Eng vs Ind 4th Test Day 4 Stumps : चौथ्या दिवसाचा खेळ संपला! राहुल-गिल या जोडीने इंग्लंडची झोप उडवली, तरी टीम इंडिया137 धावांनी पिछाडीवर

Eng vs Ind 4th Test Day 4 Updates : भारत आणि इंग्लंड यांच्यातील चौथ्या कसोटी सामन्याचा आज चौथा दिवस आहे.

पार्श्वभूमी

India vs England 4th Test Day 4 Live Score Latest Updates : भारत आणि इंग्लंड यांच्यातील चौथ्या कसोटी सामन्याचा आज चौथा दिवस आहे. या कसोटी सामन्यात यजमान इंग्लंड खूपच पुढे आहे. पहिल्या डावात भारताला 358 धावांवर रोखल्यानंतर, इंग्लंडने आतापर्यंत 7 गडी गमावून 544 धावा केल्या आहेत. बेन स्टोक्स 77 धावांवर नाबाद आहे आणि लियाम डॉसन 21 धावांवर नाबाद आहे. इंग्लंड संघाने 186 धावांची आघाडी घेतली आहे.जर टीम इंडियाला या सामन्यात पराभव टाळायचा असेल तर, फलंदाजांना पुढे येऊन जबाबदारी घ्यावी लागेल. आता भारताचा विजय मँचेस्टर कसोटी अनिर्णित ठेवण्यात आहे. यामुळे टीम इंडियाला मालिका गमावण्यापासून वाचवता येईल, पण, मालिका जिंकण्याचे त्यांचे स्वप्न येथेच संपेल. जर इंग्लंडने हा कसोटी सामना जिंकला तर तो मालिका जिंकेल, कारण इंग्लंड संघ मालिकेत आधीच 2-1 ने पुढे आहे.मँचेस्टर कसोटीत तिसऱ्या दिवसाच्या खेळाअखेर इंग्लंडने 7 गडी गमावून 544 धावा केल्या आहेत. पहिल्या डावात इंग्लंडची एकूण आघाडी 186 धावांपर्यंत वाढली आहे, कारण भारतीय संघाचा पहिला डाव 358 धावांपर्यंत मर्यादित होता. जो रूटने इंग्लंडसाठी 150 धावांची खेळी खेळून अनेक विक्रम केले आहेत. तो कसोटी क्रिकेटच्या इतिहासात सर्वाधिक धावा काढण्याच्या बाबतीत दुसऱ्या क्रमांकावर आला आहे, राहुल द्रविड, जॅक कॅलिस आणि रिकी पॉन्टिंग यांना मागे टाकत. आता फक्त सचिन तेंडुलकर त्याच्या पुढे आहे.भारताकडून गोलंदाजीत जसप्रीत बुमराहने 28 षटकांत 95 धावांत एक बळी घेतला. अंशुल कंबोजने 18 षटकांत 89 धावांत एक बळी घेतला. मोहम्मद सिराजने 26 षटकांत 113 धावांत एक बळी घेतला. रवींद्र जडेजाने 33 षटकांत 117 धावांत दोन बळी घेतले आणि वॉशिंग्टन सुंदरने 19 षटकांत 58 धावांत दोन बळी घेतले. शार्दुल ठाकूरला फक्त 11 षटके गोलंदाजी करता आली. या दरम्यान, त्याने 55 धावा दिल्या आहेत.

26/07/2025 23:11:58

चौथ्या दिवसाचा खेळ संपला! राहुल-गिल या जोडीने इंग्लंडची झोप उडवली, तरी टीम इंडिया137 धावांनी पिछाडीवर

इंग्लंडविरुद्धच्या दुसऱ्या डावात भारताने चौथ्या दिवशी दोन विकेट गमावून 174 धावा केल्या आहेत. भारत सध्या यजमान संघापेक्षा 137 धावांनी मागे आहे. इंग्लंडचा पहिला डाव 669 धावांवर संपला. त्याआधी, भारताने त्यांच्या पहिल्या डावात 358 धावा केल्या होत्या. शनिवारच्या खेळाच्या अखेरीस, केएल राहुल 87 धावांसह आणि शुभमन गिल 78 धावांसह खेळत आहेत.

26/07/2025 22:48:24

केएल राहुलचं अर्धशतक

केएल राहुलने त्याच्या कसोटी कारकिर्दीतील 19 वे अर्धशतक 141 चेंडूत पूर्ण केले. त्याने गिलसोबत 116 धावांची भागीदारी केली आहे. भारत आता इंग्लंडपेक्षा 194 धावांनी मागे आहे.

26/07/2025 22:47:27

गिल आणि राहुल यांच्यात शतकी भागीदारी

गिल आणि राहुल यांच्यात शतकी भागीदारी झाली आहे. दोघेही चांगल्या फॉर्ममध्ये दिसत आहेत. भारत इंग्लंडपेक्षा 207 धावांनी मागे आहे. त्यांनी दोन विकेटसाठी 104 धावा केल्या आहेत.

26/07/2025 20:19:35

दुसऱ्या सत्राचा खेळ संपला

दुसऱ्या सत्राचा खेळ संपला आहे. टीम इंडियाचा स्कोअर दोन विकेटसाठी 86 धावांवर पोहोचला आहे. भारत अजूनही 230 धावांनी मागे आहे.

26/07/2025 20:15:49

शुभमन गिलने ठोकले अर्धशतक

शुभमन गिलने 77 चेंडूत त्याच्या कसोटी कारकिर्दीतील आठवे अर्धशतक पूर्ण केले आहे. तो सध्या उत्तम फॉर्ममध्ये दिसत आहे.

26/07/2025 20:13:20

राहुलसोबत 80+ धावांची भागीदारी; भारत इंग्लंडपेक्षा 220+ धावांनी मागे

टीम इंडियाचा स्कोअर दोन विकेटसाठी 81 धावांवर पोहोचला आहे. केएल राहुल आणि शुभमन गिल यांनी 151 चेंडूत 81 धावांची भागीदारी केली आहे. भारताचा स्कोअर 2 विकेटसाठी 81 धावांवर आहे. शुभमन गिल 72 चेंडूत 8 चौकारांसह 49 धावांवर आहे. केएल राहुल 83 चेंडूत 2 चौकारांसह 28 धावांवर आहे. भारत अजूनही 230 धावांनी मागे आहे.

26/07/2025 17:48:45

पहिल्या सत्राचा खेळ संपला

पहिल्या सत्राचा खेळ संपला आहे. भारत आता इंग्लंडपेक्षा 310 धावांनी मागे आहे. ख्रिस वोक्सने भारताला दोन धक्के दिले. त्याने यशस्वी जैस्वाल आणि साई सुदर्शन यांचे विकेट घेतली. सध्या शुभमन गिल आणि केएल राहुल क्रीजवर आहेत. 

26/07/2025 17:27:32

दुसऱ्या डावात पहिल्याच षटकात भारताला शून्य धावांवर 2 धक्के, जैस्वाल, सुदर्शन आले अन् पॅव्हेलियनमध्ये गेले

दुसऱ्या डावाच्या पहिल्याच षटकात भारताला दोन धक्के सहन करावे लागले. ख्रिस वोक्सने प्रथम यशस्वी जैस्वालची विकेट घेतली. त्यानंतर त्याने साई सुदर्शनला पॅव्हेलियनमध्ये पाठवले. आता शुभमन गिल केएल राहुलला साथ देण्यासाठी आला आहे. भारताने शून्य धावांवर दोन धक्के गमावले आहेत.

26/07/2025 17:17:32

इंग्लंडचा पहिला डाव 669 धावांवर आटोपला, रूट अन् स्टोक्सचे शतक; जडेजाचा विकेटचा 'चौकार', जाणून घ्या प्रत्येक अपडेट

इंग्लंडचा पहिला डाव 669 धावांवर संपुष्टात आला. अशाप्रकारे, यजमान संघाने भारतावर 331 धावांची आघाडी घेतली. पाहुण्या संघाने पहिल्या डावात 10 विकेट गमावून 358 धावा केल्या होत्या. इंग्लंडकडून जो रूट आणि बेन स्टोक्सने पहिल्या डावात शतके झळकावली. त्याच वेळी भारताकडून रवींद्र जडेजाने चार विकेट घेतल्या.

चौथ्या दिवसाचा खेळ सात विकेट गमावून 544 धावांनी सुरू झाला. इंग्लंडने पहिल्या सत्रात 125 धावा केल्या. यादरम्यान, बेन स्टोक्सने 198 चेंडूत 141 धावांची शानदार खेळी केली. त्याच्या बॅटमधून 11 चौकार आणि तीन षटकार निघाले. त्याने नवव्या विकेटसाठी ब्रायडन कार्सेसोबत 97 चेंडूत 95 धावांची भागीदारी केली. त्याआधी, जसप्रीत बुमराहने लियाम डॉसनला बाद केले. तो 26 धावा काढून बाद झाला.

26/07/2025 16:23:48

इंग्लंडचा कर्णधार बेन स्टोक्सने ठोकले शतक, टीम इंडियाच्या अडचणी वाढल्या, जाणून घ्या प्रत्येक अपडेट

इंग्लंडचा कर्णधार बेन स्टोक्सने 165 चेंडूत त्याच्या कसोटी कारकिर्दीतील 14 वे शतक पूर्ण केले. त्याला साथ देण्यासाठी ब्रायडन कार्स (13) क्रीजवर उपस्थित आहे. इंग्लंडने भारतावर 235 धावांची आघाडी घेतली आहे. धावसंख्या आठ विकेटच्या मोबदल्यात 596 धावांवर पोहोचली आहे.

26/07/2025 16:09:14

बुमराहने इंग्लंडला दिला मोठा धक्का!

जसप्रीत बुमराहने टीम इंडियाला आठवे यश मिळवून दिले आहे. बुमराहने लियाम डॉसनला 26 धावांवर बाद केले. इंग्लंडची आघाडी 210 धावांवर पोहोचली आहे. बेन स्टोक्स त्याच्या शतकाच्या जवळ आहे.

26/07/2025 15:33:45

आज टीम इंडियासाठी कठीण दिवस, मँचेस्टरमध्ये पाऊस देणार दिलासा? जाणून घ्या प्रत्येक

मँचेस्टर कसोटी सामन्याचा चौथा दिवस सुरू होण्यापूर्वीच मुसळधार पाऊस पडला. याचा पहिल्या सत्रातील खेळावर परिणाम होऊ शकतो.