IND vs NZ 1st T20 : नागपुरात सूर्या ब्रिगेडचा कहर! अभिषेक–रिंकूचं वादळ, टी-20 वर्ल्डकपचा बिगुल वाजण्यापूर्वीच टीम इंडियाचा दणका; न्यूझीलंड पूर्णपणे गारद

India vs New Zealand 1st T20I Marathi Update : भारत आणि न्यूझीलंड यांच्यातील हा दौरा भारतीय क्रिकेटसाठी अनेक अर्थांनी आश्चर्यकारक होता.

किरण महानवरLast Updated: 21 Jan 2026 10:55 PM

पार्श्वभूमी

India vs New Zealand 1st T20I Scorecard Marathi News : भारत आणि न्यूझीलंड यांच्यातील हा दौरा भारतीय क्रिकेटसाठी अनेक अर्थांनी आश्चर्यकारक होता. टीम इंडियाला घरच्या मैदानावर एक मजबूत संघ मानले जात असले तरी, न्यूझीलंडने एकदिवसीय आणि कसोटी या दोन्ही फॉरमॅटमध्ये कडवी झुंज देत इतिहास घडवला.या वर्षाच्या सुरुवातीला खेळल्या गेलेल्या तीन सामन्यांच्या वनडे मालिकेची सुरुवात भारताने वडोदऱ्यातील विजयाने केली होती. पहिल्या वनडेत भारताने 306 धावांचे आव्हान उभे केले आणि न्यूझीलंडला 300 धावांत रोखत 4 विकेट्सने सामना जिंकला. यामुळे भारत मालिकेवर पकड मिळवेल, असे वाटत होते.मात्र, त्यानंतर चित्र पूर्णपणे बदलले. राजकोट येथे झालेल्या दुसऱ्या वनडेत न्यूझीलंडने जबरदस्त फलंदाजी करत भारताच्या 284 धावांचा पाठलाग केवळ 3 विकेट्स गमावून केला आणि 7 विकेट्सने दणदणीत विजय मिळवला. यानंतर इंदूरच्या होळकर स्टेडियमवर खेळल्या गेलेल्या निर्णायक तिसऱ्या वनडेत न्यूझीलंडने भारताचा 41 धावांनी पराभव करत मालिका 2-1 अशी जिंकली. या सामन्यात न्यूझीलंडने प्रथम फलंदाजी करत 337 धावा केल्या, तर भारताचा डाव 296 धावांत आटोपला. भारतातील ही न्यूझीलंडची पहिलीच वनडे मालिका विजय ठरली.कसोटी मालिकेतही भारताला जबर धक्कावनडे मालिकेआधी खेळल्या गेलेल्या कसोटी मालिकेतही भारताची कामगिरी निराशाजनक राहिली. ऑक्टोबर-नोव्हेंबर 2024 दरम्यान झालेल्या तीन सामन्यांच्या कसोटी मालिकेत न्यूझीलंडने भारताचा 3-0 असा व्हाईटवॉश केला. बंगळुरू कसोटीत भारताचा पहिला डाव अवघ्या 46 धावांत संपला, जो घरच्या मैदानावरील लाजिरवाणा विक्रम ठरला. त्यानंतर पुणे आणि मुंबई कसोटीतही न्यूझीलंडने दबाव कायम ठेवत अटीतटीच्या सामन्यांत विजय मिळवला.आता टी20 मालिकेची वेळ – जाणून घ्या संपूर्ण वेळापत्रकवनडे आणि कसोटीत पराभव स्वीकारल्यानंतर आता भारत आणि न्यूझीलंड टी20 फॉरमॅटमध्ये आमनेसामने येणार आहेत. दोन्ही संघांमध्ये 5 सामन्यांची टी20 आंतरराष्ट्रीय मालिका खेळवली जाणार असून, या मालिकेला 21 जानेवारीपासून सुरुवात होणार आहे.टी20 मालिकेचे संपूर्ण वेळापत्रकपहिला टी20 सामना : 21 जानेवारी (बुधवार), सायंकाळी 7 वाजतादुसरा टी20 सामना : 23 जानेवारी (शुक्रवार), सायंकाळी 7 वाजतातिसरा टी20 सामना : 25 जानेवारी (रविवार), सायंकाळी 7 वाजताचौथा टी20 सामना : 28 जानेवारी (बुधवार), सायंकाळी 7 वाजतापाचवा टी20 सामना : 31 जानेवारी (शनिवार), सायंकाळी 7 वाजताहे ही वाचा -ICC ODI Rankings : मोठी उलथापालथ! विराट कोहली टॉपच्या खुर्चीवरून आला खाली, इतिहास रचत ‘हा’ फलंदाज बनला नंबर-वन, रोहित शर्माला मोठा धक्का

21/01/2026 22:55:09

IND vs NZ 1st T20 : नागपुरात सूर्या ब्रिगेडचा कहर! अभिषेक–रिंकूचं वादळ, टी-20 वर्ल्डकपचा बिगुल वाजण्यापूर्वीच टीम इंडियाचा दणका; न्यूझीलंड पूर्णपणे गारद

भारताने पहिल्या टी-20 सामन्यात न्यूझीलंडचा 48 धावांनी पराभव करत पाच सामन्यांच्या मालिकेत 1-0 अशी आघाडी घेतली.

बुधवारी नागपूरच्या विदर्भ क्रिकेट असोसिएशन स्टेडियमवर नाणेफेक गमावल्यानंतर प्रथम फलंदाजी करताना भारताने अभिषेक शर्मा (84) आणि रिंकू सिंग (44*) यांच्या स्फोटक खेळींच्या जोरावर 20 षटकांत 7 बाद 238 धावा केल्या.

टी-20 सामन्यात न्यूझीलंडविरुद्ध भारताची ही सर्वोच्च धावसंख्या आहे.

यापूर्वी 2023 मध्ये भारताने न्यूझीलंडविरुद्ध 234/4 धावा केल्या होत्या.

प्रत्युत्तर न्यूझीलंडला त्यांच्या निर्धारित षटकांत सात बाद केवळ 190 धावा करता आल्या.

त्यांच्याकडून ग्लेन फिलिप्सने सर्वाधिक 78 धावा केल्या.

वरुण चक्रवर्ती आणि शिवम दुबे यांनी प्रत्येकी दोन बळी घेतले, तर अर्शदीप सिंग, हार्दिक पंड्या आणि अक्षर पटेल यांनी प्रत्येकी एक बळी घेतला.