India vs England Live Score 5th Test Day 2 : लंडनच्या ओव्हल मैदानावर भारत आणि इंग्लंड यांच्यातील पाचवा कसोटी सामना रंगतदार ठरत आहे. इंग्लंडने चार सामन्यांच्या मालिकेत 2-1 अशी आघाडी घेतली असून, हा सामना निर्णायक ठरणार आहे. इंग्लंड मालिका जिंकेल की भारत ती बरोबरीत आणेल, याचा निर्णय याच सामन्यात होणार आहे.

या मालिकेतील शेवटच्या सामन्यातही इंग्लंडने नाणेफेक जिंकली आहे. मागील 4 सामन्यातही त्यांनी नाणेफेक जिंकली होती. यावेळी इंग्लंडने प्रथम गोलंदाजी करण्याचा निर्णय घेतला आहे. ओव्हल कसोटीचा पहिला दिवस संपला तेव्हा टीम इंडियाने 6 विकेट गमावून 204 धावा केल्या. करुण नायर 52 धावांवर आणि वॉशिंग्टन सुंदर 19 धावांवर नाबाद राहिले. त्याआधी यशस्वी जैस्वाल फक्त 2 धावा करू शकला आणि केएल राहुल फक्त 14 धावा करू शकला. साई सुदर्शनने 38 धावा केल्या. मात्र, कर्णधार शुभमन गिल 21 धावा काढून धावबाद झाला. रवींद्र जडेजानेही 9 धावांची खेळी खेळताना आपली विकेट गमावली.

विशेष लक्ष करुण नायरकडे लागले आहे, कारण जवळपास आठ वर्षांनंतर त्यांच्या बॅटमधून अर्धशतक पाहायला मिळाले आहे. दरम्यान, आजच्या दिवसातही पावसाचा अडथळा निर्माण होण्याची शक्यता असल्याने हवामानही निर्णायक ठरू शकते.

00:05 AM (IST) • 02 Aug 2025

दुसऱ्या दिवसाचा खेळ संपला! भारताकडे 52 धावांची आघाडी; इंग्लंडचा पहिला डाव 247 धावांवर आटोपला

भारत आणि इंग्लंड यांच्यातील सुरू असलेल्या पाच सामन्यांच्या कसोटी मालिकेतील शेवटचा सामना लंडनमधील ओव्हल मैदानावर खेळला जात आहे. भारताने दुसऱ्या डावात दोन बाद 75 धावा केल्या आहेत आणि इंग्लंडविरुद्ध 52 धावांची आघाडी घेतली आहे. पण, यजमान संघाचा पहिला डाव 247 धावांवर संपला होता तर भारताने पहिल्या डावात 224 धावा केल्या होत्या. या आधारावर इंग्लंडला 23 धावांची आघाडी मिळाली. शुक्रवारच्या खेळाच्या अखेरीस, यशस्वी जैस्वाल 49 चेंडूत 51 धावा आणि आकाश दीप दोन चेंडूत चार धावा करून खेळत आहे.

भारताचा दुसरा डाव

यशस्वी जैस्वाल आणि केएल राहुल यांनी दुसऱ्या डावात भारतीय संघाला चांगली सुरुवात करून दिली. दोघांमध्ये पहिल्या विकेटसाठी 46 धावांची भागीदारी झाली, जी जोश टंगने मोडली. त्याने राहुलला रूटने झेलबाद केले. 28 चेंडूत सात धावा करून तो पॅव्हेलियनमध्ये परतला. यानंतर फलंदाजीसाठी आलेला साई सुदर्शन 11 धावा काढून बाद झाला. त्याला गस अ‍ॅटकिन्सनने एलबीडब्ल्यू बाद केले. यादरम्यान यशस्वी जैस्वालने 44 चेंडूत आपले 13 वे अर्धशतक पूर्ण केले. चालू मालिकेतील हे त्याचे तिसरे अर्धशतक आहे. दिवसाच्या खेळाच्या अखेरीस डावखुरा फलंदाज 51 आणि आकाश दीप चार धावांवर खेळत आहे.

23:13 PM (IST) • 01 Aug 2025