IND vs NZ Squads T20 Tour : 4 वर्षांनी वाघ आला! भुवनेश्वर कुमारचं दणक्यात कमबॅक; न्यूझीलंड दौऱ्यासाठी 16 जणांचा धडकी भरवणारा टीम इंडियाचा संघ जाहीर

वन डे क्रिकेटमधील 498 धावांचा विक्रम मोडणार, आता 500 धावाही होणार, माजी अष्टपैलू खेळाडूचा खळबजनक दावा

गणेश लटके — Thu, 8 Oct 2026 21:56:36 +0530

Sports Cricket News : एकदिवसीय क्रिकेटच्या इतिहासात 500 धावांचा टप्पा कधीही गाठला गेला नाही. सध्या, या फॉरमॅटमधील सर्वोच्च धावसंख्या 498/4 आहे. जी इंग्लंडने 2022 मध्ये नेदरलँड्सविरुद्ध केली होती. 50 षटकांच्या क्रिकेटचे चाहते ही धावसंख्या पाहून खरोखरच थक्क झाले होते. मात्र, आता वेस्ट इंडिजचा माजी अष्टपैलू खेळाडू ड्वेन ब्राव्होने एक खळबळजनक दावा केला आहे. आता एकदिवसीय सामन्यांमध्ये 500 धावा केल्या जाऊ शकतात असा दावा ड्वेन ब्राव्होने केलाय.

स्पर्धेत टिकून राहण्यासाठी गोलंदाजांनीही आपले कौशल्य सुधारले पाहिजे

ड्वेन ब्राव्होने केलेल्या या दाव्यामुळे गोलंदाज नक्कीच घाबरतील. ब्राव्होच्या मते, फलंदाजांचे वाढते वर्चस्व पाहता 500 धावा करणे ही काही मोठी गोष्ट नाही. त्याने गोलंदाजांना सल्लाही दिला. वेस्ट इंडिजच्या या माजी अष्टपैलू खेळाडूने सांगितले की, फलंदाजांचे कौशल्य सुधारले आहे. त्याचप्रमाणे, स्पर्धेत टिकून राहण्यासाठी गोलंदाजांनीही आपले कौशल्य सुधारले पाहिजे.

फलंदाजांच्या कौशल्यात लक्षणीय सुधारणा झाली आहे. आता गोलंदाजांना सुधारणा करावी

वर्ल्ड चॅम्पियनशिप ऑफ लेजेंड्स दरम्यान ड्वेन ब्राव्हो म्हणाला, "फलंदाजांच्या कौशल्यात लक्षणीय सुधारणा झाली आहे. आता गोलंदाजांना सुधारणा करून आपल्या खेळात नवीन घटक समाविष्ट करावे लागतील. जागतिक क्रिकेटमध्ये होत असलेल्या बदलांशी जुळवून घेण्यासाठी त्यांना आपले कौशल्य वाढवावे लागेल. खेळ बदलत आहे. वेग वाढला आहे, आणि ही चांगली गोष्ट आहे, पण गोलंदाजांनाही जुळवून घ्यावे लागेल. फलंदाज ज्या निर्भयतेने फलंदाजी करत आहेत ते पाहून, मी खेळणे थांबवले याचा मला आनंद आहे. एकदिवसीय सामन्यात सर्वोच्च धावसंख्या 498/4 आहे. जी इंग्लंडने 2022 मध्ये नेदरलँड्सविरुद्ध केली होती. 50 षटकांच्या क्रिकेटचे चाहते ही धावसंख्या पाहून खरोखरच थक्क झाले होते. पण आता हा विक्रम देखील मोडीत निघणार असल्याचं वक्तव्य वेस्ट इंडिजचा माजी अष्टपैलू खेळाडू ड्वेन ब्राव्होने केले आहे. एकदिवसीय सामन्यात 500 धावा होणार असल्याचा दावा त्यांनी केलाय.

एकदिवसीय क्रिकेटमधील 5 सर्वोच्च धावसंख्या

एकदिवसीय सामन्यांमधील सर्वोच्च पाच धावसंख्येमध्ये इंग्लंडचे नाव तीन वेळा आले आहे. या तीनही सर्वोच्च धावसंख्या इंग्लंड संघाने केल्या आहेत. उर्वरित चौथी आणि पाचवी सर्वोच्च धावसंख्या श्रीलंका आणि दक्षिण आफ्रिकेने केली आहे. भारत या यादीत खूप खाली 11 व्या स्थानावर असून त्याची धावसंख्या 418/5 आहे.

इंग्लंड - 498/4 विरुद्ध नेदरलँड्स, 2022

इंग्लंड - 481/6 विरुद्ध ऑस्ट्रेलिया, 2018

इंग्लंड - 444/3 विरुद्ध पाकिस्तान, 2016

श्रीलंका - 443/9 विरुद्ध नेदरलँड्स, 2006

दक्षिण आफ्रिका - 439/2 विरुद्ध वेस्ट इंडिज, 2015

Virat Kohli On Nana Patekar: नाना पाटेकर यांचं हृदयविकाराच्या झटक्याने निधन; विराट कोहली भावूक, पोस्ट करत म्हणाला...

मुकेश चव्हाण — Thu, 8 Oct 2026 14:02:01 +0530

Virat Kohli On Nana Patekar Death Marathi News: ज्येष्ठ अभिनेते नाना पाटेकर (Marathi Actor Nana Patekar) यांचं आज (8 ऑक्टोबर) निधन झालं आहे. वयाच्या 75 व्या वर्षी नाना पाटेकर यांनी अखेरचा श्वास घेतला. गोव्यातील डोना पावलामधील घरी नाना पाटेकर हृदयविकाराचा झटका आला. त्यानंतर त्यांना मणिपाल रुग्णालयात हलवण्यात आले होते. मात्र याचवेळी नाना पाटेकर (Nana Patekar Death) यांचा मृत्य झाला.

नाना पाटेकरांच्या मृत्यूनंतर सिनेसृष्टी हळहळली आहे. तसेच पंतप्रधान नरेंद्र मोदी यांच्यापासून बॉलिवूडपासून, राजकीय नेते आणि खेळाडूंनी देखील नाना पाटेकर यांना भावूक पोस्ट करत श्रद्धांजली वाहिली. याचदरम्यान, भारतीय क्रिकेट संघाचा खेळाडू विराट कोहली (Virat Kohli) याने देखील एक्सवर पोस्ट करत नाना पाटेकर यांना श्रद्धांजली वाहिली. भारतीय चित्रपटसृष्टीतील एक महान व्यक्तिमत्त्व. त्यांचे कार्य आणि वारसा पिढ्यानपिढ्या स्मरणात राहील. नाना पाटेकर जी, आपल्याला भावपूर्ण श्रद्धांजली. ओम शांती...असं विराट कोहली म्हणाला. (Virat Kohli On Nana Patekar Death)

A true legend of Indian cinema. His work and legacy will live on for generations. Rest in peace, Nana Patekar ji. Om Shanti. 🙏
— Virat Kohli (@imVkohli) October 8, 2026

सचिन तेंडुलकर काय म्हणाला? (Sachin Tendulkar On Nana Patekar)

नाना पाटेकर यांच्या निधनानंतर महान क्रिकेटपटून सचिन तेंडुलकर यानेही सोशल मीडियावर पोस्ट करत श्रद्धांजली वाहिली. नाना पाटेकर यांची आठवण एक अत्यंत स्पष्टवक्ते आणि जमिनीशी जोडलेले व्यक्तिमत्त्व म्हणून येते. त्यांच्या कामातही तीच प्रामाणिकपणा दिसून येत असे. मराठी असो वा हिंदी, त्यांनी साकारलेल्या प्रत्येक पात्रात त्यांनी नेहमीच एक जिवंतपणा आणला. त्यांच्या निधनाची बातमी ऐकून खूप दुःख झाले. त्यांचे कुटुंबीय आणि आप्तेष्टांच्या दुःखात मी सहभागी आहे, असं सचिन तेंडुलकर म्हणाला.

I remember Nana Patekar as a very straightforward and grounded person. His work had that same honesty to it. Whether it was in Marathi or Hindi, he always brought something very real to the characters he played. Very sad to hear about his passing. My condolences to his family and loved ones. Om Shanti.
— Sachin Tendulkar (@sachin_rt) October 8, 2026

नाना पाटेकर यांच्यावर आज पुण्यात अंत्यसंस्कार- (Nana Patekar Marathi News)

पुण्यातील डोणजे गावात नाना पाटेकर यांच्यावर सायंकाळी 4 वाजता अंत्यसंसंस्कार केले जाणार आहेत. डोणजे गावातील नानाची वाडी याठिकाणी अंत्यसंस्काराची तयारी सुरु करण्यात आली आहे. डोणजे ग्रामस्थ आणि नाम फाउंडेशनच्यावतीने तयारी सुरु करण्यात येत आहे.

अभिनेते नाना पाटेकर यांचं हृदयविकाराच्या झटक्याने निधन, VIDEO:

Gopichand Padalkar On Smriti Mandhana: स्मृती मानधना टीम इंडियाची कर्णधार होताच गोपीचंद पडळकरांची पोस्ट; म्हणाले...

मुकेश चव्हाण — Thu, 8 Oct 2026 07:37:59 +0530

Gopichand Padalkar On Smriti Mandhana: महाराष्ट्रातील सांगलीची स्मृती मानधना (Smriti Mandhana) हिची भारतीय महिला क्रिकेट संघाच्या तिन्ही फॉरमॅटच्या (एकदिवसीय, टी-20 आणि कसोटी) कर्णधारपदी नियुक्ती करण्यात आली आहे. हरमनप्रीत कौर (Harmanpreet Kaur) हिने कर्णधारपदाचा राजीनामा दिल्यानंतर, 6 ऑक्टोबर 2026 रोजी भारतीय क्रिकेट नियामक मंडळाने (BCCI) याविषयीची अधिकृत घोषणा केली. स्मृती मानधना टीम इंडियाची कर्णधार होताच भाजपचे आमदार गोपीचंद पडळकर यांनी तिचं कौतुक केलं आहे.

स्मृती मानधना टीम इंडियाची कर्णधार होताच गोपीचंद पडळकर काय म्हणाले? (Gopichand Padalkar On Smriti Mandhana)

सांगलीची कन्या स्मृती मानधना भारतीय महिला क्रिकेट संघाची कर्णधार...सांगलीच्या क्रीडानगरीतून आंतरराष्ट्रीय क्रिकेटपर्यंत स्वतःच्या कर्तृत्वाने ठसा उमटवणाऱ्या आपल्या सांगलीच्या कन्येची, स्मृती मानधनाची भारतीय महिला क्रिकेट संघाच्या कर्णधारपदी निवड झाली, ही प्रत्येक सांगलीकरासाठी आणि संपूर्ण महाराष्ट्रासाठी अत्यंत अभिमानाची बाब आहे. जिद्द, प्रचंड मेहनत आणि सातत्यपूर्ण खेळाच्या जोरावर तिने जागतिक क्रिकेटमध्ये देशाची मान उंचावली आहे. देशाच्या सर्वोच्च क्रिकेट संघाचे नेतृत्व करण्याची ही मोठी संधी तिला मिळाली आहे. भारतीय संघाचे नेतृत्व करताना तिच्याकडून देशहिताची आणि यशाची नवी शिखरे गाठली जावोत. सांगलीची लेक स्मृती मानधना हिला कर्णधारपदाच्या नव्या इनिंगसाठी आणि भावी वाटचालीस मनःपूर्वक हार्दिक शुभेच्छा...असं गोपीचंद पडळकर म्हणाले. (Gopichand Padalkar On Smriti Mandhana)

स्मृतीच्या नेतृत्वात संघ टी-20 वर्ल्ड कप जिंकेल, वडिलांना विश्वास- (Smriti Mandhana Team India)

महाराष्ट्राची आणि सांगलीची कन्या स्मृती मानधना भारतीय महिला संघाची नवी कर्णधार बनली आहे. भारतीय संघाला पहिला वनडे वर्ल्डकप जिंकून देणारी कर्णधार हरमनप्रीत कौरने भारतीय संघाचं कर्णधारपद सोडण्याचा निर्णय घेतल्यानंतर आता बीसीसीआयने नव्या कर्णधाराची घोषणा करत स्मृतीची निवड केली आहे. स्मृतीची भारतीय महिला संघाची कर्णधारपदी निवड होणे हे स्मृतीचे मोठे यश असल्याच्या भावना स्मृतीचे वडील श्रीनिवास मानधना यांनी व्यक्त केल्या आहेत. स्मृती मानधनाने कमी वयात खूप मोठे यश संपादन केले आहे. तिच्या वाटचालीत अनेकांच्या शुभेछा आहेत. स्मृतीने कमी वयात खूप मोठी कामगिरी केली आहे. आता ती भारतीय संघाला टी20 वर्ल्ड कप जिंकून देईन असा विश्वास सांगलीची कन्या आणि भारतीय महिला क्रिकेट संघाची कर्णधार स्मृती मानधनाचे वडील श्रीनिवास मानधना यांनी व्यक्त केला. स्मृती कर्णधारपदी निवड झाल्यानंतर त्यांनी आपली पहिली प्रतिक्रिया व्यक्त केली. यावेळी आपली लेक देशाच्या महिला संघाची कर्णधार झाल्याबद्दल वडिलांच्या डोळ्यात आनंदाश्रु आले होते. गल्ली क्रिकेटर ते राष्ट्रीय खेळाडू होण्यापर्यंतचा केळीचा संघर्षमय प्रवास सांगताना वडील श्रीनिवाद मानधना यांचा ऊर अभिमानाने भरून आला होता.

राज्यासह देश-विदेशातील महत्वाच्या घडामोडी, VIDEO:

Premanand Maharaj And Virat Kohli: 5 कोटी रुपये देऊन कोहलीला आश्रमात आणलं, फलाहारी महाराजांचा दावा; आता विराटची पहिली प्रतिक्रिया

मुकेश चव्हाण — Wed, 7 Oct 2026 12:35:09 +0530

Premanand Maharaj And Virat Kohli: श्री कृष्ण जन्मभूमी संघर्ष न्यासचे अध्यक्ष फलाहारी महाराज यांनी संत प्रेमानंद महाराज (Premanand Maharaj) यांच्या केलिकुंज आश्रमाबाबत एक खळबळजनक दावा केला आहे. फलाहारी महाराज यांनी एका प्रतिस्पर्धी गटावर आरोप केले आहेत. त्यांनी दावा केला की, या गटाने 5 कोटी रुपये देऊन विराट कोहलीला (Virat Kohli) आणून प्रेमानंद बाबांना प्रसिद्धी मिळवून देण्याबाबत चर्चा केली होती. राजस्थानमधील एका कंपनीने 5 कोटी रुपये देऊन विराट कोहलीला आणले होते, असा दावा फलाहारी महाराजांनी (Falahari Maharaj On Virat Kohli) केला आहे. फलाहारी महाराजांच्या दाव्यावर आता विराट कोहलीकडून पहिली प्रतिक्रिया आली आहे. विराट कोहलीच्या प्रवक्त्यांनी अधिकृत निवेदन जाहीर केले आहे. या निवेदनाद्वारे फलाहारी महाराजांचे आरोप विराट कोहलीकडून फेटाळण्यात आले आहेत. (Vrindavan Ashram Premanand Maharaj)

विराट कोहलीच्या प्रवक्त्यांच्या निवेदनात काय? (Virat Kohli On Falahari Maharaj)

आम्ही स्पष्टपणे सांगू इच्छितो की, फलाहारी महाराज दिनेश शर्मा यांनी विराट कोहली यांच्याबाबत केलेले दावे पूर्णपणे खोटे, निराधार आणि वस्तुस्थितीला धरून नसलेले आहेत. विराट कोहली हे केवळ प्रेमानंद महाराज जी यांच्याबद्दलच्या गाढ श्रद्धेपोटी आणि आदरापोटी त्यांची भेट घेतात. आम्ही या दाव्यांचे ठामपणे खंडन करतो आणि प्रसारमाध्यमांना आवाहन करतो की, त्यांनी अशा विधानांचे वृत्त देण्यापूर्वी किंवा ती प्रसारित करण्यापूर्वी योग्य ती खबरदारी घ्यावी, वस्तुस्थितीची पडताळणी करावी आणि जबाबदारीने वृत्त द्यावे, असं विराट कोहलीच्या प्रवक्त्याने म्हटलं आहे.

फलाहारी महाराज यांचा नेमका दावा काय? (Falahari Maharaj On Virat Kohli)

श्री कृष्ण जन्मभूमी मुक्त न्यासचे अध्यक्ष फलाहारी महाराज (दिनेश शर्मा) यांनी उत्तर प्रदेशचे मुख्यमंत्री योगी आदित्यनाथ यांना एक पत्र लिहून गंभीर आरोप केले आहेत. प्रेमानंद महाराजांची कीर्ती वाढवण्यासाठी आणि त्यांना प्रसिद्ध करण्यासाठी विराट कोहलीला पहिल्यांदा आश्रमात आणण्यात आले होते, आणि त्यासाठी राजस्थानमधील एका कंपनीशी संबंधित लोकांनी किंवा बिल्डर लॉबीने 5 कोटी रुपये खर्च केल्याचा दावा फलाहारी महाराज यांनी केला आहे. आता तोच गट किंवा भू-माफिया प्रेमानंद महाराजांच्या नावाचा वापर करून ते पैसे वसूल करण्याचा प्रयत्न करत असल्याचा आरोपही पत्रात करण्यात आला आहे. आश्रमात सुरू असलेल्या या आर्थिक उलाढाली आणि वादामुळे प्रेमानंद महाराजांच्या सुरक्षेला धोका निर्माण झाल्याचे सांगत त्यांना झेड प्लस सुरक्षा देण्याची मागणी करण्यात आली आहे.

रसिक दुलारींच्या मृत्यूमुळे आश्रमात खळबळ- (Rasik Dulari Sharan Death Case)

प्रेमानंद महाराज यांचे शिष्य दीपक कुमार (रसिक दुलारी शरण) यांनी 25 सप्टेंबर रोजी चौथ्या मजल्यावरुन उडी मारुन आत्महत्या केली. आता सदर प्रकरणी अनेक धक्कादायक माहिती समोर येत आहे. रसिक दुलारी शरण यांच्या संशयास्पद मृत्यूचे प्रकरण अधिकाधिक गुंतागुंतीचे होत चालले आहे. रसिक दुलारी यांच्या शरीरावर आढळलेल्या जखमांवरुन विविध प्रश्न उपस्थित होत आहे. रसिक दुलारी यांच्या शरीरावर अनेक जखमांच्या खुणा होत्या आणि त्यांच्या धोतरावर रक्ताचे डाग असल्याचेही समोर आले आहे.

राज्यासह देश-विदेशातील महत्वाच्या बातम्या, VIDEO:

जिद्द जिंकली! 'स्विंग'च्या 'किंग'ची टीम इंडियात वापसी

किरण महानवर — Wed, 7 Oct 2026 09:36:38 +0530

Bhuvneshwar Kumar: एक खरा खेळाडू कधीही हार मानत नाही, तो फक्त वेळेची वाट पाहतो आणि आपल्या कष्टाच्या जोरावर नशीब बदलून दाखवतो... असंच काहीस घडलं आहे भुवनेश्वर कुमारसोबत. त्याचे करिअर आता संपुष्टात आले आहे आणि तो पुन्हा कधीच भारतीय जर्सीत दिसणार नाही... गेल्या चार वर्षांपासून भुवनेश्वर कुमारच्या बाबतीत हीच चर्चा रंगत होती. पण जिद्द, चिकाटी आणि अपार कष्टाच्या जोरावर माणसाने ठरवले तर काही करू शकतो, याचे उदाहरण देत बीसीसीआयने न्यूझीलंडविरुद्धच्या आगामी टी-20 मालिकेसाठी भुवनेश्वर कुमारच्या अधिकृत निवडीवर शिक्कामोर्तब केले आहे. तब्बल चार वर्षांच्या लांब आणि खडतर प्रतीक्षेनंतर अखेर तो 'स्विंगचा जादूगार' पुन्हा एकदा भारताच्या नीळ्या जर्सीत मैदानात उतरण्यासाठी पूर्णपणे सज्ज झाला आहे.

जेव्हा वाटले होते की करिअर संपले...

22 नोव्हेंबर 2022 रोजी न्यूझीलंडविरुद्ध नेपिअर येथे (T20I सामना) शेवटचा सामना खेळल्यानंतर भुवनेश्वर कुमार भारतीय संघाबाहेर फेकला गेला. एकदिवसीय विश्वचषक असो वा मागील दोन टी ट्वेंटी वर्ल्ड कप किंवा आत्ताचीच वेस्ट इंडिजविरुद्धची मालिका... निवड समितीच्या योजनांमध्ये त्याचे नाव अचानक गायब झाले होतं. क्रिकेटच्या वर्तुळात अशा चर्चा होऊ लागल्या की आता भुवनेश्वरचे वय आणि फिटनेस पाहता त्याचे टीम इंडियातील पर्व संपले आहे. प्रत्येकाला असे वाटू लागले होते की एका महान स्विंग गोलंदाजाची कारकीर्द आता पडद्याआड जात आहे.

हार न मानता डोमेस्टिक आणि आयपीएल गाजवली

पण भुवनेश्वर कुमार एक वेगळ्याच जिद्दीने पेटला होता. भारतीय संघातून वगळले गेल्यानंतरही त्याने कधीही हार मानली नाही. त्याने आपले संपूर्ण लक्ष आपल्या गोलंदाजीच्या धारवर आणि फिटनेसवर केंद्रित केले. आयपीएलच्या इतिहासात पॉवरप्लेमध्ये सर्वात घातक आणि किफायतशीर गोलंदाजी करणाऱ्या मोजक्या गोलंदाजांमध्ये त्याचे नाव अग्रस्थानी राहिले. आरसीबी (RCB) फ्रँचायझींसाठी त्याने आपल्या अनुभवाचा पुरेपूर वापर करत महत्त्वपूर्ण विकेट्स घेतल्या. आणि आरसीबीला चॅम्पियन बनवण्यात मोलाचा वाटा उचलला. तसेच देशांतर्गत क्रिकेटमध्ये आणि यूपी टी-20 लीगमध्ये त्याने घाम गाळत सातत्यपूर्ण कामगिरी केली. प्रत्येक मुलाखतीत त्याचे एकच वाक्य असायचं "निवड होणे किंवा न होणे हे माझ्या हातात नाही. माझे काम मैदानावर 100% देणे हे आहे, जे मी करत राहील." त्यामुळे जेव्हा बीसीसीआयने न्यूझीलंडविरुद्धच्या मालिकेसाठी त्याच्या नावावर शिक्कामोर्तब केले आहे, तेव्हा तो केवळ एका खेळाडूचा विजय नाही, तर त्या प्रत्येक क्रिकेट चाहत्याचा विजय आहे ज्याने कधीकाळी भुवीच्या पुनरागमनाचे स्वप्न पाहिले होते.

Ind vs NZ T20 Series: भुवनेश्वर कुमार, वरुण चक्रवर्ती IN...; न्यूझीलंविरुद्धच्या टी-20 मालिकेसाठी जाहीर केला टीम इंडियाचा चक्रावणारा संघ

मुकेश चव्हाण — Wed, 7 Oct 2026 08:35:22 +0530

Ind vs NZ T20 Series Bhuvneshwar Kumar नवी दिल्ली: न्यूझीलंडविरुद्धच्या (Ind vs NZ) पाच सामन्यांच्या टी-20 मालिकेसाठी भारतीय संघाची (Team India) घोषणा करण्यात आली आहे. यात सर्वांचे लक्ष वेधून घेणारे नाव म्हणजे अनुभवी वेगवान गोलंदाज भुवनेश्वर कुमार (Bhuvneshwar Kumar). भुवनेश्वर कुमार तब्बल चार वर्षांनंतर भारतीय संघात पुनरागमन करत आहे. वरुण चक्रवर्तीचेही संघात पुनरागमन झाले आहे.

6 ऑक्टोबरला गुवाहाटी येथील एसीए (ACA) स्टेडियमवर बीसीसीआयची बैठक झाली. ज्यामध्ये न्यूझीलंडविरुद्धच्या मालिकेसाठी भारताच्या संघाबाबत निर्णय घेण्यात आला. या बैठकीला हंगामी मुख्य निवडकर्ता प्रज्ञान ओझा, आर. पी. सिंग, शिव सुंदर दास, अजय रात्रा आणि बीसीसीआयचे सचिव देवजित सैकिया उपस्थित होते. या बैठकीत 'इंडिया ए'च्या न्यूझीलंड दौऱ्यासाठीच्या संघाचीही निवड करण्यात आली. 'इंडिया ए' संघ न्यूझीलंड दौऱ्यावर तीन बहु-दिवसीय सामने खेळणार असून, या मालिकेला 24 ऑक्टोबरपासून सुरुवात होणार आहे. (India vs New Zealand)

भुवनेश्वर कुमार, वरुण चक्रवर्ती IN- (Ind vs NZ T20 Series)

चार वर्षांनंतर भारताच्या निळ्या जर्सीत परतणारा भुवनेश्वर कुमार आपल्या स्विंग गोलंदाजीने पॉवरप्लेमध्ये गोलंदाजीची धार वाढवेल, तर वरुण चक्रवर्तीची फिरकी गोलंदाजी मधल्या षटकांमध्ये प्रतिस्पर्धी फलंदाजांसमोर मोठे आव्हान उभे करेल अशी अपेक्षा आहे. श्रेयस अय्यरकडे कर्णधारपद कायम ठेवण्यात आले आहे, तर तिलक वर्मावर उपकर्णधारपदाची जबाबदारी सोपवण्यात आली आहे. फलंदाजीच्या फळीत अभिषेक शर्मा, संजू सॅमसन, इशान किशन आणि युवा खेळाडू वैभव सूर्यवंशी यांसारख्या आक्रमक खेळाडूंचा समावेश आहे. यष्टिरक्षणाची जबाबदारी संजू सॅमसन आणि इशान किशन यांच्याकडे असेल; हे दोघेही डावाची सुरुवात करताना संघाला आक्रमक सुरुवात करून देण्यास सक्षम आहेत.अक्षर पटेल, शिवम दुबे, नितीश कुमार रेड्डी आणि नमन धीर यांसारखे दर्जेदार अष्टपैलू खेळाडू संघात आहेत. वेगवान गोलंदाजीची धुरा भुवनेश्वर कुमार आणि अर्शदीप सिंग सांभाळतील. यामध्ये मयंक यादव आणि प्रिन्स यादव यांच्या वेगाची साथ मिळेल. त्याचबरोबर, कुलदीप यादव आणि वरुण चक्रवर्ती ही फिरकीची जोडी प्रतिस्पर्ध्यांना आपल्या फिरकीच्या जाळ्यात अडकवण्यासाठी सज्ज आहे.

न्यूझीलंडविरुद्धच्या टी-20 मालिकेसाठी भारतीय संघ-(India Squad for New Zealand T20 Series)

श्रेयस अय्यर (कर्णधार), तिलक वर्मा (उपकर्णधार), अभिषेक शर्मा, संजू सॅमसन, वैभव सूर्यवंशी, इशान किशन, अक्षर पटेल, शिवम दुबे, नितीश कुमार रेड्डी, नमन धीर, प्रिन्स यादव, मयंक यादव, अर्शदीप सिंग, भुवनेश्वर कुमार, वरुण चक्रवर्ती आणि कुलदीप यादव.

🚨 Announcement 🚨 #TeamIndia's T20I squad and India A squads for New Zealand tour announced 📝 Bhuvneshwar Kumar makes a comeback to the T20I side 🙌 More Details ▶️ https://t.co/oJ52QSH0DO #NZvIND https://t.co/btbXlQ0nQD
— BCCI (@BCCI) October 6, 2026

भारत आणि न्यूझीलंडच्या टी-20 मालिकेचं वेळापत्रक- (Ind vs NZ T20)

पहिला टी-20 : 22 ऑक्टोबर क्राइस्टचर्च, दुपारी 1:30 वाजता
दुसरा टी-20 : 24 ऑक्टोबर क्राइस्टचर्च, दुपारी 1:30 वाजता
तिसरा टी-20 : 27 ऑक्टोबर वेलिंग्टन, दुपारी 1:30 वाजता
चौथा टी-20 : 30 ऑक्टोबर ऑकलंड, दुपारी 1:30 वाजता
शेवटचा टी-20 : 1 नोव्हेंबर हॅमिल्टन, दुपारी 1:30 वाजता

राज्यासह देश-विदेशातील महत्वाच्या घडामोडी, VIDEO:

IND vs WI 1st T20 : श्रेयस अय्यरचं पहिलं शतक अन् थेट वेस्ट इंडिजचा पाडला फडशा! टीम इंडियाने 32 चेंडू राखून सामना जिंकला

किरण महानवर — Tue, 6 Oct 2026 22:36:14 +0530

IND vs WI 1st T20 Highlights : लखनऊच्या एकाना क्रिकेट स्टेडियमवर खेळल्या गेलेल्या पहिल्या टी-20 सामन्यात भारताने वेस्ट इंडिजचा 8 विकेट्सनी पराभव करत पाच सामन्यांच्या मालिकेत 1-0 अशी आघाडी घेतली. प्रथम फलंदाजी करताना वेस्ट इंडिजचा डाव 171 धावांवर आटोपला. प्रत्युत्तर भारतीय संघाने हे लक्ष्य अवघ्या 14.4 षटकांत दोन विकेट्स गमावून सहज पार केलं. भारताने तब्बल 32 चेंडू शिल्लक ठेवत विजय मिळवला. या सामन्यात भारताच्या विजयाचा हिरो कर्णधार श्रेयस अय्यर ठरला. अय्यरने टी-20 आंतरराष्ट्रीय कारकिर्दीतील पहिलं शतक झळकावत भारताला सहज विजय मिळवून दिला. त्याने अवघ्या 42 चेंडूंमध्ये शतक पूर्ण केलं. अय्यर 43 चेंडूंमध्ये 102 धावांवर नाबाद राहिला. आपल्या या तुफानी खेळीत त्याने 10 चौकार आणि 6 षटकारांची आतषबाजी केली.

अय्यरचा शतकी तडाखा

श्रेयस अय्यरचं हे टी-20 आंतरराष्ट्रीय क्रिकेटमधील पहिलं शतक आहे. भारतासाठी टी-20 आंतरराष्ट्रीय क्रिकेटमध्ये 42 चेंडूंमध्ये शतक झळकावणाऱ्या फलंदाजांच्या यादीत त्याचा समावेश झाला आहे. याआधी इशान किशननेही 42 चेंडूंमध्ये शतक ठोकलं होतं. अय्यरने केवळ शतकच झळकावलं नाही, तर संकटाच्या क्षणी भारतीय डावाची सूत्रं हाती घेत संघाला विजयापर्यंत पोहोचवलं. त्याला इशान किशनने उत्तम साथ दिली. किशनने 27 चेंडूंमध्ये नाबाद 37 धावा केल्या. दोघांनी तिसऱ्या विकेटसाठी 137 धावांची नाबाद भागीदारी करत सामना एकतर्फी केला.

अभिषेक-सॅमसन स्वस्तात माघारी

172 धावांचं लक्ष्य गाठण्यासाठी मैदानात उतरलेल्या भारताची सुरुवात मात्र फारशी चांगली झाली नाही. सलामीवीर अभिषेक शर्मा 21 धावांवर, तर संजू सॅमसन फक्त 11 धावांवर बाद झाला. भारताची धावसंख्या 35 असताना दोन्ही सलामीवीर तंबूत परतले होते. मात्र, त्यानंतर श्रेयस अय्यर आणि इशान किशन यांनी डाव सावरला. दोघांनी आक्रमक फलंदाजी करत वेस्ट इंडिजच्या गोलंदाजांवर दबाव निर्माण केला आणि भारताला सहज विजय मिळवून दिला.

Sealed in 𝙨𝙤𝙢𝙚 𝙨𝙩𝙮𝙡𝙚! 💥 🎥 A breathtaking batting display from #TeamIndia to clinch the 1️⃣st T20I by eight wickets 👊 Scorecard ▶️ https://t.co/2czVyKWreK #INDvWI | @mflone_ https://t.co/JgxYkZLDwS
— BCCI (@BCCI) October 6, 2026

भारतीय फिरकीसमोर वेस्ट इंडिज ढेर

तत्पूर्वी, नाणेफेक गमावल्यानंतर प्रथम फलंदाजी करणाऱ्या वेस्ट इंडिजला भारतीय गोलंदाजांनी 171 धावांवर रोखलं. भारतीय फिरकी गोलंदाजांनी निर्णायक भूमिका बजावली. वेस्ट इंडिजकडून कर्णधार शाई होपने 37 चेंडूंमध्ये 52 धावांची खेळी केली. त्याने 6 चौकार आणि 2 षटकार मारले. शेर्फेन रदरफोर्डनेही 34 चेंडूंमध्ये 56 धावा करत संघाचा डाव सावरण्याचा प्रयत्न केला. मात्र, अखेर भारतीय गोलंदाजांनी वेस्ट इंडिजचा डाव 171 धावांवर गुंडाळला. भारताकडून पदार्पण करणाऱ्या नमन धीरने सर्वाधिक 3 विकेट्स घेतल्या. कुलदीप यादव आणि अक्षर पटेल यांनी प्रत्येकी 2 विकेट्स घेत वेस्ट इंडिजच्या फलंदाजांना रोखण्यात महत्त्वाची भूमिका बजावली. अर्शदीप सिंगनेही एक विकेट घेतली.

मालिकेत भारताची 1-0 आघाडी

श्रेयस अय्यरच्या नाबाद शतकाच्या जोरावर भारताने पहिला टी-20 सामना सहज जिंकला आणि मालिकेत 1-0 अशी आघाडी मिळवली. आता मालिकेतील दुसरा टी-20 सामना 9 ऑक्टोबर रोजी रांची येथे खेळला जाणार आहे.

हे ही वाचा -

IND vs NZ Squads T20 Tour : बीसीसीआयची मोठी घोषणा! न्यूझीलंड दौऱ्यासाठी 2 टीम जाहीर, ध्रुव जुरेलकडे भारत ‘अ’ संघाची धुरा, वाचा संपूर्ण Squad

IND Squads vs NZ Tour : बीसीसीआयची मोठी घोषणा! न्यूझीलंड दौऱ्यासाठी 2 टीम जाहीर, ध्रुव जुरेलकडे भारत ‘अ’ संघाची धुरा, वाचा संपूर्ण Squad

किरण महानवर — Tue, 6 Oct 2026 22:07:06 +0530

India A vs New Zealand A Unofficial Tests : भारतीय क्रिकेट नियामक मंडळाने (BCCI) न्यूझीलंड ‘अ’ संघाविरुद्धच्या तीन सामन्यांच्या अनधिकृत कसोटी मालिकेसाठी भारत ‘अ’ संघाची घोषणा केली आहे. 15 सदस्यीय या संघात अनेक अनुभवी आणि स्टार खेळाडूंचा समावेश करण्यात आला आहे. मात्र, सर्वाधिक चर्चेत असलेला निर्णय म्हणजे युवा यष्टीरक्षक-फलंदाज ध्रुव जुरेलकडे संघाच्या कर्णधारपदाची जबाबदारी सोपवण्यात आली आहे. विशेष म्हणजे या संघात ऋषभ पंत याचाही समावेश आहे. मात्र, पंतचा न्यूझीलंड दौऱ्यातील सहभाग त्याच्या वैद्यकीय तंदुरुस्तीच्या मंजुरीवर अवलंबून असणार आहे. त्यामुळे निवड समितीने जुरेलला नेतृत्वाची संधी दिली आहे.

स्टार खेळाडूंनी सजलेला भारत ‘अ’ संघ

न्यूझीलंडविरुद्धच्या आगामी वरिष्ठ संघाच्या कसोटी मालिकेपूर्वी भारतीय खेळाडूंना तेथील परिस्थितीशी जुळवून घेता यावे, हा या दौऱ्यामागील महत्त्वाचा उद्देश आहे. त्यामुळे भारत ‘अ’ संघात अनेक कसोटी क्रिकेटपटूंचा समावेश करण्यात आला आहे. भारताचा कसोटी उपकर्णधार केएल राहुल, सलामीवीर यशस्वी जैस्वाल, देवदत्त पडिक्कल आणि साई सुदर्शन यांच्यावर फलंदाजीची भिस्त असेल. अष्टपैलू वॉशिंग्टन सुंदर आणि मानव सुथार फिरकीची जबाबदारी सांभाळतील.

🚨 Announcement 🚨 #TeamIndia's T20I squad and India A squads for New Zealand tour announced 📝 Bhuvneshwar Kumar makes a comeback to the T20I side 🙌 More Details ▶️ https://t.co/oJ52QSH0DO #NZvIND https://t.co/btbXlQ0nQD
— BCCI (@BCCI) October 6, 2026

जुरेलला कर्णधारपद का?

ऋषभ पंत संघात असतानाही त्याच्याकडे नेतृत्व न सोपवता जुरेलला कर्णधार बनवण्यात आले आहे. पंतच्या फिटनेसबाबत अद्याप अंतिम मंजुरी आवश्यक असल्याने निवड समितीने जुरेलकडे नेतृत्वाची धुरा सोपवली आहे. यामुळे जुरेलसाठी हा दौरा केवळ फलंदाजी आणि यष्टीरक्षणासाठीच नव्हे, तर नेतृत्व कौशल्य सिद्ध करण्यासाठीही मोठी संधी ठरणार आहे. भारत ‘अ’ संघातील या खेळाडूंना न्यूझीलंडच्या परिस्थितीचा अनुभव मिळणार असून, आगामी वरिष्ठ कसोटी मालिकेच्या पार्श्वभूमीवर हा दौरा अत्यंत महत्त्वाचा मानला जात आहे.

न्यूझीलंड अ विरुद्ध भारत अ मालिका वेळापत्रक

पहिली अनधिकृत कसोटी : 24 ते 27 ऑक्टोबर 2026 - बर्ट सटक्लिफ ओव्हल, लिंकन
दुसरी अनधिकृत कसोटी: 31 ऑक्टोबर ते 3 नोव्हेंबर 2026 - हॅगली ओव्हल, क्राइस्टचर्च
तिसरी अनधिकृत कसोटी : 7 ते 10 नोव्हेंबर 2026 - बर्ट सटक्लिफ ओव्हल, लिंकन

न्यूझीलंड अ विरुद्ध 15 सदस्यीय भारत अ संघ -

ध्रुव जुरेल (कर्णधार/विकेटकीपर), यशस्वी जैस्वाल, केएल राहुल, देवदत्त पडिक्कल, रविचंद्रन अश्विन, ऋषभ पंत (यष्टीरक्षक), वॉशिंग्टन सुंदर, आकिब नबी, आकाश दीप, अंशुल कंबोज, मानव सुथार, मुकेश चौधरी, साई सुदर्शन, यश राठोड, मुकेश कुमार.

हे ही वाचा -

Smriti Mandhana : स्टार प्लेअर स्मृती मानधनाकडे टीम इंडियाची जबाबदारी, शेफाली उपकर्णधार; हरमनप्रीतच्या राजीनाम्यानंतर महिला क्रिकेट संघात मोठा बदल

एबीपी माझा ब्युरो — Tue, 6 Oct 2026 21:41:33 +0530

मुंबई : भारतीय महिला क्रिकेट संघात एक मोठा बदल झाला आहे. स्टार सलामीवीर स्मृती मानधना (Smriti Mandhana) हिची भारतीय महिला क्रिकेट संघाच्या कर्णधारपदी नियुक्ती करण्यात आली आहे. हरमनप्रीत कौर (Harmanpreet Kaur) हिने तिन्ही फॉरमॅटमधील कर्णधारपदाचा राजीनामा दिल्यानंतर काही तासांतच बीसीसीआयने (BCCI) स्मृती मानधनाच्या नावाची अधिकृत घोषणा केली.

तसेच एकदिवसीय (ODI) मालिकेत दीप्ती शर्मा (Deepti Sharma) तर टी-20 (T20I) मालिकेत शेफाली वर्मा (Shafali Verma) उपकर्णधार म्हणून स्मृती मानधनाला साथ देतील.

BCCI Announcement India Captain : बीसीसीआयची पत्राद्वारे घोषणा

बीसीसीआयने आपल्या अधिकृत संकेतस्थळावर प्रेस रिलीज जारी करत या निर्णयाची माहिती दिली. "स्मृती मानधना गेल्या अनेक वर्षांपासून भारतीय महिला क्रिकेटचा मुख्य चेहरा राहिली आहे. तिच्याकडे आंतरराष्ट्रीय स्तरावर नेतृत्वाचा मोठा अनुभव आहे. रॉयल चॅलेंजर्स बंगळुरू (RCB) संघाला 2024 आणि 2026 च्या महिला प्रीमियर लीगमध्ये (WPL) विजेतेपद मिळवून देत तिने आपल्या नेतृत्वगुणांची चुणूक दाखवून दिली आहे, असे बीसीसीआयने म्हटले आहे.

2013 पासून भारतीय संघाचा भाग असलेली स्मृती मानधना आता पूर्णवेळ कर्णधार म्हणून संघाची धुरा सांभाळेल. यापूर्वी तिने 18 टी-20 आणि 4 एकदिवसीय सामन्यांमध्ये भारताचे नेतृत्व केले आहे.

A dawn of a new era ✨ Smriti Mandhana takes charge as the Captain of the Indian Women's cricket team 🇮🇳 Go well, Captain 🫡 More details ▶️ https://t.co/tbLb4jOiCn #TeamIndia | @mandhana_smriti https://t.co/27AxmrUhKt
— BCCI (@BCCI) October 6, 2026

Smriti Mandhana Records : आंतरराष्ट्रीय क्रिकेटमधील सर्वोच्च धावसंख्या

सांगलीच्या या डावखुऱ्या स्फोटक फलंदाजाचा आंतरराष्ट्रीय क्रिकेटमधील फॉर्म थक्क करणारा आहे. स्मृती मानधना आंतरराष्ट्रीय महिला क्रिकेटमध्ये सर्वाधिक धावा करणारी फलंदाज असून, टी-20 क्रिकेटमध्येही तिच्या नावावर सर्वाधिक धावांचा विक्रम नोंदवला गेला आहे. तिच्या या अफाट अनुभवाचा फायदा भारतीय संघाला नव्या टप्प्यात नक्कीच होईल, असा विश्वास व्यक्त केला जात आहे.

India Zimbabwe Series : झिम्बाब्वे मालिकेपासून नवा अध्याय

स्मृती मानधनाचा कर्णधार म्हणून पहिला दौरा आगामी झिम्बाब्वेविरुद्धच्या मालिकेपासून सुरू होणार आहे. भारत आणि झिम्बाब्वे यांच्यात 16 ऑक्टोबर ते 28 ऑक्टोबर दरम्यान रायपूर येथे 3 टी-20 आणि 3 एकदिवसीय सामन्यांची मालिका खेळवली जाणार आहे.

या मालिकेपासून भारतीय महिला क्रिकेटमध्ये 'स्मृती मानधना युग' सुरू होणार असल्याने क्रीडाप्रेमींमध्ये प्रचंड उत्सुकता पाहायला मिळत आहे.

ही बातमी वाचा:

IND vs NZ Squads T20 Tour : 4 वर्षांनी वाघ आला! भुवनेश्वर कुमारचं दणक्यात कमबॅक; न्यूझीलंड दौऱ्यासाठी 16 जणांचा धडकी भरवणारा टीम इंडियाचा संघ जाहीर

IND vs NZ Squads T20 Tour : 4 वर्षांनी वाघ आला! भुवनेश्वर कुमारचं दणक्यात कमबॅक; न्यूझीलंड दौऱ्यासाठी 16 जणांचा धडकी भरवणारा टीम इंडियाचा संघ जाहीर

किरण महानवर — Tue, 6 Oct 2026 21:31:45 +0530

India Squads for New Zealand T20 Tour Announced : न्यूझीलंड दौऱ्यासाठी भारतीय क्रिकेट नियामक मंडळाने टीम इंडियाच्या टी-20 संघांची घोषणा केली आहे. पाच सामन्यांच्या टी-20 मालिकेसाठी 16 सदस्यीय भारतीय संघ जाहीर करण्यात आला असून, अनुभवी वेगवान गोलंदाज भुवनेश्वर कुमारचे भारतीय संघात पुनरागमन झाले आहे. या मालिकेत श्रेयस अय्यरकडे भारतीय संघाच्या कर्णधारपदाची जबाबदारी असेल, तर तिलक वर्मा उपकर्णधार असेल. आगामी मालिकेसाठी निवड समितीने काही महत्त्वाचे निर्णय घेतले आहेत.

भुवनेश्वर कुमारचे पुनरागमन

36 वर्षीय भुवनेश्वर कुमारला सलग दोन आयपीएल हंगामातील दमदार कामगिरीचे बक्षीस मिळाले आहे. गेल्या काही काळापासून त्याच्या राष्ट्रीय संघातील पुनरागमनाची चर्चा होती. अखेर न्यूझीलंड दौऱ्यासाठी त्याची टी-20 संघात निवड करण्यात आली. भुवनेश्वरने भारतासाठी अखेरचा टी-20 सामना 2022 मध्ये न्यूझीलंडविरुद्ध नेपियर येथे खेळला होता. टी-20 आंतरराष्ट्रीय कारकिर्दीत त्याने आतापर्यंत 87 सामन्यांत 90 विकेट्स घेतल्या आहेत.

🚨 Announcement 🚨 #TeamIndia's T20I squad and India A squads for New Zealand tour announced 📝 Bhuvneshwar Kumar makes a comeback to the T20I side 🙌 More Details ▶️ https://t.co/oJ52QSH0DO #NZvIND https://t.co/btbXlQ0nQD
— BCCI (@BCCI) October 6, 2026

बुमराहला विश्रांती, वरुणचे पुनरागमन

स्टार वेगवान गोलंदाज जसप्रीत बुमराहला या मालिकेसाठी विश्रांती देण्यात आली आहे. दुखापतीनंतर फिरकीपटू वरुण चक्रवर्तीचे संघात पुनरागमन झाले आहे. मात्र, रवी बिश्नोईला संघातील स्थान गमवावे लागले आहे. याशिवाय वैभव सूर्यवंशी, नमन धीर आणि प्रिन्स यादव यांच्यासारख्या युवा खेळाडूंनाही संघात स्थान मिळाले आहे.

न्यूझीलंड दौऱ्यासाठी भारताचा टी-20 संघ (India Squad for New Zealand T20 Tour) :

टी-20 मालिकेचं वेळापत्रक

पहिला टी-20 : 22 ऑक्टोबर क्राइस्टचर्च, दुपारी 1:30 वाजता
दुसरा टी-20 : 24 ऑक्टोबर क्राइस्टचर्च, दुपारी 1:30 वाजता
तिसरा टी-20 : 27 ऑक्टोबर वेलिंग्टन, दुपारी 1:30 वाजता
चौथा टी-20 : 30 ऑक्टोबर ऑकलंड, दुपारी 1:30 वाजता
शेवटचा टी-20 : 1 नोव्हेंबर हॅमिल्टन, दुपारी 1:30 वाजता

हे ही वाचा -

IND vs WI 1st T20 : भारत आणि वेस्ट इंडिज पहिल्या टी-20 सामन्यात हायव्होल्टेज ड्रामा! शिमरॉन हेटमायर थेट पंचाशीच भिडला, नेमकं काय घडलं? पाहा VIDEO

वन डे क्रिकेटमधील 498 धावांचा विक्रम मोडणार, आता 500 धावाही होणार, माजी अष्टपैलू खेळाडूचा खळबजनक दावा

स्पर्धेत टिकून राहण्यासाठी गोलंदाजांनीही आपले कौशल्य सुधारले पाहिजे

फलंदाजांच्या कौशल्यात लक्षणीय सुधारणा झाली आहे. आता गोलंदाजांना सुधारणा करावी

एकदिवसीय क्रिकेटमधील 5 सर्वोच्च धावसंख्या

Virat Kohli On Nana Patekar: नाना पाटेकर यांचं हृदयविकाराच्या झटक्याने निधन; विराट कोहली भावूक, पोस्ट करत म्हणाला...

सचिन तेंडुलकर काय म्हणाला? (Sachin Tendulkar On Nana Patekar)

नाना पाटेकर यांच्यावर आज पुण्यात अंत्यसंस्कार- (Nana Patekar Marathi News)

अभिनेते नाना पाटेकर यांचं हृदयविकाराच्या झटक्याने निधन, VIDEO:

संबंधित बातम्या:

Gopichand Padalkar On Smriti Mandhana: स्मृती मानधना टीम इंडियाची कर्णधार होताच गोपीचंद पडळकरांची पोस्ट; म्हणाले...

स्मृती मानधना टीम इंडियाची कर्णधार होताच गोपीचंद पडळकर काय म्हणाले? (Gopichand Padalkar On Smriti Mandhana)

स्मृतीच्या नेतृत्वात संघ टी-20 वर्ल्ड कप जिंकेल, वडिलांना विश्वास- (Smriti Mandhana Team India)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Premanand Maharaj And Virat Kohli: 5 कोटी रुपये देऊन कोहलीला आश्रमात आणलं, फलाहारी महाराजांचा दावा; आता विराटची पहिली प्रतिक्रिया

विराट कोहलीच्या प्रवक्त्यांच्या निवेदनात काय? (Virat Kohli On Falahari Maharaj)

फलाहारी महाराज यांचा नेमका दावा काय? (Falahari Maharaj On Virat Kohli)

रसिक दुलारींच्या मृत्यूमुळे आश्रमात खळबळ- (Rasik Dulari Sharan Death Case)

राज्यासह देश-विदेशातील महत्वाच्या बातम्या, VIDEO:

संबंधित बातमी:

जिद्द जिंकली! 'स्विंग'च्या 'किंग'ची टीम इंडियात वापसी

जेव्हा वाटले होते की करिअर संपले...

हार न मानता डोमेस्टिक आणि आयपीएल गाजवली

भुवनेश्वर कुमार, वरुण चक्रवर्ती IN- (Ind vs NZ T20 Series)

न्यूझीलंडविरुद्धच्या टी-20 मालिकेसाठी भारतीय संघ-(India Squad for New Zealand T20 Series)

भारत आणि न्यूझीलंडच्या टी-20 मालिकेचं वेळापत्रक- (Ind vs NZ T20)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

IND vs WI 1st T20 : श्रेयस अय्यरचं पहिलं शतक अन् थेट वेस्ट इंडिजचा पाडला फडशा! टीम इंडियाने 32 चेंडू राखून सामना जिंकला

BCCI Announcement India Captain : बीसीसीआयची पत्राद्वारे घोषणा

Smriti Mandhana Records : आंतरराष्ट्रीय क्रिकेटमधील सर्वोच्च धावसंख्या

India Zimbabwe Series : झिम्बाब्वे मालिकेपासून नवा अध्याय