GT vs KKR Live Update : अहमदाबादमध्ये गिलचं 'चक्रीवादळ'; केकेआरचा पालापाचोळा, गुजरातचा धमाका

Gujarat Titans vs Kolkata Knight Riders Live IPL 2026 Update In Marathi : आयपीएल 2026 मधील 25व्या सामन्यात गुजरात टायटन्स आणि कोलकाता नाईट रायडर्स यांच्यात सामना रंगणार आहे.

किरण महानवरLast Updated: 17 Apr 2026 11:28 PM

पार्श्वभूमी

GT vs KKR Live Score IPL 2026 Match Update In Marathi : आयपीएल 2026 मधील 25व्या सामन्यात गुजरात टायटन्स आणि कोलकाता नाईट रायडर्स यांच्यात सामना रंगणार आहे. हा सामना गुजरातच्या...More

GT vs KKR Live Score IPL 2026 Match Update In Marathi : आयपीएल 2026 मधील 25व्या सामन्यात गुजरात टायटन्स आणि कोलकाता नाईट रायडर्स यांच्यात सामना रंगणार आहे. हा सामना गुजरातच्या होमग्राउंड अहमदाबाद येथील नरेंद्र मोदी स्टेडियमवर खेळवला जाणार आहे. या सामन्यात कोलकाता संघ हंगामातील पहिल्या विजयाच्या शोधात मैदानात उतरणार आहे. आतापर्यंत खेळलेल्या पाच सामन्यांमध्ये केकेआरला एकही विजय मिळालेला नाही. पंजाब किंग्सविरुद्धचा सामना पावसामुळे रद्द झाल्याने त्यांचे खाते उघडले आहे. दुसरीकडे, गुजरात टायटन्सने चारपैकी दोन सामने जिंकले आहेत.हेड-टू-हेडमध्ये गुजरातचा दबदबा (GT vs KKR Head to Head Record)आयपीएलमधील दोन्ही संघांच्या आमनेसामनेच्या इतिहासावर नजर टाकली तर गुजरात टायटन्सचा वरचष्मा स्पष्ट दिसतो. आतापर्यंत झालेल्या पाच सामन्यांपैकी गुजरातने तीन वेळा विजय मिळवला आहे, तर कोलकाताला फक्त एकदाच यश मिळाले आहे. एक सामना पावसामुळे रद्द झाला होता. विशेष म्हणजे, 2023 साली याच मैदानावर केकेआरने गुजरातला 7 विकेट्सनी पराभूत केले होते. मात्र, 2025 मध्ये झालेल्या शेवटच्या सामन्यात गुजरातने 39 धावांनी विजय मिळवत पुन्हा वर्चस्व सिद्ध केले.पॉइंट्स टेबलमधील स्थितीगुजरात टायटन्सने हंगामाची सुरुवात दमदार करत पहिले दोन सामने जिंकले, पण त्यानंतर सलग दोन पराभवांना सामोरे जावे लागले. त्यामुळे सध्या ते गुणतालिकेत सहाव्या स्थानावर आहेत. तर कोलकाता नाईट रायडर्सची अवस्था चिंताजनक आहे. पाचपैकी चार सामने गमावले असून एक सामना रद्द झाल्यामुळे त्यांच्याकडे केवळ 1 गुण आहे. त्यामुळे केकेआर सध्या गुणतालिकेच्या तळाशी आहे. आता या सामन्यात गुजरात आपली पकड मजबूत ठेवणार की कोलकाता अखेर विजयाचा श्रीगणेशा करणार, हे पाहणे उत्सुकतेचे ठरणार आहे.गुजरात टायटन्सचा संघ- (IPL 2026 GT Full Squad)शुभमन गिल (कर्णधार), साई सुदर्शन, कुमार कुशाग्रा, अनुज रावत, जोस बटलर, निशांत सिंधू, वॉशिंग्टन सुंदर, ग्लेन फिलिप्स, अर्शद खान, शाहरुख खान, राहुल तेवतिया, कागिसो रबाडा, मोहम्मद सिराज, प्रसिद्ध कृष्णा, इशांत शर्मा, गुरनूर सिंग ब्रार, राशिद खान, मानव सुथार, साई किशोर, जयंत यादव, अशोक शर्मा, जेसन होल्डर, टॉम बँटन, पृथ्वी राज येरा, ल्यूक वुडकोलकाता नाईट रायडर्सचा संघ- (IPL 2026 KKR Full Squad)अजिंक्य रहाणे, अंगकृष्ण रघुवंशी, अनुकुल रॉय, हर्षित राणा, मनीष पांडे, रमणदीप सिंग, रिंकू सिंग, रोवमन पॉवेल, सुनील नरेन, उमरान मलिक, वैभव अरोरा, वरुण चक्रवर्ती, कॅमेरॉन ग्रीन, फिन एलन, मथिशा पाथिराना, राहुल सिंग, तेजस्वी सिंह, कार्तिक त्यागी, प्रशांत सोलंकी, राहुल त्रिपाठी, टिम सीफर्ट, ब्लेसिंग मुझारबानी, सार्थक रंजन, दक्ष कामरा, रचिन रवींद्र, आकाश दीप

17/04/2026 23:28:20

GT vs KKR Live Update : अहमदाबादमध्ये गिलचं 'चक्रीवादळ'; केकेआरचा पालापाचोळा, गुजरातचा धमाका

गुजरात टायटन्सने कोलकाता नाईट रायडर्सचा (केकेआर) पाच गडी राखून पराभव केला.

नाणेफेक जिंकून प्रथम फलंदाजी करण्याचा निर्णय घेतलेल्या केकेआरने, कॅमेरॉन ग्रीनच्या अर्धशतकाच्या जोरावर 20 षटकांत 10 गडी गमावून 180 धावा केल्या.

प्रत्युत्तर म्हणून गुजरात टायटन्सने 19.4 षटकांत 5 गडी गमावून 181 धावा केल्या आणि शुक्रवारी अहमदाबाद येथील नरेंद्र मोदी स्टेडियमवर हा सामना जिंकला.

17/04/2026 21:36:24

GT vs KKR Live Update : कॅमरॉन ग्रीनने अखेर 25 कोटी रुपयांचे काम करून दाखवले, एकहाती केकेआरची इज्जत वाचवली

आयपीएल 2026 मध्ये आपल्या पहिल्या विजयाच्या शोधात असलेल्या कोलकाता नाईट रायडर्सने 180 पेक्षा जास्त धावा केल्या आहेत.

कॅमेरॉन ग्रीनने शेवटपर्यंत झुंज देत कोलकाताला 180 धावांपर्यंत पोहोचवले. ग्रीनने 55 चेंडूंमध्ये 79 धावांची झुंजार खेळी केली. कर्णधार अजिंक्य रहाणेला आपले खातेही उघडता आले नाही.

अहमदाबाद येथील नरेंद्र मोदी स्टेडियमवर खेळल्या जात असलेल्या या सामन्यात, कोलकाताने नाणेफेक जिंकून प्रथम फलंदाजी करण्याचा निर्णय घेतला.

केकेआरने अखेरीस न्यूझीलंडचा सलामीवीर टिम सायफर्टला डावाची सुरुवात करण्याची संधी दिली, पण तो अवघ्या 19 धावांवर बाद झाला. डावाच्या पहिल्या 24 चेंडूंमध्येच कोलकाताने आपले तिन्ही आघाडीचे फलंदाज गमावले होते.

कॅमेरॉन ग्रीनला त्याच्या खराब कामगिरीमुळे टीकेला सामोरे जावे लागत होते, विशेषतः केकेआरने मिनी-लिलावात त्याच्यासाठी 25 कोटी रुपयांची बोली लावल्यापासून. मात्र, त्याने गुजरातविरुद्ध 79 धावांची दमदार खेळी करून संघाला एका सन्मानजनक धावसंख्येपर्यंत पोहोचवले.

त्याने सर्वप्रथम रोव्हमन पॉवेलसोबत 55 धावांची भागीदारी करून संघाला अडचणीतून बाहेर काढले. पॉवेलने 27 धावांचे योगदान दिले.

17/04/2026 20:52:34

GT vs KKR Live Update : जेव्हा सर्व आशा संपल्या, तेव्हा तो एकटाच लढला! कोलकात्याचा खरा 'संकटमोचक' कॅमरून ग्रीन, संपूर्ण 'गेम'च पलटला

कोलकाता नाईट रायडर्सने (KKR) नाणेफेक जिंकून प्रथम फलंदाजी करण्याचा निर्णय घेतला. मात्र, डावाच्या सुरुवातीलाच कोलकात्याची फलंदाजी कोसळताना दिसली. जेव्हा संघाच्या सर्व आशा मावळल्या होत्या, तेव्हा ऑस्ट्रेलियन अष्टपैलू कॅमरून ग्रीन खऱ्या अर्थाने 'संकटमोचक' म्हणून धावून आला आणि त्याने आपल्या तुफानी फलंदाजीने खेळाचे पूर्ण चित्रच पालटून टाकले.

कोलकात्याची सुरुवात अत्यंत खराब झाली. अनुभवी फलंदाज आणि कर्णधार अजिंक्य रहाणे पहिल्याच चेंडूवर मोहम्मद सिराजचा शिकार झाला आणि शून्यावर बाद होऊन माघारी परतला. त्यानंतर टीम सायफर्ट (19) आणि अंगक्रिश रघुवंशी (8) यांनी थोडा प्रयत्न केला, पण कागिसो रबाडाच्या भेदक गोलंदाजीसमोर त्यांनी नांगी टाकली. अवघ्या काही षटकांत महत्त्वाचे फलंदाज बाद झाल्याने कोलकाता संघ मोठ्या संकटात सापडला होता.

कॅमरून ग्रीनचा 'वन मॅन शो'

अशा कठीण प्रसंगी कॅमरून ग्रीन मैदानात उतरला. त्याने सुरुवातीला खेळपट्टीचा अंदाज घेतला आणि त्यानंतर गोलंदाजांचा समाचार घेण्यास सुरुवात केली. ग्रीनने अवघ्या 43 चेंडूंमध्ये 74 धावांची नाबाद आणि स्फोटक खेळी खेळली. यामध्ये त्याने 7 चौकार आणि 4 षटकार ठोकले. 174 च्या स्ट्राईक रेटने फलंदाजी करत त्याने प्रतिस्पर्धी गोलंदाजांची दाणादाण उडवली.

ग्रीनला दुसऱ्या टोकाकडून रोवमन पॉवेलने चांगली साथ दिली. पॉवेलने 20 चेंडूत 27 धावांचे योगदान दिले, ज्यात 2 चौकार आणि 2 षटकारांचा समावेश होता.

सध्या 14.5 षटकांच्या समाप्तीनंतर कोलकात्याची धावसंख्या 147-5 अशी आहे.

17/04/2026 19:07:48

GT vs KKR Live Update : गुजरातसमोर अस्तित्वाची लढाई, कोलकाता नाईट रायडर्सने जिंकली नाणेफेक; प्रथम फलंदाजीचा निर्णय, जाणून घ्या प्लेइंग-11

आयपीएल 2026 च्या 25 व्या सामन्यात आज गुजरात टायटन्स आणि कोलकाता नाईट रायडर्स (KKR) हे दोन तगडे संघ आमनेसामने आहेत. कोलकात्याचा कर्णधार अजिंक्य रहाणेने नाणेफेक जिंकून प्रथम फलंदाजी करण्याचा धाडसी निर्णय घेतला आहे.

नाणेफेक जिंकल्यानंतर बोलताना केकेआरचा कर्णधार अजिंक्य रहाणे म्हणाला की, "आम्हाला मुक्तपणे फलंदाजी करायची आहे. स्पर्धेत पुनरागमन करण्यासाठी प्रथम फलंदाजी करणे हा एक चांगला पर्याय वाटतो. टी-20 फॉरमॅटमध्ये लय महत्त्वाची असते. संघात एक बदल करण्यात आला असून फिन्न ॲलनच्या जागी टिम सायफर्टला संधी देण्यात आली आहे."

दुसरीकडे, गुजरात टायटन्सचा कर्णधार शुभमन गिल याने सांगितले की, त्याला प्रथम गोलंदाजीच करायची होती. गिल म्हणाला, "मैदानावर दव पडण्याची शक्यता असल्याने आम्हाला गोलंदाजी हवी होती. गेल्या सामन्यात आमची मधली फळी कोसळली होती, ती चूक सुधारून आम्हाला साध्या गोष्टींवर लक्ष केंद्रित करायचे आहे. आम्ही आजच्या सामन्यासाठी संघात कोणताही बदल केलेला नाही."