला.
कर्णधार सँटनरने प्लेइंग-11 मध्ये एक बदल केला आहे. दुखापतीमुळे मॅट हेन्री हा सामना खेळत नाहीये. त्याच्या जागी वेगवान गोलंदाज नाथन स्मिथला संधी देण्यात आली आहे. त्याच वेळी, भारतीय कर्णधार रोहित शर्मा संघात कोणता बदल केला नाही. भारतीय संघ पाचव्यांदा या मेगा स्पर्धेच्या अंतिम फेरीत पोहोचला आहे, तर न्यूझीलंड संघ तिसऱ्यांदा अंतिम फेरीत पोहोचला आहे. याशिवाय, दोन्ही संघ 25 वर्षांनंतर मेगा स्पर्धेच्या जेतेपदाच्या सामन्यात आमनेसामने येतील. टीम इंडियाने वनडे सामन्यात सलग 15व्यांदा टॉस हरला आहे.
भारत आणि न्यूझीलंडची Playing XI
न्यूझीलंड संघाची प्लेइंग इलेव्हन : विल यंग, रचिन रवींद्र, केन विल्यमसन, डॅरिल मिशेल, टॉम लॅथम (विकेटकीपर), ग्लेन फिलिप्स, मायकेल ब्रेसवेल, मिशेल सँटनर (कर्णधार), काइल जेमिसन, विल्यम ओरोर्क, नाथन स्मिथ
भारतीय संघाची प्लेइंग इलेव्हन : रोहित शर्मा (कर्णधार), शुभमन गिल, विराट कोहली, श्रेयस अय्यर, अक्षर पटेल, केएल राहुल (विकेटकीपर), हार्दिक पंड्या, रवींद्र जडेजा, मोहम्मद शमी, कुलदीप यादव, वरुण चक्रवर्ती
रोहित शर्माच्या नेतृत्वाखाली टीम इंडिया विजयाच्या रथावर आहे. संघ आतापर्यंत अपराजित राहिला आहे, तर न्यूझीलंड संघाला लीगच्या शेवटच्या सामन्यात टीम इंडियाकडून पराभव स्वीकारावा लागला होता. जर आपण चालू आवृत्तीतील साखळी सामन्यांमधील दोन्ही संघांच्या कामगिरीवर नजर टाकली तर, भारताने 3 पैकी 3 सामने जिंकले होते. त्याच वेळी, न्यूझीलंड संघाने 3 पैकी 2 सामने जिंकले आहे. भारतीय संघ 6 गुणांसह पॉइंट टेबलमध्ये अव्वल स्थानावर होता, तर न्यूझीलंडचा संघ 4 गुणांसह दुसऱ्या स्थानावर होता. त्याच वेळी, भारताने उपांत्य फेरीच्या सामन्यात ऑस्ट्रेलियाचा पराभव केला, तर न्यूझीलंडने दक्षिण आफ्रिकेचा पराभव करून जेतेपदाच्या सामन्यात स्थान मिळवले.
भारत आणि न्यूझीलंड हेड टू हेड रेकॉर्ड
आकडेवारीनुसार, न्यूझीलंडविरुद्ध टीम इंडियाचा वरचष्मा दिसत आहे. दोन्ही संघांमध्ये 119 एकदिवसीय सामने खेळले गेले आहेत. भारताने 61 सामने जिंकले आहेत आणि न्यूझीलंडने 50 सामने जिंकले आहेत. दोन्ही संघांमधील 7 सामन्यांचा निकाल लागला नाही, तर एक सामना बरोबरीत सुटला. भारताने घरच्या मैदानावर 31 सामने, बाहेरच्या ठिकाणी 14 सामने, तटस्थ ठिकाणी 16 सामने जिंकले आहेत, तर न्यूझीलंडच्या संघाने घरच्या मैदानावर 26 सामने, बाहेरच्या ठिकाणी 8 सामने आणि तटस्थ ठिकाणी 16 सामने जिंकले आहेत.
चॅम्पियन्स ट्रॉफीमध्ये भारत आणि न्यूझीलंड आमनेसामने
चॅम्पियन्स ट्रॉफीमध्ये भारत आणि न्यूझीलंड यांच्यातील विजय आणि पराभवाचा विक्रम बरोबरीचा आहे. चॅम्पियन्स ट्रॉफीमध्ये दोन्ही संघांमध्ये आतापर्यंत फक्त दोन सामने झाले आहेत. यामध्ये भारताने एक सामना जिंकला आहे, तर न्यूझीलंड संघानेही एक सामना जिंकला आहे. दुबईमध्ये खेळल्या जाणाऱ्या विजेतेपदाच्या सामन्यात विजय मिळवणारा संघ आघाडी मिळवून विजेताही बनेल.
हे ही वाचा -