ICC Champions Trophy 2025 : चॅम्पियन्स ट्रॉफीवरून भारत-पाकिस्तान वाद पेटला! ICC ने रद्द केले सर्व कार्यक्रम, समोर आले मोठे कारण
ICC Champions Trophy 2025 : यावेळी आंतरराष्ट्रीय क्रिकेट परिषदेने चॅम्पियन्स ट्रॉफी 2025 चे यजमानपद पाकिस्तानला दिले आहे.
India vs Pakistan ICC Champions Trophy 2025 : यावेळी आंतरराष्ट्रीय क्रिकेट परिषदेने चॅम्पियन्स ट्रॉफी 2025 चे यजमानपद पाकिस्तानला दिले आहे. रिपोर्टनुसार, भारतीय क्रिकेट नियामक मंडळाने चॅम्पियन्स ट्रॉफीसाठी टीम इंडियाला पाकिस्तानमध्ये न पाठवण्याचा निर्णय घेतला आहे. बीसीसीआयने आयसीसीला पत्र लिहून पाकिस्तानला न जाण्याचे कारण सांगितले. आता यामुळे आयसीसीला आपले महत्त्वाचे कार्यक्रम रद्द करावे लागले.
ICC ने रद्द केले सर्व कार्यक्रम
11 नोव्हेंबर रोजी लाहोर येथे आयोजित कार्यक्रमात आयसीसी औपचारिक घोषणा करणार होती. मात्र आता ते रद्द करण्यात आले आहे. भारताने पाकिस्तानमध्ये खेळण्यास स्पष्ट नकार दिला. त्यामुळे पाकिस्तानमध्ये होणारा कार्यक्रम रद्द करण्यात आला आहे. या विषयावर एका अधिकाऱ्याने सांगितले की, वेळापत्रक निश्चित झाले नाही, आम्ही अद्याप यजमान आणि सहभागी होणाऱ्या देशांशी चॅम्पियन्स ट्रॉफीच्या वेळापत्रकावर चर्चा करत आहोत. पुष्टी झाल्यावर आम्ही आमच्या चॅनेलद्वारे घोषणा करू. या आठवड्यात आयसीसी अधिकृतपणे स्पर्धेचे वेळापत्रक जाहीर करेल, असे मानले जात होते. मात्र आता वेळापत्रक जाहीर होण्यास वेळ लागू शकतो.
If the ICC forces you for a hybrid model, then it's better to boycott this tournament and the whole nation will support you in this decision. It's about national pride @TheRealPCB. Show some self respect this time 🙏🏽🙏🏽#PCB #championstrophy2025 pic.twitter.com/jExeNvZZZC
— Raja Khaqan ラジャ・カーカン (@rajakhaqan05) November 9, 2024
चॅम्पियन्स ट्रॉफी 2025 साठी भारतीय संघ पाकिस्तानला जाणार नाही. अशा परिस्थितीत टीम इंडिया आपले सामने हायब्रीड मॉडेलवर खेळू शकते. असे मानले जाते की मेन इन ब्लू यूएईमध्ये त्याचे सर्व सामने खेळू शकतात. यापूर्वी आशियाई क्रिकेट परिषदेने आशिया कप 2023 चे यजमानपदही पाकिस्तानला दिले होते. पण भारताने ही स्पर्धा हायब्रीड मॉडेलवर खेळली. भारताचे सर्व सामने श्रीलंकेत झाले होते. जे भारताने विजेतेपदही पटकावले होते. सुरक्षेच्या कारणास्तव बीसीसीआय आपल्या खेळाडूंना पाकिस्तानात पाठवू इच्छित नाही.
दुसरीकडे चॅम्पियन्स ट्रॉफीच्या यजमानपदासाठी पाकिस्तानने जोरदार तयारी केली आहे. त्यावेळी पीसीबीचे अध्यक्ष मोहसीन नक्वी म्हणाले होते की, आम्ही हायब्रीड मॉडेलवर चर्चा करण्यास तयार आहोत, पण राजकारण आणि खेळ यांना एकमेकांपासून दूर ठेवले पाहिजे. आमची तयारी योग्य दिशेने सुरू आहे.
हे ही वाचा -
महत्त्वाच्या बातम्या
ट्रेंडिंग न्यूज
