Ind vs Aus 5th T20 : पावसाच्या सरी आल्या धावून, गाबामधील टी20 सामना गेला वाहून; ऑस्ट्रेलियाविरुद्ध टीम इंडियाने टी-20 मालिका 2-1 ने जिंकली

India vs Australia 5th T20I Cricket News Marathi : भारत आणि ऑस्ट्रेलिया यांच्यात सुरू असलेली पाच सामन्यांची टी20 मालिका आता अंतिम टप्प्यात पोहोचली आहे.

पार्श्वभूमी

Australia vs India 5th T20I Cricket Scorecard Update : भारत आणि ऑस्ट्रेलिया यांच्यात सुरू असलेली पाच सामन्यांची टी20 मालिका आता अंतिम टप्प्यात पोहोचली आहे. या मालिकेतील शेवटचा सामना ब्रिस्बेनच्या गाबा मैदानावर खेळला जाणार आहे. सध्या टीम इंडिया 2-1 ने आघाडीवर असून, मालिकेवर शिक्कामोर्तब करण्याची मोठी संधी तिच्याकडे आहे. टी20 मालिकेतील पहिला सामना पावसामुळे रद्द झाला होता. त्यानंतर दुसऱ्या सामन्यात ऑस्ट्रेलियाने भारताचा पराभव केला. मात्र त्यानंतर भारतीय संघाने दमदार पुनरागमन करत सलग दोन सामने जिंकत मालिकेत आघाडी घेतली.

08/11/2025 16:30:20

पावसाच्या सरी आल्या धावून, गाबामधील टी20 सामना गेला वाहून; ऑस्ट्रेलियाविरुद्ध टीम इंडियाने टी-20 मालिका 2-1 ने जिंकली

पाचवा टी-20 सामना पावसामुळे रद्द करण्यात आला.

भारताच्या फलंदाजीदरम्यान 4.5 षटकांनंतर खेळ थांबवण्यात आला.

पंचांनी सामना अनिर्णित घोषित केला.

अशाप्रकारे टीम इंडियाने पाच सामन्यांची टी20 मालिका 2-1 अशी जिंकली.

मालिकेतील पहिला सामनाही पावसामुळे रद्द करण्यात आला.

Continues below advertisement

08/11/2025 15:26:12

Ind vs Aus 5th T20 Live Score : गाबामध्ये विजेच्या कडकडाटासह पाऊस, कधी सुरू होणार सामना? जाणून घ्या अपडेट्स

ब्रिस्बेनमध्ये पावसाचा जोर वाढला आहे आणि खराब हवामानामुळे सामना अद्याप सुरू झालेला नाही.

या सामन्यात टीम इंडियाची सुरुवात चांगली झाली आहे.

चाहते सामना लवकरात लवकर सुरू व्हावा अशी अपेक्षा करतील.

08/11/2025 14:17:26

Ind vs Aus 5th T20 Live Score : अभिषेक-गिल जोडीची तुफानी सुरुवात; पण अचानक थांबवला सामना, नेमकं काय घडलं? जाणून घ्या अपडेट्स

खराब हवामानामुळे 4.5 षटकांनंतर सामना थांबवण्यात आला.

पाऊस, वादळ आणि विजांच्या भीतीमुळे पंचांनी सामना थांबवला.

भारत आणि ऑस्ट्रेलियन दोन्ही खेळाडू आपापल्या डगआउट्समध्ये परतले आहेत.

4.5 षटकांनंतर भारताचा स्कोअर 52 धावा आहे.

गिल सध्या 16 चेंडूत 29 धावा करत आहे आणि अभिषेक 13 चेंडूत 23 धावा करत आहे.

अभिषेकला मिळाले दोन जीवनदान

अभिषेकला पहिल्या चार षटकात दोन जीवनदान मिळाले. त्याने पहिल्या षटकाच्या चौथ्या चेंडूवर शानदार चौकार मारला. त्यानंतर, पुढच्या चेंडूवर, तो आणखी एक मोठा फटका मारण्यासाठी गेला. पण, चेंडू मिड-ऑफवर उभ्या असलेल्या मॅक्सवेलकडे गेला, परंतु त्याने झेल घेतला नाही. यामुळे अभिषेकला पहिला जीवनदान मिळाला. त्यानंतर, चौथ्या षटकात अभिषेकने नाथन एलिसच्या फाईन लेगकडे शॉट खेळण्याचा प्रयत्न केला, परंतु चेंडू द्वारशुइसच्या हातातून सुटला. तो तेव्हा 11 धावांवर होता.

Continues below advertisement

08/11/2025 13:24:37

Ind vs Aus 5th T20 Live Score : भारतीय संघाची प्लेइंग-11

अभिषेक शर्मा, शुभमन गिल, सूर्यकुमार यादव, रिंकू सिंग, जितेश शर्मा, वॉशिंग्टन सुंदर, शिवम दुबे, अक्षर पटेल, अर्शदीप सिंग, वरुण चक्रवर्ती, जसप्रीत बुमराह.

08/11/2025 13:23:12

Ind vs Aus 5th T20 Live Score : ऑस्ट्रेलिया संघाची प्लेइंग-11

मिशेल मार्श (कर्णधार), मॅथ्यू शॉर्ट, जोश इंग्लिस, ग्लेन मॅक्सवेल, टिम डेव्हिड, ग्लेन मॅक्सवेल, मार्कस स्टोइनिस, झेवियर बार्टलेट, नॅथन एलिस, अॅडम झम्पा, बेन द्वारशुइस.

08/11/2025 13:20:49

Ind vs Aus 5th T20 Live Score : ऑस्ट्रेलियाने जिंकली नाणेफेक

भारताविरुद्ध पाचव्या टी२० सामन्यात ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला.

08/11/2025 13:01:38

IND vs AUS 5th T20 Weather Forecast : ब्रिस्बेनमध्ये धो धो पाऊस! भारत-ऑस्ट्रेलिया शेवटचा सामना रद्द झाला तर कोणाला मिळणार ट्रॉफी? जाणून घ्या

IND vs AUS 5th T20 Weather Forecast : भारत आणि ऑस्ट्रेलिया यांच्यातील पाच सामन्यांच्या टी20 मालिकेचा शेवटचा सामना शनिवारी ब्रिस्बेनच्या गाबा मैदानावर खेळला जाणार आहे. पण त्याआधी चाहत्यांसाठी एक वाईट बातमी आहे. या निर्णायक सामन्यावर पावसाचे संकट घोंघावत आहे. हवामान खात्याच्या अंदाजानुसार, सामन्याच्या दिवशी संध्याकाळपर्यंत जोरदार पाऊस आणि वीजांच्या कडकडाटासह वादळी हवामान होण्याची शक्यता आहे. त्यामुळे हा सामना कमी ओव्हरचा होऊ शकतो किंवा पूर्णपणे रद्द होण्याचीही शक्यता आहे.