Team India Schedule : IPL संपली, आता टीम इंडिया पुढे सर्वात मोठा चक्रव्यूह; आयर्लंड ते इंग्लंड... लागोपाठ 6 देशांचे दौरे, वाचा संपूर्ण Schedule

Virat Kohli : विराट कोहलीच्या चाहत्यांना धक्का, किंग कोहली अफगाणिस्तान विरुद्धच्या वनडे मालिकेतून बाहेर, रोहित शर्मा,हार्दिक पांड्याबाबत नवी अपडेट

जगदीश ढोले — Thu, 4 Jun 2026 11:29:55 +0530

नवी दिल्ली : टीम इंडियाचा स्टार क्रिकेटपटू विराट कोहली (Virat Kohli) दुखापतीमुळं अफगाणिस्तान विरूद्धच्या वनडे मालिकेतून बाहेर गेला आहे. विराट कोहली हॅमस्ट्रिंग दुखापतीमुळं वनडे मालिकेतून बाहेर गेल्याचं वृत्त पीटीआयकडून देण्यात आलं आहे. बीसीसीआय सूत्रांनी दिलेल्या माहितीनुसार हॅमस्ट्रिंग दुखापतीमुळं विराट कोहली अफगाणिस्तानविरुद्धच्या वनडे मालिकेतून बाहेर गेला आहे. भारत आणि अफगाणिस्तान यांच्यात तीन एकदिवसीय सामन्यांची मालिका 13 जूनपासून सुरु होणार आहे.

विराट कोहली दुखापतीमुळं संघाबाहेर

भारत आणि अफगाणिस्तान यांच्यात 6 जूनपासून कसोटी सामना सुरु होणार आहे. या सामन्यानंतर 3 एकदिवसीय सामन्यांची मालिका 13 जूनपासून सुरु होणार आहे. यातील पहिला सामना धर्मशाला येथे होणार आहे. विराट कोहलीनं आयपीएल मध्ये दमदार कामगिरी केली आहे. आयपीएल फायनलमध्ये नाबाद अर्धशतक करत कोहलीनं बंगळुरुला विजेतेपद मिळवून दिलं होतं. मात्र, अफगाणिस्तान विरुद्धची मालिका सुरु होण्यापूर्वी हॅमस्ट्रिंग दुखापतीमुळं तो वनडे संघाबाहेर गेला आहे.

विराट कोहलीनं 42 बॉलमध्ये 75 धावांची खेळी केली. आरसीबीनं विराटच्या खेळीमुळं आयपीएल फायनल 5 विकेटनं जिंकली. फायनलमध्ये विराट कोहली धावताना त्रास होत असल्याचं पाहायला मिळालं होतं. विराटनं 16 मॅचमध्ये 675 धावा केल्या आहेत. विराट कोहली पुढील वर्षी होणाऱ्या वनडे वर्ल्ड कपमध्ये खेळणार की नाही याकडे चाहत्यांचं लक्ष लागलं आहे. या पार्श्वभूमीवर विराटला झालेल्या दुखापतीमुळं चाहत्यांना मोठा धक्का बसला आहे. विराट कोहली आता अफगाणिस्तान विरूद्धच्या वनडे मालिकेतून बाहेर गेला असून पुढील महिन्यात इंग्लंड विरूद्धच्या मालिकेत तरी तो खेळणार की नाही यासंदर्भात प्रश्न निर्माण झाले आहेत. इंग्लंडमध्ये टीम इंडिया 14 जुलै ते 19 जुलै दरम्यान तीन वनडे सामने खेळणार आहे.

रोहित शर्मा आणि हार्दिक पांड्याचं काय?

विराट कोहलीनं आयपीएलपूर्वी न्यूझीलंड विरूद्धच्या वनडे मालिकेत तीन सामन्यात 240 धावा केल्या होत्या. त्यामध्ये एका शतकाचा आणि अर्धशतकाचा समावेश होता. बीसीसीआयनं विराट कोहलीच्या जागी कोणाला संधी देणार हे अद्याप स्पष्ट केलेलं नाही.रोहित शर्मा आणि हार्दिक पांड्या यांना वनडे संघात संधी देण्यात आली आहे. मात्र, रोहित शर्मा आणि हार्दिक पांड्या यांच्या फिटनेसवर ते खेळणार की नाही हे अवलंबून असेल.

टीम इंडिया : शुभमन गिल (कर्णधार), रोहित शर्मा, श्रेयस अय्यर(उपकर्णधार), रोहित शर्मा, केएल राहुल (विकेटकीपर), इशान किशन (विकेटकीपर), हार्दिक पांड्या, नितीश कुमार रेड्डी, वॉशिंग्टन सुंदर, कुलदीप यादव, अर्शदीप सिंग, प्रसिद्ध कृष्णा, प्रिन्स यादव, गुरनूर ब्रार, हर्ष दुबे

Team India T20 Captain: टीम इंडियाला मिळणार नवा टी-20 कर्णधार; श्रेयस अय्यरचं नाव जवळपास निश्चित, तिलक-ईशान उपकर्णधारपदाचे दावेदार

मुकेश चव्हाण — Thu, 4 Jun 2026 08:19:13 +0530

Team India T20 Captain: टी-20 विश्वचषक 2026 आणि आयपीएल 2026 मधील सूर्यकुमार यादवच्या (Suryakumar Yadav) खराब फॉर्ममुळे भारतीय टी-20 संघाच्या कर्णधारपदाबाबत मोठ्या प्रमाणात चर्चा सुरु आहे. याचदरम्यान, टीम इंडियाच्या नवीन टी-20 कर्णधारपदाच्या (Team India T20 Captain) शर्यतीत श्रेयस अय्यर आघाडीवर आहे, तर तिलक वर्मा (Tilak Verma) आणि ईशान किशन (Ishan Kishan) यांना उपकर्णधारपदाचे दावेदार मानले जात आहे.

आयर्लंड आणि इंग्लंडमध्ये खेळल्या जाणाऱ्या भारतीय संघाच्या पुढील टी-20 मालिकेपूर्वी नवीन कर्णधार मिळणार असल्याचं बोललं जात आहे. या शर्यतीत श्रेयस अय्यर (Shreyas Iyer) सर्वात प्रबळ दावेदार म्हणून समोर आला आहे. पुढील दोन टी-20 विश्वचषक लक्षात घेता, निवड समितीचे प्राधान्य केवळ दीर्घकाळ टिकणाऱ्या कर्णधाराची निवड करणे हेच नाही, तर संघाचे दीर्घकाळ नेतृत्व करू शकणाऱ्या खेळाडूची निवड करणे हे देखील आहे. कर्णधारपादासाठी तिलक वर्मा आणि ईशान किशन यांचाही निवड समितीकडून विचार केला जात आहे. मात्र श्रेयस अय्यर सध्या आघाडीवर असून तिलक वर्मा आणि ईशान किशन या दोघांमधून एका खेळाडूला उपकर्णधारपद दिले जाण्याची शक्यता आहे. (Team India T20 Captain)

सूर्यकुमार यादवच्या खराब फलंदाजीमुळे बीसीसीआय मोठा निर्णय घेण्याच्या तयारीत- (Team India T20 Captain)

आयपीएल (IPL 2026) संपताच टीम इंडियाच्या टी-20 संघाच्या कर्णधारपदाची (Team India T20 Captain) जबाबदारी श्रेयस अय्यर (Shreyas Iyer) याच्याकडे सोपवण्याबाबत बीसीसीआय विचार करत आहे. टी-20 संघाचा सध्याचा कर्णधार सूर्यकुमार यादवच्या (Suryakumar Yadav) खराब फलंदाजीमुळे बीसीसीआय मोठा निर्णय घेण्याच्या तयारीत असल्याची माहिती समोर येत आहे. सूर्यकुमार यादवला 2025 मध्ये एकही अर्धशतक झळकवता आले नाहीय. तसेच टी-20 विश्वचषकातही तो चांगली कामगिरी करु शकला नाही. त्यामुळे टीम इंडियाला खराब फॉर्मचा फटका बसू नये, त्यामुळे बीसीसीआयमध्ये सूर्यकुमार यादवला हटवण्याबाबत चर्चा सुरु आहे. रोहित शर्मानंतर हार्दिक पांड्यासारखा पर्यात असताना रोहित शर्मा आणि मुख्य प्रशिक्षक गौतम गंभीरच्या शिफारशीवरुन सूर्यकुमार यादवची कर्णधारपदी निवड करण्यात आली होती.

IPL च्या पलीकडेही श्रेयस अय्यर एक उत्कृष्ट कर्णधार- (Shreyas Iyer)

श्रेयस अय्यरच्या कर्णधारपदाबाबत होणारी प्रशंसा केवळ 'इंडियन प्रीमियर लीग'पुरतीच मर्यादित नाही. 2024 मध्ये, मुंबईने आपल्या इतिहासात दुसऱ्यांदा 'सय्यद मुश्ताक अली ट्रॉफी' जिंकली—हा एक ऐतिहासिक विजय होता, जो श्रेयस अय्यरच्याच कर्णधारपदाखाली साकार झाला. असे दिसून येते की, कर्णधारपदाची जबाबदारी सांभाळण्यासोबतच, अय्यरची वैयक्तिक कामगिरीही बहरते; किंबहुना, 'सय्यद मुश्ताक अली ट्रॉफी'च्या (SMAT) त्याच हंगामात, त्याने 9 सामन्यांमध्ये एकूण 345 धावा कुटल्या होत्या. 2018-19 च्या देशांतर्गत हंगामात त्याने मुंबई संघाचे नेतृत्व केले होते. शिवाय, त्याने 'इंडिया-ए' (India 'A') संघाचेही नेतृत्व केले असून, त्या भूमिकेतही त्याने लक्षणीय यश संपादन केले आहे. अशा प्रकारे, हे स्पष्ट होते की श्रेयस हा केवळ IPL च्या झगमगाटातच एक असाधारण कर्णधार ठरलेला नाही.

राज्यासह देश-विदेशातील महत्वाच्या घडामोडी, VIDEO:

Mumbai Indians : मुंबई इंडियन्सने पूर्ण पगार दिला नाही, परदेशी खेळाडूचा गंभीर आरोप, नेमकं प्रकरण काय?

एबीपी माझा वेब टीम — Wed, 3 Jun 2026 21:02:44 +0530

Mumbai Indians : आयपीएल 2026 चा हंगाम संपला आहे. अंतिम सामना गेल्या रविवारी (31 मे) खेळवला गेला. यामध्ये बुगंळुरुने गुजरातचा परभाव करत सलग दुसऱ्यांदा आयपीएलचा चषक पटकावला. दरम्यान, हा हंगाम संपल्यानंतर तीन दिवसांनी एक धक्कादायक बातमी समोर आली आहे. ज्यात एका परदेशी खेळाडूने मुंबई इंडियन्सवर गंभीर आरोप केला आहे. या हंगामासाठी पूर्ण पगार न दिल्याचा आरोप खेळाडूने केला आहे. हा खेळाडू दुसरा कोणी नसून न्यूझीलंडचा स्टार अष्टपैलू खेळाडू मिचेल सँटनर आहे.

दुखापतीमुळे सँटनर मुंबईसाठी संपूर्ण हंगाम खेळू शकला नाही

दुखापतीमुळे सँटनर मुंबईसाठी संपूर्ण हंगाम खेळू शकला नाही. सँटनरने सांगितले की, मुंबई इंडियन्सने त्याला फक्त अर्धा पगार दिला आहे. मुंबईने सँटनरला 2 कोटी रुपयांना कायम ठेवले होते. न्यूझीलंडच्या कसोटी संघात सामील होण्यासाठी दुखापतीचे नाटक केल्याचा आरोपही सँटनरवर होता. यावर आता अष्टपैलू खेळाडू सँटनने या परिस्थितीवर भाष्य केले आहे.

खांद्याच्या दुखापतीमुळं घेतली होती माघार

सँटनरने सांगितले की. त्याने स्पष्ट केले की, त्याच्या दुसऱ्या मुलाच्या जन्मामुळे तो मुंबईचा पहिला सामना खेळू शकला नाही. त्यानंतर तो दिल्लीविरुद्ध फ्रँचायझीकडून खेळला आणि त्याच्या उजव्या खांद्याला दुखापत झाली. पुनरागमन केल्यावर, सँटनरच्या डाव्या खांद्याला दुखापत झाली, ज्यामुळे तो त्या हंगामात फक्त चारच सामने खेळू शकला.

पगाराच्या निम्मे पैसे मिळाले

सँटनरच्या दोन्ही खांद्यांना दुखापत झाली होती. त्याला वाटले की तो संघासाठी आपला जीव धोक्यात घालत आहे, पण हे मान्य केले गेले नाही. आपल्या पगारावर दावा करताना सँटनरने सांगितले की, मुंबई इंडियन्सने त्याला त्याच्या 2 कोटी रुपयांच्या पगारापैकी निम्मेच पैसे दिले, जे त्याला अजिबात आवडले नाही.

दुखापतग्रस्त खेळाडूंबाबत आयपीएलचे नियम काय आहेत?

आयपीएलच्या नियमांनुसार, जर एखादा खेळाडू हंगामाच्या मध्यात जखमी झाला, तर त्याला त्याच्या कराराची संपूर्ण रक्कम दिली जाते. तथापि, काहीवेळा खेळाडूंना त्यांचा पगार हप्त्यांमध्ये मिळतो. सध्या, सँटनरच्या वक्तव्याबाबत मुंबईकडून कोणतेही अधिकृत निवेदन आलेले नाही.

आयपीएल 2026 च्या फायनल सामन्यामध्ये आरसीबीने गुजरातला केलं पराभूत

आयपीएल 2026 च्या फायनल सामन्यामध्ये आरसीबीने गुजरातला घरच्या मैदानावर पराभूत केले. गुजरात टायटन्स संघाचा पाच विकेटने पराभव करत सलग दुसऱ्यांदा आयपीएल ट्रॉफीवर नाव कोरला आहे. या सामन्यामध्ये विराट कोहलीने आपल्या आयपीएल करियरमधील वेगवान अर्धशतक करत महत्त्वाची भूमिका बजावली. गुजरात संघाने पहिल्यांदा बॅटिंग करताना 155-8 धावा केल्या होत्या. या धावांचा पाठलाग करताना आसीबीने 18 व्या ओव्हरमध्ये हा सामना खिशात घातला. १८ नंबरची जर्सी घालणाऱ्या विराटने 18 व्या ओव्हरमध्येच षटकार मारत विजय मिळवला. विराटने नाबाद 75 धावांची खेळी केली. आयपीएलच्या इतिहासामध्ये रजत पाटील सलग आयपीएलची ट्रॉफी जिंकणारा तिसरा कर्णधार ठरला आहे. याआधी हा विक्रम महेंद्र सिंग धोनी आणि रोहित शर्माच्या नावावर हा रेकॉर्ड आहे.

Ind vs Afg ODI Series: रोहित-हार्दिक OUT...?; अफगाणिस्तानविरुद्धच्या वनडे मालिकेआधी टीम इंडियाला धक्का, BCCI दिला अल्टीमेटम

मुकेश चव्हाण — Wed, 3 Jun 2026 08:19:58 +0530

Ind vs Afg ODI Series: भारत आणि अफगाणिस्तान यांच्यात तीन सामन्यांची एकदिवसीय मालिका (Ind vs Afg ODI Series) खेळवण्यात येणार आहे. एकदिवसीय मालिकेतील पहिला सामना 14 जून रोजी धर्मशाला येथील हिमाचल प्रदेश क्रिकेट असोसिएशन (HPCA) स्टेडियमवर खेळला जाईल. दुसरा एकदिवसीय सामना 17 जून रोजी लखनौ येथील एकाना स्टेडियमवर होईल. अखेरीस, मालिकेतील तिसरा आणि अंतिम एकदिवसीय सामना 20 जून रोजी चेन्नई येथील एम.ए. चिदंबरम स्टेडियमवर खेळला जाईल.

भारतीय क्रिकेट नियामक मंडळाने (BCCI) काल (19 मे) अफगाणिस्तानविरुद्धच्या आगामी एकदिवसीय आंतरराष्ट्रीय मालिकेसाठी टीम इंडियाचा संघ (Team India ODI Squad Vs Afghanistan) जाहीर केला. 15 सदस्यीय भारतीय संघात शुभमन गिलची (Shubhman Gill) कर्णधार म्हणून नियुक्ती करण्यात आली आहे, तर श्रेयस अय्यरवर (Shreyas Iyer) उपकर्णधारपदाची महत्त्वपूर्ण जबाबदारी सोपवण्यात आली आहे. मात्र भारत आणि अफगाणिस्तानविरुद्धच्या वनडे मालिकेआधी एक महत्वाची माहिती समोर आली आहे. (Ind vs Afg ODI Series)

रोहित शर्मा आणि हार्दिक पांड्याला सीओईमध्ये हजर राहण्याचे निर्देश- (Rohit Sharma-Hardik Pandya vs AFG ODI Series)

रोहित शर्मा आणि हार्दिक पांड्या यांच्या तंदुरुस्तीबाबत (फिटनेसबाबत) प्रश्न उपस्थित झाले आहेत. बीसीसीआयने हार्दिक आणि रोहित या दोघांनाही 'सेंटर ऑफ एक्सलन्स' (COE) येथे हजर राहण्याचे निर्देश दिले आहेत. या दोन्ही खेळाडूंना आपली तंदुरुस्ती सिद्ध करणे अनिवार्य आहे. त्यानंतरच हार्दिक पांड्या आणि रोहित शर्मा आगामी एकदिवसीय मालिकेत सहभागी होण्यास पात्र ठरतील.

एकदिवसीय मालिकेसाठी भारताचा संघ- (Team India ODI Squad Vs Afghanistan)

शुभमन गिल (कर्णधार), रोहित शर्मा, विराट कोहली, श्रेयस अय्यर (उपकर्णधार), केएल राहुल, ईशान किशन, हार्दिक पांड्या, नितीश कुमार रेड्डी, वॉशिंग्टन सुंदर, कुलदीप यादव, अर्शदीप सिंग, प्रसिद्ध कृष्णा, प्रिन्स यादव, गुरनूर ब्रार, हर्ष दुबे.

राज्यासह देश-विदेशातील महत्वाच्या घडामोडी, VIDEO:

IND vs AFG Test Series: पडिक्कल OUT, केएल, ऋषभ, कुलदीप IN...; अफगाणिस्तानविरुद्धच्या पहिल्या कसोटीसाठी अशी असेल टीम इंडियाची Playing XI

मुकेश चव्हाण — Wed, 3 Jun 2026 07:51:45 +0530

India Probable Playing 11 1st Test Afghanistan: भारत आणि अफगाणिस्तान यांच्यातील कसोटी सामना(Ind vs AFG Test Series) 6 जूनपासून न्यू चंदीगड येथे खेळला जाणार आहे. या कसोटी सामन्यासाठी दोन्ही संघांची घोषणा करण्यात आली आहे. भारतीय संघात अनेक नवीन चेहऱ्यांचा समावेश करण्यात आला आहे. जसप्रीत बुमराहला या कसोटी सामन्यासाठी विश्रांती देण्यात आली आहे. शुभमन गिल भारतीय संघाचे नेतृत्व करेल. मानव सुथार, हर्ष दुबे आणि गुरनूर ब्रार यांसारख्या युवा खेळाडूंचा या कसोटी सामन्यासाठी भारतीय संघात समावेश करण्यात आला आहे. (Ind vs Afg Test Series)

यशस्वी जैस्वाल आणि केएल राहुल डावाची सुरुवात करणार? (India Probable Playing 11 1st Test Afghanistan)

केएल राहुलची आता भारताच्या कसोटी संघाच्या उपकर्णधारपदीही नियुक्ती करण्यात आली आहे. केएल राहुल मधल्या फळीतही खेळला आहे, परंतु सलामीवीर म्हणून तो सर्वाधिक यशस्वी ठरला आहे. त्यामुळे, अफगाणिस्तानविरुद्ध डावाची सुरुवात करण्याची जबाबदारी त्याच्यावर सोपवली जाऊ शकते.

देवदत्त पडिक्कल की साई सुदर्शन, कोणाला संधी मिळणार? (India Probable Playing 11 1st Test Afghanistan)

तिसऱ्या क्रमांकाच्या जागेसाठी दोन फलंदाजांमध्ये चुरशीची लढत आहे. देवदत्त पडिक्कल की साई सुदर्शन, यांपैकी कोणाला संधी मिळेल हे सांगणे कठीण आहे. दोघेही उत्कृष्ट फॉर्ममध्ये आहेत. कर्णधार शुभमन गिल साई सुदर्शनला संधी देऊ शकतो, कारण तो या स्थानावर यापूर्वी खेळला आहे. दरम्यान, कर्णधार शुभमन गिल चौथ्या क्रमांकावर खेळणार हे निश्चित आहे. फलंदाज ऋषभ पंत मधल्या फळीत पाचव्या क्रमांकावर खेळणार हे निश्चित आहे. पंतने आयपीएल 2026 मध्ये चांगली कामगिरी केली नसली, पण तो कसोटी क्रिकेटमधील सर्वोत्तम खेळाडू आहे. त्यानंतर ध्रुव जुरेलला सहाव्या क्रमांकावर संधी मिळू शकते. नितीश कुमार रेड्डी सातव्या क्रमांकावर, तर वॉशिंग्टन सुंदर आठव्या क्रमांकावर खेळण्याची शक्यता आहे. यानंतर गोलंदाजी विभागात कुलदीप यादव, मोहम्मद सिराज आणि प्रसिद्ध कृष्णा खेळताना दिसू शकतात.

अफगाणिस्तानविरुद्धच्या पहिल्या कसोटीसाठी भारताची संभाव्य प्लेइंग इलेव्हन- (India Probable Playing 11 1st Test Afghanistan)

यशस्वी जैस्वाल, केएल राहुल, साई सुदर्शन, शुभमन गिल (कर्णधार), ऋषभ पंत (यष्टीरक्षक), ध्रुव जुरेल, नितीश कुमार रेड्डी, वॉशिंग्टन सुंदर, कुलदीप यादव, मोहम्मद सिराज आणि प्रसिद्ध कृष्णा.

अफगाणिस्तानविरुद्धच्या कसोटी मालिकेसाठी टीम इंडियाचा संपूर्ण संघ- (team india test squad vs afghanistan)

सलामीवीर : शुभमन गिल (कर्णधार), यशस्वी जैस्वाल.

फलंदाज : लोकेश राहुल, साई सुदर्शन, देवदत्त पडिक्कल

यष्टिरक्षक-फलंदाज : ऋषभ पंत, ध्रुव जुरेल.

अष्टपैलू : नितिशकुमार रेड्डी, वॉशिंग्टन सुंदर,

फिरकीपटूः कुलदीप यादव, मानव सुतार, हर्ष दुबे.

वेगवान गोलंदाज : मोहम्मद सिराज, प्रसिद्ध क्रिष्णा, गुरनूर ब्रार.

भारत विरुद्ध अफगाणिस्तान मालिकेचं संपूर्ण वेळापत्रक- (Ind vs Afg ODI And Test Schedule)

भारत आणि अफगाणिस्तान यांच्यात एक कसोटी सामना आणि तीन एकदिवसीय सामने खेळले जातील. कसोटी सामना 6 ते 10 जून या कालावधीत न्यू चंदीगड येथे खेळला जाईल. दरम्यान, तीन सामन्यांच्या एकदिवसीय मालिकेला 14 जूनपासून सुरुवात होईल. पहिला एकदिवसीय सामना 14 जून रोजी धर्मशाला येथे, दुसरा 17 जून रोजी लखनौ येथे आणि अंतिम एकदिवसीय सामना 20 जून रोजी चेन्नई येथे खेळला जाईल.

राज्यासह देश-विदेशातील महत्वाच्या घडामोडी, VIDEO:

Sairaj Bahutule Team India New Spin Coach: टीम इंडियात मराठमोळ्या कोचची एन्ट्री; गौतम गंभीरसोबत करणार काम, BCCI ची घोषणा

मुकेश चव्हाण — Wed, 3 Jun 2026 07:21:42 +0530

Sairaj Bahutule Team India New Spin Coach: भारतीय क्रिकेट नियामक मंडळाने (बीसीसीआय) साईराज बहुतुले (Sairaj Bahutule) यांची भारतीय क्रिकेट संघाच्या नव्या फिरकी प्रशिक्षकपदी नियुक्ती (Spin Bowling Coach) केली आहे. अफगाणिस्तानविरुद्धच्या एकमेव कसोटी सामन्यापूर्वी साईराज बहुतुले यांनी ही जबाबदारी स्वीकारली.

भारताचे माजी आंतरराष्ट्रीय खेळाडू आणि देशांतर्गत क्रिकेटमधील दिग्गज असलेले साईराज बहुतुले हे एक अनुभवी प्रशिक्षक आहेत, ज्यांनी अनेक वर्षांपासून देशांतर्गत आणि फ्रँचायझी क्रिकेटमधील फिरकी गोलंदाजीची प्रतिभा घडवण्यासाठी अथक परिश्रम घेतले आहेत. (Sairaj Bahutule Team India New Spin Coach)

🚨 News 🚨

BCCI appoints Sairaj Bahutule as India's Spin Bowling Coach.

More Details 🔽 | #TeamIndia https://t.co/DYgHNIX7E5
— BCCI (@BCCI) June 2, 2026

साईराज बहुतुले यांची कारकीर्द- (Sairaj Bahutule Team India New Spin Coach)

साईराज बहुतुले यांचा जन्म महाराष्ट्रातील मुंबईत झाला आहे. साईराज बहुतुले यांनी भारतासाठी दोन कसोटी आणि आठ एकदिवसीय सामने खेळले आहेत. त्यांनी जवळपास दोन दशके देशांतर्गत क्रिकेट खेळून उल्लेखनीय यश मिळवले. साईराज बहुतुले देशांतर्गत क्रिकेटमधील एक दिग्गज फिरकीपटू आणि यशस्वी फलंदाज होते. त्यांनी प्रथम-श्रेणी क्रिकेटमध्ये 6176 धावा केल्या आणि 630 बळी घेतले. त्यांना देशांतर्गत क्रिकेटमधील एक महान खेळाडू मानले जात होते. साईराज बहुतुले यांनी मुंबईमधील क्रिकेट ग्राऊंडवर त्यांनी क्रिकेटचे धडे घेतले. सचिन तेंडुलकर आणि विनोद कांबळी यांच्यासोबतही साईराज बहुतुले खेळलेत.

आयपीएलमध्ये राजस्थान आणि पंजाबच्या प्रशिक्षकांची सांभाळलीय भूमिका- (Sairaj Bahutule Team India New Spin Coach)

एक शक्तिशाली खेळाडू असण्यासोबतच, साईराज बहुतुले यांनी भारतीय क्रिकेटमधील सर्वात आदरणीय प्रशिक्षकांपैकी एक म्हणूनही स्वतःला स्थापित केले आहे. त्यांच्या प्रशिक्षणाच्या अनुभवामध्ये देशांतर्गत, पूर्व-स्तरीय आणि आंतरराष्ट्रीय क्रिकेटचा समावेश आहे, ज्यात विदर्भ, केरळ, गुजरात आणि बंगाल संघांचे मुख्य प्रशिक्षक म्हणून केलेल्या कामाचाही समावेश आहे. त्यांनी आयपीएल फ्रँचायझी राजस्थान रॉयल्स आणि पंजाब किंग्ससोबत फिरकी गोलंदाजी प्रशिक्षक म्हणूनही काम केले आहे.

टीम इंडियाच्या प्रशिक्षकपदी निवड झाल्यानंतर साईराज बहुतुले काय म्हणाले? (Sairaj Bahutule Team India New Spin Coach)

भारतीय क्रिकेट संघाचे फिरकी प्रशिक्षकपदी निवड झाल्यानंतर साईराज बहुतुले म्हणाले, भारतीय पुरुष क्रिकेट संघाच्या फिरकी गोलंदाजी प्रशिक्षकपदी नियुक्ती होणे हा माझ्यासाठी खूप मोठा सन्मान आहे. एक खेळाडू म्हणून भारताचे प्रतिनिधित्व करणे ही माझ्यासाठी अत्यंत अभिमानाची बाब होती, आणि आता पुन्हा एकदा प्रशिक्षणाच्या माध्यमातून भारतीय क्रिकेटमध्ये योगदान देण्याची संधी मिळणे हे खूप विशेष आहे. मी खेळाडूंसोबत काम करण्यास आणि संघाला सर्व फॉरमॅटमध्ये उत्कृष्ट कामगिरी करण्यासाठी पाठिंबा देण्यास उत्सुक आहे, असं साईराज बहुतुले यांनी सांगितले.

राज्यासह देश-विदेशातील महत्वाच्या घडामोडी, VIDEO:

IND vs AFG One-off Test : अफगाणिस्तानविरुद्धच्या कसोटीआधी टीम इंडियात सर्वात मोठा ट्विस्ट! 60 विकेट्स घेणारा आकिब नबीची एन्ट्री, पण...

किरण महानवर — Tue, 2 Jun 2026 14:36:31 +0530

IND vs AFG One-off Test Auqib Nabi News : अफगाणिस्तानविरुद्धच्या आगामी एकमेव कसोटी सामन्यासाठी जम्मू-काश्मीरचा वेगवान गोलंदाज आकिब नबी डारला भारतीय संघात स्थान न मिळाल्याने क्रिकेट वर्तुळात वाद निर्माण झाला होता. देशांतर्गत क्रिकेट गाजवणाऱ्या या खेळाडूला डावलल्यामुळे निवड समितीवर जोरदार टीका झाली. मात्र, आता भारतीय क्रिकेट नियामक मंडळाने (BCCI) या संपूर्ण प्रकरणात एक नवा ट्विस्ट आणला आहे.

आकिब नबी डारचा अधिकृत 15 सदस्यांच्या संघात समावेश करण्यात आलेला नसला, तरी त्याला 'बॅक-अप' (राखीव) खेळाडू म्हणून भारतीय संघासोबत जोडण्यात आले आहे. 6 ते 10 जून दरम्यान मुल्लानपूर येथे भारत आणि अफगाणिस्तान यांच्यात हा सामना खेळवला जाणार आहे. मुख्य संघात नसला तरी अकिब आता राष्ट्रीय संघासोबतच राहून सराव करेल.

आकिब नबी डारची वादळी कामगिरी (Auqib Nabi IND vs AFG One-off Test)

24 वर्षीय आकिब नबीने यंदाचा रणजी करंडक हंगाम अक्षरशः गाजवला होता. त्याने अवघ्या 12.57 च्या सरासरीने तब्बल 60 विकेट्स घेत प्लेअर ऑफ द सिरीजचा किताब पटकावला. कर्नाटकविरुद्धच्या रणजी अंतिम सामन्यात त्याने केएल राहुल, मयंक अग्रवाल आणि करुण नायर यांसारख्या दिग्गज भारतीय खेळाडूंना बाद करत 5 बळी घेतले होते. त्याच्या याच कामगिरीच्या जोरावर जम्मू-काश्मीरने कर्नाटकला पराभवाचा धक्का दिला होता. इतकी उत्कृष्ट कामगिरी करूनही त्याला सुरुवातीला संघात न घेतल्याने चाहत्यांनी आणि तज्ज्ञांनी नाराजी व्यक्त केली होती.

मुख्य निवडकर्ता अजित आगरकर याने नबीच्या निवडीवर स्पष्टीकरण देताना म्हटले की, "गेल्या दोन हंगामात उत्कृष्ट कामगिरी करणाऱ्या खेळाडूंच्या नावावर नेहमीच चर्चा होते. पण जेव्हा आपण भारतात खेळतो, तेव्हा संघात जास्त वेगवान गोलंदाजांना स्थान देणे कठीण असते."

आकिब नबी आयपीएल अपयश, गुरनूर ब्रारची निवड (Auqib Nabi IND vs AFG One-off Test)

आकिब नबीच्या समर्थकांनी त्याच्या लाल चेंडूच्या (Red-ball) कामगिरीचा दाखला दिला असला, तरी दिल्ली कॅपिटल्सकडून खेळताना आयपीएलमध्ये त्याला अपयश आले होते. 5 सामन्यांत त्याला एकही विकेट घेता आली नव्हती. निवड समितीने आकिबऐवजी पंजाबच्या गुरनूर ब्रारला संघात स्थान दिले, ज्याने रणजीच्या 7 सामन्यांत 21.26 च्या सरासरीने 23 बळी घेतले होते. ब्रारची कामगिरी चांगली असली, तरी आकिबच्या 60 बळींच्या विक्रमासमोर ती फिकी वाटत असल्याने हा वाद अधिक वाढला.

हे ही वाचा -

रविवारी IPL ट्रॉफी जिंकली, सोमवारी डान्स करुन सेलिब्रेशन; आज विराट-अनुष्का चेहऱ्यावर मास्क लावून वृंदावनला पोहोचले, पाहा Video

रविवारी IPL ट्रॉफी जिंकली, सोमवारी डान्स करुन सेलिब्रेशन; आज विराट-अनुष्का चेहऱ्यावर मास्क लावून वृंदावनला पोहोचले, पाहा Video

किरण महानवर — Tue, 2 Jun 2026 13:21:49 +0530

Virat Kohli And Anushka Sharma Visit Premanand Maharaj : स्टार फलंदाज विराट कोहलीने आयपीएल 2026 (IPL) च्या अंतिम सामन्यात गुजरात टायटन्सविरुद्ध एकतर्फी विजय मिळवून रॉयल चॅलेंजर्स बंगळुरूला (RCB) चॅम्पियन बनवलं. त्यानंतर स्टार फलंदाज विराट कोहली आणि त्याची पत्नी अभिनेत्री अनुष्का शर्मा यांनी सोमवारी वृंदावन गाठले. दोघांनी आध्यात्मिक गुरू प्रेमानंद महाराज यांच्या 'राधा केली कुंज' आश्रमाला भेट देऊन त्यांचे आशीर्वाद घेतले.

विराट आणि अनुष्का यांच्या या आध्यात्मिक भेटीचे अनेक फोटो आणि व्हिडिओ सध्या सोशल मीडियावर तुफान व्हायरल होत आहेत. आश्रमातून बाहेर पडताना हे अगदी साध्या कपड्यांमध्ये दिसले, तसेच त्यांनी चेहऱ्यावर मास्क लावले होते. विराट आणि अनुष्का अनेकदा वृंदावनला भेट देत असतात. प्रसिद्धी आणि यशाच्या पलीकडे जाऊन आयुष्य कसे जगावे, याचे धडे घेण्यासाठी हे दोघे प्रेमानंद महाराजांच्या विचारांचे श्रवण करत असल्याचे सांगितले जाते.

View this post on Instagram

A post shared by Pallav Paliwal (@pallav_paliwal)

विजयाचा अनोखा जल्लोष (Virat Kohli Celebration IPL 2026)

आरसीबीला पहिला-वहिला ऐतिहासिक विजय मिळवून दिल्यानंतर अनुष्काने सोशल मीडियावर एक अतिशय रोमँटिक फोटो शेअर केला. यात ती विराटच्या कपाळावर किस करताना दिसत असून दोघांच्या हातात आयपीएलची ट्रॉफी आहे. याशिवाय, एका व्हिडिओमध्ये विराट मनसोक्त डान्स करताना दिसला, ज्याचे शूटिंग अनुष्का करत होती. या सेलिब्रेशनमध्ये आरसीबीचा अनुभवी खेळाडू दिनेश कार्तिकनेही विराटला साथ दिली.

अहमदाबादच्या नरेंद्र मोदी स्टेडियमवर झालेल्या या अंतिम सामन्यात 156 धावांच्या लक्ष्याचा पाठलाग करताना विराटने नाबाद 75 धावांची खेळी केली. त्याने चौकार आणि षटकार ठोकत 12 चेंडू राखून आरसीबीला विजय मिळवून दिला.

सामन्यानंतर विराट झाला भावूक (Virat Kohli RCB IPL 2026)

सामन्यानंतर विराट भावूक झाला होता. तो म्हणाला, "या संघात कमालीचे संतुलन आणि ताकद आहे. यंदा मला कोणत्याही दबावाचा अनुभव आला नाही, कारण आम्हाला आमच्या क्षमतेवर पूर्ण विश्वास होता. आम्ही गुणतालिकेत अव्वल स्थानी राहिलो कारण आम्ही आमच्या योजनांची अचूक अंमलबजावणी केली. जेव्हा आम्ही आमचा स्वाभाविक खेळ खेळतो, तेव्हा आम्ही स्पर्धेतील सर्वोत्तम संघ असतो, हे आज पुन्हा सिद्ध झाले."

View this post on Instagram

A post shared by Pallav Paliwal (@pallav_paliwal)

वैयक्तिक आयुष्य

विराट आणि अनुष्का 2017 मध्ये विवाहबंधनात अडकले होते. यांना 'वामिका' नावाची मुलगी आणि 'अकाय' नावाचा मुलगा आहे. कौटुंबिक आणि आध्यात्मिक शांततेसाठी हे जोडपे नेहमीच ओळखले जाते.

हे ही वाचा -

IPL 2026 Flop Players : 15 कोटींहून जास्त पैसे घेतले, पण फँचायझीला चूना लावून गेले; IPL 2026 मधील सर्वात महागडे 'हे' 5 खेळाडू ठरले फ्लॉप

IPL 2026 Flop Players : 15 कोटींहून जास्त पैसे घेतले, पण फँचायझीला चूना लावून गेले; IPL 2026 मधील फ्लॉप 5 खेळाडू...

किरण महानवर — Tue, 2 Jun 2026 12:31:29 +0530

IPL 2026 Flop Players : 15 कोटींहून जास्त पैसे घेतले, पण फँचायझीला चूना लावून गेले; IPL 2026 मधील फ्लॉप 5 खेळाडू...

Team India Schedule : IPL संपली, आता टीम इंडिया पुढे सर्वात मोठा चक्रव्यूह; आयर्लंड ते इंग्लंड... लागोपाठ 6 देशांचे दौरे, वाचा संपूर्ण Schedule

किरण महानवर — Tue, 2 Jun 2026 11:29:31 +0530

Team India Cricket Full Schedule : रॉयल चॅलेंजर्स बेंगळुरूनं (RCB) रविवारी (31 मे) गुजरात टायटन्सचा पराभव करत सलग दुसऱ्यांदा आयपीएलच्या ट्रॉफीवर नाव कोरलं आणि तब्बल दोन महिने चाललेल्या आयपीएल 2026 च्या थराराचा समारोप झाला. पण क्रिकेटप्रेमींनो, शांत बसायला वेळ नाही. कारण अवघ्या एका आठवड्याच्या आत भारतीय संघ पुन्हा एकदा मैदानात उतरणार आहे.

6 ते 20 जून दरम्यान भारत आणि अफगाणिस्तान यांच्यात 1 कसोटी आणि 3 वन-डे सामन्यांची मालिका खेळवली जाईल. न्यू चंदीगड येथे होणारा हा कसोटी सामना जागतिक कसोटी अजिंक्यपद स्पर्धेच्या (WTC) सायकलचा भाग नसेल. यानंतर 'मेन इन ब्लू' युरोप दौऱ्यासाठी उड्डाण करेल, जिथे संघ आयर्लंड आणि इंग्लंड विरुद्ध 7 टी-20 आणि 3 वन-डे सामने खेळणार आहे. ऑगस्ट महिन्यात श्रीलंकेविरुद्ध दोन कसोटी सामन्यांची मालिका होणार असून, ही मालिका WTC चा भाग असेल (या मालिकेचे वेळापत्रक अजून जाहीर झालेले नाही). भारताचा 2026-27 चा घरचा हंगाम सप्टेंबरच्या शेवटी सुरू होईल. भारतीय संघ डिसेंबरपर्यंत आयर्लंड, इंग्लंड, जिम्बाब्वे आणि न्यूझीलंडचा दौरा करणार आहे.

टीम इंडियाचे आंतरराष्ट्रीय वेळापत्रक (Team India All Schedule)

अफगाणिस्तानचा भारत दौरा (मायदेशात)

06 - 10 जून: एकमेव कसोटी सामना (न्यू चंदीगड)
13 जून: पहिला वन-डे सामना (धरमशाला)
17 जून: दुसरा वन-डे सामना (लखनऊ)
20 जून: तिसरा वन-डे सामना (चेन्नई)

भारताचा आयर्लंड दौरा

26 जून : पहिला टी-20 सामना (बेलफास्ट)
28 जून: दुसरा टी-20 सामना (बेलफास्ट)

भारताचा इंग्लंड दौरा

01 जुलै: पहिला टी-20 सामना (चेस्टर-ली-स्ट्रीट)
04 जुलै: दुसरा टी-20 सामना (मँचेस्टर)
07 जुलै: तिसरा टी-20 सामना (नॉटिंगहॅम)
09 जुलै: चौथा टी-20 सामना (ब्रिस्टल)
11 जुलै: पाचवा टी-20 सामना (साऊदॅम्पटन)
14 जुलै: पहिला वन-डे सामना (बर्मिंगहॅम)
16 जुलै: दुसरा वन-डे सामना (कार्डिफ)
19 जुलै: तिसरा वन-डे सामना (लॉर्ड्स, लंडन)

भारताचा झिम्बाब्वे दौरा

23 जुलै: पहिला टी-20 सामना (हरारे)
25 जुलै: दुसरा टी-20 सामना (हरारे)
26 जुलै: तिसरा टी-20 सामना (हरारे)

ऑगस्ट 2026

भारताचा श्रीलंका दौरा (2 कसोटी, 3 टी-20 सामने) - तारखा निश्चित नाहीत

सप्टेंबर आणि ऑक्टोबर 2026

17 सप्टेंबर - 3ऑक्टोबर - आशियाई खेळ 2026, जपान (टी-20 स्वरूप)
27 सप्टेंबर - 2 ऑक्टोबर - भारत-वेस्ट इंडिज एकदिवसीय मालिका (3 सामने)
6-17 ऑक्टोबर : भारत-वेस्ट इंडिज टी-20 मालिका (5 सामने)

ऑक्टोबर आणि डिसेंबर 2026

22 ऑक्टोबर - डिसेंबर: भारताचा न्यूझीलंड दौरा (2 कसोटी, 5 एकदिवसीय, 5 टी-20)

हे ही वाचा -

Vaibhav Sooryavanshi : आठवडाभरानंतर पुन्हा वैभव सूर्यवंशीचा धमाका! आता भारतीय संघाकडून खेळताना दिसणार 15 वर्षीय युवा स्टार; जाणून घ्या संपूर्ण Schedule

विराट कोहली दुखापतीमुळं संघाबाहेर

रोहित शर्मा आणि हार्दिक पांड्याचं काय?

सूर्यकुमार यादवच्या खराब फलंदाजीमुळे बीसीसीआय मोठा निर्णय घेण्याच्या तयारीत- (Team India T20 Captain)

IPL च्या पलीकडेही श्रेयस अय्यर एक उत्कृष्ट कर्णधार- (Shreyas Iyer)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Mumbai Indians : मुंबई इंडियन्सने पूर्ण पगार दिला नाही, परदेशी खेळाडूचा गंभीर आरोप, नेमकं प्रकरण काय?

दुखापतीमुळे सँटनर मुंबईसाठी संपूर्ण हंगाम खेळू शकला नाही

खांद्याच्या दुखापतीमुळं घेतली होती माघार

पगाराच्या निम्मे पैसे मिळाले

दुखापतग्रस्त खेळाडूंबाबत आयपीएलचे नियम काय आहेत?

आयपीएल 2026 च्या फायनल सामन्यामध्ये आरसीबीने गुजरातला केलं पराभूत

Ind vs Afg ODI Series: रोहित-हार्दिक OUT...?; अफगाणिस्तानविरुद्धच्या वनडे मालिकेआधी टीम इंडियाला धक्का, BCCI दिला अल्टीमेटम

रोहित शर्मा आणि हार्दिक पांड्याला सीओईमध्ये हजर राहण्याचे निर्देश- (Rohit Sharma-Hardik Pandya vs AFG ODI Series)

एकदिवसीय मालिकेसाठी भारताचा संघ- (Team India ODI Squad Vs Afghanistan)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

IND vs AFG Test Series: पडिक्कल OUT, केएल, ऋषभ, कुलदीप IN...; अफगाणिस्तानविरुद्धच्या पहिल्या कसोटीसाठी अशी असेल टीम इंडियाची Playing XI

यशस्वी जैस्वाल आणि केएल राहुल डावाची सुरुवात करणार? (India Probable Playing 11 1st Test Afghanistan)

देवदत्त पडिक्कल की साई सुदर्शन, कोणाला संधी मिळणार? (India Probable Playing 11 1st Test Afghanistan)

अफगाणिस्तानविरुद्धच्या पहिल्या कसोटीसाठी भारताची संभाव्य प्लेइंग इलेव्हन- (India Probable Playing 11 1st Test Afghanistan)

अफगाणिस्तानविरुद्धच्या कसोटी मालिकेसाठी टीम इंडियाचा संपूर्ण संघ- (team india test squad vs afghanistan)

भारत विरुद्ध अफगाणिस्तान मालिकेचं संपूर्ण वेळापत्रक- (Ind vs Afg ODI And Test Schedule)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Sairaj Bahutule Team India New Spin Coach: टीम इंडियात मराठमोळ्या कोचची एन्ट्री; गौतम गंभीरसोबत करणार काम, BCCI ची घोषणा

साईराज बहुतुले यांची कारकीर्द- (Sairaj Bahutule Team India New Spin Coach)

आयपीएलमध्ये राजस्थान आणि पंजाबच्या प्रशिक्षकांची सांभाळलीय भूमिका- (Sairaj Bahutule Team India New Spin Coach)

टीम इंडियाच्या प्रशिक्षकपदी निवड झाल्यानंतर साईराज बहुतुले काय म्हणाले? (Sairaj Bahutule Team India New Spin Coach)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

IPL 2026 Flop Players : 15 कोटींहून जास्त पैसे घेतले, पण फँचायझीला चूना लावून गेले; IPL 2026 मधील फ्लॉप 5 खेळाडू...